اتي حياتي الحلقة (6)
في بيت الجدة كانوا يحضروا الفطار وسمعوا مره واحده صوت اغاني افراح شغاله بصوت عالي اوي في الشارع
ايمان بستغرب : مين اللي مشغل الاغاني الصبح بدري كده
سناء : شكله فرح يمكن في حد هيتجوز من الجيران
الجدة : ياترى مين اللي هيتجوز وليه معزموناش
مني : حتي لو فرحه يشغله اغاني عالية من بدري كده
فريد بابتسامه : دا فيه ناس يفضلوا كده بتلات ايام ربنا يستر وما يكوناش منهم
فؤاد بضحك : تلات ايام دا انا من خمس دقايق صدعت
وهو بيتكلمه يدخل فاروق وهو مخنوق ومضايق
الجدة باستغراب : مالك يافاروق زعلان ليه
فاروق : ما فيش يا ماما مصدع بس
فؤاد بضحك : لحقتي دا فريد بيقول ممكن يعقده تلات ايام
ايمان : هو مين اللي بيتجوز من الجيران يا فاروق
الكل يبص لفاروق اللي قعد سكت وبصص لطبق ومبيتكلمش
الجدة باستغراب : واد يا فاروق مبتردش ليه مين اللي هيتجوز ومشغلين الاغاني دي
فاروق يبلع ريقه ويقول : سليم
الكل بصله باستغراب وصدمه
مني : سليم مين
فاروق يتنهد : سليم يا مني هو فيه غيره هو اللي بيتجوز وفي ناس عمله تعلق انور علي بيتهم وحطط بلون كبير قدم البيت وكتب عليه كتب كتاب سليم واميره ومشغل اغاني زي ما انتي سامعه
الجدة بضيق : دا قصدها بقي
الكل يعقد ساكت ومش عارفين يقوله ايه وكل واحد قعد علي كرسيه ومبيتكلمش
لين صحيه وصلاة وغيرت لبسها وخرجت لقيت الكل قعد علي الفطار
لين بابتسامه : صباح الخير عليكم جميعا
الكل يبصلها بنظرات كلها قلق وخوف : صباح النور
لين تستغرب شكلهم ونظرتهم فتعقد علي كورسيها و تلقيهم كلهم سكتين مبيتكلموش زي عوايدهم فتقرب من سها وتشويشها
لين بصوة واطي : هو فيه ايه
سها تبصلها بارتباك وترسم ابتسامه : ما فيش
لين ترجع تعقد عدل وتبدأ تأكل بس مستغربه الصمت اللي حاوليها
لين بابتسامه : امل هو فين
سناء : رامي عنده شغال في المستشفى ياحبيبتي
لين بابتسامه : انا مش بسأل علي رامي انا عرفه انه في شغله
ايمان : امل بتسالي علي مين
لين بضحك : علي سند الحنك اللي اكلتوا
الكل بصلها وضحكوا... ومره واحده صوت الاغاني رجع وعالي اكتر بأغنيه يا بتاع النعنع يا منعنع
لين بضحك : منعنع... هو مين اللي مشغل الاغاني دي علي الصبح كده هو في فرح ولا ايه
الكل يبصه لبعضهم ويبصلها ويسكتوه فلين تستغرب اكتر
لين : هااااا يا بشر نحن هنا مالكم كده
مني بابتسامه : مالنا يا لين ما احنا كويسين اهو
لين : طيب مش بتكلمه ليه ومحدش بيرد عليه فرح مين دا
فؤاد بهدوء : فرح سليم يالين
لين كانت بتأكل بصت لهم باستغراب : فرح سليم !
فريد : ايوه يا بنتي فرح سليم
لين سكتت شويه و رفعت حواجبها باستغراب : ربنا يسعده
وترجع تفطر بس كل ما ترفع نظرها تلقي الكل بيبص عليها فضايقت من نظرتهم
لين وهي بتقوم : انا شبعت
مني بخوف : ريحه فين
لين تبصلها باستغراب من الخوف اللي شايفه في عينها : ريحه اوضتي هشتغل شويه في حاجه
مني بقلق : لا يا حبيبتي ما فيش بطمن عليكي
لين : اوكي
وتسيبهم وتدخل اوضتها
وفي بيت سليم
شروق بضيق : شايفه عمايل اخوكي الاغاني ماليا الشارع من الصبح زي ما يكون عاوز يكدها ويغظها
مروه بابتسامه : حتي لو هو عاوز يغظها انت قولتي لما قبلتيها انها نسيتوا وبتحب رامي يعني كل تصرفاته دي ولا هتفرق معها هو عمل يكيد ويغيظ في نفسه مش فيها
شروق بتنهد : يارب عدي اليوم دا علي خير
سليم وقف في الجنينة وسط العمال اللي يجهزوا الجنينة ويعلقوا النور بس هو مش معهم وقف وعينه علي بلكونه لين وبتمني تخرج وتقف فيها ويشوفها امجد شافوا وحس بيه فقرب منه
امجد بابتسامه : ايه يا عريس مش هنروح تظبط نفسك كده وتجهز
سليم يتنهد ويبصله : ملوش لازوم هبقي البس واظبط نفسي هنا
امجد بتصميم : ايه يا عم انت... يلا قدمي انا حجزت لنا وهنروح انا وانت نتظبط ( يغمر له ) يلا يا عم عاوز اروق الليلة ممكن يكون فيها موزز كده ولا كده اصل انا بفكر اتجوز علي اختك
سليم يرفع حجبه ويبصله : بتقول ايه ياض انت
امجد يتصنع الخوف : بقول هتظبط لأختك احسن انا مقصر معها ( ويذقه ) قدمي يا عم هتودينا في داهيه
ويروح سليم مع امجد
في المستشفى دينا قعده مع سمر الممرضة في مكتبها
سمر : شكله كده يا دكتوره بيحبها اوي ومش هتعرفي توقعيه
دينا بضيق : مش عارفه اعمل ايه بقالي سنتين بحاول اخليه يشوفني وهو ولا هنا
سمر : ما تناغشيه يا دكتوره
دينا : ناغشه ازي يعني
سمر تقرب منها : انتم كل كلامك مع بعض شغل كلام رسمي يعني وعلي طول شيفك بالبالطو الابيض فانتي شيلي شويه من الحواجز اللي بينكم واهتمي خديله كل شويه عصير ووقت الغدا خديله اكل وأتغدى معه اتكلمي في حاجات غير الشغل معه خليه مروح مره وقولي ليه يوصلك كده يعني وواحده واحد تجريه لناحيتك
دينا بابتسامه : حلو دا نجرب لما نشوف اخرتها
ونروح دبي لطارق ويدخل عامر مكتبه وطارق كان مشغول في الصفقة اللي اورقها قدمه
عامر : مستر طارق
طارق : خير يا عامر
عامر : المهندس سليم هيتجوز النهارده
طارق ساب الورقة اللي في ايده وبصله : هيتجوز!.. ازي يعني
عامر : كتب كتابه النهارده بعد المغرب
طارق بغضب وزعيق : ولما هو هيتجوز طلب يشتغل معها ليه ومين دي اللي اتجوزها
عامر : الاخبار اللي عندي بتقول انه خطب اخت صاحبه مهندسه ديكور خطبها من يومين وهيكتبه كتابه النهارده ويجبها معه وهو جي وهتشغل معه هنا طلع ليه عقد النهارده من مكتب ابو صقر بتعينها
طارق يرجع ظهره لورا : الموضوع دا فيه سر بس هيبان لما يجي وهنعرف سليم بيفكر في ايه بس يارب ما بيبوظ الدنيا بغبائه( ويبص لعامر) والدكتورة اللي شغاله مع رامي عرفت عنها حاجه
عامر : حطها عينها علي دكتور رامي وبتحاول توصله بقالها فتره ومن يوم ما عرفت انه اتجوز وهي هتجنن وبتفضل تكلم مع الممرضة المسؤولة عن مكتب دكتور رامي وبيقعدوا كتير لوحديهم الجارد اللي بيرقب عمل صداقه مع الممرضة وعرف منها ان دينا بتحب رامي وعاوزه تجوزه باي شكل
طارق بتفكير : كويس اوي نسيبها ونشوف هتعمل ايه ولو معرفتش تعمل حاجه نساعدها
في الكويت ام طلال قعده معه وبتشكيله من شوشو وحكيت ليه علي كل اللي حصل بين شوشو وغزال
طلال بضيق : متزعليش يا غاليه انا هتصرف مع شوشو بس كمان غزال غلطانه
ام طلال : غلطانه انا بتنصحهم وخايفه عليهم
طلال يقرب منها ويضمها بأيده : ياامي لين طول عمرها وسطنا ومعنا من وهي صغيره واحنا نعتبرها واحده منا مش معني ان ربنا اختباره بمرض او ظروف صعبه ان احنا نقسي عليها ونظلمها احنا لازم نقف معها
ام طلال : يابني الله يعلم انا بحب لين بس الحسد مذكور ومش عندي اغلي منكم ومن عيالكم وانا خايفه عليكم وعلي عيالكم وبيتكم ريح قلبي طلال خلي مراتك لو عاوزه تقابلها يبقي بره بعيد عن البيت وعن الولاد ريح قلب امك يابني
طلال يتنهد بحزن : حاضر يا غاليه ال تشوفيه
ويطلع طلال جناحه ويدخل ويقعد فشوشو تعرف انه عرف الحصل ومضايق
شوشو بقلق : مالك طلال
طلال بص ليها بضيق : قعدي عائشة
شوشو لما سمعته بيقول عائشة عرفت انه غضبان جدا عليها
شوشو بخوف : طلال انااسفه والله انا عرفه اني غلطت مكنش المفروض ازعق قدم خالتي بس غزال قالت كلام ضايقني مستحملتش
طلال يتنهد بضيق : كويس انك اعترفتي بغلطك واعتذارك دا هيكون لأمي وتبوسي راسها وبعد كده لما تسمعي كلام معجبكيش تطلعي جناحك وتقفلي عليكي مش تقفي تتخانقي وتطردي اختي وقدم امي
شوشو : ياطلال انت عارف غزال وطريقتها وبجد النهارده مستحملتش الكلام اللي بتقوله علي لين
طلال بضيق : انا عارف انتي بتحبي لين قد ايه وغزال غلطت بس دا ميخلكيش انتي كمان تغلطي ( ويبصلها) الحصل مش هيتكرر تاني شوشو مفهوم
شوشو بضيق : حاضر طلال ( وتقوم تقف) وانا هنزل اعتذر لخالتي دلوقتي
طلال :استني في موضوع تاني عاوزك فيه
شوشو تبص ليه باهتمام فطلال يبصلها وهو مضايق
طلال : لما تحبي تتقابلي مع اصحابك تقابلوا بره البيت بلاش يجو هنا
شوشو بصدمه بصتله : طلال انت عاوزني ابعد عن لين انت صدقت كلام غزال وتمنع لين تدخل البيت
طلال بضيق : لا طبعا ما صدقتش انا عارف لين كويس ولين غاليه عندي زي ما هي غاليه عندك واكتر لين طول عمري بعتبرها اختي الصغيرة وصديقتي انا بقولك بلاش تخليها تيجي البيت خوف عليها هي لان للأسف امي مصدقه كلام غزال وتقابلها وحش ودا هيجرح لين ويزعلها وفي سبب تاني كمان اهم
شوشو : ايه هو السبب التاني
طلال بغضب : مش عاوزها تيجي هنا و عدي يشوفها لحد ما تجوز هي ورامي
شوشو باستغراب : ليه
طلال يغمض عينه بضيق : لأنه بيحبها
شوشو كانت بتسمع كلامه وهي مصدومة ومش مصدقها اللي سمعته
ونروح لسليم اللي واقف قدام المراية بيجهز بس كل ملامحه حزن وضيق ودخلت عليه مروه وشروق اللي حاوله يضحكوا
شروق : بسم الله ما شاء الله قمر يا سليم
سليم بابتسامه : انتي اول مره تعرفي ولا ايه طول عمري يا بنتي
شروق بغيظ : ياعم روح دا انا بجملك عشان عريس بس
مروه بابتسامه : ربنا يتملك علي خير ياسليم اميره جميله وطيبه وشكلها بتحبك خالي بالك منها
سليم ينفخ بضيق: ان شاء الله يلا انا هروح اجيبهم مين هيجي معايه
شروق : انا هفضل انا وامجد عشان نستقبل الناس
مروه : وانا هجي معك يا حبيبي
ويخرج سليم ومروه وشروق من الاوضه ويسالم علي عماهم واهله اللي كانوا وصله ويستقبله بزغاريد ويخرج عشان يركب عربيته بس قبل ما يركب وقف يبص علي بيت لين وكله الم وحزن
مروه بحزن لحاله :يلا ياسليم اركب
سليم يتنهد ويركب ويمشي بلعربيه ويروح مركز التجميل اللي فيه اميره ويقابل عماد واقف قدمه مع شويه من اهلو فيروح ويسلم عليهم
عماد بابتسامه بس جوها قلق : مبروك يا سليم
سليم : الله يبارك فيك يا عمده عقبال ولادك
وتخرج هبه وتنادي علي سليم وعماد عشان يدخله يأخذه اميره يدخل سليم وهو مضيق وخايف وندمان ويوصل لعند اميره ويتنح
اميره كانت فعلا اميره بفستانها الابيض وطرحتها فكانت جميله جدا والسعادة ونظرت الحب اللي في عينها نوره وشها وزوده جمالها
مروه بابتسامه لما شافت نظرت سليم اللي اتحولت لإعجاب وانه وقف ساكت وبيبص لأميره
مروه : ايه يا عريس هتفضل ساكت كده يلا خد عروستك
سليم يفوق لنفسه ويرسم ابتسامه علي وشه ويقرب من اميره اللي عينها اتعلقت بيه
سليم : مبروك
اميره بكسوف : الله يبارك لي فيك
سليم سمع كلمة يبارك لي فيك بص ليها اوي وشاف نظرت الحب في عينها بس بسرعه قال لنفسه
( متوهماش نفسك يا سليم وفوق هي تجوزتك عشان تسافر وتجيب فلوس وانت اجوزتها عشان ترجع لين ) ويفوق علي صوت عماد
عماد يقرب منه بابتسامه :ايه يا عم هتفضل سرحان كده كتير يلا نمشي المأذون زمانه وصل
ويمشي سليم ويركب عربيته وجمبه اميره ومروه ركبت مع عماد وهبه عشان تسيبهم لوحدهم بس سليم يفضل ساكت مش بيتكلم
اميره بكسوف : ساكت ليه يا سليم
سليم يبصلها : ابدا مركز في الطريق
ويرجع يسكت وبعدين يبصلها : النهارده العقد بتاع شغلك اتمضاء.. وورق السفر كمان جاهز و هنسافر يوم الاتنين الجاي ان شاء الله
اميره بابتسامه : ان شاء الله
سليم يبصلها بضيق : احلمك ابتدأت تتحقق مش كده
طبعا سليم كان يقصد بحلمها السافر و الفلوس و اميره فكره انه بيتكلم علي جوزها منه
اميره بحب : دا اهم واجمل حلم حلمت بيه طول عمري والحمد الله ربنا حققوا ليا
سليم باستهزاء : يااااا لدرجاتي
اميره بابتسامه : واكتر كمان انت متعرفش انا حلمت باليوم دا وتمنيته قد ايه وماكنتش متصوره انه ممكن يتحقق
سليم بصلها بضيق وغضب وكان هيتكلم بس كانوا وصله قدم البيت ووقف بالعربية والكل اتلم حاوليهم فسكت ونزل واخدها ودخلوا للبيت وكان المأذون وصل وبدا كتب الكتاب
سليم كان حزين من جوها وهو بيردد ورا المأذون وعينه كانت متعلقة ببلكونة لين وبتمني انها تخرج منها تمنعه انه يكمل وشروق ومروه وامجد لأحظو نظرته فامجد قرب منه
امجد في ودان سليم : بص لعروستك يا سليم دي المستقبل
سليم لما سمع امجد نزل عينه وبص لأميره اللي كانت لاحظه نظرته وبصيت مكان ما بيبص بس ماتعرفش هو بيبص علي ايه بس حسيت انه حزين ومش مبسوط
وفي الوقت دا كان وصل رامي قدم البيت وأتفاجأه ب الفرح والاغاني وشاف ال بلون اللي قدم البيت وأتفاجأه باسم سليم وعرف انه بيتجوز
رامي لنفسه بصدمه : يابني المجنونة ياسليم
وجوه بيت الجدة الكل قعد ومضايق وخايفين علي لين اللي قعده في اوضتها من الصبح بس الكل سكت ومش قادر يتكلم ومني وسناء بيبصه بحيره وخوف رامي دخل البيت لقي الكل متجمع وقاعد
رامي بابتسامه : سلام عليكم
الكل : وعليكم السلام ورحمه الله وبركاته
سناء بابتسامه وقلق علي ابنها : حمدالله علي سلامتك يا حبيبي
رامي وهو بيبوس راسها وراس جددته : الله يسالمك يا ماما
يقعد ويلقي الكل ساكت وببص ليه ولاحظ ان لين مش موجوده
رامي باستغراب وهو بيدور عليها : هي لين فين
مني بخوف وقلق: في اوضتها يا حبيبي
سناء : اطلع غير وخد شور علي ما نجهز الغدا زمانك جعان وعاوز ترتاح
رامي يقوم يقف : جعان جدا هروح هشوف لين علي ما تجهزوا الغدا وجيبها وجاي نتغدا سوأ
فريد بقلق : ما تطلع يابني تغير الاول وبعدين انزل
رامي بابتسامه : انا غيرت في المستشفى يا بابا
ويمشي ويروح اوضة لين والكل بيبص عليه وبيدعوا ربنا في سرهم
لين كانت قعده مشغولة وعمله ترسم فلباب يخبط ويتفتح فترفع عينها تلقي رامي
لين تقوم تقف بابتسامه : حياتي حمدالله علي السلامة جيت امتي
رامي بحب ولهفه يروح لعندها ويحضنها : وحشيني اووووي
لين : وانت اكتر يا حبيبي
رامي بص ليها بحب : قعده في الاوضه لوحدك ليه يا قمر دا كلهم قاعدين بره
لين بضحك: اصل لقيت الكل... عاملين يبصوا ليا نظرات غريبه... فقعدت في اوضتي وقولت اهي فرصه اشتغل
رامي باستغراب : بيبصوا ليكي نظرات غريبه ليه
لين بضحك : اصلهم يا سيدي فاكرين ان خبر جواز سليم هيضايقني (وتلف ايدها علي رقبته بحب) شكلهم لسه مايعرفوش انا بحبك قد ايه
رامي بفرحه وحب ياخذها في حضنه اوي ويبوسها بس لين تكسف وتبعد
لين بكسوف : يلا نطلع نتغدا معهم انا جعانه اوي
رامي بابتسامه : مش قبل ما شوف حبيبتي كانت بترسم ايه ( ويقعد علي السرير وهو ماسك الورق اللي كانت بترسم فيه وهي تعقد جمبه)
لين بابتسامه : دا يا حبيبي تصميم لبيتنا
رامي يبص ليها : انهي بيت فيهم اللي هنا ولا
في فيلا عمي فؤاد
لين بحب : دا تصميم بيتنا السري
رامي يبصلها باستغراب : فين بيتنا السري دا
لين تقوم مربعه علي السرير : هقولك يا قلبي فاكر انا وانت وريهام اختك لما كنا قاعدين في الجنينة قبل فرحها بأسبوع
#فلاش بك
لين ورامي وريهام قاعدين في الجنينة وريهام بتكلم خطيبها في التلفون وفرحانه جدا وبعد ما قفلت
ريهام بصريخ وفرحه : yeas yeas
رامي : مالك يا بنتي
ريهام بفرحه : هنقضي شهر العسل في اروبا زي ما كنت بحلم محمد حجز هنسافر بعد الفرح علي طول هييييييييييييييييي انا فرحانه اوي هروح اقول لماما ( وتجري بسرعه وتسيبهم)
لين بضحك : اخوتك دي مجنونه والله ومش ها تكبري ابدا
رامي بضحك :والله انا ما عارف دي هتجوز وتفتح بيت ازي ( ويبص للين) انتي هتفرحي كده زيها لو هتقضي شهر العسل في اروبا
لين : لا عادي مش لازم اسافر اروبا يعني عشان اكون مبسوطة ممكن اي مكان المهم الشخص اللي هكون معه يعني انا ممكن اقضيه في مصر بس يبقي مكان حلو وهادي
رامي بابتسامه :زي فين كده
لين بتفكير : يعني يكون مكان علي البحر
رامي ب : إسكندرية يعني
لين : تؤ إسكندرية زحمه انا نفسي في مكان يكون هادي ويبقي قدمي بحر ومركب وللإنشات كتير اممممم زي فين كده هقولك
ويسكته هم الاتنين ويفكره وبعد شويه يقوله في صوة واحد
لين ورامي سوأ : ممشي المينا في الغردقة ( ويضحكه الاتنين بصوت عالي)
لين : انا بحب المكان دا اوي هادي وجميل وعلي البحر علي طول
رامي بضحك : انا كمان بحب المكان دا اوي لدرجه اني من ساعة ما شوفته اول مره وانا بحلم لما اشتغل وحوش شويه فلوس كده اشتري شقه هناك عجبتني اوي الشقق اللي هناك صغيره كده وجميله ونظامها حلو ( ويبصلها بحب) تنفع بيت سري اهرب ليه انا وحبيبتي لما نتجوز
لين : ايوه بقي يا سي رامي ياسلام علي الرومانسية طيب و ليه تستني لما تشتغل ما تقول لعمي فريد ويشتري هو شقه هناك
رامي : بقولك بيت سري ليه انا وحبيبتي محدش يعرفوا واللي يروح غيرنا لكن لو بابا اللي اشتراه الكل هيروح هناك ف انا اللي لازم اجيبه بفلوسي عشان يبقي خاص بينا احنا وبس
#بك
لين بابتسامه : ساعتها انت قولت يبقي البيت السري الخاص بينا احنا وبس ( تضحك بحب ) بس انا مفهمتش وقتها انك تقصدني انا وانت
رامي بابتسامه : يااااا انتي فاكره كل كلمه قولتها
لين تكسف وتبصله وتبتسم : انا بقي بقالي فتره بدور علي النت علي مكان هناك النهاردة الحمد الله لقيت واحد عرض شقه ونزل صورها جميله اوي وصغنون علي قدنا احنا وبس عجبني وكلمته واتفقت معه ومن ساعتها وانا قعده برسم تصميم ليه ( وتفتح ايدها) هات بقي حقها يا حبي
رامي يضحك اوي : من اولها هات كده
لين بابتسامه : الله مش انت اللي عاوز تشتريها بفلوسك الخاصة ادفع بقي مليش دعوي انا عاوزها
رامي بابتسامه : حاضر يا حبيبتي انا عينيا ليكي كل اللي انتي عاوزه هجيبه ( ويبصلها) بس انتي ايه اللي فكرك بالموضوع دا
لين بحب : ما لما انت بتغيب عني وتوحشني بلقي نفسي بعقد افتكرك دا انا افتكرت مواقف وحاجات كتير اوي واحلام مشتركه بيني وبينك كنا دايما نتكلم عنها ( وتبصله وتبتسم بحب ) انا مش عارفه انا ازي معرفتش من الاول اني ماينفعش احب ولا اكون مع غيرك انت نصي التاني احنا الاتنين طول عمرنا بنكمل احلام بعض يا رامي
رامي يبصلها اوي بشوق ولهفه ومره واحده يقوم يقف ولين تبص ليه باستغراب وتقوم تقف قدمه
لين : مالك يا رامي وقفت مره واحده ليه كده
رامي وهو بيفك زرا قميصه : بصي بقي يا بنت عم فواد انا قولتلك انا مش هصبر عليك اكتر من كده وبصراحه بقي انا خلاص مش قادر
لين برقت واتخضت وهي شايفه بيفتح قميصه : انت بتعمل ايه يا مجنون اعقل يا رامي
رامي وهو بيقرب منها : هو انتي خليتي فيا عقل
ويقرب بس لين تذقه و تجري وتفتح باب الاوضه وتخرج وهي بتجري وتنادي علي فؤاد
رامي يجري وراها وهو يقفل قميصه : يابنت المجنونة والله مانا سيبك يالين
رامي بيجري وراها ويدخله الصالون وهم بيجري والكل فكرهم بيتخانقوا وقاموا مخضوضين
لين بتجري وتنادي علي فؤاد اللي قام مخضوض وهي راحت استخبت وراه
لين : الحقني يا بابي
فؤاد بقلق : في ايه مالك يا لين
رامي يدخل بيجري وراها بس سالم يمسكه ويوقفه
سالم : اهدي يارامي بس وقولنا حصل ايه
فاروق بضيق يقف قدمه : عاوز ايه يا رامي يتجري وراها ليه
رامي يبص للين بغيظ وهي مستخبيه وراء فؤاد وكتمه ضحكتها : تعالي يا لين احسن لك
فؤاد : هتعمل ليها ايه يعني يا رامي
فريد بغضب : والله يا رامي لو فكرت تيجي جمبها ما حد وقف ليك غيري
لين بصت لعمها بصت حب وامتنان وحست براحه كبيره
سناء بقلق :اهدي بس يابني.. دا اكيد شيطان ودخل بينكم...قولنا بس حصل ايه
لين وهي بتغيظه : اتفضل بقي قولهم لو تقدر
رامي بتحدي : انتي يتحدينني... طب هقولهم
لين تبرق بخوف وكسوف ليقولهم : رامي اعقل وبطل جنان
فريد بغضب : ما تقولوا في ايه و تفهمنا
رامي بصوت عالي : فيه اني عاوز اتجوز دلوقتي عاوز مراتي مش قادر يا ناس هتجنن بينت اللذين
لين تشهق بصوت عالي وتكسف والكل يبصوا لبعض ومره واحده يضحكوا كلهم بصوت عالي
الجدة بضحك : واد يا رامي انت اتهبلت اختشي يا واد
فؤاد يبص لفريد وهو بيضحك : عجبك عميل ابنك... كان هيموتنا
فريد يضحك اوي : انا لو منك اضربه
مني وسناء يتنهدوا براحه ويعقدوا علي الكنبة ويقوله في نفس اللحظة: الحمد الله
رامي وهو بيقرب من لين : بصوا بقي تضربوني تموتوني هتجوزها النهارده يعني هتجوزها النهارده
لين تصرخ وتطلع تجري وهو يجري وراها والكل وقف بيضحك ويتفرجوا عليهم وهم بيلفوا حاولين بعض ولين تخرج من الصالون تجري وهو وراها والكل عمل يضحك
سالم ورشا خرجوا ورهم يتفرجوا عليهم
سالم وقف جمب رشا بيبصوا علي رامي ولين وعاملين يضحكوا سالم يقرب من رشا
سالم بضحك : بت يا رشا ما تيجي نجرب
رشا تبصله وهي بتضحك : نجرب ايه
سالم وهو بصص علي رامي ولين : نحب بعض زيهم
رشا بصتله بصدمه وتنحت وفتحت بقها: هااااا
سالم بصلها لقها فتحه بقها : ايه يا بت هتاكليني ولا ايه
فتكسف وتبص للأرض وهو يرجع يبص علي رامي ولين اللي لسه بيجري وراء بعض وبيضحكوا
رشا وهي بتبصله : موافقة
سالم بيضحك و بصص علي رامي ولين : موافقه على ايه
رشا بابتسامه : نجرب نحب بعض
سالم بصلها بصدمه وتنح وفتح بقه : هااااا
رشا بضحك : ايه يا واد هتاكلني ولا ايه
ومشيت من جمبه وهي بتبتسم ومكسوفه وهو فضل متنح شويه وبيبص عليها ورح مبتسم : هو اللي بنعملوا في الناس هيطلع علينا وال ايه ( ويسكت ويفكر شويه وبعدين يبتسم) بس وماله نجرب
ونروح عند سليم واميره وبعد كتب الكتاب والكل مشي وعماد ساب اميره مع سليم واخواته عشان تتعرف عليهم ان سليم هيوصلها
شروق بابتسامه : مبروك يا عروسه نورتي بيتك
اميره بكسوف : منور بيكم يا شروق
شروق : انا فكره اني شوفتك زمان مرتين تلاته كده لسه فكركي وانتي بنوته صغيره
اميره بضحك : صغيره ايه بس الفرق بنا اربع سنين مش كتير
شروق بضحك : تصدقي صح
الكل قعد يتكلم ومعها ويتعرفوا عليها معاد سليم اللي قاعد سرحان وساكت واميره كل شويه بتبص عليه فمروه لاحظه نظراتها
مروه : سليم مش تقوم تفرج عروستك علي شقتها
سليم يفوق ويبصلها قوي باستغراب : فين شقتها دي
مروه بضيق وتبريقه : مالك يا سليم الفرحة طيرة عقلك ولا ايه شقتك اللي فوق خدها وطلعوا شفوها
سليم يوقف بعصبيه : الشقة الفوق لا ( الكل يبصله واميره تبصله باستغراب) احنا مش هنعقد في الشقة فوق هنبقي نعقد في الشقة دي وبعدين احنا هنسافر دبي ونعيش هناك
اميره بابتسامه : فعلا احنا هنسافر ونعيش هناك ولما ننزل اجازه نبقي نعيش في الشقة هنا كلنا مع بعض ما فيش مشكله
شروق بغيظ : سليم اصله بيحب الشقة دي اصلها فيها ريحه ماما الله يرحمها
اميره تبصلها وتبتسم : الله يرحمها
ويرن تليفون سليم وكان عماد
سليم : ايوه يا عمده
عماد : ايه يا عم فين اخوتي انت مستكتر تسيبها تقعد معايا يومين قبل ما تسافر عاوز تأخذها من دلوقتي رجع اختي ياض يلا
سليم بابتسامه : حاضر يا سيدي شويه ونكون عندك
ويقفل معه ويبص علي اميره
سليم : يلا يا اميره عشان اوصلك عماد بيسأل عليكي
اميره بابتسامه وهي بتقف : حاضر
وتسلم علي مروه وشروق وتمشي مع سليم ال يفضل ساكت طول الطريق وهي بتبصله ونفسها يتكلم معها لحد ما وصله قدم بيت عماد
سليم : جهزي نفسك لسفر ولو في حاجه نقصكي كلميني ننزل نجيبه
اميره : حاضر( وتبصله بكسوف) مش هتطلع شويه معايه احنا مقعدناش نتكلم مع بعض لوحدينا خالص
سليم بضيق: معلش بلاش النهارده اصلي تعبان وما نمتش من يومين عشان التجهيزات اللي كنت بعملها وعاوز انام هبقي اجي مره تانية ونعقد
اميره بابتسامه وحب: ابقي طمني عليك لما تروح
سليم يبص لها وهو مستغرب من نظرتها ليه وكلامها و يهز راسه... بموافقة من غير ما يتكلم وهي تنزل من العربية وتطلع بيتها ويرجع سليم لبيته
وتاني يوم الصبح في بيت الجدة والكل مجمع علي الفطار
سالم بياكل و بيبص لرشا: عمي فريد انا طلب منك ايد رشا
الكل بصله باستغراب وصدمه وسابوا الاكل
رشا تقوم تقف : لا يا سي سالم احنا متفقناش علي كده
سالم يقف قدمها : ايه يا بت انتي مش وافقتي ان احنا نجرب
رشا تحت ايدها في وسطها : نجرب مش خطوبه علي طول كده ياسي سالم
سالم بغيظ : وحياة امك
سناء بضحك : واد يا سالم
سالم بيبص لسناء : لمؤاخذه يا طنط ( ويبص ل رشا) ما نجرب يعني خطوبه يحلوه واللي انتي فاكرني عيل سيس هاخد منك ميعاد وقابلك من ورا اهلك واستناكي علي الناصية لا انسي يا عثل يا نتخاطب يا ما فيش ( ويرجع يقعد ويحط رجل علي رجل) هااااا قولتي ايه موافقه ولا لاء
فريد بضحك : واللي عالي ياسي سالم ما تيجي تقعد مكاني هو انت اللي هتاخد رائيها وانا قعد
سالم ينزل رجله ويبص لفريد : ااااه لمؤاخذه يا عمي ( ويقوم يقف تاني وهو بيكلم نفسه بصوت مسموع لكل ) الواحد مش عارف يتكلم مع الموزة بتاعته الكل وقف لينا علي الكلمة
ويمشي وكل بيضحك عليه وبعد خطوتين يرجع ويبص لرشا
سالم : بت يا رشا هستناكي علي الناصية الساعه5متتاخريش ( ويمشي من قدمهم)
والكل يضحك بصوت عالي ورامي ولين ميتين من الضحك
وقبل ما يخرج رشا بصوت عالي : سالم (فيرجع ويبصلها)
رشا بتسامه : ابقي هات ورد معك وانت جي علي الناصية
سالم يبصلها ويبرق ويتكلم بصوة عالي : ورد من اولها غرامات وطلبات ومصاريف (ويرجع ويقف قدمها ) ايه الورد دا يا رشا شكلوا ايه عرفيني
رشا بضحك : ورد يا سالم من عند الراجل اللي وقف علي الناصية بيبقي لونه احمر كده وخليه يلفه ليك في ورق ازرق عشان يبقي لون اللبس اللي هلبسه وانا جيه اقابلك
سالم بهزار وصوت عالي : ازرق دا انتي اللي نهارك ازرق يا رشا عاوزني انا سالم ابن فايز اقف و اشتري ورد نقص تقولي هات دبدوب لا يا ماما لست انا هذا الرجل ( ويمشي خطوتين ويرجع ليها) قولتي يلفو ب ازرق ( رشا تهز راسها بايوه وهي بتضحك)
سالم : نجيب ورد ومالو ( ويبص لرامي ولين اللي ميتين من الضحك) اضحكوا اضحكوا ما كله منكم انتم الاتنين اشوف فيكم يوم... كشفت راسي ودعيت عليك يارامي يأبن سناء انت ولين بنت مني ما انا كنت بعقلي وقعد جمب ابويا لازم تحبه بعض قدمي وتحركوا مشاعيري اديني ادبست وهجيب ورد
ويمشي ويخرج من البيت والكل عمل يضحك علي كلامه واللي بيعملوا ورشا جريت بسرعه علي اوضتها وهي مكسوفه
فايز بضحك : العيال بياخدها مواعيد قدمنا
فريد بضحك : جيل ما يعلم بيه غير ربنا
الجدة : ربنا يسعدهم يارب ويكملكم علي خير
وتعدي الايام علي لين ورامي بسعادة وحب واشتروا بيتهم السري اللي لين تجهزوا بنفسها ورجع امير ونفين واسلام وسميه وسيلا واحمد لبيت الجدة في المنصورة وحضروا خطوبة سالم ورشا اللي اتولد بينهم حب مجنون زيهم والكل كان فرحان بيهم
سليم لسه عايش في اوهامه وسيب اميره مسألش عنها من يوم كتب كتابهم ورح ليها مره واحده قبل سافرهم عشان يعرفها الميعاد وقالها انه هيفوت عليها عشان ياخذها ويسافروا وقعد يومها مع عماد اللي فضل يوصيه علي اميره
وجيه يوم السافر ورامي كان بيوصل لين المطار هي واسلام وسميه و لين تقعدي معهم بعد تصميم منهم انها تقعد عندهم في فيلاتهم الخاصة اللي في المنتج طول فترة شغلها في دبي ودا طمن رامي عليها وانها مش هتكون لوحدها
ووهم وقفين في المطار دخل سليم ومعه اميره ومروه وشروق وامجد وابنهم اللي مسافرين معهم علي نفس الطيارة سليم اول ما شاف لين ورامي وقفين قرب من اميره ومسك ايدها لأول مره وهي ارتعشت وبصت له بس هو اخدها من ايدها وقرب من لين ورامي اللي كانوا واقفين يحبه في بعض
سليم وهو بصص عليهم بغيره بس رسم ابتسامه علي وشه
سليم : صباح الخير
لين ورامي يبصله باستغراب
رامي بضيق بس يبتسم : صباح النور يا سليم
تقرب منهم شروق بسرعه وتسلم عليهم
شروق : لين ازيك ايه المفاجأة دي
لين بابتسامه : الحمد الله يا روقه انتي مسافره النهارده ولا ايه
سليم يرد قبل ما شروق تكلم : ايوه كلنا مسافرين علي طياره رقم.......... اظن نفس الطيارة اللي مسافره عليها مهي الشركة حجزت لنا سوأ في نفس الميعاد عشان نبدأ شغل
لين تبصله باستغراب : شغل ايه اللي يبدأ
سليم بابتسامه خبيثة : فندق دبي يا بشمهندسة هو انتي متعرفيش اني من ضمن فريق المهندسين اللي هينفذو معاكي الفندق ( ويقرب سليم من اميره ويلف ايده علي وسطها ويبوسها زي رامي ما عمل مع لين يوم ما كانت وقفه مع سليم )
سليم بابتسامه :انا واميره مراتي هنبقي من ضمن فريق المهندسين اللي هيشتغلوا معاكي في تجهيز الفندق
الكل بصله بصدمه وضيق حتي اسلام وسميه و مروه وامجد اللي وقفين بعيد شويه بس سامعين ولين بصت لرامي اللي بصلها في نفس الوقت
وشروق كانت مصدومة لأنها ماكنتش تعرف ان المشروع اللي سليم طلب نقله دبي عشان يشتغل فيه هو المشروع ال لين هتنفذ فتبص لأخوة بغضب وغيظ
اميره بقي اللي فهمت وعرفت ان اللي قدامها دي لين طليقة سليم وان مسكته لأيدها وحضنه ليها دلوقتي عشان يغيظها وبس وعرفت انهم هيشتغلوا مع لين في نفس المشروع فكانت صدمتها اكبر من الكل وبدأت تفهم اللي بيحصل حاوليها وسبب طلب سليم الجوز منها بسرعه دي
