رواية الحب الضائع "الجزء الاول" بقلم|عبدالرحمن احمد

رواية الحب الضائع

الغموض والاثاااارة والاكشن والرومانسية فى مكان واحد

بقلم | عبد الرحمن احمد  

الجزء الاول من الفصل الاول

تأليف : عبدالرحمن احمد
#Abdo
__________________________
فى شقة فاخرة فى احد الابراج الكبيرة الشرطة تملأ المكان وصحفيين يصورون الذى يحدث وهناك جثة غارقة فى دمائها على الارض وكثير من ظباط الشرطة يتواجدون حولها ويتجولون فى المكان ويأخذون البصمات من كل ركن من اركان ا
لشقة ويدخل الرائد محمد ادهم السيوفى وكل الظباط يقدمون له التحية فى احترام ويأتى ظابط كبير ويبدأ الحديث مع الرائد محمد ادهم
الظابط :احنا رفعنا كل البصمات من المكان يا فندم بس حضرتك تفتكر دى جريمة قتل ولا انتحار ؟
محمد :واضح انها جريمة قتل بس عايزك تاخد اقوال كل السكان اللى هنا واهم من ده فين البواب بتاع البرج ده
الظابط :هناك اهو ممكن حضرتك تروح تتكلم معاه لو عايز
محمد :خلاص ماشى شوف بس شغلك وزى ما قولتلك
الظابط :تمام يا فندم
"يذهب الرائد محمد ادهم بأتجاه بواب العمارة ويبدأ معه الكلام"
محمد :قولى بقا يا عم شريف اية اللى حصل امبارح بليل ومين جه للقتيل
شريف: والله يا باشا محدش دخل ل سامح بيه امبارح خالص هو اصلا بقالو يومين مبيخرجش من البيت وحالته كانت وحشة
محمد :ايوة بقاااا حالته كانت وحشة ليييية!!
شريف :والله ما اعرف يا باشا بس كل اللى فاكره انه من يومين كان جاى متعصب واعصابه وحشة خالص ولما كلمته زعقلى جامد وطلع على الشقة وكنت مستغرب لانه كان طيب اوى وكان بيعامل اي حد كويس حتى انا بس اليوم ده مكنش فى حالته واضح ان حاجة كبيرة حصلتله بس صدقنى يا باشا انا معرفش حاجة عن الموضوع ده
محمد :امممممم طب متعرفش حد كان بيجيله كتير الفترة اللى فاتت يعنى من اسبوعين او اسبوع او شهر ؟
شريف : لا يا باشا محدش كان بيجيله الا معظم صحابه اللى معاه فى الجامعة ودول صحابه وهو المفروض فى اخر سنة ليه فى الجامعة وسمعت انه خطب وكان ناوى يتجوز بعد ما يخلص جامعة
محمد : خلاص يا عم شريف اتفضل انت وهنبقى نطلبك تانى فى القسم ناخد اقوالك دى وتكون افتكرت حاجة كدا ولا كدا
شريف بقلق : حاضر يا باشا
"يتجول محمد فى الشقة ويرى كل اركانها ويجد غرفة سامح ويدخلها ليجد فيها بعض الصور واغراضه والموبيل الخاص به ،اقترب محمد من الموبيل واخذه واخذ يقلب فيه لعله يجد شيئا لكن لم يجد الا رقما اتصل به قبل مقتله بساعات قليلة ويجد نفسه يتصل بذلك الرقم ويضع الهاتف على اذنه ليرد عليه فتاه ومن تخمين محمد انها خطيبة سامح "
يارا بضيق : ايوة يا سامح مش قولتلك اننا لازم نسيب بعض ،خلاص مش عايزة اشوف وشك ولا اسمع صوتك وبعدين بتتصل لية دلوقتى ومش قولتلى امبارح انك هتنتحر لو انا سبتك والكلام ده كله ازاى بتكلمنى بقا ولا هو كلام وخلاص وبعدين بعد ما خونتنى عمرى ما هرجعلك تانى افهم كدا بقا
محمد فى نفسه : يلاهوى اية الرغى دا كله ،دا انتى رغاية
يارا : مبتردش يعنى !
محمد : الحقيقة انا مش سامح ،معاكى الرائد محمد ادهم السيوفى
يارا بقلق : وحضرتك تعرف سامح منين
محمد : انا معرفهوش بس انا دلوقتى فى شقته وسامح مقتول او انتحر ،الله اعلم بس لسة بنعمل تحرياتنا
يارا بصدمة : اية سامح مااات؟؟
محمد : لاسف ايوة ،انا اسف لو بقول لحضرتك بس لازم تعرفى علشان تعرفى اهله وتعرفى
يارا بعياط : انا جاية دلوقتى وتغلق المكالمة
محمد لنفسه : مش عارف ليه حاسس ان فيه حاجة غريبة فى الموضوع بس هعرف
"يخرج محمد من الغرفة ويتجول ويأتى اليه الظابط"
الظابط : احنا خدنا كل البصمات وعملنا استدعاء لكل السكان اللى هنا علشان حضرتك تاخد اقوالهم
محمد : ماشى خدو الجثة على المشرحة وشمع الشقة واقفلوها انا همشى دلوقتى الظابط : تمام يا فندم
______________________________________________________________________________
تعريف ب محمد
اسمه بالكامل محمد ادهم السيوفى ،خريج كلية الشرطة ومجموعه فى الثانوية كان عالى جدا لكن دخل كلية الشرطة لانه بيحبها وكان نفسه يطلع ظابط من وهو صغير وفعلا دخلها واترقى وبقا معروف بكفائته فى الداخليه وهو سنه صغير ومحمد عنده 25 سنه
من عيلة كبيرة جدا ووالده رجل اعمال كبير جدا وملياردير وعنده شركات كبيرة ،محمد غير انه ظابط شركة هو شاب وسيم جدا ولبسه كله شيك ودا اللى مخلى لية معجبات كتير لكن هو مش مهتم واهم حاجة عنده شغله ووالدته متوفيه وعنده اخت وحيدة واصغر منه ب ثلاث سنوات وهو يعتبر اخوها الكبير وابوها كمان لا والدهم علطول مشغول فى شغله وكل يوم يسافر ومشغول بشركاته
______________________________________________________________________________
"فى منزل فاخر فى القاهرة "
يارا قاعدة بتعيط جامد وفاتحة البوم صورها مع سامح وبتقلب فيها وكل صورة بتشوفها عياطها بيزيد اكتر وبتكلم نفسها : معقول يا سامح تكون انتحرت ولا اتقتلت زى ما الظابط قال
بس هتتقتل ازاى انت طيب جدا ومحدش ليه عداوة معاك وبردوا انتحرت ازاى دا انت عاقل ومتدين وعمرك ما تعمل كدا
بجد انا هتجنن ،ازاى تموت ،ايوة انا كنت مش هكلمك لكن كان عندى امل ترجعلى تانى وتعتذر وتعيط وتقول بس خلاص مش هشوفك تانى ،بحبك يا سامح وهفضل احبك حتى بعد ما مت
"فجأة باب اوضتها يخبط وتدخل والدتها "
ناهد : يابنتى غلط اللى بتعملية فى نفسك ده انتى بقالك يومين مش بتاكلى ولا بتبطلى عياط
يارا ببكاء : مش قادرة يا ماما ،احنا كنا دى اخر سنة لينا وهنتجوز فجأة كده يموت ،ازااى؟
ناهد : يابنتى ده قدر ربنا وربنا عايز كده هتعترضى
يارا : ونعم بالله بس انا مش مستحملة خالص يا ماما وكمان الظابط كلمنى وعايز يستجوبنى وانا مش عايزة اروح
ناهد : لازم تروحى يا حبيبتى علشان نفهم اللى حصله وبعدين ميشكوش فى حاجة انك مش عايزة تروحى
يارا : حاضر يا ماما انا هقوم اخد شاور واروح
ناهد : ماشى يا حبيبتى ربنا معاكى
_____________________________________________________________________________
"تعريف ب يارا"
يارا فتاه فى الثانية والعشرون من عمرها ،شعرها اسود لامع وعينها زرقاء وفتاه جميلة جدا وكثير من شباب جامعتها يتمنو انها تكلم حد منهم او ترد عليهم لكن هى كانت بتحب حد واحد بس هو سامح وكانوا المفروض هيتجوزوا بعد السنة دى لانها اخر سنة ،يارا وحيدة والدها ومامتها ومن عيلة غنية نسبيا
______________________________________________________________________________
"فى مدرية امن القاهرة "
محمد : وصلت لأية يا جمال فى اللى قولتلك عليه
جمال : جبت كل المعلومات يا باشا عنه كلها بس مش هتساعد
محمد بضيق : فيها اية يعنى المعلومات دى
جمال :كلها بتقول انه غلبان جدا وماشى جمب الحيط ومش ممكن يكون لية اعداء
محمد بزهق : يعنى انتحار مش قتل
جمال : يا فندم كل الناس اللى خدت منهم المعلومات بيقولو انه عاقل وقريب من ربنا وعمره ماينتحر
محمد بجدية : عموما اما نشوف تقرير الطبيب الشرعى وناخد اقوال السنيورة خطيبته دى
جمال : طب انا همشى بقا واول ما خطيبته تيجى هبلغك
محمد : ماشى
"فى اللحظة دى يخش العسكرى ويقول :الانسة يارا احمد برا يا فندم
محمد :خليها تدخل
العسكرى :حاضر يا فندم
"تدخل يارا الفتاه الجميلة الساحرة ويقف محمد لانه مكنش يتوقع انها جميلة كدا وكمان محجبة وباين عليها الاحترام وكمان الحزن والكسوف
"
محمد : اتفضلى يا انسة يارا
يارا بخجل وحزن : حاضر
محمد بجدية : عايزك تحكيلى على كل حاجة بقا من ساعة ما عرفتى سامح لحد دلوقتى
يارا بحزن : ودا هيفيد بأية
محمد بجدية : يمكن يغير من مجرى القضية ونوصل لحاجة
يارا بحزن : حاضر وتبدأ تحكى

flash back

يارا لزميلتها ملك : بصى بقا انا زهقت والامتحانات قربت وانا لسة مش فاهمة المادة دى
ملك بهزار : والله انا كمان مش فهماهة بس تعالى للبت مى دى دحيحة وهتفهمهلنا واحدة واحدة
يارا بترفع حاجبها وتبتسم : تصدقى فكرة يلا بينا
ملك : طب لما تنزل علشان هى بتحضر محاضرة زيادة النهاردة ،بصى عقبال ما تنزل روحى هاتلنا حاجة نشربها
يارا بهزار : طول عمرك همك على بطنك
ملك بزعيق :قومى يابت بلاش رخامة
يارا بضحك : حاضر
"تقوم يارا وتروح وبالصدفة تخبط فى شاب وسيم وباين عليه الوقار وكان شايل كوب عصير ولكن لما يارا تخبط فيه تقلب الكوباية على التيشيرت "
يارا بكسوف : اسفة مكنتش اقصد
الشاب بعصبية : التيشيرت ابيض ودلوقتى بقا لون تانى وتقولى اسفة
يارا بحزن : والله مكنتش اقصد
سامح بتماك اعصاب :خلاص مفيش حاجة
يارا بجدية : يعنى مش زعلان
سامح بابتسامة : لا مش زعلان
يارا :طب بعد ازنك ،وتمشى
سامح يفضل باصص ليها كتير ومبتسم وبعدين يعود لوعيه ويركب عربيته ويروح علشان يغير التيشيرت
ويارا تروح لملك وتحكيلها اللى حصل

back

يارا بحزن : دى كانت اول معرفتى بية وتانى مرة عزمنى على عصير وبدأنا نتعرف ومرة ورا مرة اعترفلى بحبه وقالى احدد معاد مع بابى علشان يجى يتقدملى وفعلا اتقدملى واتخطبنا وحددنا موعد الجواز بعد السنة دى لكن حصل اللى حصل،وتنزل دمعة من عنيها
محمد بحزن : انا اسف لو فكرتك بس دى اجراءات ولازم تتعمل علشان نوصل للى قتل سامح
يارا بحدة : سامح ازاى يتقتل وهو ملوش اعداء
محمد بجدية : معرفش بس صدقينى هعرف ولما محمد ادهم يحط حاجة فى دماغه بيجيبها ويبص ل يارا بنص عين
يارا بقلق : قصدك اية وبعدين بتبصلى كدا لين
محمد بشك : لا مفيش بس بردو صدقينى هعرف القضية دى واكيد فيه الغاز كتيرة وهحلها
يارا بشك من كلامه : طب عن ازنك ممكن امشى
محمد بابتسامة : اتفضلى
"يارا تقوم وتخرج "
جمال بنص عين : محمد باشا انت شاكك فيها ؟
محمد : مش عارف،بس عندى احساس ان ليها ايد فى الموضوع
جمال :قصدك هى اللى قتلته
محمد بشك : ممكن بس مش قبل ما اوصل لحاجة
جمال : يعنى اية اوامرك دلوقتى
محمد : حطلى يارا تحت المراقبة ومتغفلش عن عنيكوا
جمال : حاضر يا فندم ،اى اوامر تانى
محمد بجدية : لا تقدر تمشى دلوقتى وانا بردو هروح علشان اطمن على اختى واقابل بابا
جمال بابتسامة : ماشى يا فندم
_____________________________________________________________________________
محمد ينزل ويركب عربيته ويروح على الفيلا بتاعته
ويوصل ويخش الفيلا وينادى بصوت عالى : ياااااا ملك
وينادى تانى : انتى يابنتى روحتى فين
تنزل فتاه من اعلى جميلة وترد :ياااااااه اخيرا افتكرت ان ليك اخت تسأل عليها يا ندل
محمد بضحك : والله غصب عنى وانتى عارفة شغلى بياخد كل وقتى
ملك بنص عين : شغل بردو
محمد بأستغراب : ايوة شغل بس ،انتى اللى عارفة
ملك بهزار : لولا انى عرفاك كنت قولت حاجة تانية
محمد بجدية : وبعدين اية اخيراا افتكرت ان ليك اخت ،مانتى قاعدة معايا فى الفيلا وبنشوف بعض
ملك بجدية : انا بصحى بدرى اروح الجامعة وانت بتروح الشغل وبتيجى تتغدى قبل ما انا اجى وتنام وانا باجى اذاكر وانام يعتبر يوم الخميس ده اللى بشوفك فيه علشان مش بيبقى عندى محاضرات كتير وباجى بدرى
محمد بهزار : فيه اشاعة انك هتعملى الاكل النهاردة بأيدك
ملك بفخر : ايوة ،ليك الفخر انك تاكل من ايد اختك
محمد بهزار : فخر هههههه ربنا يستر
ملك بجدية : اتصل بس ببابا علشان يجى عقبال ما اخلص الاكل علشان مش بنشوفه غير يوم فى الاسبوع من شغله
محمد بهزار : حاضر يا طباخة هانم
ملك بغضب : غور من هنا بقا
محمد بضحك : حاضر

...
محمد : الو ايوة يا بابا
ادهم : ازيك يا محمد
محمد بجديه : الحمدلله يا بابا وبعدين خلاص محدش بقا يشوفك خالص كدا
ادهم بجدية : الشغل والله يا محمد وكمان الشركات انا اللى بتابعها
محمد بهزار : طب اعمل حسابك بقا تيجى وتسيبك من الشغل ده علشان ملك هتعمل الاكل بأديها النهاردة
ادهم بهزار : هههههه ملك بجد تعمل اكل دى ممكن تجبلنا تسمم
محمد بهزار : ما انا وحضرتك هنروح نعمل غسيل معدة بعد الاكل بس تعالى بس
ادهم بضحك : ماشى نص ساعة واكون عندك
محمد : تيجى بالسلامة ،يلا مع السلامة
ادهم : مع السلامة

__________________________________
وجدى : يابنتى لازم تنسى بقا وتروحى جامعتك علشان الامتحانات فاضلها شهرين
يارا بحزن : حاضر يا بابا بس حكاية انى انساه مش هقدر
وجدى بجدية : يا يارا يا حبيبتى لما حاجة تحصل فى الحياه والحاجة دى تسببلنا حزن وتخلينا منقدرش نستحمل ،الحاجة دى الحياه مش هتقف علشانها ،كل حاجة بتحصل ده قدرها وليها وقت والحياه هتمشى عادى المهم اننا منديش للحاجة دى حجمها علشان متسيطرش علينا ونحاول ننساها حتى لو اقرب حد ليكى مات حتى لو انا جيت فى يوم مت هتحزنى شوية بس هتنسى
يارا بجدية : بعد الشر عليك يا بابا متقولش كدا
وجدى بهزار : طب عايز اشوف يارا حبيبتى اللى الضحكة مكنتش بتفارقها
يارا بأبتسامه : حاضر يا بابا
وجدى بحب : يحضرلك الخير يا حبيبتى ، اه صح افتحى موبيلك علشان اكيد زمايلك بيتصلو بيكى وانتى قافلاه من يومين وكمان من بكرا تروحى الجامعة
يارا بجدية : حاضر يا بابا

_________________________________
محمد : نورت بيتك يا بابا
ادهم : بنورك انت واختك يا محمد
محمد بهزار : يلا اجهز علشان الوليمة اللى ملك فضحانا عليها
ادهم بهزار : ربنا يستر
ملك تخش وتقول : ايها السادات والسادة الاكل جهز
محمد بضحك : انتى عامله هوليلة على الاكل اللى عاملاه كدا لية ،كمان شوية يجيلنا تسمم وتندمى
ملك بغيظ : خش ياض بقا
محمد بهزار : ياض !!
ملك بضحك : ايوة
محمد بضحك : هعديها بس لو مكنتيش اختى كنت جرجرتك على القسم
ملك بهزار : متقدرش
ادهم بهزار : بطلو بقا مناقرة فى بعض وتعالو نخش لقدرنا اللى جو ده
ملك بحزن : حتى انت يا بابا
ادهم بضحك : بهزر يا حبيبتى يلا بقا
محمد وملك : يلا

محمد وملك وادهم قاعدين على السفرة بيتغدو

محمد بندم : تصدقى يا ملك ظلمتك ،الاكل حلو
ملك بفخر :منا عارفة مش محتاجة رأيك
محمد بهزار : وكمان مغرورة
ملك بتطلع لسانها : ايوة
ادهم بجدية : يا محمد اسمع كلامى وسيب الشرطة وتعالى امسك شركة من شركاتى وتبقا بتاعتك واهو تبقى شيلت شوية عنى
محمد بجدية : يابابا انا من وانا صغير وانا عايز ابقى ظابط كبير واهو بقيت وبحب شغلى جدا ومش عايز اسيبه
ادهم : خلاص براحتك بس فكر فى كلامى
ملك مقاطعة : محمد انت شغلك كله خطر وكل ساعة ببقى خايفة عليك ولا مش فاكر من شهرين حصلك اية
محمد بهزار : علشان خدت رصاصة فى كتفى
ملك بجدية : كانت ممكن تجى فى دماغك ومت
محمد بخوف : ياساتر يارب انتى هتفولى عليا
ملك بضحك : لا بس بردو
محمد : انا شبعت هقوم اغسل ايدى واطلع انام علشان بقالى يومين منمتش فيه قضية قتل ومقتول شغل
ملك بخوف : قضية قتل ،استر يارب
محمد : يلا باى
ملك وادهم : باى
______________________________________________________
يارا تفتح الموبيل وتلاقى
20 مكالمة من ملك صاحبتها
ولسة هتتصل بيها لقتها بتتصل هى ،ردت يارا
ملك بزعيق : بقا كدا يا ندلة يومين متجيش الجامعة وكمان قافلة موبايلك
يارا بحزن : غصب عنى والله يا ملك اصل
ملك : اصل اية
يارا بعياط : سامح مات يا ملك
ملك بصدمة : اية
يارا بعياط : لقوه مقتول فى شقته من يومين ومش عارفين هو اتقتل ولا انتحر
ملك بحزن : لا انتحار اية سامح مينتحرش
يارا بحزن : انا بردو بقول كدا بس اتقتل ازاى ومين قتله
ملك بحزن : اية ده اخويا عنده قضية قتل وانتى سامح اتقتل ،ده اية الزمن ده
يارا بجدية : اخوكى اية
ملك بجدية : سيبك سيبك ،المهم البقاء لله والله زعلتينى
يارا بحزن : الحمدلله على كل حال ،انا هاجى الجامعة بعد بكرا
ملك بجدية : فعلا ده احسن حاجة علشان تنسى وكمان الامتحانات قربت
يارا : ايوة ،انا هنام دلوقتى علشان تعبانة ودماغى مصدعة جامد
ملك بجدية : ماشى وانا هجيلك بكرا اقعد معاكى شوية يلا سلام
يارا بجدية : ماشى سلام

تقفل يارا مع ملك وتقعد تتفرج على صورها مع سامح وتعيط وتقفل اللاب وتنام

_______________________________________
الجزء الثانى من الفصل الاول

تأليف : عبدالرحمن احمد
#Abdo
_________________________________________________
تانى يوم يصحى محمد بدرى من النوم ويبص من شباك الاوضة بتاعته يلاقى البوابة بتاعة الفيلا من برا بتفتح وتخش عربية ويبتسم محمد وينزل ويخش شخص ويحضن محمد
محمد بفرح : يااااه عااش من شافك يا رامى
رامى بأبتسامة : وحشتنى يا محمد ،يااااه بقالنا اكتر من خمس شهور مشوفناش بعض مع اننا ولاد عم
محمد : ما انت اللى سافرت علشان الشغل لندن وقولت عدولى
رامى بضحك : ادينى رجعت يا سيدى وهفضل فى مصر علطول وهقعد مع بابا وماما في الفيلا بتاعتنا علشان الفيلا بتاعتى هسيبها لحد ما اتجوز وهوضبها
محمد بأبتسامة : كويس والله ،احكيلى بقا عملت اية فى لندن
رامى بهزار : ياااااه دى حكاية طويلة ،انا مفطرتش نفطر الاول ونقعد نتكلم على هداوة
محمد : طب استنى هقول للمسؤولة عن الاكل تعمل الفطار
رامى بضحك : لا لا انا عايز الكسولة اللى اسمها ملك دى هى اللى تعمله
محمد بضحك : هههههههه اسكت مش هى اللى عملت الفطار امبارح
رامى بقلق : وانت عامل اية دلوقتى بعد ما كلت
محمد بضحك : لا دا اكلها حلو عكس ما توقعت
رامى بأرتياح : طب كويس صحيها بقا تعمله
محمد : حاضر دى هتفرح انك جيت

يلاقو ملك نازلة بتدعك فى عينها ودايخة
رامى بهزار : صحى النوم يا كسووووولة
ملك بدوخة : اية ده الصوت ده مش غريب عليا
رامى بهزار : وكمان مش شيفانى
ملك وبدأت تفوق : اية ده راامى ؟
رامى : صحى النوووم ايوة راامى
ملك بأبتسامة : جيت امتى
رامى : امبارح بليل
ملك : اخيرا بعد خمس شهور
رامى بضحك : خلاص بقا قلبك ابيض ،وبعدين انا عايز افطر من ايدك النهاردة
ملك بفرحة : حاضر هعملكوا الفطار
محمد بهزار : بس يكون حلو زى اكل امبارح والنوم ميأثرش عليكى
ملك بضحك : لا خلاص فوقت

ملك تحضر الفطار وتحطه على السفرة وتنادى لرامى ومحمد
ويقعدو يفطرو مع بعض ويتكلمو
رامى : تخيل يا محمد ان هناك الدنيا غريبة جدا حتى الشغل بيخلص بسرعة بس متعب والصفقات كمان
بس الصراحة الجو هناك حلو وعلى قد منا مستريح هناك مقدرتش اقعد اكتر من كدا وانا معرفش حد ،قولى بقا اية اخبار الشرطة معاك واخر الاكشن
ملك بضحك : من ناحية الاكشن هو اكشن
محمد بجدية : الشغل تمام بس ساعات تجى قضية سهلة وتخلص بسرعة وامسك اللى عملها وساعات تيجى مهمة زفت وليها الغاز وساعات توصل انى بعد ما اكشف المجرمين واطاردهم يتضرب عليا نار واخرها من شهرين جاتلى رصاصة فى كتفى وربنا ستر

رامى : يلاهوى انت حياتك يابنى كدا خطر

محمد بجدية : يابنى خلاص اتعودت على كدا

رامى بجدية : واية بقا اخر جريمة معاك

محمد بجدية : لسة من 3 ايام

حصلت جريمة قتل وحاسس ان ايها الغاز كتير ووراها حاجات كتير هكتشفها

رامى بأستغراب : واية اللى يخليك متأكد كدا

محمد بجدية : مش عارف وكمان حاسس انها مش زى اى قضية عدت عليا

ملك بغيظ : هو ده اللى قالقنى

رامى : شكلها قضية معقدة بقا

محمد بضحك : مفيش حاجة معقدة على محمد ادهم السيوفى

رامى بضحك : ههههههه ماشى

محمد بجدية : طب قوم يلا علشان الجمعة هتأذن ،يلا علشان نصلى


رامى بجدية : يلا بينا

ملك : وانا هروح ليارا صاحبتى يا محمد

محمد : طب خدى السواق معاكى وخلى بالك من نفسك

ملك : حاضر

____________________________________________________
ادهم بجدية : هاتى كل التقارير بتاعة الاسبوع اللى فات يا نسرين
نسرين بجدية : حاضر يا فندم وده كل تعاملات الشركة امبارح وجه فاكس من الشركة اللى حضرتك هتعمل معاها الصفقة الجاية
ادهم بجدية : تمام تقدرى تتفضلى وعايزك تقولى للموظفين انى عامل اجتماع الساعة 3
عايز اكلمهم فى شوية حاجات
نسرين : حاضر يا فندم ،حضرتك تؤمر بحاجة تانية ؟
ادهم بجدية : لا اتفضلى
نسرين : عن اذنك
......
ادهم بيتكلم فى الموبيل : ايوة يا ياسر عملت اية فى اللى قولتلك علية
ياسر بجدية : كله تمام يا ادهم بيه كل حاجة خلصت
ادهم بجدية : تمام ، عدى عليا فى الشركة علشان عايزك على الساعة 5 كده
ياسر بجدية : حاضر يا ادهم بيه ،تؤمر بحاجة
ادهم بجدية : لا سلام دلوقتى

____________________________________________________

ملك بجدية : ازيك يا يارا
يارا بجدية : اهو الحمدلله
ملك بحزن : معلش يا يارا هى الدنيا كدا وحشة وبتدى الانسان حاجة وفى وقت تاخد الحاجة دى تانى
يارا بحزن : مش قادرة اتخيل اننا انا وسامح كنا هنتجوز بعد شهرين وانه اتقتل،حاجة فظيعة يا ملك والله مش قادرة انسى وتعيط
ملك تحضن يارا وتقول : معلش يا يارا لازم تستحملى وتكونى اقوى من كده والحياه مش هتقف يعنى
يارا بعياط : تفتكرى هقدر اعيش من غير سامح يا ملك
ملك بجدية : ايوة يا يارا هتقدرى وهتنسى كمان وبعدين انتى مش كنتى متخانقة معاه
يارا بعياط : ماشى بس كنت عارفة ان غصب عنه اللى عمله وكنت هسامحه لكن حصل اللى حصل
ملك بحزن : الحمدلله على كل حال ولازم تنسى يا يارا وربنا ان شاء الله هيعوضك
يارا بحزن : الحمدلله
_________________________________________________
محمد بجدية : بقولك اية يا رامى انت النهاردة هتفضل معايا وهنتغدى مع بعض ،انا النهاردة اجازة وفاضى
رامى بأستغراب : اجازة ؟ انت مش المفروض عندك قضية ولازم تروح تحقق
محمد بجدية : هروح كدا كدا بكرا والنهاردة مش عايز اروح علشان دماغى فيها شوية حاجات كدة
رامى بجدية : لا انا هاجى معاك النهاردة ،عايز اشوفك وانت بتشتغل وبتحقق كده
محمد بهزار : انت جاى تتفرج على فيلم ،بطل هبل
رامى بجدية : مش هتراجع عن اللى فى دماغى
محمد بأستسلام : حاضر ،استنى طيب اكلم ملك علشان مش هتطمن وانا فى الشغل وسايبها
رامى بجدية : هتصل بيها انا
محمد بجدية : اسكت يلا هكلمها انا ولا اجرجرك على القسم
رامى بضحك : انت هتعملى فيها ظابط شرطة اتصل بيها انت ياخويا
محمد بضحك : ايوة كده كش
رامى بضحك : اكش منك انت
محمد بهزار: طبعا
رامى بزهق : حاسس انى بكلم طفل ،خلصنا بقا واتزفت كلمها
محمد بضيق : حاضر
__________________________________________________

ملك بجدية : بس تفتكرى ازاى ياسر يتقتل وهو ميعرفش حد عدو او لية اعداء

يارا بجدية : معرفش ده اللى هيجننى ، حاجة تحير

ملك بجدية : بس..........موبيل ملك يرن ،ثوانى هرد على محمد اخويا

ملك بجدية : ايوة يا محمد

محمد بجدية : انتى فين

ملك : عند صاحبتى يارا ما انت عارف

محمد : طب قولى للسواق يرجعك الفيلا بقا علشان انا رايح الشغل

ملك بصدمة : انا نسيت وقولت للسواق يمشى

محمد بضيق : هو ده وقته ، خلاص ابعتى العنوان فى رسالة وهاجى اخدك بالعربية ارجعك واروح انا ورامى على الشغل

ملك بأبتسامة : حاضر

وتقفل
يارا بجدية : فية اية ؟

ملك بجدية : دا اخويا هيجى ياخدى بالعربية يروحنى علشان قولت للسواق امشى

يارا بحزن : هتمشى وهتسيبينى

ملك بجدية : ما احنا بكرا هنتقابل فى الجامعة وادينى قاعدة معاكى اهو لحد ما يجى

يارا : ماشى
___________________________________

محمد بضيق : الزفتة دى مبعتتش العنوان لية

رامى بهزار : تلاقيها نسيت

محمد بسرعة : اهى بعتته

ويفتح الرسالة ويلاقى العنوان

رامى بضحك : اهو يلا بينا

محمد بأستغراب : العنوان ده انا شوفته فين قبل كده
العنوان ده مش غريب عليا ،شوفته فين ؟ فين ؟

____________________________________________________________________________________________________________________________________________________________

الفصل الثانى

تأليف : عبدالرحمن احمد
#Abdo
__________________________________
رامى بضيق : هو اية اللى شوفت العنوان ده فين ،يلا يا عم محمد خلينا نخلص
محمد بتفكير : يلا
"محمد عارف العنوان ده لان التحقيق كان فية عنوان خطيبة سامح بس ميعرفش شكل المنطقة "
يوصل رامى ومحمد
محمد بضيق : الو ،انزلى انا تحت
ويقفل
رامى بضيق : اختك دى عندها روقان مش عند حد
محمد بجدية : بتفكرني بيك قبل ما تتعدل وتشيل مسؤلية
رامى بزهق : يوووه انت هتغلط
محمد بضيق : اتعدل فى الكلام
رامى بضيق : ولو متعدلتش
محمد بضيق : هلبسك قضية واعلمك الادب
رامى بضيق : ياعم والله ما تعرف
محمد بزعيق : لا اعرف
ملك تخش فى الحوار : ايييييية صوتكوا جايب لأخر الشارع اية الزعيق ده
محمد ورامى فى صوت واحد : هو اللى بدأ
ملك بضحك : هههههههههههه والله بكلم اطفال ، انت لو الناس اللى بتقبض عليهم يا محمد شافو كدا هيضحكوا عليك ومش هيعرفوا يهربوا من الضحك وانت يارامى
كنت بقول عليك عاقل بس ههههههههههه
محمد بضيق : اركبى يابت خلى يومك يعدى
رامى بضيق : ايوة اركبى اخلصى
ملك باستسلام : كنتوا بتتخانقوا مع بعض ودلوقتى اتفقتوا عليا ، الحق عليا انى حوشت ، المفروض كنت اسيبكوا كل واحد يجيب شعر التانى
محمد بضيق يقوم ويطلع المسدس ويوجهه ناحية دماغ ملك ويقول : هتركبى ولا افرتك دماغك
ملك بخوف : ها ها ه هركب
محمد بنفاذ صبر : شاطرة
ملك تركب
رامى بضحك : هههههههههههههههه فية ناس كدا تخاف متختشيش
ملك بعصبية وتضرب رامى على كتفه : اسكت
محمد بضحك : خد يا رامى المسدس ده خليه معاك ولو نطقت اقتلها
رامى بضحك : ماشى
ملك بخوف : خلاص اتزفت وخرست اهو
________________________________________
"يوصل محمد ورامى وملك الفيلا "
محمد بجدية : خشى يلا ، انا ماشى
ملك برخامة : مش النهاردة اجازتك
محمد بنفاذ صبر : شغلتى دى مفيهاش حاجه اسمها اجازة
ملك : اممممم ماشى
رامى بجدية : اخلصى عايزين نمشى
ملك : انت رايح معاه لية
محمد : خشى يابت ، هات يا رامى المسدس اللى معاك كدا
ملك بخوف : انا بهزر يلا سلام انا داخلة اهو

وتخش ملك الفيلا ويمشى محمد ورامى بالعربية ويوصلوا
محمد بجدية : فى جديد يا جمال ؟
جمال : لا يا محمد باشا لسة الوضع زى ما هو
محمد بعصبية : ازااااى ، وفجأة تيجى فكرة فى دماغه
محمد بأبتسامة : جمال ، جهز البوكس وقوة وتعالى معايا
جمال بتعجب : لية يا فندم وهنروح فين
محمد : هنروح الشقة بتاعة القتيل
جمال : لية
محمد بعصبية : يلا يا جمال مش وقت لية خااالص
جمال : حاضر يا محمد باشا
رامى بأبتسامة واسعة : اشطا عليك انا جاى معاك
محمد : نعم ؟؟؟
رامى بأستغراب : لا هاجى معاك
محمد : يبنى مينفعش
رامى بضحك : ملكش دعوة هاجى ومش هعمل صوت
محمد بنفاذ صبر : والله طفل ، ماشى هتيجى معايا
رامى بفرحة : هييييه
محمد يبصله بأستغراب : رامى انت عندك كام سنة !!
رامى : ما انت عارف يبنى عندى 23 سنة
محمد بأبتسامة : طب فيه واحد سنه كدا ويقول هييييه، انا راضى زمتك
رامى بكسوف : الصراحة لا
محمد : طب كويس يلا بينا بقا يا طفل
رامى : لولا انك قدام صحابك فى القسم كنت ضربتك
محمد بضحك : لولا انك ابن عمى كنت حبستك هههههههه يلا يا حبيبى
رامى بجدية : يلا
______________________________________________________________________________
وجدى : يارا حبيبتى انتى فاضية
يارا : ايوة يا بابا كنت بذاكر شوية وخلصت
وجدى بجدية : انا عندى شغل فى باريس كمان يومين ولازم اسافر النهاردة وامك هاخدها بالمرة معايا علشان اكشف عليها هناك علشان رجلها ومش عارف هسيبك ازاى لوحدك
يارا بأبتسامة : روح يا بابا وملكش دعوة بيا انا هذاكر علشان عندى امتحانات كمان اقل من شهر ومتقلقش عليا
وجدى : خلى بالك من نفسك يا يارا انا كلها اسبوع وهرجع انا ووالدتك
يارا بأبتسامة : تروحوا وترجعوا بالسلامة يارب
" يحضنها وجدى ويقول ربنا يخليكى ليا يا بنتى "
يارا : ويخليك ليا يا بابا
______________________________________________________________
يوصل محمد ورامى والقوة الشقة ويخش محمد ويلف فى الشقة
ويدور ويخش اوضة سامح ويدور فيها وفجأة يفتكر الدولاب
ويفتح الدولاب ويقعد يدور فيه لغاية اما يلاقى صندوق صغير
محمد بأبتسامة : اووووبا مش قولتلك يا رامى هنلاقى حاجة
رامى : افتح افتح اما نشوف فيه اية بس

يفتح محمد الصندوق ويلاقى عبارة عن جوابات ، والاسم عليها مجهول
ويفتح اول جواب
ويكون النص كالتالى
( انت فاكر نفسك كدا خلاص هربت ، لا يا روح امك ، الورق اللى معاك لو مجاش هتتقتل )
ويفتح الجواب التانى
( سامح احسنلك تجيب الورق لان ناس كبيرة اوى يهمها الورق ده ولو وصل لحد هتفتح على نفسك باب مش هتعرف تقفله )
ويفتح اخر جواب ويكون من يارا
( سامح علشان خاطرى الورق اللى ادتهونى ده فيه اية انا خايفة ولية بتقول لو حصلك حاجة اسلمه للشرطة ولية بتقولى مكلمكش واتس وابعتلك جوابات ، فهمنى فيه اية )

محمد بأستغراب : بس كده الرؤية وضحت ، واللى اسمها يارا دى تعرف حاجة عن الموضوع ومرضيتش تقولنا ، بس اشمعنا شغل الجوابات اللى قدم ده ، جمال ، يارا لازم تيجى النهادة علشان اخد اقوالها بسرعة فى الموضوع ده
لان الموضوع ده شكله كبير اوى
جمال : حاضر يا محمد باشا ، هنعمل حاجة تانية
محمد : لا يلا هنمشى
رامى بجدية : استنى اما نشوف حاجة تانية يا محمد
محمد بجدية : لا مش هنلاقى حاجة ، خلاص
رامى بجدية : طب يلا بينا
محمد : يلا
________________________________________________________________________________________________________________________________
ادهم بجدية : فهمت هتعمل اية يا ياسر
ياسر : ايوة يا ادهم بيه فهمت
ادهم : ابقى طمنى بعد ما تخلص
ياسر : حاضر يا ادهم بيه
______________________________________________________________________________
--- الورق لازم يجى ضرورى
---- احنا بنتابع والورق اكيد مع حد من قرايبه
___ البنت اللى كان خطيبها دى اكيد تعرف حاجة لازم تجيبوها
___ اوامر سعتك
______________________________________________________________________________

يسافر والد و والدة يارا
ويارا يجيلها جواب الاستدعاء علشان تقول اقوالها للمرة التانية
وتروح

محمد بأبتسامة : نورتى
يارا بأرتباك : حضرتك طلبتنى لية مش خدتوا اقوالى
محمد بأبتسامة : ايوة طبعا
يارا بحزن : امال جايبنى لية تانى
محمد بجدية : هو سامح قبل ما يموت مكانش قايلك على حاجة او سر كده ولا كده
يارا بأرتباك : حاجة ولا سر اية
محمد بعصبية : متستعبطيش عليا علشان انا خلقى ضيق
يارا بزعيق : انتو عايزين منى اية
محمد بنفاذ صبر : خدى اقرأى الجواب ده
يارا بصدمة تقرأ الجواب و تبدأ تعيط
محمد يهديها ويقولها : احنا عايزين نساعدك وناخد حق سامح ونجيب الناس دية يتحاسبوا ، لازم تساعدينا
يارا بحزن : حاضر
وتبدأ تحكى

flash back

فى الموبيل

سامح بخوف : ايوة يا يارا اسمعينى كويس
يارا بخضة : فية اية يا سامح
سامح : مفيش وقت ، هتلاقى ورق فى وسط الكتب اللى اديتهالك النهاردة فى المحاضرة ، الورق ده لو جرالى اى حاجة تسلمية للشرطة ، لا النائب العام نفسه
يارا بخوف : ورق اية واية ده كله
سامح : مفيش وقت ومتكلمينيش تانى على الموبيل او واتس او اى حاجة من دول وابعتيلى جوابات بس
يارا لسة هتتكلم ويقفل سامح

back

يارا بعياط : من ساعتها الورق مخبياه وليلة الجريمة كلمته علشان افهم منه اتخانق معايا علشان كلمته من الموبيل و قفلنا مع بعض

محمد بجدية : والورق ده فين
يارا لسة هتتكلم تلاقى الموبيل بيرن

وترد
يارا : الو ايوة ، ايييييييية

وتبدأ تعيط جامد وتصوت بصوت عالى

ومحمد يقوم مخضوض علشان يفهم فيه اية

..............
__________________________________________________________________________________
____________________________________

الفصل الثالث

تأليف : عبدالرحمن احمد
#Abdo
________________
محمد بجدية : والورق ده فين
يارا لسة هتتكلم تلاقى الموبيل بيرن

وترد
يارا : الو ايوة ، ايييييييية

وتبدأ تعيط جامد وتصوت بصوت عالى

ومحمد يقوم مخضوض علشان يفهم فيه اية
يارا تقفل وتبدأ فى الانهيار والعياط
محمد بحزن : ممكن تهدى وتقولى حصل اية
يارا بعياط : ماما وبابا
وتعيط جامد
محمد بعصبية : ممكن تهدى وتفهمينى فية اية
يارا بعياط وانهيار : العربية اللى رايحة بماما وبابا المطار اتقلبت
ويغم عليها
محمد بخضة : انسة يارا ، فوقى
ويقول بسرعة : جمااال عربية اسعاف بسرعة
__________________________________________________________
تفوق يارا فى المستشفى وتلاقى محمد قاعد معاها رغم انه ظابط شرطة
محمد بحزن : حمدالله على سلامتك
يارا بعياط : ماما وبابا فين
محمد بحزن : انسة يارا ممكن بس تهدى
يارا بانهيار : اهدى ازاى وماما وبابا ماتوا فى يوم واحد ، اقرب حد ليا وهم اللى باقينلى ، وهم اللى بيهونوا عليا حياتى بعد اللى حصل ، انا دلوقتى بقيت وحيدة ، وهتحرم من حنان الام والاب فى نفس الوقت
وتقولى اهدى ، ازاى ، محدش بيحس بالنار غير اللى بيتحرق بيها
وانت مش حاسس باللى انا فية يا حضرة الظابط ، فهمت بقا
محمد بحزن : انا مقدر كلامك ، بس اللى متعرفهوش ان والدتى متوفية وكانت اقرب حد ليا ، وحسيت باللى انتى فيه دلوقتى واكتر كمان ، بس الحياة عمرها ما هتقف ولازم تبقى اقوى
، احم انا اسف انى بكلمك كدا ، انا اطمنت عليكى ولازم امشى علشان ورايا شغل ، وبعد العزاء ممكن تشرفينى فى مكتبى و الورق يكون معاكى
سلام
يمشى محمد وتقعد يارا تعيط جامد و قررت انها لازم تقوم علشان تاخد العزاء
__________________________________________________________
جمال بأستغراب : مالك يا فندم ، فيه حاجة شغلاك ؟؟
محمد بشك : مش عارف ، شاكك فى حاجة كدا بس لو طلعت صح تبقى مصيبة
جمال : حاجة اية يا باشا
محمد بحيرة : لو موت ابو وام يارا ده ليه علاقة بالقضية
جمال : مش فاهم سعادتك قصدك اية
محمد : مش ممكن يكون موتهم مش قضاء وقدر ويكون حد لعب فى الفرامل او اى حاجة علشان يموتوا وبعدين يقرص على يارا علشان تجيب الورق
جمال بحيرة : طب سعادتك هم هيعرفوا منين ان الورق معاها
محمد : انت ناسى انهم قتلوه فى شقته ، وكمان اكيد دورا وشافوا الجوابات بتاعة يارا عن الورق
جمال : طب سعادتك مين الناس ديه واية الورق ده وفيه اية
محمد بتفكير : هو ده اللى مطير النوم من عينى ، بس مسيرى هعرف ، والناس دى شكلها واصلة اوى
__________________________________________________________
ملك بحزن : البقاء لله يا يارا ، انا مش عارفة بجد اية المصايب اللى بتيجى مرة واحدة دى
يارا بعياط : خلاص يا ملك مبقاش ليا حد فى الدنيا اتسند علية
انا عايزة اموت ، انا هنتحر بقا واستريح
ملك بخضة : بعدالشر عليكى ، واية اللى بتقوليه ده ، يارا العاقلة المؤمنة تقول الكلام ده ؟
يارا بحزن : اعمل اية ،انا خلاص مبقتش يارا بتاعة الاول
الحزن عرف طريق ليا ، ياااارب اموووت بقا واستريح
ملك بحزن : بعد الشر عنك يا يارا امال انا فين ما دام ملكيش حد
معلش ، هى محنة وهتعدى
يارا بعياط : هتعدى بعد ما خدت اقرب الناس ليا
ملك تاخدها بالحضن و تقولها معلش ان شاء الله هتعدى وهتبقى كويسة
__________________________________________________________
- : عملت اللى قولت علية
= : ايوة تمام بس الاهم تفتكر الورق كدا هناخده بسهولة

- : ايوة طبعا بس اهم حاجة الظابط اللى معاها ده
= : ما تكلم حد من حبايبك يا باشا ينقلو مكان تانى
- : لا لا مش عايزين العيون تبقى علينا
= : امال هنسيبه كدا
- : لا بس لو اتدخل جامد انا هشوف صرفة معاه
= : تمام
__________________________________________________________
محمد بتفكير : جمال عايزك تراقب يارا وتجبلى عنها كل حاجة ، مش عايزها تغفل عن عنيك ، ماشى
جمال : تمام سعادتك ، بس المراقبة دى هتجيب اية يعنى
محمد : اذا كانت بريئة يبقى ادينا ماشين وراها وفى نفس الوقت لو حد من الناس دي وصلولها او كلموها ، نعرف مين ومين وراه
جمال : تمام يا فندم
__________________________________________________________
رامى : ايوة يا بابا ، يعنى هترجع انت وماما النهاردة
خالد : ايوة اجهز بقا علشان نروح الشركة مع بعض علشان افهمك الشغل هنا
رامى : حاضر يا حاج ، ترجعوا بالسلامة

يقفل رامى مع والده ويتصل ب محمد

رامى بعصبية : اخيرا رديت يا علق انت

محمد بعصبية : اللهم طولك ياروح ، عايز اية يا رامى انا مش فاضيلك
رامى بضحك : خلاص يا عم اهدى بس ، عملت اية فى القضية اللى انت ماسكها
محمد بجدية : نحس ، من ساعة ما انت جيت معايا والقضية بتتطور وبتنحس
رامى بضحك : الله يسامحك
محمد بعصبية : الله يسامحك اية يابنى هو انا شتمتك

رامى : ايوة
محمد بعصبية : لخص يا رامى انا مش فاضيلك ، عايز اية
رامى بتردد : بص انا عايزك فى موضوع
محمد : ما تنطق يابنى عايز اية
رامى بتردد : بص نتقابل واقولك احسن
محمد بنفاذ صبر : خلاص هخلص وهعدى بالعربية اخدك ونروح اى حتة وتحكيلى ، ماشى يا سيدى
رامى بأبتسامة : ماشى
__________________________________________________________
ادهم : ايوة يانسرين فية حاجة
نسرين : لا يا ادهم بيه بس شركة عاصم الحسينى قدرت تاخد الصفقة بتاعة الموبايلات اللى انت كنت هتشتريها و اللى احنا متفقين معاهم قطعوا العقد معانا
ادهم بعصبية : ناديلى ياسر بسرعة ، هو لعب عيال ، وعاصم الحسينى ده مش هيجبها البر ابدا ، ده شكله حاططنى فى دماغه ولازم احط حد
نسرين : حاضر يا فندم
__________________________________________________________
يارا بحزن : ماتيجى يا ملك معايا النهاردة
ملك بأستغراب : فين ؟؟!
يارا : الظابط عايزنى ، موضوع سامح ، وعرف موضوع الورق
ملك بخضة : عرف موضوع الورق
يارا بحزن : ايوة
ملك : وهتدهوله ؟
يارا : طبعا لا ، انا هستنى لما اى حد من العصابة ديه يكلمونى و بصى هفهمك بعدين بس هتيجى معايا ولا اية
ملك : طبعا جاية معاكى ومش هسيبك
يارا بأبتسامة : ربنا يخليكى ليا يا ملوكة
ملك بأبتسامة : هو انا ليا غيرك ، يلا غيرى هدومك ويلا
وفجأة تقولها استنى
يارا بأستغراب : فى اية ؟
ملك : انا ازاى نسيت ، يابنتى انا اخويا ظابط وهكلمه يكلم الظابط ده ويفهمه ويبقى معاكى
يارا : لا لا بلاش خليها لما نحتاجه
ملك : براحتك ، طب يلا خشى غيرى
يارا : حاضر
__________________________________________________________

- عايزك تخلص
= اخلص علية ؟
- ايوة لانه بقى خطر علينا وخسارة لينا كمان
= حاضر
- مش عايز اى غلطات او اى مشكلة ، مش عايز اسمى يتلوث ، فاااهم ؟
= تمام
- يلا خلص انت وبلغنى
= تمام يا باشا
______________________________________________________________________________

رأيكم وتوقعكوا للى هيحصل

#Abdo

الفصل الرابع

تأليف : عبدالرحمن احمد
#Abdo
_______________

- عايزك تخلص
= اخلص علية ؟
- ايوة لانه بقى خطر علينا وخسارة لينا كمان
= حاضر
- مش عايز اى غلطات او اى مشكلة ، مش عايز اسمى يتلوث ، فاااهم ؟
= تمام
- يلا خلص انت وبلغنى
= تمام يا باشا
__________________________________________________________
يارا بخوف : يلا يا ملك وصلنا
ملك بأستغراب : ده محمد شغال هنا يابنت المحظوظة
يارا بأستغراب : محمد مين
ملك : محمد اخويا يا بنتى
يارا : اممممم طب يلا نطلع
ملك : يلا
،،،،،،،،،
جمال : هنعمل اية الفترة الجاية سعادتك
محمد : ادينا هنشوف اللى اسمها يارا دي ونجيب منها الورق الاول
جمال بتفكير : اممممم تمام

الامين : يا محمد باشا الانسة يارا برة ومعاها واحدة ادخلهم ؟
محمد بجدية : دخلهم
وانت يا جمال اعمل اللى قولتلك علية
جمال : تمام يا فندم

تخش يارا وملك

ملك بخضة : محمد ؟؟؟؟
محمد بصدمة : ملك ؟؟؟؟
يارا واقفة مش فاهمة حاجة وتبص لملك وتقولها : انتى تعرفيه ؟
ملك : يابنتى ده محمد اخويا ، حظك حلو
محمد : امممم ماشاء الله وطلعتوا كمان صحاب
ملك بأبتسامة : اديك عرفت اهو ان احنا صحاب ودى صاحبتى من الحضانة كمان
عايزاك بقا تتوصى بيها
محمد بنفاذ صبر : اتوصى بمين , هو انا ببيع لب ، بطلى هبل يا ملك مش فى البيت وهنا

محمد بجدية : اتفضلى يا انسة يارا
تقعد يارا وملك

محمد : مسمعش صوتك بقا يا ملك بدل ما الزنزانة جمبنا هنا اهو وارميكى فيها
ملك بخوف : انا اتكلمت ، انا ساكتة اهو
محمد : شاااطرة

يارا تبتسم وتضحك من طريقتهم مع بعض

محمد بجدية : مقولتليش بقا يا انسة يارا ، الورق ده فيه اية
يارا بخوف : معرفش مبصتش فيه
محمد : طب الورق ده فين دلوقتى

يارا تبص لملك وملك تقولها قوليله
يارا : مش قولتى متقوليش لحد غير لما نعرف الناس ديه
ملك : يابنتى كنت فاكرة اى ظابط رخم لاكن ده اخويا وانا واثقة فيه

يارا : لا ونبى

محمد بعصبية : امممممم واضح انكوا مرتبين كل حاجة لا وكمان مخططين كمان

ممكن اعرف مكان الورق بقا يا انسة يارا
يارا بخوف : حاضر ، بس انا مش ضامنة انك هتجيب حقه ، وطول ما الورق معايا سهل نوصلهم
محمد بتفكير : بس ده خطر عليكى
يارا : لا مش خطر وبعدين هيحصل اية اكتر من اللى حصلى

محمد يبص يلاقى ملك بتبص لية بتعمق اوى

محمد بأستغراب : بتبصى كدا لية يابنتى
ملك بأبتسامة : اصل اول مرة اشوفك بتحقق مع حد كدا
محمد بنفاذ صبر : يارب صبرنى
ملك : عثل يا خواتى عثل
محمد : انا الرائد محمد ادهم السيوفى يتقالى عثل كده وفى مكتبه
انا لو حد شافنى كده وانتى بتقولى عثل مش هحصل امين شرطة
يارا تبتسم
محمد : طب اسمعى اللى هقولك علية يا انسة يارا ، وتنفذية بالحرف ، تمام
يارا : تمام
______________________________________________________________________________
فى شركة عاصم الحسينى

عاصم بجدية : الو ايوة يا طارق ، لا هنهرب طبعا
اشرف وكمال وامجد مع الصفقة ومحدش هياخد باله ولينا طبعا حبايب فى كل حتة ومتقلقش
طارق : اشرف وكمال وامجد مين
عاصم : اية يا طارق يعنى مش فاهم
طارق : معلش يا عاصم باشا بس مش فاهم
عاصم : يعنى البودرة والسلاح والاثار
طارق : اهاااا ههههههه ماشى ماشى تمام ، هاجى طبعا فى نفس المعاد ولا اية
عاصم : الساعة 12 بليل تبقى عندى ف المخزن ، تماام؟
طارق : تمام يا عاصم بية

يخلص عاصم مع طارق وينادى السكرتيرة ويقولها انا ماشى وينزل من الشركة ولسة هيركب العربية يعدى موتسيكل علية اتنين ويضربوا نار علية ويقع غرقان فى دمه

______________________________________________________________________________

= تمام كدا يا باشا ، خلصت
- تمام ، كنت عارف انك هتخلص بسرعة
= تلميذك يا باشا
- هههههههه طب ادينا خلصنا من الموضوع ده ، عايزك بقا تراقب خطيبة سامح ، عايزك تعرف الورق ده فين ، فاااهم
= تمام يابو نسب
- نسب اية
= الله مش قولتلك على الموضوع وانت قولتلى اكلمه ، ولا بقا نسيت
- ههههههه لا منستش ، اعمل بس اللى قولتلك عليه
= تمام يا كبير

_____________________________________________________________________________

محمد بجدية : طب محدش شاف نمر الموتسيكل ده
جمال : لا يا باشا كل اللى كانو موجدين ساعتها بيقولوا ان الموتسيكل ده كان من غير نمر خالص والاتنين اللى عليه كانو مغطيين وشهم
محمد : اممممم
_____________________________________________________________________________

ملك بأبتسامة : شوفتى اخويا طيب ازاى، اى خدعة
يارا : خدعة اية بس فى المصايب اللى انا فيها ديه
ملك : يابنتى خلاص بقا ، الحمدلله ان هى جت على اد كده
يارا بحزن : الحمدلله

فجأة تليفون يارا يرن برقم غريب

يارا : ايوة !!!

- ازيك يا انسة يارا

يارا : مين ؟

- متقلقيش ، انا من طرف سامح الله يرحمه

يارا بخوف : سامح ؟؟
- ايووة ، هو طبعا كان عاين عندك ورق كدا مهم صح

يارا تخاف اكتر : لا النمرة غلط

- اسمعينى بدل ما تأذى نفسك وتأذى الامورة اللى جمبك

يارا تبص ل ملك بخوف

يارا : طب حضرتك عايز اية

- حضرتى عايز الورق اللى عندك بالزوق بدل طبعا ما اخده بس بالعافية

يارا : بس حضرتك مين

- ميخصكيش ، انا كل اللى يخصنى الورق ، تمام

يارا : بس

- مبسش ، انا هكلمك تانى علشان اقولك هتسلمينى الورق فين وامتى
وطبعا مش هوصيكى ، المكالمة دى لو الظابط عرف عنها حاجة متلوميش غير نفسك

ويقفل

ملك بخوف : فيه اية يا يارا ؟؟

يارا بصدمة : خدى اسمعى

ملك تسمع المكالمة

ملك بثقة : انا لازم اكلم محمد

يارا بخوف : لا

ملك : لا هكلمه ، مش هو اللى ماسك القضية
ولا هنسيب العصابة دى تأذيكى
يارا : اسمعى بس

ملك : لا انا هكلمه

تمسك ملك الموبيل وتتصل ب محمد

ملك : ايوة يا يابنى

محمد بنفاذ صبر : ابنك ؟؟؟

ملك : مش وقته ، تعالى على الفيلا بسرعة

محمد : انا فى شغل مش فاضى

ملك : ما ده شغل بردو

محمد : شغل اية

ملك : العصابة كلمت يارا

محمد : خمس دقايق وهكون عندكوا
ويقفل

ملك : محمد اخويا ده غريب

يارا : اشمعنا على الفيلا

ملك : يا هبلة اكيد العصابة مراقبينك ولو محمد جيه هنا هيعرفوا انك هتقولى للظابط

يارا : اممممم صح

ملك : يلا بينا بقا علشان نلحق

يارا : يلا
______________________________________________________________________________

= باين كدا يارا كلمت اخت الظابط و اخته اتصلت بيه ورايحين علشان يقولوله

- يابنت ال
......
هو الظابط ده اسمه اية

= انت تعرفه كويس
محمد ادهم السيوفى
الرائد محمد ادهم السيوفى

- ايييييية ؟

______________________________________________________________________________
______________________________________________________________________________
_____________________________________________________________________________

الفصل الخامس
_________________

= باين كدا يارا كلمت اخت الظابط و اخته اتصلت بيه ورايحين علشان يقولوله

- يابنت ال
......
هو الظابط ده اسمه اية

= انت تعرفه كويس
محمد ادهم السيوفى
الرائد محمد ادهم السيوفى

- ايييييية ؟

- طب روح انت ، وانا هعرف اتصرف

= حاضر يا باشا
______________________________________________________________________________

محمد بجدية : اية اللى حصل
يارا بخوف : فيه واحد كلمنى و ، بص اسمع المكالمة احسن

محمد يسمع المكالمة

محمد بعصبية : انا هاخد الرقم اللى اتصل ده ، وهعرف مكانه
ملك : بس هنسيبها كدا لوحدها ، مش خطر !!
محمد بتفكير : اممممم هم اكيد عرفوا انك قولتيلى اكيد
يارا : وعرفت منين
محمد بجدية : علشان فيه ظابط فى القسم بيبلغهم كل حاجة و انا هعرف مين بس اهم حاجة يا انسة يارا لازم تسيبى البيت و و
بصى انتى تقعدى هنا مع ملك
يارا : لا لا مينفعش
محمد بعصبية : اسمعى الكلام انا اصلا ببات فى القسم ساعات كتير عادى ولو جيت باجى انام واصحى اروح تانى
يارا : بس
محمد بجدية : مبسش بقا اسمعى الكلام بقا
ملك بفرحة : اشطا يا معلم هتقعدى معايا
يارا : يا ملك انا مش متعودة ابات برا البيت ، وكمان انا مرعوبة
ملك : ان شاء الله خير وكمان علشان لو قعدتى خطر عليكى ، يلا نجيب هدومك من هناك ونيجى
محمد : وانا هاجى معاكوا اوصلكوا واجيبكوا علشان ابقى مطمن وكمان الورق تجيبيه مع هدومك
يارا بأستسلام : حاضر
______________________________________________________________________________

- اعمل اللى قولتلك علية وخدها على المخزن
= تمام يا باشا
______________________________________________________________________________

محمد بجدية : ادينا وصلنا ، اطلعوا هاتو الحاجة وانا هستنى هنا

ملك ويارا : حاضر

- اهم خرجوا يلا بينا
≠ لا استنى دا الظابط معاهم مش هنعرف نجيبها
- طب العمل دلوقتى
≠ بص هنعمل نفسنا طالعين العمارة عادى ونخدرها ونخبيها فى اى حتة لغاية اما يطلع الشقة وناخدها وننزل بيها
- تمام يلا بينا

ينزلوا من العربية ويطلعوا البيت
محمد ياخد باله منهم ويشك فيهم ويخرج هو كمان من العربية ويطلع وراهم ويطلع المسدس ويلاقيهم بيخبطو على الشقة وملك تفتح
وترجع لورا وتخاف جامد وهم لسة هيدخلو يجى محمد من وراهم

محمد بصوت عالى ورافع المسدس : اثبت يلا انت وهو
الاتنين : اية يا باشا احنا تبع المكواة وجاين ناخد الهدوم
محمد : امال المطوة اللى فى ايدك دى يا روح امك بتسلك بيها سنانك
واحد منهم : يخش جوا بسرعة ويمسك ملك ويحط المطوة على رقبتها ويقول ارجع بدل ما ادبحها قدامك
محمد بعصبية : سيبها بدل ما اندمك على اللى بتعمله ده
- ههههههههههه بس بقا بطل كلام

تيجى يارا من ورا وتضربة ب حديدة كبيرة على دماغه ويقع و التانى يجرى ومحمد يجرى واه ويضرب نار ويصيبه فى رجله ويرجع الشقة وياخد التانى بعصبية ويتصل ب جمال ويقوله : هات بوكس بسرعة عند بيت يارا

يجى البوكس ويدخلهم البوكس ويقول لجمال حطهم فى الحبس لغاية اما اجيلك

جمال : حاضر سعادتك

محمد : انتى كويسة يا ملك

ملك بهزار : ايوة كويسة ، البركة بقا فى يارا ، عملت شغلك بالظبط

محمد بأبتسامة : شكرا يا انسة يارا

يارا : على اية وبعدين دى صاحبتى واختى كمان

محمد بجدية : طب يلا اركبوا بسرعة علشان اوصلكوا وبعدين اروح القسم اربى العيال دى واعرف منهم كل حاجة

يركبوا ويوصلهم الفيلا ويروح القسم

محمد بعصبية : هاتلى بقا ولاد .......... دول يا جمال

جمال : حاضر يا باشا

يجيبهم جمال

محمد بعصبية : بطاقتك يلا انت وهو

واحد منهم : لا مؤاخذة يا باشا مش معانا

محمد بصوت عالى وبعصبية : *** معاكمش بطاقة
دا انتو ليلة امكوا حلوة معايا النهاردة
انتطق بقا منك لية وقولو مين باعتكو

- محدش باعتنا يا باشا احنا اللى جينا من نفسنا

محمد بعصبية : يعنى عايز تفهمنى انك انت وهو جايين من نفسكوا ومحدش بعتكوا

- ايوة يا باشا

محمد بيكتم غضبه : امممممم
ويقوم ويقرب من اللى كان ماسك اخته وحاطط المطوة على رقبتها
و مسكه من القميص وقاله : بقا انت يا روح امك تمسك اخت الرائد محمد ادهم وتهددنى بيها كدا
ويضربه فى وشه جامد ويضرب فيه كتير وضربات متواصلة
جمال : محمد بية سيبه كدا هيموت فى ايدك
ويخش يشده ويبعده عنه

محمد بعصبية : انا لو عليا ادفنك هنا بس مش دلوقتى ، الاقى بس اللى بدور علية وهتشوف انا هعمل اية

ويبص للتانى ويقوله هتقول كل حاجة ولا وشك هيبقا شبه وشه كدا

التانى بخوف : ياباشا لو اتكلمت هموت

محمد بعصبية : ولو متكلمتش هتموت بردو وانا اللى هموتك ، تختار بقا تموت وانت مستريح ومخلص اللى عليك قدام ربنا ولا تموت تحت ايدى

- ياباشا علشان خاطرى انا معرفش حاجة

محمد بعصبية : امممممم ، خدهم يا جمال على الحبس علشان لو فضلو قدامى هموت حد فيهم

جمال : حاضر سعادتك
______________________________________________________________________________

ادهم : الو ايوة يا ياسر تعالى دلوقتى عايزك فى حاجة مهمة
ياسر : حاضر يا باشا خمس دقايق وابقى عندك
_____________________________________________________________________________

حسام بجدية : ايوة يا محمد بيه ، بقى كدا اتنقل ومتسألش

محمد : معلش يا حسام انت عارف احنا صحاب من واحنا صغيرين بس اليومين دول فى قضية معايا وكبيرة ومعقدة اوى

حسام بهزار : جرا اية يا باشا هو حاجة تقف قدامك

محمد بضحك : اديها وقفت يا حسام

حسام : ههههههه طب انا عايز اقعد معاك وتحكيلى بقا

محمد : خلاص عدى عليا بكرا ونتكلم علشان انا هنام دلوقتى

حسام : خلاص اشطا ، يلا سلام

محمد : سلام

______________________________________________________________________________

تعريف ب حسام

حسام صاحب محمد من الطفولة وكانوا نفس دفعة بعض فى الكلية ونفس السن والاتنين نفس الترقية بس حسام اتنقل منطقة تانية ، حسام ومحمد مش صحاب بس ، دول اكتر من الاخوات وحسام انقذ محمد كذا مرة من الموت فى مهمات كتيرة ليهم

______________________________________________________________________________

محمد ينام وفجأة يلاقى موبايله بيرن برقم غريب ويرد

محمد بصوت فيه نوم : الو
هدير : ايوة يا محمد ازيك
محمد بأستغراب : مين ؟
هدير : ياااه معقول نسيت صوتى
محمد : مش واخد بالى والله ، مين بقا
هدير : انا هدير يا محمد
محمد بزهق : اممممم ايوة يا هدير
هدير : ممكن يا محمد تسمعنى
محمد بزهق : هدير ، انا عايز انام ، طول اليوم شغال ومش قادر ممكن
هدير : حاضر يا محمد بس هكلمك بكرا
محمد بجدية : ماشى ، سلام
هدير : سلام

______________________________________________________________________________

هدير تقعد تفتكر

flash back

هدير بحزن : محمد انا بحبك

محمد : وانا يا هدير بحب هايدى وهتجوزها

هدير بدموع : بس انت كنت بتحبنى

محمد : اديكى قولتى اهو ، كنت

هدير : امال اية اللى غيرك كدا من نحيتى

محمد بعصبية : علشان انتى انسانة مبتحبيش غير نفسك ومظهرك وبرستيجك وبس وانا اتحرق

هدير بحزن : خلاص اسفة وههتم بيك بعد كدا

محمد بجدية : خلاص فات الاوان بعد اذنك بقا ورايا شغل

ويمشى وهدير تنهار فى العياط

back

هدير بدموع : انا اسفة يا محمد بجد على اللى عملتو بعد كدا ليك وانت متعرفش
بجد اسفة
خليت حياتك تعيسة من بعد ممشيت فى اللحظة دى وانت لحد دلوقتى متعرفش اللى عملته
اسفة بجد

وتنهار فى العياط

الفصل السادس
________________

هدير بدموع : انا اسفة يا محمد بجد على اللى عملتو بعد كدا ليك وانت متعرفش
بجد اسفة
خليت حياتك تعيسة من بعد ممشيت فى اللحظة دى وانت لحد دلوقتى متعرفش اللى عملته
اسفة بجد

وتنهار فى العياط

______________________________________________________________________________

محمد بتفكير : اية اللى فكرك بيا تانى يا هدير واية اللى رجعك مش كفاية اللى حصل ومصدقت نسيت ، بتفكرينى باللى فات لية بس

flash back

محمد بأبتسامة : اتفضلى يا ستى دعوات فرحنا اهي
هيادى بفرحة :: بجد ، حلوة اوى يا حبيبى
محمد بأبتسامة حب : انتى احلى
هايدى بكسوف : بس بقا الناس هياخدو بالهم
محمد : ما ياخدو بالهم ، انا محدش يقدر يكلمنى
هايدى بضحك : اه علشان ظابط مفترى
محمد : اممممم مفترى ، طب استنى بس لما نتجوز وهقطعلك لسانك ده
هايدى : هههههه متعرفش
محمد : كان عندى مهمة الاسبوع اللى فات وقبضت على اكبر تاجر مخدرات فى البلد بس ابنه هرب ، هروح اقبض عليه واجيلك
هايدى بخوف : تقبض على مين ، وانت بتقولها بسهولة كدا لية ، محسسنى انك رايح شرم وراجع
محمد بأبتسامة : متخافيش عليا وبعدين انتى متعرفنيش ولا اية وكمان مش فرحانة بالترقية الجديدة
هايدى بأبتسامة : فرحانة يا حبيبى بس خلى بالك من نفسك

ويجى ناس مسلحين ومحمد يشوفهم ويطلع المسدس

محمد بصوت عالى : هاااااايدى حاسبى

ويشدها والناس يضربو نار عليه وهايدى تتصاب برصاصتين وتقع ومحمد يقوم ويضرب عليهم ويقتل منهم 2 والباقى يهرب

ويرجع تانى ليها وهى واقعة على الارض

محمد بحزن ودموع : هايدى قومى انا طلبت الاسعاف وهتبقى كويسة

هايدى وهى بتطلع فى الروح : محمد متنسانيش ، انا بحبك ، ادعيلى

محمد بدموع : لا هتبقى كويسة والله ، علشان خاطرى متسيبينيش

هايدى بضعف : لا يا محمد مش عايزة اشوفك بتعيط ، انت قوى ومش انت اللى تعيط

محمد بدموع وحزن : لا انا ابقى ضعيف من غيرك يا هايدى

هايدى بضعف جامد : ادعيلى ومتنسنيش يا حبيبى

وتغمض عنيها

محمد بدموع : لا علشان خاطرى ، هايدى قومى ، قومى علشان خاطرى ، مين هيحضر فرحنا ، الدعوات مش عجباكى ولا اية ، خلاص هغيرها بس قومى
قوووووومى

back

محمد بدموع : الله يرحمك يا هايدى

______________________________________________________________________________

يارا بحزن : انا خايفة اوى يا ملك

ملك : تخافى وانتى قاعدة فى بيت الرائد محمد ادهم السيوفى هههههههه بس بطلى هبل

يارا : مش عارفة جايلك نفس تهزرى ازاى

ملك بهزار : بصى يا يارا خليكى عايشة بمبدأ الهكونا مطاطا

يارا بضحك : هههههه الله يخربيتك ضحكتينى وانا مليش نفس

ملك بهزار : ايوة كدا اضحكى بدل ما انتى قالبة وش البطة كدا

يارا : ماشى يا ستى

______________________________________________________________________________

تانى يوم الصبح
_________________

محمد : جمال

جمال : ايوة سعادتك

محمد : خلى حد يعملى كوباية قهوة وهاتلى المساجين اللى جوا

جمال : حاضر سعادتك

______________________________________________________________________________

يارا بزعيق : قومى يا كسولة الساعة 11 دلوقتى

ملك بنوم : يااااه الحمدلله ده لسة بدرى سيبنى انام بقا

يارا : قومى يابت انا بصحيكى من ساعة

ملك : يوووه قمت اهو

يارا : يلاهوى على كسلك ، وانا اقول بتيجى الجامعة متأخرة لية

ملك : امممممم

يارا : يلا بقا قومى علشان نذاكر ، الامتحانات فضالها اسبوع

ملك : طب هخش اخد شاور وهاجى

يارا : ماشى

______________________________________________________________________________

هدير : بقولك اية يا سلمى ، انا عايزاكى فى موضوع

سلمى : موضوع اية !

هدير : فاكرة الرائد محمد ادهم

سلمى بتفكير : اه ماله

هدير : عايزاكى تعرفيلى مكانه

سلمى : لية يعنى

هدير : هبقى افهمك بعدين بس اعملى اللى بقولك علية

سلمى بتفكير : حاضر

______________________________________________________________________________

محمد بجدية : بصو بقا انا قاعد معاكم طول النهار ، عايز اعرف بقا مين باعتكو وشغالين مع مين واوعدكوا هخليكو شاهد ملك فى القضية

- بجد يا باشا

محمد بجدية : لما الرائد محمد ادهم يقول حاجة بينفذها
تمام

- ماشى يا باشا

محمد بجدية : يلا بقا انا سامع اهو ، عايز اعرف كل حاجة

جمال : محمد بية ممكن تستريح وانا هستجوبهم

محمد بعصبية : جمال ممكن تطلع برا

جمال : بس

محمد : اطلع يا جمال

جمال : امر سعادتك

ويخرج ويبدأ واحد منهم يتكلم

- بص يا باشا احنا حرامية وسوابق كمان ، امبارح جالنا واحد شيك كدا وعنده عربية وادانا صورة الانسة يارا و صورة سعادتك وقالنا على مكان الانسة يارا
وقالنا اخطفوها وودوها على المكان اللى معاك فى الورقة ده

محمد : تمام كمل

- وقالنا لو شوفتو اللى فى الصورة ده معاهم حاولو خلو بالكو منه لانه ظابط ولو اتكلمنا او اتمسكنا واتكلمنا هنموت

محمد بأبتسامة : حلو اوى ، ومين بقا اللى جالكو ده

- منعرفش والله يا بية بس هو كان لابس قميص ابيض وبنطلون چينس

محمد بعصبية : وانا لما احب ادور عليه اقول ونبى محدش شاف واحد لابس بنطلون چينس وقميص ابيض

- والله يا باشا هو ده اللى شوفناه ومنعرفش هو مين

محمد : ونمرة العربية

- مخدناش بالنا منها يا باشا ، كل اللى نعرفه ان احنا كنا هنسلم الانسة يارا فى العنوان اللى مع سعادتك ده النهاردة الساعة 5

محمد بجدية : سيبك من العنوان ده ، انا كدا كدا رايح
انا عايز بس اسألكوا سؤال حلو كدا ويبقى خلصت معاكو

- اتفضل يا باشا

محمد بأبتسامة : الظابط جمال اللى كان هنا من شوية تعرفوه

الاتنين يبصو لبعض بخوف

محمد بنفس الابتسامة : اية السؤال صعب

______________________________________________________________________________

ملك : انا خلصت الكتاب ده

يارا : وانا كمان ، انا زهقانة

ملك : وانا كمان والله ، مش عارفة اية الملل ده

يسمعوا صوت عربية تحت الفيلا وتقوم ملك تبص

يارا بأستغراب : اخوكى جية ؟

ملك بأبتسامة : لا دا ابن عمى الرخم اللى حكتلك عنه

يارا بضحك : يابت بطلى تريقة على الناس هتروحى فى داهية

ملك : ههههههه طب تعالى اعرفك علية علشان متقعديش لوحدك هنا

يارا : لا لا انزلى انتى وانا هقعد هنا

ملك : يلا بقا بلاش رخامة

يارا باستسلام : حاضر

______________________________________________________________________________

- بص يا باشا انا هقولك على كل حاجة

محمد : استنو بقا علشان اللى هتقولوه هيسجل

يلا بقا اتكلموا

- بص يا باشا ، جمال بية جالنا الزنزانة بليل و و

محمد بجدية : كمل متخافش

- و هددنا لو نطقنا بكلمة قدام حضرتك هيقتلنا و قالنا منقولش ان هو جالنا الزنزانة ولا ننطق بكلمة

محمد بصدمة واستغراب : لية !!!!!!

- علشان يا باشا جمال بية شغال معاهم

محمد : ايييية !!!!!!!!!!

______________________________________________________________________________

تنزل ملك وتسلم على رامى وتنزل يارا وراها

ملك : هعرفك بقا على صاحبتى يا رخم واوعى ترخم عليها

رامى : هى فين دى

ملك : اهى نازلة اهى

رامى يشوفها وشه يتقلب 100 لون وبعد كدا يبتسم

يارا بصدمة : رامى !!!!!!

رامى بأبتسامة : يارا !!!!

______________________________________________________________________________
_________________________________________________________

الفصل السابع

تأليف : عبدالرحمن احمد
#Abdo
__________________________________________

- بص يا باشا انا هقولك على كل حاجة

محمد : استنو بقا علشان اللى هتقولوه هيسجل

يلا بقا اتكلموا

- بص يا باشا ، جمال بية جالنا الزنزانة بليل و و

محمد بجدية : كمل متخافش

- و هددنا لو نطقنا بكلمة قدام حضرتك هيقتلنا و قالنا منقولش ان هو جالنا الزنزانة ولا ننطق بكلمة

محمد بصدمة واستغراب : لية !!!!!!

- علشان يا باشا جمال بية شغال معاهم

محمد : ايييية !!!!!!!!!!

______________________________________________________________________________

تنزل ملك وتسلم على رامى وتنزل يارا وراها

ملك : هعرفك بقا على صاحبتى يا رخم واوعى ترخم عليها

رامى : هى فين دى

ملك : اهى نازلة اهى

رامى يشوفها وشه يتقلب 100 لون وبعد كدا يبتسم

يارا بصدمة : رامى !!!!!!

رامى بأبتسامة : يارا !!!!

ملك بأستغراب : اية يا جماعة انتو تعرفو بعض !

يارا لسة هتتكلم يقطعها رامى ويقول بأبتسامة طبعا اعرف يارا دى خطيبة صحبى بردو

يارا بتبص بصة كلها شر

ملك بأستغراب : رامى انا مش فاهمة اى حاجة عيد كدا تانى

رامى : يابنتى بقولك سامح يبقى صاحبى

ملك بأستغراب : كدا يعنى انا فهمت

رامى بنفاذ صبر : انتى اصلا حمااارة مبتفهميش

ملك : يابنى ازاى صاحبو واحنا اصلا فى كلية واحدة وهو كان معانا فى الكلية وانت مخلص كلية السنة اللى فاتت وانت مش معانا فى الكلية ازاى بقا انت صاحبو انا مش فاهمة فهمنى هاااا فهمنى

رامى بزهق : يلاهوى على رغيك ،، ياستى سامح كان صاحبى كنا بنشتغل مع بعض واتصاحبنا وكنا اكتر من صحاب كمان وكنت بشوف يارا معاه وهو كلمنى عنها واعرفها

يارا تبص ليه بقرف وتطلع من غير ما تقول حاجة

ملك بأستغراب ؛ هى مالها ، في اية يا رامى مخليها شايطة منك كدا

رامى : ياستى سيبيها تلاقيها افتكرت سامح

ملك بعدم فهم : اممممم

رامى بفرح : اه صحيح كنت هنسى اقولك ، انا كلمت عمى ووافق اننا نتجوز والخطوبة بعد امتحاناتك

ملك بفرحة : بجد !!

رامى بفرح : ايوة بجد ، يلا بقا انا ورايا شغل كدا

ملك بأبتسامة : ماشى

______________________________________________________________________________

- زى ما بقولك كدا يا باشا ، جمال بيه شغال معاهم

محمد بصدمة : خلاص خلاص ، وانا عند وعدى بردو انى هخليكو شاهد فى القضية بس ليا شرط واحد بس

- اتفضل يا باشا

محمد بذكاء وتفكير : مش عايز جمال ولا اى حد يعرف انكم قولتولى انه شغال معاهم خالص ، انا عارف هعمل اية

- تمام يا باشا اللى تؤمر بيه

محمد : جمال !!!! جمال

جمال : ايوة يا باشا

محمد بجدية : خدهم على الحجز

جمال بأستغراب : تمام يا فندم

جمال يوديهم ويرجع تانى

جمال بأستغراب : ها يا محمد بية قالو اية العيال دى

محمد بجدية : مش راضيين يعترفو بحاجة ، انا بفكر احبسهم بتهمة التهجم على يارا وفى نفس الوقت عايز اديهم افراج

جمال يرد بسرعة : افرج عنهم ياباشا مش هيفيدونا بحاجة

محمد بجدية : انت شايف كدا

جمال : ايوة يا باشا

_____________________________________________________________________________

ملك بجدية: ممكن بقا تقوليلى بقا اية غيرك كدا لما شوفتى رامى ابن عمى

يارا بتفكير : هاا لا مفيش اصل افتكرت سامح الله يرحمه

ملك بأستغراب : لا حاسة انك مخبية حاجة مش عارفة لية

يارا : هخبى اية بس ، يلا نكمل مذاكرة

ملك بشك : يلا

______________________________________________________________________________

محمد بجدية : اسمعو بقا اللى هقول علية ، انتو شكلكو كدا رجالة وجدعان وهتساعدونى

- اتفضل يا باشا احنا مش هننسى اللى عملته معانا وانك هتخرجنا وجميلك ده فى رقبتنا طول العمر ولو طلبت اية هنعمله

محمد بأبتسامة : كنت عارف انكم هتساعدو ، بص بقا يا اشرف انت و عمر

ويبدأ يحكيلهم الخطة وهيعملو اية ويتفقوا وبعد ما يخلص

محمد : ها تمام

اشرف وعمر : تمام يا باشا

محمد : اكتب يبنى ، قررنا نحن اخلاء سبيل المتهمين عمر احمد عبدالعال و اشرف صبرى منعم بضمان محل اقامتهم

محمد بأبتسامة : تقدروا تتفضلوا وزى ما اتفقنا ، تمام

عمر واشرف : تمام يا باشا

______________________________________________________________________________

موبيل محمد يرن ويرد

حسام بجدية : جرا اية يا سعادة الباشا انت نسيت المعاد ولا اية

محمد بضحك : لا انا نازلك اهو

حسام : اشطا ، يلا مستنيك

ينزل محمد ويركب هو وحسام العربية ويروحو كافيه ويقعدو مع بعض

حسام : ماشى يا عم من ساعة ما اتنقلت وانت مبتسألش

محمد : والله يابنى عندى قضية مطلعة عينى

حسام بجدية : ايوة صحيح انت قولت هتحكيلى على القضية دى

محمد بجدية : عارف القواضى الرخمة اللى بيبقا بيدخل فيها رؤوس كبيرة وناس كبيرة فى البلد اللى بتيجى فى التلفزيون دى

حسام بجدية : اه بس لية

محمد : القضية دى كدا بقا

حسام : استنى هطلب حاجة وتحكيلى بالظبط

محمد : اشطا

______________________________________________________________________________

يارا قاعدة مع ملك بتذاكر وسرحانة من ساعة ما شافت رامى

ملك : يارا !!! يارا ، ياااااارااااا

يارا : هاااا فى اية

ملك : لا بقا انتى سرحانة خالص وعمرك ما بتسرحى غير وفيه حاجة كبيرة

يارا : لا مفيش

ملك بجدية : لا فيه ، حساكى متغيرة من ساعة مقابلة رامى ومش هسيبك غير بقا لما تقوليلى في اية

يارا : يابنتى مفيش حاجة

ملك بجدية : هتقولى ولا لا

يارا : اووووف خلاص هقولك بس اوعدينى متجيبيش سيرة لحد حتى اخوكى

ملك بأبتسامة : اوعدك ، ارغى بقا

يارا : حاضر

______________________________________________________________________________

سلمى بأبستامة : عندى ليكى خبر حلو يا هدير

هدير بأستغراب : خبر اية ده

سلمى : جبتلك عنوان الظابط بتاعك وبيشتغل فين كمان

هدير بفرحة : بجد !!!!

سلمى بجدية : ايوة اهو

هدير بفرحة : ربنا يخليكى ليا يابت

سلمى : مقولتليش بقا هتعملى اية

هدير بتفكير : هقولك هعمل اية

______________________________________________________________________

رأيكو فى هدير ، تفتكرو هدير هتعمل اية ؟
وتوقعكو اية

#Abdo

الفصل الثامن

________________________

هدير بتفكير : هقولك هعمل اية

سلمى : قولى

هدير : هروحله البيت

سلمى : انتى اتجننتى ، انتى ناسية انه مش طايقك ده ممكن يقتلك فيها

هدير : يابنتى مش هيعمل حاجة ده بردو كان بيحبنى بس اللى هعمله هيرجعه تانى

سلمى : والله انتى هبلة ومتعرفيش بقا محمد كويس

هدير : هنشوف

______________________________________________________________________________

حسام بجدية : يااه فعلا دى قضية معقدة و كبيرة ولو الموضوع ده مخلصش اعتقد القضية دى هتبقى موضوع التليفزيون والاعلام

محمد : مش فاهم ازاى يعنى

حسام بجدية : يعنى الناس الكبيرة دى ليهم نفوذ هيطلعو الموضوع على التليفزيون علشان كلو بتشغل بيه ومحدش ينتبه ليهم حتى احنا

محمد بجدية : يابنى ده جمال طلع معاهم ، ده موضوع شكله كبير

حسام : بص ركز على اللى قولت عليه ولو عايز مساعدة او مراقبة والكلام ده انا هعملو وهبقى معاك فى القضية دى بس المهم ركز مع يارا ، ممكن يكون وراها اسرار كتير

محمد : لا انا اتأكدت مية فى المية انها ملهاش علاقة بالقضية والدليل انهم كانو عايزين يخطفوها
______________________________________________________________________________
يارا : برضو مصرة احكيلك؟؟؟؟

ملك : ايوة طبعا

يارا وتذكرت شئ وقررت عدم مصارحة ملك : بصى انا كنت بضايق منه علشان شغله مع سامح وكدا وكنت خايفة وفاكرة رامى ده صاحب سوء وكدا

ملك بأستغراب : وبعدين

يارا : بس

ملك : بس اية

يارا : هى دى الحكاية

ملك بشك : لا والله وانا هبلة وبريالة علشان اصدق اللى بتقوليه ده

يارا بحزن : يا ملك !!

ملك : لا ده شكله موضوع كبير ، هتحكى ولا لا يا يويا يا عسل

يارا : دلوقتى عسل ، ماشى ياستى

بدأت يارا الكلام ولكنها لم تلحق ان تقول شئ فقد رن جرس الفيلا

يارا : مين !!!

ملك بأستغراب : معرفش
تعالى معايا نفتح

ملك تفتح الباب ويارا وراها ويفتحان الباب وبتفاجئو ب سيدة جميلة جدا وفى العشرينات من عمرها

هدير بأبتسامة : اهلا

ملك بأستغراب : هدير !!!

هدير : هو انا جيت فى وقت مش مناسب ولا اية

ملك بأستغراب : لا بس برضو اية اللى جابك

يارا بعدم فهم : انا مش فاهمة حاجة مين دى يا ملك

هدير بأبتسامة : انا خطيبة الرائد محمد

يأتى محمد فى هذه اللحظة

محمد بعصبية : كااان

هدير : ودلوقتى ياحبيبى

محمد بعصبية : اية اللى جابك ، عايزة اية !!!

هدير بأبتسامة وتروح تحوط باديها على رقبة محمد : بحبك والله لسة

تشعر يارا بأنها ليس لها علاقة بما يحدث وصعدت لأعلى وذهبت ورائها ملك

محمد بعصبية وهو يدفع يديها : غورى بقا ، ولو عتبتى هنا تانى اقسم بالله يا هدير ما هيحصلك كويس

شعرت هدير بالحزن وفى نفس الوقت شعرت بالغضب وقررت الرحيل

يدخل محمد ويلقى بنفسه على سريره الذى بغرفته وسند رأسه وهو يفكر ويقول لنفسه : عايزة منى اية يا هدير ، فكرانى هرجعلك تانى ، لكن ده بعدك ،انا عمرى ما حبيت ولا هحب حد زى هايدى ، كانت كل حياتى وكل دنيتى وقلبى
ولما ماتت خدت معاها كل حاجة حلوة ، الله يرحمك يا هايدى

فى تلك اللحظة تدخل اخته ملك عليه

ملك مداعبه محمد : اية مالك قاعد شبه المطلقين كدا لية

محمد بنفاذ صبر : يارب ارحمنى ، اية يا اختى يا حبيتى عايزة من اهلى اية

ملك : انت بتعاملنى زى المتهمين كدا لية محمحوتى

محمد : هو انا لما بعامل المجرمين بقولهم يا حبايبى ياهبلة واية محموحتى دى انتى قاعدة فى قناة ميكى

ملك : يوووه بلاش اهزر معاك

محمد : لا هزرى واقرفى اللى جابونى يا عيون محموحتك

ملك : اه صحيح ، هدير اية اللى جابها وفكرها بيك دلوقتى

محمد : والله ما عارف ، رامية بلاها عليا اليومين دول لية

ملك : بس شكلها بتحبك

محمد بعصبية : ملك بلاش سيرة هدير دى علشان بتنزرفنى

ملك : حاضر بس قولى عملت اية فى العيال اللى اتهجمو علينا

محمد : افرجت عنهم

ملك بزعيق : نعمممممممم

محمد بعصبية : اترزعى وهفهمك كل حاجة يا رخمة بس نادى يارا الاول

ملك : حاااضر

محمد بجدية : تمام كدا وانتى يا انسة يارا لو حد كلمك مترديش عليه وتجيبى ألرقم علطول

يارا بخوف : حاضر

ملك : يلا هنسيبك تستريح بقا وهندخل

محمد بجدية : معلش متقلقيش يا انسة يارا انا هبات النهاردة بس

يارا : لا حضرتك ده بيتك انا اللى عملالكو مشاكل

محمد بجدية: مشاكل اية انا ظاابط يلا روحو يلا علشان متعصبش

ملك بهزار : يلا يابنتى احسن يقتلنا ، مجنون ويعملها

يارا تتكسف وتضحك وتقوم

__________________________________________________________________________

جمال : الرائد محمد مبينامش خالص الايام دى يا باشا ده حتى كل شغله فى القضية ، وحاسس ان بيدور فى دماغه حاجة

- حاجة اية ؟

جمال : معرفش بس حاسس انه شك فيا

- لا لا مظنش ، هيشك فيك لية يعنى

جمال : طب ويارا اللى عنده دى هنجبها ازاى

- ههههههههههه ملكش دعوة سيب الحكاية دى عليا بس اى حاجة جديدة بلغنى علطول

جمال : تمام يا باشا مصر

- ههههههه ماشى يا جمال هقبلها منك

___________________________________________________________________
ملك : يااااااه انا هموت وانام

يارا : وانا والله

ملك يلا تصبحى على خير

يارا : وانتى من اهل الخير

ينام الجميع ويحل الهدوء على كل المكان ، الكل فى عالم اخر ، يستريح من يومه الشاق والمتعب ، ينتظرون الليل لكى يتمكنو من الراحة والغط فى نوم عميق

مضى من الوقت ساعتان حتى حدث الاتى

قامت يارا وهى تصرخ وتبكى بشدة وافاقت كل من فى البيت

ملك بفزع : فى اية يا يارا حصل اية

يأتى محمد من غرفته سريعا

محمد بجدية : حصل اية !!!!!!!!

يارا وهى تبكى : بابا سبتنى لية انت وماما لوحدى ، سبتونى لية ، انا وحيدة من غيركو ، انتو اللى كنتو بتهونو عليا وكل اللى ليا

ملك : معلش يا يارا اكيد كابوس وانا عارفة انك اتصدمتى قبل كدا علشان كدا اكيد حلمتى بوالدك صح

محمد يقف وقد هدأ روعه وبدأ يتحدث

محمد: انسة يارا ، كل ده مقدر واكيد بابا جايلك الحلم يطمن عليكى ، متعيطيش هم مماتوش هم جمبك بس اهم حاجة ايمانك يكون قوى علشان تعدى الازمة دى وصدقينى والله كل حاجة هتتحل وهتبقى تمام بلاش عياط بقى

يارا وقد بدأت فى الهدوء : حاضر

فجأة يرن هاتف محمد برقم غريب
محمد : الو مين ؟

_______________________________________________________________________________________________________________________________________________
#Abdo

الفصل التاسع

تأليف : عبدالرحمن احمد
#Abdo
____________________________

فجأة يرن هاتف محمد برقم غريب
محمد : الو مين ؟

- الرائد محمد ادهم معايا

محمد بجدية : ايوة

- انا عايز ابلغك عن اللى بتدور عليهم موجودين فى العنوان اللى هبعتهولك بعد ما اقفل فى ماسج

محمد بجدية وبدأ صوته فى الارتفاع : مين بيتكلم

ينقطع الخط ويبدأ محمد فى الشيطان والعصبية

ملك بأستغراب : فية اية يا محمد

محمد بتفكير : معرفش بس حاسس بحاجة غريبة فى الموضوع ده المهم دلوقتى انا نازل وخليكو هنا

ملك : هتنزل دلوقتى ده الفجر هيأذن

محمد بجدية : لازم افهم الموضوع ده اية

يارا بحنية وخرجت منها الكلمات ولم تستطيع ان تمنعها : خلى بالك

محمد بأبتسامة و استغراب ايضا : اية

يارا لم تدرى ما قالت وبدأت بالارتباك : قصدى خلى بالك منهم علشان خطر وكدا

محمد بأبتسامة : حاضر

__________________
يصل ل محمد رسالة بها العنوان

يرفع محمد هاتفه ويتصل ب جمال
محمد بجدية : ايوة يا جمال

جمال بتثاقل وصوت يشوبه النوم : ايوة يا محمد بية

محمد بجدية : قوم كدا وفوق وتعالى على القسم دلوقتى

جمال بنوم : دلوقتى يا باشا ؟؟

محمد بعصبية : قوم يا جمال ، خمس دقايق الاقيك قدامى

جمال : حاضر يا فندم مسافة السكة

يصل جمال

محمد بجدية : يلا عندنا مهمة دلوقتى وحضر البوكس ومعاه قوة كمان

جمال بعدم فكر : طب هنروح فين وفيه اية وسعادتك خدت اذن النيابة ولا لا

محمد بعصبية : مش لازم تفهم دلوقتى واذن ليه هو انا رايح افتش شقة ولا اعمل حاجة ، فوق لشغلك يا جمال واعمل اللى قولتلك عليه

جمال : تمام سعادتك

تم تجهيز كل شئ وبالفعل انطلق الرائد محمد ادهم وبصحبته جمال مع قوة الى العنوان الذى ارسله له الشخص المجهول وبالفعل وصلو الى المكان ولكن لم يجدو اى شئ وبعد تمشيط المنطقة لعدة مرات لم يعثرو على شئ تأكد محمد ان هذا ملعوب او احد يستفزه لكنه فكر لوهلة انه ترك اخته ويارا وحدهم بالمنزل ولا يوجد احد معهم وايضا يوجد القليل من الحرس امام الفيلا وان هذا من الممكن ان يكون تمويه لفعل شئ ، شعر محمد ان تفكيره يكاد ان يكون صواب وشعر بالزعر الشديد خوفا على اخته وعلى يارا وسحب جواله واتصل ب اخته ملك ولكن لم ترد وكرر عدة مرات ولكن دون جدوى فقرر الاتصال ب يارا ونفس الشئ لم ترد عليه ايضا ، شعر محمد ان تفكيره صواب وان بالفعل هذا تمويه لكى يفعلو شئ بأخته وب يارا
صرخ محمد صرخة مدوية وهو يقول جمااااااال

جمال بخوف : ايوة يا محمد بيه

محمد وهو يرفع المسدس بأتجاهه : فين اختى وفين يارا

جمال بعدم فهم : اية اللى بتقولو ده يا محمد بيه

محمد بصوت عالى : بقولك فين اختى ويارا ، هتقول ولا افرغ المسدس ده فى دماغك وساعتها محدش هيقول حاجة ، ظابط خاين ومات ومعايا الدليل

جمال بخوف : والله سعادتك ما اعرف بتتكلم عن اية واية اللى حصل لأخت سيادتك او ليارا

شعر محمد انه قد يضيع ما يرتب له وان ذلك لن يفعل شئ وان هذا خطأ ، سحب سلاحه واخمده

محمد بجدية : معلش يا جمال اعصابى تعبانة ، يلا بينا على الفيلا عندى ، ويارب اللى فى دماغى يطلع غلط

وبالفعل انطلق محمد وجمال والقوة بأتجاه الفيلا الخاصة بوالد محمد والتى يعيش فيها وكل ثانية بباله وهو يفكر هل سيجدهم عندما يذهب بخير ام سيصيبهم مكروه وكان يتمنى انهم لم يسمعو الهاتف لذلك لم يردو عليه ولم يصيبهم اى مكروه وكان يحاول الاتصال عدة مرات فى الطريق ولاكن دون جدوى
وبالفعل وصل الى الفيلا ولكن صدم محمد بالمشهد
الحرس الذى كان يحرس الفيلا قد قتل تماما ودمائهم سائلة على الارض ومشهد مريع و مخيف
دخل محمد الى الفيلا يجرى سريعا حتى صعد الى الاعلى وهو ينادى عليهم ولكن لا حياة لمن تنادى ، لم يكن فى الفيلا احد حتى الخادمة قتلت ايضا
لم يعرف محمد ماذا يفعل
هل حدث مكروه لاخته ؟
هل حدث مكروه ليارا ؟

تساؤلات عديدة ووصلت الاسعاف ونقلو الجثث ووصل اللواء شريف المهدى وايضا صديقه الرائد حسام فى منطقة الواقعة فى فيلا ادهم السيوفى

اللواء شريف : يا محمد قولتلك القضية دى كبيرة ، دى وراها ناس كبيرة

محمد بجدية وقد نفذ صبره : لو كانت تقول على مكان الورق قبل ما تتخطف كان زمانى مطربقها فوق دماغهم كلهم

شريف : سيادة الرائد محمد مش عايزيين تهور ، عايزين نفكر بعقل علشان نجيب الناس دى

محمد بجدية : اسف يا سيادة اللواء بس عقل ازاى واختى اللى ماليش غيرها اتخطفت

حسام : خلاص يا محمد بقا انا اتنقلت معاك علشان ابقى معاك وهساعدك فى القضية دى ونحاول نرجعهم ان شاء الله وده بفضل سيادة اللواء

شريف : اهم حاجة لازم نعرف بنواجه مين علشان نجيب الناس دى ومرة تانية مش عايز تهور يا سيادة الرائد علشان متضيعش كل حاجة ، مفهووم ؟

محمد : مفهوم يا فندم

___________________________________________

ادهم بعصبية : اختك تتخطف كدا يا محمد وسايبها لوحدها

محمد بجدية : اولا مكنتش سايبها لوحدها لان كان فيه حرس بس الله يرحمهم ماتو كلهم وتانى حاجة عملو تمويه ليا علشان اروح مكان وينفذو ده ، يعنى مش زنبى ، وبعدين منا بعمل اقصى حاجة عندى علشان ارجعها هي ويارا مش حضرتك كل حاجة شغل شغل وسايب بيتك وحتى مبتباتش فيه الله اعلم اتجوزت ولا اية

ادهم : قصدك اية يا محمد

محمد بعصبية : مقصديش يا بابا ، انا ماشى علشان مش فاضى

رحل محمد من مكتب ابيه فى شركته وهو يفكر اين اخته ويارا واين هم مخطوفون الان وهل هم بخير ام لا وهل سيستطيع الوصول لهم ام لا وكيف سيصل لهم اصلا
لكنه تذكر شئ
نعم لقد تذكر شخصان سوف يساعداه على ذلك

هم اشرف وعمر

الذى افرج عنهما ووعدوه بأنهم سيساعدوه ولن ينسو جميله معهم

قرر محمد الذهاب اليهم

____________________________________________

وصل محمد الى مكانهم ووجدهم يجلسون على احد المقاهى

اشرف وعمر بحفاوة : اتفضل يا محمد بيه ، ياااااه دى المنطقة نورت

محمد بأبتسامة : تسلمو يا رجالة

اشرف : تشرب اية يا باشا

محمد بجدية : انا مش جاى اضايف يا اشرف ، انا عايزكو فى موضوع خطر اوى

عمر : اتفضل يا باشا احنا رقبتنا سدادة وعمرنا ما هنسى جميلك معانا

محمد بجدية : اختى و يارا اتخطفو

اشرف بأستغراب : ازاى

قص محمد عليهم الموضوع بأكمله

عمر : محمد بيه انا عارف ممكن يكونو فين

محمد بلهفة : فييين !!!!!

_____________________________________________________________________
نترك ذلك ونتجه الى مكان اخر ، مكان لا يعرفه احد ، مكان مهجور تماما ويخيم عليه الظلام والهدوووء التاااام ويوجد احد المنازل القديمة فيه

- ازيك يا سنيورة

يارا : انتو عايزين منى اية

- انتى هتسطعبى ولا اية ، عااايزين الورق يا روح امك

ملك بعصبية : انتو متعرفوش اخويا يبقى مين ، والله ما هيسيبكم وهتندمو

- ههههههههههههه اخوكى ده انسيه ، كلها حكاية وقت وتسمعى خبره

ملك يبدو عليها الخوف وبدأت هى و يارا فى البكاء

واتى صوت من الخلف خارج الحجرة ، سيبهملى انت وروح شوف شغلك برا

- حاضر يا باشا

ودخل هذا الشخص وهو مبتسم

صدمت ملك ويارا من هذا الشخص

هذا معقوول انت ذلك الشخص ، كيف ، كيف ونحن لا ندرى ذلك

ملك ويارا فى صدمة وذهووول تااام : انت ؟؟؟؟؟؟

____________________________________________________________________________

#Abdo

الفصل العاشر
________________

هذا معقوول انت ذلك الشخص ، كيف ، كيف ونحن لا ندرى ذلك

ملك ويارا فى صدمة وذهووول تااام : انت ؟؟؟؟؟؟

- هههههههه شوفتو

ملك بغضب : انت عايز ممنا اية

- مش عايز منك ، عايز منها هى ، هى عارفة عايز اية

يارا بغضب : قولتلك معرفش حاجة عن الورق ده

- لا لا كدا هتزعلينى منك

يارا بأبتسامة سخرية : ازعل

كاد ان ينطق ذلك الشخص المعروف بأسم جمال ولكن رن هاتفه

جمال بأبتسامة : اخوكى بيتصل

ملك : اخويا مش هيسيبك

- انا خارج برا

خرج جمال من الغرفة واتجه الى الخارج ورد على هاتفه

محمد : اية يا جمال ساعة عقبال ما ترد

جمال : اسف يا سعادتك

محمد : تعالى على القسم دلوقتى

جمال بأستغراب : حاضر

__________________________________________________________________

ادهم : حضرتيلى فايل بأسماء المستوردين كلهم يا نسرين

نسرين : ايوة يا فندم والملف عند حضرتك اهو

ادهم : طب اية اكتر شركة واقعة نقدر نشتريها بأرخص سعر والاهم تكون سمعتها معروفة

نسرين : شركة عاصم الحسينى، لان بعد ما اتوفى الورثة عرضو كل شركاته للبيع وبأرخص سعر

ادهم بأبتسامة : طب اتواصلى معاهم علشان هشترى كل الشركات

نسرين بأستغراب : هتشتريهم كلهم يا ادهم بيه

ادهم : ايوة ، دى صفقة متضيعش وهنكسب من وراها كتير

نسرين : تمام اللى تشوفو حضرتك

ادهم : اتواصلى معاهم وبلغينى

نسرين : حاضر يا فندم

___________________________________________________________________

ملك بصوت متعب : هنعمل اية فى المصيبة دى يا يارا

يارا وهى شاردة فى التفكير : مش عارفة يا ملك ، حاسة ان دى النهاية

ملك : ربنا يطمن قلبك

يارا : معلش يا ملك انا السبب فى المرمطة اللى انتى فيها دى

ملك : بس يا هبلة احنا لو هيقتلونا عادى بردو وبعدين متقلقيش ده بردو الرائد محمد وتبستم وتغمز بعينها ل يارا

يارا بعدم فهم : اية !!

ملك : يعنى مش عارفة اية يا يويا يا قلبى

يارا وقد فهمت قصدها : والله انتى رايقة يعنى مخطوفين وانتى بتفكرى زى العبيطة كدا

ملك : يابنتى انا حفظاااكى

يارا : لا يا ملك والله ما اللى فى دماغك وبعدين انا عمرى ما حبيت ولا حب حد غير سامح

ملك : بس سامح الله يرحمه وبعدين مش هتفضلى علطول كدا من غير حب ولا جواز

يارا : ركزى يا ملك فى اللى بتعملية ونبى وارحمينى

ملك : اركز فى اية يابنتى احنا مخطوفييين

يارا : ركزى وخلاص بقى

ملك : بقولك

يارا : اممممم قولى

ملك : ما تيجى نهرب

يارا : بس يا هبلة انتى نهرب اية واحنا متكتفين التكتيفة الهباب دى وكمان الناس اللى واقفة برا

ملك : ملكيش دعوة بقا انتى مع اخت الرائد محمد ادهم السيوفى

يارا : طب قوليلى خطتك يا اخت الرائد محمد ادهم السيوفى

تبدأ ملك بشرح خطتها ليارا وفى البداية يارا كانت رافضة تماما تلك الفكرة ولكن خطة ملك اقنعتها بشكل كبير

سحبت ملك بأطراف اصابعها خيطا وكان مثبت فى منشار صغير وملقى على الارض
وبدأت بصعوبة فى قطع الحبال المربوطة بيديها وبالفعل نجحت فى ذلك وحررت نفسها تماما من تلك القيود و ذهبت لكى تحرر يارا ايضا وقامو وهم يمشون ببطئ وامسكت يارا بحديدة كبيرة على الارض وخرجت هى وملك وضربت تلك الحديدة على رأس احدهم ووقع غارقا فى دمائه ولكن حدث ما لم يكن فى الحسبان
اتى شخص اخر من خلفهم ويحمل مسدس وضرب رصاصة فى الهواء فوقفت يارا وملك مرعوبتان

- عايزين تهربو منى ، انا التعليمات انا مقربش منكو بس هعلمكو الادب

وبدأء الاقتراب من يارا ويارا ترجع مع ملك للخلف بخوف شديد ثم توقفو لانهم رجعو الى حائط ووقفو مرعوبين ثم ضحك ذلك الشخص وبدأ الاقتراب من يارا وامسك بكتفها وقربها منه ليقبلها وصرخت يارا وفجأة سمعو صوت اطلاق نار وقع على اثر ذلك الصوت ذلك الشخص ارضا مصابا برصاصة فى الظهر

محمد بخوف يجرى على ملك ويارا ويأخذهم بحضنه وكأنهم اطفاااله وبدأو فى البكاء وهو يهدأ من روعهم

محمد : الحمدلله انى وصلت فى الوقت المناسب

يارا كانت بحضنه وكأنها طفلة تبكى ولكنها فجأة صدمت انها بحضن شخص غريب ثم بعدت عنه برهة

محمد : يلا بينا على العربية ، جمااااااال

يأتى جمال ووجهه ملون و شاورت يارا وملك بيديهم على جمال

يارا وملك ببكاء : اهو ، هو يا محمد

محمد بأبتسامة : عارف ومن زمان كمان

محمد : حسام خد الكلب ده على البوكس علشان اللواء شريف مهتم جدا وعندو فسحة كدا فيها تحويل للتحقيق وفصل وهتتختم بزيارة طرة بأذن الله

حسام : طب يلا يا محمد

محمد : يلا

ركب الرائد محمد سيارته وبجواره اخته ويارا وانطلقو والكل شارد حتى نطقت ملك

ملك : انت صحيح عرفت مكانا ازاى يا محمد

محمد : لازم تعرفى يعنى

ملك : ايوة طبعا

محمد : شغلى يا ستى

ملك : طب قول

محمد : حاضر

flash back

عمر : محمد بيه انا عارف ممكن يكونو فين

محمد بلهفة : فييين

عمر : فى المكان اللى قالولنا نخطف فيه يارا

محمد بصدمة : ااااه صحيح ازاى نسيت

عمر : العنوان مع سعادتك اهو ولو عايز حاجة منى انا واشرف نعملها احنا موجودين

محمد بأبتسامة : تسلمو يا رجالة

قام محمد واتجه الى القسم واخبر اللواء شريف بكل شئ واتفقو على كل شئ واتصل محمد ب جمال وحدث ما حدث

back

ملك : ياااه ده كله

محمد : اه شوفتى

يارا : مش انتى يا هبلة وعايزة تهربينا وعاملة فيها سوبر مان

محمد بضحك : اية ده هو انتو كنتو بتهربو ههههههههه

يارا : فكرة ملك ومشيت وراها وكنا هنضيع لولا انك لحقتنا

محمد : ههههههه منك لله يا ملك

ملك : انا غلطانة انى بقلدك يعنى

محمد : تقلدى مين ياهبلة انتى هو انا بتخطف

ملك : ماشى ماشى اتريق انت وهى عليا

يارا بصوت عالى وصرخة مدوية : حااااااااااااسب

_________________________________________________________________________________________

الفصل الحادى عشر
____________________

ذهبت عربة الاسعاف التى تحمل جثة الرجل الذى قتله محمد اثناء الدفاع عن يارا واخته وامر بحبس جمال وانطلق البوكس الذى يحمله تجاه القسم اما عنه هو فأخذ يارا واخته ملك معه فى السيارة الخاصة به وانطلق الى المنزل ولكن اثناء التحدث فى الطريق وكان محمد ناظرا بجواره لأخته صرخت يارا صرخة مدوية
يارا : حااااااااااااسب

التفت محمد بسرعة ليجد سيارة نقل كبيرة وقد اقتربت منهم وكادت ان تدهسهم ولكن تصرف محمد بسرعة كبيرة جدا ولف بالسيارة بسرعة جنونية و ضغط على الفرامل لينجو من موت وشيك

محمد بعدم تصديق انهم نجو : اوووووووف
ملك بدموع : كنا هنموت

ينظر محمد وتنظر ملك للخلف ليجدو يارا قد فقدت الوعى من الصدمة
خرج محمد من السيارة بسرعة وفتح الباب الخلفى ودخل الى السيارة والتقت يارا على يديه واخذ يفيقها وكان معه زجاجة مياه اخد يقطر منها على وجهها ويمسح على وجهها حتى فاقت

محمد بأبتسامة : حمدالله على السلامة

يارا وهى تنظر فى كل مكان وتفوق : هو احنا موتنا

محمد : لا الحمدلله ملك بس اللى ماتت

يارا بصدمة : اية !!

محمد : بهزر يا ستى وبعدين لو حصل كدا هقولك الحمدلله ماتت يا ذكية انتى

ابتسمت يارا واعتدلت وقالت : مش تحاسب بعد كدا اديك كنت هتموتنا

محمد : انتى هتنسى بقا انى لسة مأنقذك هناك ولا اية

يارا : برضو خلى بالك

محمد : حاضر

خرج محمد ودخل الى السيارة واخذ فى القيادة حتى وصلو الى الفيلا الخاصة بهم

وقال لهم : انا رايح بقا علشان اتابع التحقيق بنفسى وافهم مين الناس دى

يارا : تفتكر جمال هيعترف عليهم

محمد : لا بس انا هعرف ازاى اخليه يعترف بسهولة كمان

ملك : طب هتسيبنا لوحدنا

يارا : اه صحيح هتسيبنا كدا لوحدنا !!!

محمد : لا لا متقلقوش اللى حصل ده مش هيتكرر تانى لان كدا هم عرفو ان اللى هيقرب من البيت هنا هيموت علشان انا جبت قناص مخصوص فوق الفيلا

يارا بخوف : قناص

محمد : متخافيش ده مع الحراسة انتو فى امان مع ان اصلا هم عمرهم ما هيجو هنا تانى ، يلا سلام

يارا وملك : سلام

______________________________________________
ادهم : ها حددتى ميعاد مع ورثة عاصم الحسينى يا نسرين !!

نسرين : ايوة يا فندم وهتبقى النهاردة الساعة 5 فى مكتب سعادتك

ادهم بأبتسامة نصر : حلو اوى روحى انتى وابعتيلى ياسر

نسرين : حاضر يا فندم

اتى ياسر الى المكتب وجلس

ادهم : يلا اجهز

ياسر : خير يا فندم

__________________________________________

- اية الظابط عرف المكان وخدهم !!!
= ايوة وهم دلوقتى معاه ، الاتنين الحراسة واحد مات والتانى فى المستشفى تحت الحراسة دلوقتى
- غبى غبى ، ازاى توقف اتنين بس
= اللى حصل يا فندم ان الظابط كلم جمال وبعدين جمال خد اتنين معاه ومشى ومتبقاش غير اتنين
- يعنى الظابط كان عارف ان جمال موجود
= بالظبط يا فندم ده غير ان جمال دلوقتى اتفصل من الشغل واتحول للتحقيق
- لا ده زودها اوى
= تحب اخلص عليه يا باشا
- هو مين ؟؟
= الظابط طبعا

ادهم : انت اتجننت ، عايز تقتل ابنى
ياسر : مقصدش والله يا ادهم بيه بس اقصد ان هو عاملنا مشاكل كتير
ادهم : روح انت وانا هعرف اتصرف ولما احتاجك هتصل بيك
ياسر : حاضر سعادتك

______________________________________________

انهى محمد اجراءات التحقيق اليومية ولكن دون ان يحصل على اي شئ مفيد و كان مهلك ومتعب جدا وقرر العودة الى المنزل

عاد الى المنزل ونزل من سيارته ودخل الى الفيلا ولكنه وجد يارا جالسة وشاردة فى التفكير

اقترب منها وقال : مساء الخير

يارا وقد انتبهت لوجوده : مساء النور

محمد : اية اللى مصحيكى لغاية دلوقتى كدا

يارا : ماجليش نوم خالص ولقيت ملك نامت فنزلت اقعد اسرح شوية كدا

محمد وقد جلس بجوارها : سرحانة فى اية بقا

يارا : يعنى ، فى اللى بيحصل واللى حصل واللى جرالى وانى بقيت لوحدى وكدا يعنى

محمد : ازاى لوحدك ، طب انا هحكيلك حكاية وبعدين انتى قررى وشوفى

يارا : حكاية اية

محمد : بصى يا ستى ، كان فيه اتنين بيحبو بعض اسمهم محمد وهدير
هدير طبعا عارفاها اللى جت هنا دى ومحمد ده اللى هو انا
كنت بحبها حب غريب بس هى كانت بتحب نفسها بس
مظهرها وشكلها وبريستيچها كان هو حياتها وكانت بتفكر فى نفسها وبس ، تقدى تقولى كانت بتحبنى علشان تقول بحب ظابط وكدا وتفرد نفسها
لغاية ما عرفت كدا وكل يوم بلاحظ ، كرهتها ومبقتش اهتم بيها ، حتى لما كانت تتصل مكنتش برد لغاية اما قابلت هايدى ، حبيبتى وروحى وعينى وكل حاجة ليا ، عرفنا بعض وحبينا بعض بطريقة رهيبة ، كنت بعشقها وهى بتعشقنى ، اتخطبنا وحددنا ميعاد الفرح والدعوات
قبلها بأسبوع كنت قبضت على تاجر كبير للمخدرات بس ابنه هرب

كنت قاعد معها على الكافيه بنتكلم عادى وفجأة اتنين بمسدسات ضربو عليا نار ،بس للأسف دافعت عنى والرصاص جيه فيها هى
مش قادر انسى شكلها وهى بتموت وبتنطق اسمى وبتقولى ادعيلى وانها بتحبنى
لغاية دلوقتى كل ما افتكر اقول يارتنى انا اللى كنت موت على الاقل مش هتعذب كدا
مش قادر انسى ضحكتها ولا انسى اى حاجة حلوة كانت بتعملها ، ساعتها قولت انى مليش حد فى الدنيا وانى لوحدى ، بس عافرت وقدرت اقف تانى وكل ما افتكرها ادعيلها
ربنا يرحمها ياااارب

يارا وقد تأثرت بالقصة ونزلت دمعتها : الله يرحمها

محمد : مش عايزك تقولى انا لوحدى تانى ، بس مش يمكن حصل كدا ليكى زى ما حصل ليا علشان نتقابل
كل حاجة فيكى بتفكرنى بيها

محمد وقد امسك بيديها : يارا انا بحبك

يارا بصدمة : بتحبنى انا

محمد : ايوة يا يارا وبعشقك كمان من يوم ما شوفتك ، بس ياترا انتى بتحبينى الحب ده
يارا بدون تفكير شعرت بأحساسها من ناحيته ايضا انها تحبه ، لا بل تعشقه ايضا والقت نفسها فى حضنه واجهشت بالبكاء

محمد : متعيطيش يا يارا انا معاكى

يارا وهى تبكى : متسيبنيش يا محمد انا دلوقتى مليش فى الدنيا دى غيرك ، مش عارفة ازاى حسيت الاحساس ده ، بس متسبنيش انا بحبك انا كمان ، متسبنييييش

محمد وهو يرتب عليها بيده وهى ملقاه فى حضنه : مش هسيبك يا يارا مش هسيبك ، يارب يخليكى ليا وميحرمنيش منك يارب ، يااااارب

_____________________________________________

الفصل الثاني عشر
__________________________
اصبح يوم جديد على ابطالنا
قام محمد من نومه واخذ الشاور الخاص به وارتدى ملابسه وانطلق الى العمل حيث المشقة والتعب والخطر ، كل ذلك فى ان واحد
واستيقذت يارا وكانت اول مرة تصحى سعيدة ومتفائلة وكلها نشاط وامل منذ ان حدثت لها تلك المصائب اللعينة واخذت حمامها و جلست لتوقظ ملك من نومها

يارا : قومى يا ملك احنا بقينا الساعة 7 هنتأخر كدا على الكلية
ملك بنوم : حاضر حاضر
يارا : يابنتى قومى بقا
ملك وهى تستيقظ : قومت اهو
وتتفاجئ من اشراقة يارا ونشاطها واخيرا لم تلبس اللون الاسود وخلعت ذلك اللون وفيها نشاط وتتحرك فى الغرفة وكأنها ملاك

ملك : انتى يارا !!

يارا بأستغراب : نهارك اسود ، انتى فقدتى الذاكرة !!

ملك : لا لا بس اية الحلاوة والجمال ده ، معقولة يارا الكئيبة الحزينة تنام وتصحى كدا

يارا بأبتسامة وضحك : حكمة ربنا ، يلا قومى بقا خدى دش كدا والبسى علشان نمشى

ملك : هههههههه لا مش هقوم من مكانى غير لما افهم سر التغير المفاجئ الفظيع ده

يارا : مفيش يابنتى عادى

ملك بأبتسامة : على ملوكة برضو يا بت

يارا : هههههههههه دا انتى محدش يعرف يخبى عليكى حاجة خااالص

ملك : لخصى يابت اية الحوار

يارا : بصى هو محمد قعد اتكلم معايا امبارح و و.....

ملك : اوعاااا ، بيحبك صح ، قولى ايوة وانه اعترفلك

يارا : ايوة

ملك : ياااااه اخيرااااااا ، ده محمد من ساعة ما اللى حصل ل هايدى وهو حالف ما يحب ولا انه يتجوز بس فعلا شكله حبك يا بت ، وانا اقول اية الفراشة اللى طايرة فى الاوضة دى والتغير والفرحة دى ، اتارى الحب على هواك يا قمر

يارا : ههههههههههه بطلى رخامة وقومى بقا خلينا نمشى

ملك : حاضر

______________________________________________

حسام : الناس دى تفكيرها عالى اوى بس برضو مش بالذكاء العالى ، يعنى بينسو حاجات

محمد : لا هم فاهمين بيعملو اية بس دلوقتى الأوراق اللى مع يارا معايا ومفيهاش اى حاجة

حسام : ايييية ؟؟ ازاى يعنى

محمد بتفكير : معرفش انا هتجنن ، امال ليه كانو بيدورو على الورق بالطريقة دى وعمالين يلفو وخطفو يارا وملك وبعدين ضربو نار عليا لما بعتو عمر وخالد
انا مش فاهم حاجة ، فيه سر فى الموضوع احنا مش عارفينو

حسام : اما الورق مفيهوش حاجة بيدورو عليه لية ، تمويه يعنى !!

محمد : تمويه من اية ، يعملو كل ده علشان تمويه !!
الناس دى ليها تعليمات من برا ، حد ليهم هنا فى مصر بس بياخد التعليمات من برا

ويبدأ على التليفزيون برنامج اخبارى وتبدأ المذيعة فى التحدث

المذيعة : ومازال لا يوجد شئ جديد عن مقتل رجل الاعمال الكبير عاصم الحسينى وهل ده ليه علاقة بمقتل الشاب سامح اللى كان شغال معاه !!! ولا ليه علاقة برجل الاعمال الكبير ادهم السيوفى اللى سيادة الرائد ابنه ماسك القضية ، بس لحد دلوقتى مفيش جديد ، عايزين رد من الداخلية ، اية الموضوع ومين من مصلحته يحصل كل ده
لان كل ده مش صدفة ، دى احداث مترتبة والله اعلم ليه علاقة بالارهاب ولا مصالح شخصية ، يا سيادة وزير الداخلية عايزين رد على الاسئلة دى علشان نعرف الوضع

حسام : مش قولتلك الموضوع ده هيبقى موضوع التليفزيون الفترة دى

محمد : اممممم شكلنا ابتدينا

وتكمل المذيعة كلامها : احنا جالنا خبر دلوقتى بيقول ان من اربع ايام بالظبط حصل سطو مسلح على فيلا رجل الاعمال ادهم السيوفى وتم قتل جميع الحرس اللى على الفيلا واختطفو يارا وجدى و ملك ابنة رجل الاعمال ادهم السيوفى
والمعلومات اللى عندنا ان يارا تبقى خطيبة سامح حسين اللى اتقتل فى شقته وكان شغال مع عاصم الحسينى و قدرت قوات الشرطة بقيادة الرائد محمد ادهم انهم يرجعوهم
واضح ان القضية كبيرة وان ليها خيوط كتيرة وحاجات احنا مش فاهمنها علشان كدا محتاجين حد يفهمنا يا جماعة

محمد بأستغراب : جابت المعلومات دى كلها منين ومحدش يعرف حاجة عن ده كله لانه سرى

حسام : فعلا ، غريبة ، تفتكر ان الناس دى هم اللى بلغوهم

محمد : ايوة بس لية !!!!

حسام : معرفش يمكن هم اللى ليهم مصلحة بان كل دن يتقال

محمد : كدا احنا لازم نتحرك علشان الموضوع كبر مننا

حسام : هتعمل اية واحنا منعرفش اصلا هم مين

محمد : ما هو احنا لو متحركناش مش هنعرف

______________________________________________

نزلت ملك ومعها يارا من الفيلا وتوجهو الى العربية الخاصة بملك ولكن استوقفهم الظابط طارق

طارق : حضرتك احنا هنا علشان نأمنكو والمعلومات اللى عندنا انكم لازم تركبو العربية دى وهيبقى فيها السواق وهيتحرك معاكم عربية امن

ملك : بس احنا رايحين الكلية مش محتاجين كل ده

طارق : اسف يا فندم بس دى التعليمات

_____________________________________________
وصلت ملك و يارا الى الكلية بعربية الامن ومعهم الحراسة وانتظرو بالخارج ودخلو الى الجامعة

ايمان : اية الحلاوة دى والحراسة دى يا ملك انتى ويارا

ملك : علشان مهمين يابنتى

ايمان : هههههههههه لا بجد

يارا : مفيش بس حراسة علشان اللى حصل وكدا
اه صحيح المحاضرة الساعة كام
ايمان : الساعة 9:30 ودكتور بلحة مش هيسيبنا

يارا : يوووووه امتى بقا اتخرج علشان اخلص من دكتور بلحة اللى حالف يسقطنا ده

ملك : بلاش سيرة البلح ونبى يا جدعان علشان بترعب من السيرة دى واحس اننا هنعيد السنة

ايمان : هههههههههه ربنا يستر بقا

______________________________________________
جاء وقت اجتماع ادهم السيوفى مع ورثة عاصم الحسينى

ادهم : المرحوم كان غالى عندى اوى علشان كدا مش هسيب شركاته واللى عمله كله يضيع فى الارض كدا ولازم اكمله و تفضل سمعة الشركات دى معروفة وعالية
انا عرفت انكم عارضين كل الشركات بسعر رخيص جدا بس مش هقبل ليكو خسارة
انتو كنتو عارضين على 100 مليون وده ميجيش ربع ربع ربع تمن الشركات علشان كدا هشترى كله منكو على 200 مليون

اسر ذلك العرض ورثة عاصم الحسينى ووافقو وتم العقد بينهم و اشترى ادهم جميع شركات عاصم الحسينى ايضا بارخص الاسعار لان تلك الشركات تتجاوز المليارات

_____________________________________________
تنتهى المحاضرة وتخرج يارا اولا ثم تجد شخص امامها وتصدم

يارا بصدمة : كريم !!

____________________________________________________________________________________________

الفصل الثالث عشر
___________________

يارا بصدمة : كريم !!
كريم : عاش من شافك يا يارا ، اية ده كله بقالك حوالى شهر مش بتيجى الكلية يعنى

يارا : ما انت عارف الظروف اللى حصلتلى يا كريم واولهم موت سامح الله يرحمه وبعدها موت بابا وماما مرة واحدة والناس اللى بتطاردنى دى

كريم : اسف لو كنت زودت المواجع او فكرتك بكل ده بس اية حكاية الناس اللى بتطاردك دى ؟

يارا : مفيش حاجات متعلقة بورق كدا سامح كان سايبهولى قبل ما يتوفى

كريم بأستغراب : ورق اية

يارا : ده موضوع طويل ابقى احكيهولك بعدين المهم بقا اية اخبار الدنيا هنا فى الجامعة

كريم : زى ما هى ، سامح الله يرحمه هو اللى كان بيعمل حس و بيهزر ويضحك بس الله يرحمه بقا

يارا بحزن : الله يرحمه

_____________________________________________

" التعريف بكريم "

كريم صديق سامح المفضل جدا ، اصدقاء من الطفولة ، كريم بيعتبر يارا اخته بالظبط وعمره ما اعتبرها غير كدا ، كان بيساعد سامح لما كان بيجهز للخطوبة علشان يتجوز بعد ما يتخرج و لما سامح و يارا كانو بيتخانقو مع بعض كان اللى بيصالحهم هو كريم

______________________________________________

اللواء شريف : اية الاخبار يا سيادة الرائد ، الداخلية كل شوية تكلمنى ومهتمة بالموضوع ده اوى
لازم تتحرك اكتر من كدا علشان الموضوع كبير ، لازم نعرف مين العيال دى ومين وراهم بأسرع وقت

محمد : احنا كان عندنا امل يا فندم فى الورق اللى كانو بيدورو عليه اننا نعرف مين هم من الورق ده بس للأسف الورق مفيهوش اي حاجة مفيدة اصلا كلها اسامى وارقام ، حتى اسامى مش معروفة

شريف : طب ما تدور عن الاسامى دى يمكن يوصلوك لحاجة

محمد : هههههههههه والله يا فندم عملت كدا بس اللى يصدمك ان الاسامى دى كلها ماتت فى حرب 67 يعنى قديمة اوى ومش معقول يعنى عايزين الاسامى دى

شريف : كلهم ماتو ؟

محمد : كلهم يا فندم اما بقا عن الارقام فهى ارقام عشوائية ، افتكرتها فى الاول حسابات فى بنوك ولما دورت ملقتش حسابات بالارقام دى

شريف : امال اية اللى يخليهم يجرو ورا الورق ده كده

محمد : على ما اعتقد ان الارقام دى شفرات او رموز هم بس اللى يعرفو يترجموها او يفكو شفراتها

شريف : ما تشوف خبير كمبيوتر من عندنا يحاول يمشى ورا الارقام دى ويحاول يفك اى شفرة ليها

محمد : تمام يا فندم تؤمرنى بأى حاجة تانية

شريف : لا اتفضل انت

_________________________________________________________

What is the news in Egypt ?

= All arrangements and plans are going well

- What about Adham al-Sioufi?

= Follow the instructions well and do what we say to him

- Well, be careful in the coming period because we have a lot of important processes and arrangements

- ok , don't worry

__________________________________________________________

يارا : بس يا سيدى هى دى الحكاية

كريم : بس سامح مجبليش اى سيرة خالص عن حوار الورق ده

يارا : معرفش بس كان مخبى على كلو

ملك : اللى حصل حصل المهم بس عايزين كل المحاضرات يا كريم اللى مخدنهاش فى الفترة اللى فاتت

كريم : حاضر بس ذاكروها بقا كويس علشان خلاص الفاينل كمان اسبوعين

يارا : حاضر ، ربنا يستر

_________________________________________________________

محمد : بص بقا يا احمد انا عايزك تمشى ورا الارقام دى وتعرفلى اصلها اية وتبع اية

احمد : منا قولت لحضرتك يا فندم انها مش حسابات فى بنوك وانها ارقام عشوائية

محمد : لا بس دى رموز او شفرات لحاجة معينة وعايزك بقى تبقى دى مهمتك الفترة الجاية

احمد : حاضر يا فندم

____________________________________________________

سلمى : قولتلك وانتى مسمعتيش كلامى ، اهو كسفك وطردك كمان

ضحكت هدير

سلمى : بتضحكى على اية ؟؟

هدير بأبتسامة : الخطة ماشية تمام اوى

سلمى : خطة اية !!

هدير : انا رايحة وعارفة انه هيعمل كدا اصلا ، بس دى اول مرة ، يعنى مرة ورا مرة ورا مرة هيحن تانى ليا وهو اللى هيجيلى كمان

سلمى : ههههههههه الرائد محمد ادهم السيوفى !!!! تبقى بتحلمى بقا

هدير : هبقى افكرك يا سلومتى
سلمى : اما نشوف

_________________________________________________________

رجع محمد الى الفيلا الساعة العاشرة مهلك ومتعب من العمل والبحث الكثير والتفكير والقى بنفسه على سريره وبدأ يفكر ثم توجه الى غرفة ملك و يارا وخبط على الباب ثم اذنو له بالدخول وبدأو الحديث والسمر والضحك وقضو سهرة سعيدة يتحدثون وفيها اعترف محمد بحبه اكثر ل يارا وايضا يارا اظهرت حبها له كثيرا مع كثير من تريقة ملك عليهم

وتوجه محمد الى غرفته والقى بنفسه على السرير وامسك بعدة الاوراق التى معه وسلمته يارا اياها وبدأ فى النظر اليها و نظر الى اول رقم بدقة وتدقيق وكان ينظر اليه نظرة عادية ثم فزع وقام ووقف مكانه ، ذلك الرقم رأى مثله ، لا هذا ليس رقم عادى ، ذلك الرقم هو ..........

__________________________________________________________
___________________________________________________

الفصل الرابع عشر
___________________________

محمد : الو ، حسام تعالالى بسرعة
حسام : اجى فين يابنى انت عارف الساعة كام
محمد : فيه حاجة خطيرة اوى اكتشفتها فى الارقام
حسام : ربع ساعة واكون عنك

وصل حسام ودخل

حسام : اية اللى اكتشفتو
محمد : بالصدفة ماسك الورق وشوفت اول رقم ، تخيل لقيته رقم اية
حسام : اية !!!
محمد : تاريخ
حسام بأستغراب : تاريخ اية !!!

محمد : تاريخ بس من غير فواصل يعنى الارقام جمب بعضها ، وتخيل تاريخ اية ، نفس التاريخ اللى اتقتل فيه عاصم الحسينى
حسام بصدمة : اية ، ازاى ؟؟؟؟ ، طب ما ممكن يكون يعنى صدفة

محمد : انا قولت كدا زيك برضو بس بعد ما بصيت على الرقم التانى اتأكدت

حسام : تاريخ بردو !!

محمد : لا ، وقت ، الوقت بس من غير فواصل بردو ، الوقت اللى اتقتل فيه بالظبط يعنى الساعة 3 و 30 دقيقة و 40 ثانية وجمبه 2017 بردو وحسب المحضر والادلة والطب الشرعى بيقول ان الوفاه تمت بعدة طلقات نارية ادت بحياته وكان اطلاق النار فى الساعة الثالثة والنصف يوم الاثنين 23/10/2017 ، اية رأيك بقا !!!

حسام بتفكير : يااااه ده لو الكلام ده صح ومش صدفة ده يبقى احنا بنواجه ناس كبيرة جدا ومحدش يقدر يقف قدامهم ، دول منظمة او مافيا فاهمة بتعمل اية ومخططالو من فترة كبيرة كمان

محمد : بالظبط ، وسامح خد نسخة من الورق ده بس معرفتش بردو خدو من مين ، مين الكبير بتاعهم فى مصر

حسام : طب كدا احنا فكينا شفرة الارقام ، نقدر نعرف الباقى كدا

محمد : للأسف حاولت اربطهم بوقت او بتاريخ مطلعش الباقى حاجة من دول ، دى بقا شفرات تانية ، عاملين كذا شفرة علشان لو اكتشفنا حاجة منعرفش نكمل للأخر ، بس ادينا وراهم وهنعرف نفك الشفرات دى

حسام : ربنا يستر

_________________________________________________________

فى صباح اليوم التالي

قامت يارا باكرا قبل اى احد ودخلت الى حديقة الفيلا وجلست وهى سارحة وشاردة وتفكر
واذا ب محمد يضع يده على عينيها وتفزع ثم تضحك وتضرب بيديها على كتف محمد وتقول برقة
: كدا يا محمد خضيتنى

محمد بحب وابتسامة : اية الجمااال ده على الصبح ، معقولة فيه كدا

يارا بكسوف : بس بقا بتكسف

محمد : عسل يا ناس بتتكسفى ، ده انا بقا اتعود اصحى الصبح على وشك القمر ده

يارا : امممممم طب مين جابها دى كمان

محمد : مين !!

يارا : هدير

محمد : اااهاا ، بصى ياستى ، هدير دى كانت جزء من حياتى وانتهى ، مش هكدب عليكى واقولك انى مكنتش بحبها ، بالعكس انا كنت مش بحبها بس ، انا كنت بموت فيها ، بس كانت علشان مصلحتها يهون كل اللى بينا ، برستيچها فوق اى حاجة ، ان شالله لو اتفلق انا ، بتحب المناظر ، كانت بتحب تخرج معايا وتخدنى معاها قدام صحابها علشان يقولو شوفو هدير معاها الظابط المز والقمر والخ الخ الخ
انا من بعد ما سيبت هدير قولت انها مش هتسكت وهتعمل حاجة
بس الله اعلم عملت اية وانا مش واخد بالى

يارا : مقصدش يا حبيبى والله بس اقصد انها مش هتسيبك ، والله اعلم ممكن هى اللى تكون بلغت العصابة دى عنك علشان يقتلو هايدى الله يرحمها

محمد بتفكير : تصدقى فعلا ، ازاى مشكتش فيها بعد ما هايدى اتقتلت وان ممكن الناس دى تكون تبعها ، بس ، لا لا بردو مينفعش

ملك مقاطعة : يا سلام على الحبيبة لما يتقابلو على الصبح كدا

محمد : بس يا رخمة ، انا خلاص ويبص ل يارا ويكمل كلامه ويقول : خلاص قررت اتجوز يارا
تقبلى تتجوزينى يا حبيبة قلبى يارا

يارا تظهر عليها الفرحة والشعادة وشعرت انها تطير من الفرحة وردت فى سعادة : تتجوزنى !!!!

محمد : ايوة ، موافقة !!

احمرت وجنتاها من الكسوف وردت يارا : موافقة

ملك : ياااااااه ، هييييييييح ، اوعدنا يارب
مبروك يا لمضة ، مبروك يا سعادة الرائد الفاشل ههههههههه

يدخل فى تلك اللحظة ادهم السيوفى وعندما يرى يارا بينهم وهم يضحكون يشعر بالغضب ويحمر وجهه

ادهم بصوت عالى : محمد

ذهب محمد ناحية والده

محمد : ايوة يا بابا

ادهم : بتعمل اية البنت دى هنا

محمد : فى حمايتى علشان اللى بيطاردوها

ادهم بعصبية : فى حمايتك بصفة اية

محمد بأبتسامة : بصفة انها هتبقى مراتى

ادهم بصدمة : ايييييية هتبقى اية

محمد : زى ما حضرتك سمعت كدا ، هتبقى مراتى

ادهم بعصبية : الجوازة دى مش هتم والبت دى تنساها خالص

محمد بأبتسامة : جرا اية يا بابا هو حضرتك يعنى فاكر انى معرفش انك رئيس المنظمة الإرهابية ولا المافيا دى اصلا فى مصر ، هههههههههه امال انا ظابط كدا وخلاص

ادهم بتوتر : اية اللى بتقولو ده

محمد : بس والله تصدق ، مشكتش فيك لحظة ، سبحان الله
انا عارف من اسبوع كمان بس فى دماغى اتنين ، واحد يقولى ده ابوك ويمكن يندم ويساعدك والتانى بيقولى نفذ القانون ، انى اقبض عليك يا ادهم بيه

ادهم : ياااااه وصلت بيك الدرجة لكده
بص انا مش هنفى اللى انت قولته انا فعلا كدا زى ما قولت بس انت نسيت حاجة
معندكش اي دليل يثبت اى حرف من اللى بتقولو ، انا قولتلك اشتغل معايا وسيبك من الشرطة ، يابنى انت ظابط فااااشل

محمد بضحك شديد : هههههههههه انت نسيت ان الورق معايا ، الورق ده انا شيلت منه اخر ورقة اللى فيها تورطك فى حاجات كتير وان سامح الله يرحمه صورها من مكتبك لما عرف نشاطك ويااااه شوف بقا ساب اية
ساب جواب فيه اعتراف ان لو حصله اي حاجة او اتقتل يبقى انت المسأول عن موته وان الورق ده يخصك وشويه كلام كدا بردو انك شغال مع منظمة كبيرة خارج البلاد والخ الخ الخ
بس كل ده شيلته علشان بردو انت ابويا ، وعاينها ، متتصورش فضلت اد اية عندى صراع نفسى ، عايز اطبق القانون وفى نفس الوقت مش عايز اطبقه على اقرب حد ليا

ادهم : امممممممم

محمد : اه صحيح انا فكيت اول شفرتين ، عايزك بقى تقولى افك الباقى ازاى ، ده لو عايز تساعدنى

ادهم : مين قالك انى عارف اصلا الشفرات بتتفك ازاى
انا بيجيلى فك الشفرة قبل تنفيذ العملية ب ساعة واحدة

محمد : لا بجد عااااش ، بس اية المنظمة دى

ادهم : مش هتعرف هى اية بس هدفها معروف

محمد : واية هدفها

ادهم : هدفها مصر تبقى بحر دم ، شايف سوريا والعراق ؟؟
ده مخططهم ان مصر تبقى اسوأ من البلاد دى كمان ، مهمتهم محو مصر اساسا من الوجود علشان هى يعتبر اقوى دولة عربية فى استقرارها دلوقتى

محمد : يا ولاد الكلب ، وانت لية يا بابا تمد ايدك ليهم ، هتفرح لما تشوف بلدك واهلك بيموتو قدام عنيك وارضك بتدمر !!!

ادهم : لو معملتش كدا هتقتل ، وهيجى مكانى مليون مش واحد بس
مليوووون مش واحد بس

_______________________________________________________

Send him a second blade solution, I have one hour left

[ok]

______________________________________________________

يصل الى ادهم رسالة نصية على هاتفه ويفتحها

ادهم : فتح الشفرة التانية اتبعتلى حالا ، باقى ساعة على تنفيذ العملية

محمد بعصبية : عملية اية ؟

______________________________________________________

الفصل الخامس عشر
____________________
محمد بعصبية : عملية اية
ادهم : فاكرنى هقولك يعنى!
محمد بجدية : بابا تعالى معايا نتكلم جوا احسن

دخل محمد وادهم للداخل ولاحظ يارا ان شئ ما يحدث لاكن لم تعطى اهتمام لذلك واسرت التحدث مع ملك

محمد : بابا فيها اية لو ساعدتنى من غير ما هم يعرفو واهو تكون خلصت ذمبك من اللى عملته قبل كدا وفى نفس الوقت تساعد ابنك وتحمى بلدك ، انا عارف انى مش من حقى اقولك تعمل اية ومتعملش اية بس لما الاقيك ماشى فى طريق غلط ليا الحق انصحك وارشدك للصح

ادهم : هساعدك يا ادهم وهقولك اى حاجة توصلى ، بس لو جرالى حاجة خلى بالك من اختك

محمد : بعد الشر عليك يا بابا انا عمرى ما هسمح لحد انه يأذيك

ادهم مازحا ومغير للموضوع : بس يارا حلوة وجميلة وتستاهلك ، عرفت تختار

ادهم : اية يا حاج ما تتجوزها انت احسن ، انت هتعاكسها وانا واقف

ادهم : هههههههههه ربنا يخليكو لبعض

محمد : اه صحيح مفيش وقت اية فك الشفرة التالتة

ادهم : مكتوب خد رقمين من الاول ويبقى ده سور

محمد : سور اية
ادهم : يعنى قنبلة ب اللغة اللى ما بينا
محمد بأستغراب : فين دى
ادهم : فى عربية ظابط
محمد بقلق : مين
ادهم : مش مكتوب غير كدا والمفروض القنبلة هتنفجر بعد ساعة من وصول الرسالة

نظر محمد الى ساعته وقال : يا نهار اسود ده فاضل ساعة الا ربع ، بس القنبلة دى فى عربية مين بس

ادهم بتردد : ممكن عربيتك علشان انت اللى ماسك القضية
محمد : انا طالع اشوف

خرج محمد واتجه الى سيارته وفتحها وظل يبحث عن اى قنبلة لكن لم يجد شئ فأتصل بحسام وقال له ان يرسل قوة ومعها خبير مفرقعات وبالفعل وصلت القوة و خبراء المفرقات ليبحثو عن اى قنبلة فى سيارة محمد ووصل حسام اثناء بحثهم وانتظر هو ومحمد ولكن لم يجدو شئ فى سيارة محمد

محمد بقلق : هتكون فين بس
حسام : هى اية انا مش فاهم حاجة
محمد : فك الشفرة ان فيه قنبلة هتنفجر فى عربية ظابط
حسام : امتى

نظر محمد الى ساعته وهو قلق وقال : فاضل خمس دقايق

توتر محمد وحسام وفجأة

محمد : لية ميكونش كلنا مقصودين
حسام : اية قصدك اية

محمد بصوت عالى : عربيتك يا حسااام

وامر خبراء المفرقاعت بسرعة التوجه لسيارة حسام وظلو يبحثون حتى وجدو قنبلة والمؤقت يدل على ان باقى من الوقت دقيقة واحدة
ظلت المحاولة لايقاف القنبلة ومتابعة محمد و حسام بقلق
حتى تمكن الخبراء فى ابطال القنبلة بنجاح

محمد : هووووووف
حسام : هى وصلت ل كدا ، يا ولاد .........
محمد : كلنا مستهدفين منهم
حسام : حليت الشفرة ازاى
محمد : هقولك بعدين المهم يلا بينا على المديرية الاول

___________________________
يارا بقلق : اية الشرطة اللى برا دى كلها
ملك : معرفش بس اظاهر حصل حاجة
يارا : ربنا يستر

خرج ادهم الذى كان يتابع المشهد من شباك الغرفة واتجه الى يارا
ادهم بأبتسامة : انتى بقا يارا
يارا : ايوة حضرتك انا يارا
ادهم : محمد حكالى كتير عنك وبيحبك جامد اوى

احمرت وجنتا يارا من الكسوف

ادهم : مبروك يابنتى ، ربنا يتمم لكم بخير

يارا بكسوف : الله يخليك يا انكل
____________________________

محمد بجدية: الناس دى عايزه تدمر البلد يا حسام ، فهمت الحكاية
حسام : امممممم فهمت
محمد : انا داخل للواء شريف احكيله على اللى حصل
حسام : ماشى
_________________________
انتهى اليوم وعاد محمد الى الفيلا بعد بحث شاق عن اى شئ عن الذى وضع القنبلة فى عربة حسام لاكن دون جدوى

وصل ووجد ملك ويارا ثم جلس بعد ان سلم عليهم

يارا بخوف : هو حصل حاجة
محمد مطمأن يارا : لا محصلش الحمدلله متقلقيش ، ده انا الرائد محمد ادهم يابنتى

يارا : يا سلام

محمد: امال اية ، المهم كنت عايز اكلمك فى حاجة
يارا : حاجة اية
محمد : قومى اعمليلى قهوة يابت يا ملك
ملك بعصبية : لا ومتوزعنيش ، يارا صاحبتى يا رخم
محمد : خلاص خليكى يا بومة قاعدة

محمد : انا عرفت ان ليكى خال عايش برا ، صح

يارا بحزن : ايوة

محمد : هو ميعرفش اللى حصل لوالدك ووالدتك!!
يارا : لا مرضتش ابلغو
محمد : امممممم ، طب انا هكلمو بكرا ينزل مصر
يارا بأستغراب : لية

محمد : بما انه خالك اطلب ايدك منه واخبطك يا قلبى

يارا بفرحة وكسوف : بجد

محمد : ايوة بجد يا روحى

بالفعل فى اليوم التالى توصل محمد الى رقم خال يارا لانه ظابط ويعرف كل شئ واتصل به

محمد : ايوة حضرتك خال يارا وجدى
حسن بقلق : ايوة، هو حصل حاجة
محمد : بص هحكى لحضرتك كل حاجة

حكى محمد ل حسن كل ما حدث من وفاه سامح الى وفاه والد يارا واخته التى هى والدة مى وحكا له انه الظابط المسأول عن القضية

حسن بحزن شديد : ومحدش بلغنى ساعتها لية
محمد : صدقنى يارا كانت منهارة وكانت فى ظروف صعبة ودخلت المستشفى ، اكيد مفتكرتش خالص او مجلهاش وقت

حسن : انا نازل مصر كمان يومين اطمن على يارا واقعد معايا يومين
محمد : كويس علشان عايز حضرتك فى موضوع مهم
حسن : موضوع اية
محمد : لما تنزل مصر هقولك
حسن : خلاص ماشى يا محمد بيه ، مع السلامة
محمد : مع السلامة

____________________________________________

كريم : الامتحان كمان اسبوع
ملك : ياخى بتفكرنا ليييية
ايمان ؛ انتو عارفين ، مفيش مادة قلقانى اد مادة دكتور بلحة
ملك : ايوة ده بيقول بيحب يهزر فى امتحاناته يعنى هيسقطنا
يارا : يارب يولع بلحة ده
كريم : كفاية سيرة بلحة علشان السيرة دى بتجيب الفقر والله
_____________________________________________
رجاء : يا رامى هترجع مصر تانى
رامى : ايوة ياماما وهنقل شغلى لمصر علشان زهقت من الغربة والله
رجاء : طب استنى ابوك لما يصفى الشغل ونرجع مع بعض
رامى : بابا براحتو بقا ، انا هرجع مصر بكرا وانتو لما تخلصو ارجعو وانا هخلى هدى توضب الفيلا
رجاء : خلاص ماشى يابنى اللى تشوفو

____________________________________________
محمد : بابا هو انت اللى قتلت سامح وقتلت عاصم الحسينى !!!
ادهم : سامح مش انا اللى قتلته ، هم برا اللى بعتو حد يقتلو بس عاصم هم اللى ادولى امر انى اقتله واخد شركاته

محمد : امممممم ، بعت مين يقتله
ادهم : اشمعنا
محمد : عادى
ادهم : ياسر
محمد : اممممممممم، الموضوع معقد اوى ، الناس دى طول ما هى برا مصر مش هنعرف نعمل ليهم اى حاجة
ادهم : ما دى المصيبة

قام محمد ووقف وقال : كل حاجة وليها مخرج وحل ، يلا سلام انا راجع البيت
ادهم : ماشى يا محمد

عاد محمد الى الفيلا وجلس فى حديقة الفيلا مع يارا وملك الا وان جاء أحد افراد الامن يبلغه بان امرأة تريد ان تدخل وتقابله

محمد : ميد دى

هدير : انا يا روحى

محمد : هدير !!!!!
___________________________________________________

الفصل السادس عشر
_____________________

محمد : هدير !!!!!
هدير بأبتسامة وهى تنظر ليارا : اية يا مودى هو من لاقى احبابه نسى صحابو وحبايبو

محمد : اية اللى جابك يا هدير ، ماهو مش معقولة مفيش حاجة وجاية
هدير : جاية اسأل عليك يا مودى علشان انت مبتسألش ولا اية يا تمارا ولا اسمك يارا
يارا بغضب : لا يارا

لاحظ محمد غضب يارا
محمد بعصبية : عايزة اية يا هدير
هدير بأبتسامة : بحبك يا مودى ، نسيت حبى ، ده انا كنت وحشة بس دلوقتى اتغريت يا مودى وتبص ليارا

محمد : لا يا هدير عمرنا ما هنرجع لبعض انتى عارفة لية مش بس علشان اللى عملتيه وانانيتك لا، احب اعرفك بخطيبتى ومراتى المستقبلية ، يارا يا هدير

تشعر هدير بالغضب وتنظر ل يارا من رأسها لقدمها

وتقول : ماشى يا مودى بس افتكر انك هترجعلى بنفسك وتبص ليارا وتقول هتشوفى
وترحل

شعرت يارا بالسعادة لان محمد قد انصفها ولم يعطى اهتمام لهدير وتركها واخبرها انه سيتزوجها

محمد : متزعليش يا يارا انا هعرف شغلى مع الزبالة دى
يارا : لا يا حبيبى مش زعلانة ، المهم انت متزعلش نفسك
محمد بحب : مش هزعل طول مانتى مش زعلانة

شعرت يارا بالكسوف والخجل
محمد : اه صحيح انا كلمت خالك وحكيتله وهو هيرجع كمان يومين
يارا بفرحة : بجد
محمد : ايوة ولما يرجع هكلمه
يارا وبدأت الدموع تنزل من عينيها : كان نفسى بابا وماما يكونو فى الوقت ده معايا ، كانو دايما بيقولولى امتى نشوفك عروسة وكانو مستنين اليوم ده
محمد : متعيطيش يا يارا ، دموعك غالية عليا ، ربنا يرحمهم ، هم حاسين وعارفين انك دلوقتى كويسة واكيد هم فرحانين

يارا بدموع : ربنا يرحمهم

دخلت ملك بعد ان احضرت عصير لكى يشربوه

ملك : عاملة شوية عصير هتاكلو صوابعكو وراه
محمد : انتى هبلة يابت ، ازاى عصير وازاى هناكل صوابعنا وراه

يدخل رامى الذى اتى من خلفهم : طول عمرى بقولك اختك هبلة وعبيطة وانت اللى مش مصدق

محمد : يابن الايه انت رجعت امتى ياض
رامى : لسة راجع الصبح
محمد : وناوى تسافر ولا خلاص هتنقل شغلك هنا
رامى : لا خلاص هنقل شغلى هنا ومش مسافر تانى ياعم ، علشان ابقى جمب قلبى ملوكة
محمد : ما تحترم نفسك ياض
رامى : اية يابنى ما هى خطيبتى
محمد : لا ياروح ماما ، لما تكتبو الكتاب
رامى : ماشى ماشى ، مش هتكلم تانى
محمد : ايوة كدا اظبط
ملك : ما تهدو يا جدعان انتو عاملين زى القط والفار كدا لية
رامى : هو اللى بدأ
محمد : انا بردو

تضحك ملك ويارا من طريقتهم كأنهم اطفال

محمد : اه صحيح نسيت ، مش تباركلى ، انا خطبت يارا
رامى : بجد ، مبروك يا رخم ، مبروك يا يارا
يارا بأبتسامة : الله يبارك فيك يا رامى

رامى : طب بمناسبة اللمة الحلوة دى والخبر الحلو ده وبمناسبة رجوعى انا عازمكم بكرا احلى عزومة وعامل حفلة على الضيق كدا
محمد : طول عمرك هايف
رامى : طب كلهم يجو ماعدا انت وطبعا حبيبية قلبى ملك تيجى اول واحدة صح يابيبى
ملك : صح ياروحى

ونسو ان محمد بجوارهم

محمد : لا والله ما اجبلكم اتنين لمون
رامى : ياااه تبقى عملت الصح
محمد بعصبية وهو يمسك بزجاجة مياه : يابن ال
ويقوم يجرى ورا رامى ورامى يجرى منه وسط ضحكات يارا وملك

ملك : محمد فى الشغل حاجة ومع رامى حاجة تانية خالص ، قط وفار
يارا : اه باينين ، مسخرة والله
ملك : نهارك اسود
يارا : اية
ملك : الفاينال كمان اسبوع وقاعدين كدا
يارا : اه صح يلا بينا نذاكر هنسقط
___________
- How did that happen
= I do not know how they knew there was a bomb
-We must fix that mistake
=ok . don't worry sir
___________

اشرف : انا خلاص جهزت كل حاجة علشان انقل الشغل مصر وهنسافر الاسبوع الجاي
رجاء : طب الحمدلله كويس
اشرف : امال فين رامى
رجاء : نقل الشغل اللى يخصه وسافر امبارح
اشرف : علطول متسربع كدا ،مستعجل على اية
رجاء : اصله بقاله فترة مشافش ملك فعلشان كدا كان مستعجل وكمان كان قايلى اننا بعد ما نرجع هنروح نحدد الخطوبة وكتب الكتاب وكدا
اشرف : امممممم خلاص اللى فيه الخير يقدمه ربنا

___________________
ادهم : ياسر عايزك تجهزلى العقود دى
ياسر : حاضر يا ادهم بيه بس عايز اعرف عملت اية مع محمد ابن سعادتك
ادهم : هساعده يا ياسر ، انا خلاص مضمنش هعيش احد امتى ، عايز اموت وانا ضميرى مستريح
ياسر : بعد الشر عنك يا باشا
ادهم : المهم من دلوقتى مفيش جرايم تانى
ياسر : تمام سعادتك

________________
كريم : هااا عملتو اية
يارا : اهو قربنا نلم الدنيا ، ربنا يستر بقا فى اليومين اللى باقين دول
ملك : يارب ، نتخرج بقا من السنة النحس دى ونخلص
ايمان : طب يلا علشان المحاضرة بدأت
ملك : مش عارفة انا اية وقت المحاضرات اللى فى ايام الوقت الضايع دى
يارا : هههههههههه وقت ضايع اية ، ده احنا اللى ضايعين

_________________________________

محمد : وصلت لحاجة يا احمد
احمد : قدرت اجمع اول 11 كود من اول صف وطلع رقم تليفون
محمد : رقم مين
احمد : سألت عنه طلع متسجل بأسم ديفيد توماس وده اسم مش مصرى بس الرقم مصرى
محمد : جربت تتصل بيه
احمد : ايوة لاكن مقفول
محمد : هاتو و خليك وراه واول ما يفتح حدد موقعه علطول
احمد : حاضر يا فندم

______________________
انتهى اليوم وعاد احمد ولكن تفاجئ بعدم وجود يارا وعندما سأل ملك بعصبية

ملك : اهدى يابنى ، يارا راحت تستقبل خالها فى المطار
محمد : لوحدها !!!
ملك : لا الظابط طارق خد معاه حرس وراحو معاها
محمد : طب مستنتنيش لية ولا اتصلت قالتلى
ملك : يابنى دى عرفت بالصدفة لما شافت رسالة من خالها من امبارح بمعاد الوصول فراحت علطول اول ما جينا من الجامعة

محمد : ماشى

اتصل محمد ب يارا وردت
محمد : انتى فين يا يارا
يارا : انا استقبلت خالو فى المطار وسلمت عليه ووصلته البيت وراجعه اهو
محمد : طب خلى بالك من نفسك
يارا بأبتسامة : حاضر

فجأة صرخت ملك صرخة مدوية
محمد بخضة : ملك
_______________________________________________________________

الفصل السابع عشر
____________________

فجاة صرخت ملك صرخة مدوية
محمد بخضة : ملك

التفت محمد ليجد اخته و رامى يقف وهو يضحك بشدة لانه قد اسرعها وخضها
محمد : خضتونى الله يخرب بيتكم وانت يا اهبل يا صغير
رامى : بجد اتخضيت هههههههههه ، ضربت عصفورين بحجر واحد
محمد : جاى ليه يلا انت
رامى : اية ده هو انا هتطرد ولا اية
محمد : اه وبردو ملكش حق تكلم ملك غير بعد كتب الكتاب
رامى : ابيييية يابا انت قلبت شيخ مرة واحدة لية دى بنت خالتي يابا
محمد : الكلام العادى بس يا روح ماما
رامى بضيق : حاضر اهدى بقا
محمد : ناس مبتجيش غير بالعين الحمرا
ملك : ها خلصتو خناق ولا لسة
محمد : انتى مش وراكى امتحانات يابت انتى بعد يومين ،اية اللى مقعدك
ملك : منا مستنية يارا علشان نذاكر مع بعض
رامى : اية ده انت سيبت يارا تخرج لوحدها
محمد : لا يابنى معاها حراسة ولسة مكلمها
رامى : ماشى بس قولى عملت اية فى جرايمك والقضية اللى انت فيها دى
محمد : لسة وقضية بنت كلب وناس من برا ليها يد فيها والدنيا ضايعة خالص
رامى : ياما قولتلك انك ظابط فاشل وانت مسمعتش كلامى
محمد وهو يقوم ويضع يده ليجلب مسدسه : ظابط اية ؟؟
رامى بقلق : ظابط ناجح جدا ، انت ازاى كده يا جدع
محمد : اها بحسب

وصلت يارا
يارا : ازيك يا رامى
رامى : الحمدلله
محمد : خالك وصل
يارا : ايوة ووصلته
محمد : هاتى بقا العنوان علشان هروحلو بكرا
رامى : هتروح ليه ها
محمد : انت مالك يا غتت
رامى : اممممم شكلى بقا زبالة طب انا ماشى علشان مجبش لنفسى التهزيق

ضحك يارا من منظره و دخلت للداخل بعد ان قالت ل محمد انها ستذاكر

.......

يارا : انا خايفة اوى
ملك : من الامتحانات ولا من اللى احنا فيه
يارا : من الاتنين
ملك : ربنا هيعديها بأذن الله وبعدين ربنا رزقك ب محمد اهو يعنى متقلقيش
يارا : مش هتصدقى لو قولتلك ان ده اللى قالقنى
ملك بأستغراب : ازاى يعنى مش فاهمة
يارا : خايفة اوى ، الناس دى هتأذى محمد بأى طريقة وساعتها هيبقى كل امل فى الحياه ضاع
ملك : محمد فاهم وشاطر جدا فى شغله وهيعرف يحافظ على نفسه
يارا : هو انا أكره يعنى ، انا اقصد انهم مش سهلين
ملك : اها ، ربنا يستر

..........

جلس ادهم السيوفى على مكتبه وهو يفكر فى كل شئ ، فى تلك العصابة او المنظمة وما يريدونه وايضا فكر كثيرا فى كلام محمد له وخاف عليه من الاذى ، هل ستنتهى تلك المحنة ام ستنتهى بخسارة كبيرة لاحد منهم

............

سلمى : تعرفى يا هدير انك صعبانة عليا
هدير : لية يعنى
سلمى : علشان انتى مفكرة انك هترجعيلو بس هو اصلا مبيفكرش فيكى واديه اهو هيتجوز يارا و نصفها قدامك
هدير : عادى على فكرة ، هتشوفى يارا دى محمد نفسه هو اللى هيكرها وسيبها ازاى
سلمى : ازاى يعنى
هدير : سبينى بس كدا اكمل اللى فى دماغى والشاطر اللى يضحك فى الاخر وهخليكى تشوفى يارا دى بتعيط بدل الدموع دم بعد ما محمد يرميها رمية الكلاب ويرجعلى

............
استيقظت يارا وملك وذهبوا الى الجامعة

محمد : انا حاسس بحاجة غريبة يا رامى
حسام : اية
محمد : حاسي ان المنظم اللى برا ده اللى ماسكو حد مصرى
حسام : اشمعنا
محمد : علشان محدش يعرف كل حاجة عن هنا او خططنا او اى حاجة غير لما يكون مصرى ، ممكن يكون بيساعدو حد من برا برضو بس دماغه مصرى
حسام : تفتكر مين
محمد : اكيد مش هنعرفه ، لانه عامل احتياطاته كويس اوى
حسام : المهم نحاول نحمى البلد منهم ونعرفهم
محمد : نوصل بس لرقم التليفون اللى لقيناه ده وساعتها الغاز كتير هتتحل
•••••••••••••

كريم : اية الاخبار يا يارا
يارا : عن اية
كريم : عن اللى قتل سامح الله يرحمه
يارا بحزن : لسة مفيش
كريم : ان شاء الله يتعرف ويتعددم
يارا : .......
كريم : مالك
نظرت يارا خلف كريم لترى محمد قادم

نظر كريم خلفه ووجد محمد
محمد : اية ده كريم ، عملت اية من ساعة ما خرجت ياض
كريم بضيق : محمد باشا ، الحمدلله ، مركز فى دراستى
يارا : انت تعرفه يامحمد
محمد : ايوة طبعا ، كريم ده ليه ملف عسل عندنا ، صح يا كيمو
كريم بضيق : كان يا محمد بيه ، دلوقتى خلاص
محمد : ماشى ، يلا بقا عن اذنك ، يلا يا يارا

خرج محمد ويارا من الجامعة

يارا : انت دخلت الجامعة ازاى
محمد بضيق : ظابط
يارا : جيت لية
محمد : المفروض جاي ارجعك انتى وملك بس ملك بتجيب محاضرات وخارجة ، بس مكنتش اتوقع انى الاقى كريم ده هنا
وبعدين انتى اية اللى مقعدك معاه !!!
يارا : عادى زميلى فى الجامعة
محمد : لا مش عادى انا مقبلش ان خطيبتى وقريب مراتى تقعد مع واحد تانى وكمان مجرم
يارا : خلاص بقا وبعدين كريم زى اخويا ولية بتقول عليه مجرم
محمد : كان مقبوض علية فى قضية مخدرات وانا اللى قابض عليه كمان بس كانت كمية صغيرة جدا ، خد سنة سجن بس
يارا : كريم ومخدرات ، ازاى
محمد : اهو كدا ، حسك عينك اشوفك قاعدة مع حد تانى
يارا : لا مهو مش هينفع كدا ، دول زمايلى فى الجامعة بس
محمد : اللى اقولو يتنفذ
يارا : وانت مش هتمشى كلامك عليا مش علشان ظابط
محمد بعصبية : لا هتسمعى الكلام

تتدخل ملك وهى تقول : اية يا جماعة صوتكو جايب لاخر الشارع اهدو
محمد بعصبية : اركبى يا ملك

ركبت ملك وانطلق بدون كلام الى المنزل ووصلو خرجت يارا من السيارة بغضب وصعدت الى اعلى ودخلت الغرفة والقت بنفسها على السرير وهى تبكى بحرقة

ملك : ينفع اللى عملته ده يا محمد ، زعلتها لية
محمد : مش قادرة تفهم انى بحبها وخايف عليها ومش عايزها تقعد وتتكلم مع اى واحد فى الكلية
ملك : مينفعش يا محمد احنا كلنا زمايل بس مبنتكلمش غير عن الدراسة او نسأل عن بعض بس ، وبعدين ده مش حب ، ده تملك يا محمد ، حرام عليك زعلتها وهى اصلا ملهاش حد

محمد بحزن : مش عارف اية عصبنى كدا ، خليكى هنا انا هطلع اصالحها

صعد محمد الى اعلى ودخل الغرفة وتفاجئ بان يارا ملقاه على السرير وتبكى بحرقه ، شعر بالحزن لانه هو السبب فى ذلك لها
ذهب وجلس بجوارها على طرف السرير

محمد : انا اسف يا يارا
يارا : ...........
محمد : انا عارف انى زعلتك بس والله بحبك وبغير عليكى ومش عايز اى واحد يكلمك غيرى
يارا : بتغير اية دى مش غيرة ، انت انانى عايز اى حاجة ليك وبس ، عايزنى اقاطع بزمايلى فى الكلية !!!
محمد : خلاص بقا متزعليش اتكلمى عادى ، بس فى حدود بس
يارا ببكاء : مش مستنية منك امر اكلم مين ومكلمش مين اصلا
محمد وهو يمسح دموعها : خلاص بقا حقك عليا متزعليش
يارا : .....
محمد : ها زعلانة
يارا : تؤ تؤ
محمد : عسل يا ناس ، ربنا يخليكى ليا يارب ، اه صحيح عندى خبر حلو
يارا : .....
محمد : مش هتسألينى اية هو الخبر
يارا : اية
محمد : انا روحت لخالك النهاردة وقعدت معاه وفهمته كل حاجة وطلبت ايدك منه وقالى لو انتى موافقة خلاص وحددت انا وهو الخطوبة بكرا علشان هيسافر بعد بكرا
يارا بفرحة : بكرا
محمد : ايوة وهفاجئك بشبكة ، هتبقى مفاجأة ، ربنا يخليكى ليا
يارا : ويخليك ليا

••••••
واضح عليه انه مش سهل ، لازم نخلص قبل ما يوصل لحاجة ، لازم
= نقتله !!!
•••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••••

الفصل الثامن عشر
__________________
جاء يوم الخطوبة وجهزت مى فستان يارا وتولت مكيچتها ولبست يارا فستان جميل وفى نفس الوقت هادئ ومريح وارتدت عليه حجابها وكانت الخطوبة فى فيلا ادهم وفيها كل اقاربهم ، واصدقاء يارا ومى وخالها و ادهم والد محمد ورامى وكان يوم رائع وفرحت يارا كثيرا وكأنها فى حلم
اقترب محمد من يارا
محمد : عقبال كتب الكتاب والفرح يا قلبى
يارا : يارب
محمد : انا اتفقت مع خالك ان كتب الكتاب هيبقى بعد الامتحانات بتاعتك علطول
يارا : يعنى بعد اسبوعين !!!
محمد : ايوة
يارا : بس بدرى اوى كدا لية
محمد : مستعجل يا روحى ، مش قادر استنى اللحظة اللى هتبقى فيها مراتى وحلالى
تحمر وجنتا يارا من الكسوف
محمد : اموت فيك وانت محمر كدا يا قمر
يارا بكسوف : خلاص بقا
محمد بتقليد صوتها : خلاص بقا
يارا : محمد ممكن أسألك سؤال وتجاوبنى بصراحة
محمد : ممكن طبعا يا قلبى
يارا : هو انت بتحبنى بجد ولا عملت كدا بس علشان صعبت عليك وانى مليش حد
محمد : لزمته اية السؤال ده
يارا : علشان خاطرى جاوبنى
محمد : بصى يا يارا ، انا مش هكذب عليكى ، انا فى الاول كنتى صعبانة عليا وقولت اقف جمبك بس دلوقتى حبيبتك جدا ، مش بس حبيتك ، لا انا بموت فيكى كمان وبدعى ربنا اننا منتفرقش عن بعض ، بحبك
يارا بكسوف وهى تنظر الى الارض : وانا كمان
محمد : ياااه اخيرا ، ويضع يديه على ذقنها ويرفع وجهها لتنظر له
محمد : فرحانة يا يارا
يارا وهى تحرك رأسها بالموافقة : ايوة
محمد : يارب تفرحى علطول يا قلبى

......
رامى : ياااااه عقبال خطوبتنا يا ملوكة
ملك : يارب يا رامى
رامى : بابا وماما رجعو اهو وبكرا هنحدد ميعاد مع عمى واخطبك وبعدها علطول كتب الكتاب والفرح
ملك : اية يابنى مالك متسرع كدا لية
رامى : مستعجل تبقى مراتى يا سكر انت
ملك بكسوف : بحبك
رامى : يااااه ، وانا بحب....

قاطعه محمد قبل ان ينطق الكلمة
محمد : وانت اية كمل خرست لية
رامى : كنت بقولها انى بحب المانجا
محمد : لا والله
رامى : اه حتى اسألها
محمد : نفسى اسمعك بتقول حاجة تانى
رامى : عاااارف ، بعد كتب الكتاب ، حفظتها والله
محمد : شاطر
رامى : طب الحق بقا يارا بتناديلك
محمد بنص عين : ماشى رايح

رامى : اخوكى ده هيفضل عامل زى عفريت العلبة كدا
محمد : لسة ممشتش على فكرة
رامى : بهزر يا جدع ، مهزرش يعنى
محمد : لا هزر ، هو انت فالح فى حاجة غير الهزار

..... ........ ........
= نقتله ؟
- لا مش دلوقتى ، اعرف بس الاول هو بيفكر فى اية
= تمام
..... ......... . .. . . . ..
دخلت هدير الى الحفل المقام فى الفيلا بمناسبة خطبة محمد ويارا واقتربت من محمد

هدير : مبروك يا مودى
محمد بضيق : الله لا يبارك فيكى
هدير : اية
محمد : بقول الله يبارك فيكى
هدير : فرحتلك والله ، مبروك يا عروسة
يارا : شكرا
رامى : اية ده هدير هنا
هدير : ازيك يا رورو
رامى : ما بلاش رورو دى ونبى
محمد : خد هدير فسحها فى الحفلة يا رامى وشوفها تشرب اية
رامى : انت عايز ملك تضربنى بالنار بقا
محمد وهو يجز على سنانه ويغمز له : لا انا اللى هتضرب بالنار يا غبى
رامى : ااااه ، تعالى يا هدهد ، تشربى اية بقا
......
محمد : معلش دى غاوية تنكد على اللى خلفونا
يارا : لا مش متضايقة
محمد : بجد
يارا : ايوة بجد
محمد : طب كنا بنقول اية بقا

_________________________
انتهى الحفل ورحل الجميع
اشرف : هعدى عليك بكرا بقا يا ادهم علشان موضوع خطوبه ملك ورامى
ادهم : ماشى يا اشرف هستناك
__________________________
كريم : انا الظابط ده مش عارف حاططنى فى دماغو لية
خالد : ياعم مش قبض عليك معاك مخدرات يبقى هيشوفك مجرم حتى ولو بقيت شيخ
كريم : ده كل ما يشوفنى فى حتة يسوأ سمعتى حتى يارا اللى مكانتش تعرف حاجة عن موضوع انى اتسجنت ده ، عرفت
خالد : بس باين عليه ظابط رخم
كريم : وحياة امى ما هسكتله
خالد : هتعمل اية يعنى
كريم : هتشوف
_________________________
يارا : يلا يابنى ورانا امتحان
ملك : خلاص جهزت اهو ، يلا بينا
محمد : رايحين الامتحان !!
ملك ويارا : ايوة
محمد : طب تعالو هوصلكو فى سكتى وانا رايح

اوصل محمد يارا وملك الى الجامعة وانطلق الى مديرية أمن القاهرة

اللواء شريف : اية الاخبار يا محمد ، مفيش جديد
محمد : مفيش يا فندم احنا شغالين على الاكواد دى ووصلنا لرقم تليفون بأسم ديفيد توماس بس الرقم مصرى
شريف : مقفول طبعا صح
محمد : ايوة يا فندم ومستنين الرقم يفتح علشان نعرف مكانه
ده هيفك الغاز كتير فى القضية دى
شريف : مش عاوزين نتأخر يا محمد الوزارة كل شوية بتكلمنى ومهتمة بالموضوع ده اوى ، لازم نمسك الناس دى ونعرف صاحب التنظيم ده

محمد : حاضر يا فندم

..........
هدير : يا رامى افهمنى ، انا بحب محمد
رامى : مش وقته يا هدير ، انتى عارفة ان علاقتك انتى ومحمد انتهت
هدير : بس انا بحبه وعايزاه وندمانة على اللى عملته معاه
رامى : ملوش لازمة الندم ، وبعدين محمد خطب خلاص وهيتجوز يارا وبيحبها
هدير : اعتبره مخطبش
رامى : ازاى مش فاهم
هدير : يعنى انا هخليهم يسيبو بعض
رامى : اية انتى عبيطة ، مش هساعدك ، محمد مش ابن خالتى وبس لا وصاحبى واخويا كمان ومش هقف معاكى ، كويس انى مقولتلوش انك السبب فى موت هايدى خطيبته اللى كان هيتجوزها لما روحتى اتفقتى مع ابن تاجر المخدرات اللى هرب علشان ينتقم
انا لو كنت قولتلو كان قتلك
هدير : بتهددنى يا رامى
رامى : بهددك ، مبهددكيش مش هقف معاكى ، وكفاية اللى مخبيه عليه ، سلام

___________________________
رامى : الو ايوة يا محمد
محمد : اية يابنى
رامى : انت فاضى ولا اية
محمد : فى الشغل بس يعتبر مفيش حاجه
رامى : طب نتقابل فى الكافيه اللى بنقعد فيه كمان ساعة
محمد : ماشى

وصل محمد ورامى وجلسو على الكافيه

محمد : اية بقا فيه اية
رامى : خلى بالك من البت اللى اسمها هدير دى ، بتخطط علشان تفرق بينك انت و يارا

محمد : ازاى

قص رامى لمحمد ما حدث
محمد : سيبك منها دى مخها تعبان ولا تقدر تعمل حاجة
رامى : ان كيدهن عظيم يابنى
محمد : بس هدير بطة بلدى
رامى : المهم النهاردة هتفق على الخطوبة مع ابوك انا وبابا
محمد : متسرع كدا لية
رامى : اشمعنا انت يابا
محمد : طب قوم بينا
سار محمد ورامى وهم يتحدثون ودخل الليل عليهم وهو يتجولون وفجأة ظهر 6 اشخاص يحملون كل واحد منهم ما يعرف بالشومة واقتربو من محمد ورامى

رامى : انتو مين
رفع محمد السلاح ووجهه ناحيتهم ولكن ................

________________________________________________________

الفصل التاسع عشر
________________________
رامى : انتو مين
رفع محمد السلاح ووجهه ناحيتهم ولكن جاء احد من الخلف وضرب على ذراع محمد بقوة فوقع السلاح من يديه وقرب منه ال 7 اشخاص ولكن تصدى لهم محمد ورامى ، محمد ليس مجرد ظابط بل كمال اجسام وايضا رامى كذلك
كلما قرب شخص ليضرب محمد لكمه بشدة وضربه وكان محمد يعطى ظهره له ويصد الاشخاص ايضا فجأة تلقى رامى ضربة على رأسه وسقط ارضا وعندها خفض محمد نفسه وامسك بسلاحة وضرب احد الاشخاص برصاصة فى قدمه وبقى الاخرون ورفعو يدهم مسلمين
اتصل محمد ب حاسم وامره بان يرسل قوة للعنوان وقام رامى وهو يتألم
محمد : اجمع انت وهو كدا على بعض وارمو اللى فى اديكو ده

نفذو ما امره محمد واتجه رامى لأخذ اسلحتهم
محمد : انتو مين بقا ومين باعتكو
لم يجد رد ولكن شعر بشئ من خلفه

..............
يارا : انا قلقانة اوى وقلبى مقبوض
ملك : لية
يارا : مش عارفة
.............
التفت محمد الى خلفه ولكن لم يستطيع الدفاع عن نفسه فأطلق شخص رصاصة عليه وهب بالفرار
احضر رامى المسدس الخاص ب محمد و ترك الاشخاص وظل يجرى وراء هذا الشخص وهو يجرى ودخل الى حارات وشوارع وفى نهاية الامر اختفى
عاد رامى الى نفس المكان ووجد الشرطة فى كل مكان والاسعاف تنقل محمد
رامى : كان فيه7 يا حسام الاول وكانو هنا
حسام : احنا مسكنا واحد منهم والباقى هرب
رامى : طب انا طالع مع الاسعاف

...........
ملك : ياااه خلاص انا تعبت من المذاكرة يلا ننام الساعة بقت 2
يارا : هو محمد مش هيجى ولا اية
ملك : معرفش ممكن يبات فى القسم زى عوايده
يارا بقلق : ماشى

رن هاتف ملك برقم رامى
ملك : اية ده رامى !!! غريبة يتصل دلوقتى
يارا : ايوة ، الساعة 2
ملك : الو ، ايوة يا رامى ، ايية ، مستشفى اية وبدأت فى الانهيار والبكاء واغلقت الخط
يارا بدموع : محمد حصله حاجة !!!
ملك ببكاء : اتصاب برصاصة وهو فى المستشفى دلوقتى
انهارت يارا عند سماع الخبر وبكت بحرقة كبيرة وذهبت هى وملك الى المستشفى ووجددوا رامى جالس فى الطرقة ويضع وجهه بين كفيه
ملك ببكاء : هو اية اللى حصل
رامى : مش وقته
يارا بدموع غزيرة : هو حالته اية
رامى : متقلقيش الرصاصة جت في كتفه بس نزف كتير
جلست يارا وملك وهم يبكيان

خرج الطبيب من غرفة العمليات واسرع رامى ويارا وملك بالتوجه اليه وحسام الذى وصل فى تلك اللحظة
رامى : طمنى يا دكتور
دكتور ايهاب : الحمد لله هو بخير الرصاصة كانت فى الكتف وقدرنا نوقف النزيف ، بس محدش يدخله ولا يكلمه لغاية اما يفوق
رامى : حاضر ، شكرا يا دكتور

تدخل حسام : احكيلى اية اللى حصل يا رامى

حكى له رامى كل ما حدث بالتفصيل
حسام : مشوفتش اللى ضرب عليه النار ده
رامى : لا معرفتش الدنيا كانت ضلمة خالص ولما جريت وراه اختفى
حسام : اممممم ، انا هشوف اللى مسكناه ده وهجيب قراره
رامى : يلا يا ملك ، يلا يا يارا علشان اوصلكو البيت واجى تانى
يارا : لا هفضل هنا
رامى : مينفعش يا يارا انتو عندكو امتحان الصبح ولازم تروحو تنامو شويه وبعد الامتحان تعالو
يارا بدموع : حاضر
حسام : انا همشى والصبح هاجى اطمن عليه
رامى : ماشى

_____________________________________
خالد : انت عبيط يابنى ، انت مش قولت هتعلمه الادب بس ، تقوم تضرب عليه نار ، انت عبيط
كريم : اللى حصل بقا ، انا لما لقيته ماسك مسدسه ومسك الرجالة قولت يبقى عليا وعلى اعدائى
خالد : غبى ، انت عارف اللى ضربت عليه نار ده مين؟
ده محمد ادهم السيوفى ، يعنى هيجيبك ولو فى بطن امك
كريم : وهيعرف منين يعنى ان انا
خالد : انت نسيت الواحد اللى قبضو عليه
كريم : متقلقش
خالد : ازاى
كريم بغمزة : هتددبر ، يلا بقا اقفل علشان عايز انام ورايا زفت امتحان بكرا
خالد : ماشى

-----------------------------------
اصبح اليوم الثانى وتوجهت يارا وملك الى الجامعة بالحراسة المعتادة
دخلت يارا وملك وادو الامتحان وكان وجههم يبدو عليه الحزن كثيرا والقلق ايضا
وانتهى الامتحان
كريم : يارا ، مالك انتى وملك
يارا بحزن : لا مفيش
كريم بخبث : اصلك معيطة اهو
يارا: قوتلك مفيش حاجة
ملك : يلا يا يارا علشان نمشى
يارا : يلا
،،،،،،،،،،،،،،،،،

توجهت يارا وملك الى المستشفى حيث يوجد محمد ودخلتنان ووجدو رامى وادهم والد محمد ورجاء واشرف والدا رامى
ذهبت ملك الى حضن ابيها وبكت وكان يهدئها اما يارا فقد تسللت من بينهم ودخلت الى الغرفة وهى تبكى
وجلست على كرسى مقابل للسرير الذى ينام عليه محمد وامسكت يداه وهى تبكى وتقول : متسبنيش يا محمد انا مصدقت ان ليا حد فى الدنيا دى بعد ما خسرت كلو ، مستبنيش لوحدى ، انا بحبك
وعندها حرك محمد يداه وامسك بيد يارا وقال بصوت ضعيف : بحبك ، بحبك اوى
يارا بفرح : انت فوقت وجريت الى الخارج لتخبر الجميع وهى سعيدة ، ودخل الجميع
محمد وبدأ الافاقة : اية يا ملك بتعيطى لية ، مانتى عارفة انى ب 9 ارواح
ضحك الجميع
رامى : والله انت رايق يعنى وانت مقتول كدا وبتهزر
محمد : مقتول !!! ، استنى بس وهوريك هعمل اية فى اللى ضرب نار ده
رامى : كنت همسكه بس هرب منى
رجاء : الحمدلله انك نجيت يابنى
محمد : متقلقيش يا خالتو ، ربنا يسترها
ادهم : كويس انك بخير ، وجت على اد كده
اشرف : ابقى خد بالك يا محمد بعد كدا
محمد : والله يا عمى كانو زى الفراخ فى ايدى لولا ان اللى جه من ورا ده وضرب على سهوة
رامى : ربنا بيخلص حقوق
محمد : اسكت يلا ده انا اللى انقذتك منهم ، معرفش انك فرفور كدا ومن ضربة على دماغك هتقع
رامى : انا برضو ، يابنى خد بالك حتى من رقدتك دى
ملك : ايييييية يا جدعان حتى هنا هتتخانقو

نظر محمد الى يارا التى كانت صامته وتتابع وامسك بيديها وشاور ادهم ليخرج الجميع ويتركهم

محمد : كنتى خايفة عليا !!
يارا : كنت بموت
محمد : بعد الشر عليكى ، انشالة انا وانتى لا
نظرت يارا الى الارض من الكسوف
محمد وهو يرفع رأسها : بحبك
يارا بكسوف : وانا كمان
ابقى خلى بالك من نفسك بعد كدا
محمد : حاضر ، من عنيا ، هلم اللى عملو كدا وهصورهملك واوريكى اللى بيعمل حاجة فيا بيحصلو اية
يارا : مغرور برضو وانت تعبان
محمد : مش غرور ، دى ثقة فى النفس يا بنتى
يارا : امممم
محمد : عملتى اية فى الامتحان النهاردة
يارا : الحمدلله
محمد : طبعا من كتر ما بتفكرى فيا كتبتى فى كل إجابة محمد محمد محمد
يارا : لا والله
محمد : امممم
يارا : مش بقولك مغرور
محمد : انا مش مغرور انا بحبك
يارا بكسوف : خلاص بقا
محمد : بموت فيك وانت متكسف كدا

تدخل الممرضة حاملة الطعام وتستلمه من الممرضة وتقترب من محمد
يارا : يلا علشان تاكل
واطعمته وهو ينظر لها في حب
يارا : بتبص كدا لية
محمد : انا لو اعرف انك هتأكلينى كدا كنت خليت حد يضربنى بالرصاص من زمان
يارا : بعد الشر وكل بقا
محمد : حاضر يا قمر

................................................

حسام : عبدالغفار ، هاتلى المسجون اللى جبناه امبارح فى زنزانة 9
عبدالغفار : حاضر يا فندم
حسام : يا ترى تبع مين ده كمان ، تبع العصابة دى ولا حد عايز يضر محمد ، القضية دى مش عايزة تعدى

وفى اثناء تفكيره دخل عبدالغفار مهرولا وينهج
حسام : فيه اية !!!
عبد الغفار : المسجون يا فندم
حسام : مالووو !!!
عبدالغفار : دخلت الزنزانة لقيته منتحر
حسام : اية !!!!!!

_____________________________________________________________________________________________________

الفصل العشرون
________________
عبدالغفار : دخلت الزنزانة لقيته منتحر
حسام : اية !!!!!!
عبدالغفار : لقيته مشنوق يا فندم فى سقف الزنزانة

اسرع حسام الى الزنزانة وبالفعل دل ووجد المسجون مشنوق وتحته كرسى صغير وهذا يدل على انه انتحر
شعر حسام بالحزن ودخل الى مكتبه وهو يخبط بقدمه بالارض ويفكر بكل هذا ولكنه قرر الذهاب الى محمد فى المستشفى

خبط حسام على الباب ليأذن له محمد بالدخول فخرجت يارا
حسام : حمدالله على السلامة يا بطل
محمد : الله يسلمك ، اية الاخبار ممسكتوش حد من العيال دى

حسام : مسكنا واحد والباقى هرب واللى ضرب نار عليك هرب
محمد : حلو اوى الواحد ده هو اللى هيعرفنا بقا مين دول
حسام : لا مش هيعرفنا
محمد بأستغراب : لية
حسام : علشان انتحر
محمد : انتحر !!!! انتحر ازاى
حسام : دخلت الزنزانة لقيته منتحر ومشنوق
محمد : اتقتل بقا مش انتحر
حسام : الكرسى اللى بيبقى فى الزنزانة كان تحته يعنى هو اللى انتحر
محمد : والحبل اللى اتشنق بيه اشتراه وهو داخل ، ما تفتح دماغك يا حسام
حسام : قصدك ان الناس اللى معاه قتلوه علشان ميعترفش !!
محمد : ده اكيد
حسام : وازاى وصلو للزنزانة فى القسم وسط الحراسة دى
محمد : ههههههه مش كل شوية افرق يا حسام ان ليهم حد فى الشرطة بيساعدهم
حسام : كدا الامل اننا نعرف مين اللى اتهجمو عليك كدا ضاع
محمد : لا مضاعش انا هجبهملك واحد واحد
حسام : انت تعرفهم
محمد : كانو مغطيين وشهم بس قولى مكانش معاه بطاقة ولا اي حاجة اللى انتحر او اللى اتقتل ده !!
حسام : لا دورت معاه ملقتش اى حاجة تدل على شخصيته
محمد : امممممم، انا مش هقعد هنا ، لازم اقوم ادور واباشر بنفسى
حسام : تقوم اية انت لسة مطلع الرصاصة بليل ، لازم اقل حاجة تستريح يومين
محمد : مش هستريح اما اجيب العيال دى واخلص من ام القضية دى كمان
حسام : طب ريح النهاردة بس علشان الجرح بس
محمد : حاضر ولو حصل حاجة بلغنى
حسام : حاضر

___________________________________________________
كريم : مش قولتلك متقلقش على كيمو ياض
خالد : لا ده انت عالى اوى
كريم : امال لو عرفت الكبيرة
خالد : كبيرة اية
كريم : لا مينفعش خليك كدا ، بس اية رأيك
خالد : عرفت تقتلو فى السجن ازاى
كريم : حبايبنا كتير ، Don't worry
خالد : لا انا كنت فكرك بتتكلم وخلاص ، بس دلوقتى صدقت
كريم : يلا خليه بقا راقد فى المستشفى كدا

__________________
كان فى غرفة المستشفى التى يوجد بها محمد يارا وملك ورامى يجلسون ويمزحون ويتحدثون الى ان دخلت هدير

هدير : اية يا مودى ، الف سلامة عليك
محمد بضيق : الله يسلمك
هدير : قلقت عليك والله اوى وخضيتنى عليك
محمد وهو يمثل التعب ويتتاوب وكأنه يريد النوم : اااه انا تعبان اوى مش قادر ، انا هنام
يارا وقد ادركت انه يفعل ذلك لكى ترحل هدير : نام يا حبيبى الف سلامة
هدير : طب خد الورد ده ، استأذن انا بقا
رامى : فى داهية
هدير : اية
رامى : بقول توصلى بالسلامة
هدير : اه ماشى سلام
ضحكت يارا وملك من رامى واكملو الحديث
____________________
كان ادهم جالس على مكتبه الى ان وصلت له رسالة من نفس المنظمة ولكن تلك المرة لم تكن حل شفرة وانما تهديد بعدم الغدر بهم لانهم سوف يقتلونه فور ذلك
ضحك ادهم من نص الرسالة المضحك وتذكر اول مرة عرف فيها تلك المنظمة
حينما كان رجل اعمال مبتدأ وليس لديه سيلوة لتمويل مشرعاته وتعرف عليهم عن طريق الانترنت وارسلوا له رصيد فى البنوك بعد ان ارسل اليهم شيكات عليه ووعدوه ان يقطعو تلك الشيكات فى حال مساعدتهم وبالفعل كبر ادهم السيوفى وعمل له اسم فى السوق ولكن تلك المنظمة ظلت ورائه وتطلب منه فعل الكثير حتى ولو كانت جرائم وكان ادهم يضطر فعل ذلك بسبب الشيكات التى معهم وايضا لانهم كانو يهددوه بالقتل
______________________
محمد : روحو بقا علشان الامتحان اللى عليكو بكرا
يارا : لا احنا جبنا الكتب معانا وبنذاكر احنا وملك وهنقوم الصبح نمشى على الامتحان
رامى : بس تصدق يا مودى انى قلقت عليك اوى مقلدا صوت هدير
محمد : هههههههه انت مصيبة يا رامى والله ، جسم راجل وعقل طفل
رامى : هنبدأ نغلط اهو ، يابنى اعمل حساب لرقدتك دى
محمد : حاضر ياخويا
رامى : بس عملو معاك الجلاشة
محمد : وعد منى اقوم بس واجبهم وارميك معاهم فى السجن
رامى : تصدق انا غلطان انى ضربتهم معاك ، كنت سيبتك وجريت احسن
محمد : مانت خدت ضربة على نفوخك حلوة الصراحة هههههههه
رامى : شوقتى يا ملك ادينى اتضربت علشان اخوكى اهو وكنت هموت
ملك : بعد الشر عنك يا رورو
رامى : ما بلاش ونبى رورو دى يا جدعان
محمد : هههههههه لا رورو لايق عليك
رامى : ماشى مانت مودى برضو
محمد : مودى احسن من رورو يا شقيق
رامى : خلاص بقا ياض
محمد : ساكتة لية يا يويو
يارا : بذاكر علشان عليا بكرا مادة دكتور بلحة
رامى : انهى بلحة فيهم ، اصل فيه بلح كتير فى البلد
محمد : اخرس ياض انت ولا نسيت انى ظابط
رامى : اوبس لقد وقعنا فى الفخ
محمد : مين بقا دكتور بلحة دة
يارا : دكتور رخم كدا وحالف ليجبلنا امتحان يسقطنا
محمد : يبقى ميعرفش انتى تبقى خطيبة مين
يارا : لا والله
محمد : اها ، قوليلو بس انك تبعى وملكيش دعوة
رامى : ده لو قالتلو انها تبعك ممكن يسقطها اكتر ما كان هيسقطها
محمد : بس يا رخم
رامى : حاضر يا كبير
______________________________
هدير : مش هتساعدينى بقا فى خطتى
سلمى : خطة اية يا بنتى
هدير : انى افرق بين محمد والبت بتاعته اللى اسمها يارا دى
سلمى : ازاى ، هتوقعى بينهم مثلا ولا اية
هدير : حاجة زى كدا بس محتاجة مساعدتك
سلمى : فى اية
هدير : بصى هعرض عليكى الخطة وتقولى تنفع تقضى خالص ولا افكر فى غيرها
سلمى : ماشى
______________________
احمد وهو يحاول معرفة الرقم الذى جلبه من الشفرة ، فجأة ظهر ان الرقم تم فتحه فى القاهرة وعرف العنوان ولكن عرف ان محمد فى المستشفى فقرر ابلاغه غدا وحفظ الموقع الذى يتواجد فيه صاحب الرقم
_____________________
Hello , Mr. ko-
= welcome my friend
___________________
رامى : يلت انا هروح بقا وهجيلك الصبح
محمد : انا همشى الصبح
رامى : يابنى لازم يومين هتمشى اية
محمد : لا مش هقعد تانى لازم اقوم علشان كدا القضية متنيلة واقفة وانا حاسس اللى حصل ده هيبين حاجات كتير
رامى : ماشى هجيلك بدرى بردو
محمد : ماشى ، هم يارا وملك نامو
رامى : ايوة نايمين فى الاوضة اللى جمبك
محمد: طب خليهم يقفلو على نفسهم من جوا
رامى : حصل ، متقلقش ، موت انت بس وانا هبقى راجل المواقف دى
محمد : غور يلا من هنا
رامى : ماشى ياعم متزوقش بس
_____________________________________
رشدى : اجهزى يا دولت علشان كمان يومين هنسافر مصر
دولت : خلاص جهزت كل حاجة يا حبيبى
رشدى : ايوة
مى : هنلوح مصل يا بابى
رشدى : ايوة يا مى وهنشوف كل اللى نعرفهم
مى : هى مصل حلوة زى باليس كدا
رشدى : مش اوى بس هى حلوة علشان فيها اهلنا يا ميوش
مى : ماثى يابابى
_________________________________________
سلمى : طب وكريم دخله اية
هدير يا غبية افهمى , كريم ده بردو عايز ينتقم من يارا ويبعدها عن محمد
سلمى : ازاى وهو صاحبها اصلا فى الكلية ولية اصلا
هدير : علشان كريم بيحب يارا وهو اللى قتل سامح
سلمى : اية !!!!!
_________________________________________________________________________________________________

الفصل [21]
________________
هدير : علشان كريم بيحب يارا وهو اللى قتل سامح
سلمى : اية !!!!!
هدير : امال اية يا سوسو
سلمى: بس على اللى اعرفه ان كريم يبقى صاحب خطيبها القديم
هدير : امممم وخطيبها مات و اللى محدش يعرفه بقا ان كريم اللى قتله
سلمى : يلاهوى على دماغك بس يقتل صاحبه لية مش معقول علشان يارا
هدير : معرفش ممكن يارا وممكن اسباب تانية i don't know
____________
اصبح اليوم التالى وفاقت ملك ويارا فى المستشفى واطمأنو على محمد واتجهوا الى الجامعة
اما عن محمد فقام وذراعه معلق على رقبته بسبب الاصابة ووصل رامى
رامى : اية الصحة دى كلها ، مضروب بالنار وقايم فايق كدا وعايز تروح الشغل كمان
محمد : اعوذ بالله
رامى : مش بحسد يا عم
محمد : طب انت هتروح الشركة ولا اية
رامى : مش عارف
محمد : يعنى صاحب شغل فاشل وانا اجوز اختى لواحد مجتهد فى شغله مش فاااشل
رامى : لا رايح ياعم انت عارف انا بهزر
محمد : ماشى يلا اتكل وانا ماشى
رامى : هوصلك علشان كتفك مش هتعرف تسوق
محمد : هسوق بدراع واحد يابنى
رامى : وافرض كنت هتعمل حادثة ، مش هتعرف تتصرف بدراع واحد
محمد : اعوذ بالله خلاص تعالى
رامى : كان من بدرى
______________________
كريم : عملتى اية فى الامتحان يا يارا
يارا : الحمدلله
ملك : يااااه مش مصدقة خلاص كلها اسبوع ونتخرج بقا
كريم : مش لو نجحتى
ملك : احيه ، انت بتخوفنى لية ياعم كريم
ايمان : ربنا يستر يا جدعان متقلقوناش
كريم : يارا ممكن اكلمك لوحدنا
يارا : اشمعنا !!
كريم : عايزك فى موضوع كدا
يارا : حاضر

جلس كريم ويارا فى الكافيتيريا الخاصة بالجامعة
كريم : هو انتى صحيح مخطوبة للرائد محمد ادهم
يارا : ايوة
كريم : من امتى
يارا : ميكملش اسبوع
كريم : بتحبيه ؟
يارا : اية يا كريم انت بتحقق معايا ولا اية
كريم : لا يا يارا مبحققش بدردش معاكى عادى
يارا : اوك ، ايوة بحبه
كريم : وثقتى فيه بسرعة كدا ازاى !!
يارا بحزن: هو اللى عوضنى عن موت سامح وماما وبابا ، هو اللى وقف جمبى وساعدنى وكان سندى
كريم : اممممم ، اوك
يارا : بتسأل لية !!
كريم : مفيش اصلك صعبانة عليا اوى
يارا بأستغراب : انا صعبانة عليك ؟
كريم : ايوة
يارا : من اية ؟
كريم : محمد مبيحبش حد ، ظابط همه منصبه ووقاره بس حتى هايدى اللى كان هيتجوزها مكانش بيحبها ، بيعرف اى واحدة وبعد فترة يرميها ومش بعيد يكون هو اللى قتل هايدى كمان علشان يخلص منها
يارا : انت بتقول اية ، انت شكلك اتهبلت
كريم : هتشوفى يا يارا ، هيرميكى وهتجى تقولى انت عندك صح
يارا : وانت بتقولى كدا لية
كريم : علشان تهمينى والسبب الاهم انى بحبك
يارا بصدمة : بتحبنى !!!!!
كريم : ايوة
يارا : مش بقولك اتهبلت ، عن اذنك ، وقامت ورحلت

يارا : يلا يا ملك علشان نروح
ملك : يلا بينا
___________________
ذهب محمد الى القسم ليقابل حسام

حسام : حمدالله على سلامتك
محمد : الله يسلمك يا حسام
يدخل احمد
احمد : ساعدتك الرقم فتح والعنوان اهو
محمد بجدية : ومستنين اية يلا يا حسام وهات قوة ويلا بينا
حسام : بس دراعك مش هينفع يا محمد علشان لو حصل اشتباك
محمد : القضية دى بتاعتى يا حسام ولازم اتابعها بنفسى
حسام : ماشى بس لو حصل اشتباك متخرجش
محمد : نبقى نشوف الموضوع ده هناك
حسام : طب هنجيب اذن النيابة والقوة
محمد : مش هستنى اذن نيابة يلا بينا

انطلق محمد وحسام ومعهم قوة كبيرة وخصوصا انهم عرفو ان هذا العنوان الذى يوجد فيه الرقم فى منطقة صحراوية وخالية ومن الممكن ان تكون المنطقة مؤمنة جيدا من قبل هؤلاء الاشخاص وكان محمد يفكر طوال الطريق هل سيجد شخص ام ااشخاص كثيرة وسيحدث اشتباك بينهم ، هل من الممكن ان يكون كمين ، لكن لا يمكن فلا يمكن ان يكون كمين لان الرقم كان مغلق ثم فتح ولكن ما كان يقلقه ايضا ان صاحب ذلك الرقم لم يكن مصريا بل اجنبيا وما الذى اتى به الى مصر وما علاقته بتلك القضية
كل هذا كان يدور فى عقل محمد وهم فى طريقهم وعلى الناحية الاخرى كان شخصان يتحدثان

-- The plan is going well
= Yes my friend, that stupid policeman does not know he is an ambush for them
- hhhhhhhhhh
______________________
وصل محمد ومعه حسام وقوة الشرطة الى المكان المحدد وكان المكان عبارة عن منزل فى الصحراء ولا يوجد مبانى حوله وكان المبنى قديم جدا فأمر محمد ان تتوجه مجموعة لتحاصر المنزل من الناحية الشمالية و مجموعة اخرى من الجهة المقابلة ومجموعة تتحرك معه للداخل فى المنزل
ولكن فى اثناء تقدمه لاحظ ان المبنى مهلك ولا يمكن ان احد يعيش فيه ونظر الى الداخل من الخارج الى احد الشبابيك ووجد ان المنزل قديم من الداخل ويملأه التراب
محمد : كلو يرجع
حسام : فيه اية يا محمد
محمد بصوت عالى : كله ينفذ الامر ويرجع ده كمين
رجعت القوات الى الخلف مسافة وبالفعل انفجر المنزل انفجار ضخم وانخفض كل الجنود ارضا حتى يتجنبو الانفجار
وتحول المنزل الى تراب بفعل الانفجار الضخم

محمد بضحكة سخرية : كنا هنبقى تراب زى ده لو دخلنا ، دول حاطين كمية متفجرات تدمر
حسام بعدم استيعاب : اية ده ، انت عرفت منين انه كمين
محمد : البيت قديم جدا و فاضى من جوا ، مستحيل حد يعيش هنا وكمان حسيت ان ده كمين وانا جاى والمصيبة انى جيت واتأكدت بعينى
حسام : كنا زمانا ميتين كلنا دلوقتى
محمد : يلا بينا
_______________
شريف : اية اللى حصل فى العملية ده
محمد : كمين يا فندم ولولا انى ظابط عمليات خاصة مكنتش عرفت ان ده كمين
شريف : انت انقذت ظباط زمايلك كتير ، بحترم ذكاءك بس بردو كان لازم تبلغنى قبل ما تتحرك ل عملية زى دى
محمد : اسف يا فندم بس انا قولت التحرك اسرع
شريف : لازم ناخد بالنا الفترة دى ،الناس دى مش سهلة وواثقين اننا هنعرف نفك الشفرات والا مكنوش عملو الكمين ده
محمد : فعلا ، اما نشوف بقية الشفرات ، ربنا يستر يا فندم
شريف : تقدر تتفضل ولتانى مرة متتصرفش من دماغك
محمد : تمام يا فندم
____________________
يارا : شوفتى كريم قالى اية
ملك : اية
قصت يارا على ملك كل ما قاله كريم
ملك : بصى كل اللى قاله هبل فى هبل علشان انا عارفة اخويا اكتر ما اعرف نفسى بس اللى يجنن فعلا انه بيحبك
يارا : محمد لو عرف انه قالى كدا مش بعيد ممكن يقتله
ملك : لا بلاش ، انتى عارفة محمد عصبى
يارا : متقلقيش طبعا مش هقوله
ملك : خلى بالك انا جعانة جدا ومش قادرة اعمل الاكل النهاردة وانتى عارفة مشينا الشغالة علشان نبقى لوحدنا
يارا : طب اية رأيك هعمل الاكل انا يا ستى بس هتساعدينى
ملك : من عنيا
يارا : طب يلا
______________________________________
- This policeman is not stupid as we thought, he is smart and understands what we think

Yes, but what will we do=

- If the officer solved the following code would be a major problem

=The best solution is to kill him !!!

___________________________________________________________________________

الفصل الثانى والعشرون
_______________________

عاد محمد من العمل مرهق من ما رأه طوال اليوم واولهم ذلك الكمين الذى نجا منه بأعجوبة والبحث الشاق
دخل الى الفيلا فإشتم رائحة طعام شهية جدا وكان جائعا
محمد لنفسه : اية ريحة الاكل الجامدة دى
نزلت ملك من اعلى
ملك : اية ده اوت جيت يا مودى
محمد : ايوة ، بس قوليلى اية الريحة المغرية دة علشان انا جعان
ملك : يلا بس تعالى ساعدنى انا ويارا نحط السفرة وهقولك
ولا اقولك استريح علشان دراعك
محمد : لا هساعدكو

ساعدهم محمد فى تحضير السفرة وجلسو
محمد وهو يتذوق الطعام : الله ، اية ده انا مكلتش اكل حلو كدا من ساعة وفاه ماما الله يرحمها
مش معقولة انتى يا ملك خاااالص
ملك : ايوة علشان يويو هى اللى عاملة الاكل
محمد بحب : بجد تسلم ايدك يا يارا ، الاكل تحفة
يارا بكسوف : بجد حلو
محمد : جدا ، يااااه ده انا بعد الايام علشان تبقى مراتى والاكل والحلاوة دى كلها تبقى ليا
ملك : مينفعش تقول كدا وانت لسة مكتبتش الكتاب
محمد : وانتى مالك انتى يا رخمة
ملك : الله ، مش انت بتقول كدا ل رامى لما يجى يقولى كلام حلو
محمد : كدا انا كدا ، اطفحى بقا علشان ملبسكيش طبق الشوربة ده
ملك : بس اسكت انت بتموت فيها ، مش هيهون عليك ترميها فى وشى
محمد : صح طبق الشوربة اهم من انى ارميه فى وشك يا روحي
ملك : عاجبك كدا يا يارا ، صاحبتك بتتهزق قدامك وساكتة
يارا : انا مالى يا ستى ، اتنين اخوات بيتخانقو
محمد : شوفتى العقل
ملك : خلى بالك رامى هيضربك
التفت محمد بسرعة ولكن لم يجد احد فضحكت ملك بصوت عالى
محمد : اه يا كلبة ، ماشى استنى اخلص اكل بس
ملك : بس مكنتش فكراك هتيجى بدرى كدا
محمد : مكنتش هاجى خالص
يارا : لية
محمد ممازحا : كنتو هتسمعو خبر تفجيرى على التلفزيون
يارا : اية انت بتهزر
محمد : لا ، والله كنت هموت النهاردة وخدت بالى فى اخر لحظة
وحكى لهم محمد ما حدث

يارا بخوف: الناس دى مش هيسيبوك فى حالك انا عارفة
ملك : ايوة والمرة دى جت سليمة لكن المرة الجاية الله اعلم
محمد : ربنا يستر ، لو مكتوبلى حاجة هشوفها
يارا : خلى بالك من نفسك
محمد : خايفة عليا !!
يارا بكسوف : ايوة
محمد : بحبك
ملك : نحن هنا
محمد : يحرقك يا شيخة
____________________________

خالد : اية يا كيمو قاعد سرحان كدا لية
كريم : بفكر فى شوية مواضيع كدا
خالد : مواضيع اية
كريم : متشغلش بالك انت
خالد : بخصوص يارا بردو
كريم : حاجة زى كدا
خالد : وناوى تعمل اية
كريم : لسة مش عارف ، بس ادينى بفكرلها فى حل اهو
_____________________
رشدى : يااااه اخيرا وصلنا
دولت : الحمدلله ، تصدق يا رشدى وحشتنى البلد اوى ، بقالنا 10 سنين ما بننزلش مصر
رشدى : ايوة علشان كدا المرة دى هنطول هنا شوية
دولت : مى نامت يا عينى
رشدى : اطلعى نيميها على سريرها وشوفى الدادة اللى جايبها تخلى بالها منها عقبال ما نخلص المشوار ونيجى
دولت : حاضر

______________________
محمد : اية ده ، عمى ازيك ، يااااااه من 10 سنين مشوفتكش
رشدى : وحشتنى يا محمد والله
محمد : قولى بقا اية اخبار باريس
رشدى : حلوة وتمام
محمد : اية يا دودو بقى تنسينا كدا ، عمى نسى وتنسى أنتى كمان
دولت : والله يا محمد مشغولين بطريقة كبيرة ولسة رشدى كان بيستقر على شركته الجديدة وبيظبطها ولحد ما وقفت على رجليها
محمد: واية اخبار مي اللى انا معرفهاش غير من على النت
رشدى : كويسة الحمدلله وسيبناها نايمة فى البيت
محمد : لا لازم تجيبوها المرة الجاية علشان عايز اتعرف عليها
رشدى : من عنيا ، امال فين ادهم
محمد : مانت عارف يا عمى هتلاقيه فى الشركة
رشدى : طول عمره بيحب الشغل
محمد : اوى
رشدى : انا هروحلو
محمد : خلاص هوصلك فى طريقى ودودو هتقعد هنا مع ملك ويارا ، اه صح نسيت اعرفك ب يارا
وقام ونادى على يارا وملك وبعد سلامات واحضان من ملك
محمد : دى يارا خطيبتى يا عمى وقريب جدا هنتجوز
رشدى : ما شاء الله ، ربنا يخليكو لبعض
محمد : يلا بينا بقا و دودو خليها مع يارا وملك
رشدى : ماشى يلا بينا

_______________________________
رشدى : قولى يا محمد ، هى خطيبتك قاعدة معاكو فى البيت ايه
محمد : يااااه دى حكاية طويييلة
وحكى له محمد كل شئ منذ البداية فى الطريق
رشدى : ياااه دى حكاية كبيرة اوى ، الله يكون فى عونها ، فقدت ناس كتير اوى
محمد : ايوة ، ومن ساعة اللى حصل ده علشان اامنها قاعدة فى الفيلا مع ملك فى اوضتها
رشدى : ربنا يتمملك بخير وتتجوزو
محمد : يارب
____________________________
دولت : ياااه دى حكاية صعبة اوى
يارا بحزن: هو ده اللى حصل
دولت : اسفة انى فكرتك
يارا : لا ابدا ، احنا خلاص هنبقا صحاب واخوات كمان
دولت : وانا يشرفنى يا يويو
يارا : تسلميلى يا دودو
دولت : ده مى لما تشوفك هتحبك اوى
يارا : المرة الجاية هبقى اتعرف عليها
___________________________

ادهم بفرحة وحضن لرشدى : ايية ده رشدى ، عاش من شافك يا راجل
رشدى : وحشنى اوى يا ادهم ، بقالنا 10 سنين مبنتقابلش
ادهم : مانت اللى مبلط هناك فى باريس ومش عايز ترجع
رشدى : والله الشغل بقا وانت عارف
ادهم : الله يكون فى عونك
رشدى : يارب ، قولى بقا اية الاخبار والمستجدات وكدا
ادهم : هحكيلك يا سيدى
________________________

كريم : اية هدهد كيفك
هدير : تمام يا كيمو
كريم : اية مبتجيش غير لو فيه مصلحة
هدير : كدا ظالمنى علطول يا كوكو
كريم : كوكو كمان ، ده انا اتأكدت كدا ان فيه مصلحة
هدير :اه الصراحة فيه
كريم : بخصوص محمد و يارا صح
هدير :اية الدماغ دى ، عليك نور
كريم : واية بقا اللى عايزاه بخصوص الموضوع ده
هدير بدلع : صبلى بس كاس وهشرحلك خطتى بالتفصيل
كريم : ماشى يا دودو

______________________

رامى : اعمل حسابك بكرا يا بابا لازم نتفق على الخطوبة
اشرف :انت مستعجل كدا لية وبعدين مش شايف الظروف اللى هم فيها ومحمد متصاب
رامى : ما هو قام يا بابا وبعدين عايزين نخلص بقا فى السريع
اشرف :ماشى ، قولى صحيح مشروع الساحل قدرت تكسبه ولا لسة خايب
رامى : لعلمك بقا كسبته وكسبت مشروع السخنة كمان وهبدأ الأسبوع الجاى تخطيط
اشرف : كويس
رجاء : شطور يا رامى
رامى : اة يا ماما انتى حسستينى انى عملت واجب الحضانة
اشرف : هههههههه مانت فعلا طفل
رامى : مقبولة منك يا حاج
_____________________
=The best solution is to kill him !!!
-No, not now, all we wanted was the papers but now they are in his hand so all these puzzles will be canceled and we will use the element of surprise
__________
حسام : مسكنا عيل يا محمد من اللى اتهجمو عليك
محمد بفرحة : بتقول اية هو فين ومسكتوه ازاى
حسام : كنت معين ناس تراقب المكان وسمعو واحد على القهوة بيتكلم عن الموضوع ده ومسكناه وطلع فعلا من اللى اتهجمو عليك
محمد : طب دخلهولى
حسام : محمد بلاش عصبية
محمد : متقلقش
حسام : عبدالغفار ، هات المسجون
محمد : احسن يروح يلاقيه انتحر او اتقتل
حسام : محدش يعرف اننا مسكاناه ، يعنى هو اختفى فجأة بالنسبالهم

دخل عبدالغفار وبيده المسجون

محمد : روح انت يا عبدالغفار
ويقوم محمد ويتجه نحو المتهم
محمد : اسمك اية
مرزوق : مرزوق يا بيه
محمد : طبعا عارفنى ، وعارف شكلى ، صح ولا اية
مرزوق : ايوة يا باشا
محمد : حبيبى ، انت كدا تعجبنى لما تتكلم ، ومكنتش عارف انك بتهجم على محمد ادهم السيوفى !!!!
مرزوق : والله يا باشا قالولى اضربوه وسيبوه ولما عرفت ان حضرتك ظابط كبير ورفضت هددونى
محمد : هم مين بقا !!!!
مرزوق : مفيش يا بيه ، معلش منمتش
محمد : اممممم هتبتدى تضايقنى ، وانا لما بتضايق ايدى بتاكلنى ولما بتاكلنى لازم انزلها على قفا واحد ولا عندك علاج تانى
مرزوق : مقدرش اعترف على حد يا باشا هيقتلونى
محمد : محدش يعرف انك اتقبضت عليك يعنى متقلقش وانا هحميك
مرزوق : حاضر يا باشا
محمد : هااا مين اللى قالك انت واللى معاك تتهجموا عليا وتضربونى !!!!
مرزوق بخوف : ك .. ك كريم
محمد : كريم مين
مرزوق : كريم رشدى
محمد بصدمة : كرييييم !!!!
_________________________________________________________________________________________________

الفصل الثالث والعشرون
______________________
محمد بصدمة : كرييييم !!!!
مرزوق : ايوة يا باشا
محمد : متعرفش لية
مرزوق : اللى اعرفو سعادتك انه عايز ينتقم منك
محمد : امممم
حسام : يعنى ملهوش ملهوش علاقة بموضوع القضية خالص
محمد : اها ، جهز بوكس كدا لذيذ وانا هروح بنفسى استضيف كيمو ده
حسام : عليه امتحانات
محمد : يتحرق بجاز
حسام : حاضر
محمد : ماشى يا كريم الكلب وحياة امى لأربيك
____________________________________________
ملك : كدا مفاضلش غير امتحان واحد وبح ، يااااااه هنخلص
يارا : ايوة مش مصدقة انا كمان
ملك : طب يلا نقوم نمشى بقا علشان تعبانة جدا
يارا : يلا
ملك : اية ده ، ده بوكس وبوليس
يارا : اية يعنى يلا يابنتى
ملك بأستغراب : استنى ده محمد خارج منه
يارا : محمد !!!

خرج محمد ووجد كريم خارج من الجامعة ويضحك مع صديقه ويمزح ذهب اليه محمد بعنف
و هو يمشى وضربه كف على" قفاه" من قوته كل من كان موجود سمعه
محمد : يلا يا روح امك على البوكس
كريم بعصبية : انت بتضربنى !!!
محمد : *** انت هتقولى بتضربنى ، قدامى يابن ******
واخذه محمد والقاه فى البوكس وذهبت يارا اليه
يارا : محمد اية اللى حصل
محمد : روحى انتى وملك مع الحراسة
يارا : طب فهمنى اية اللى حصل علشان اللى انت عملته ده كتير اوى
محمد بعصبيه : مش فاااضى يا يارا
ثم ركب وانطلق مع البوكس الى القسم
يارا : شوفتى بيعاملنى ازاى
ملك : انتى عارفاه لما بيتعصب ، بس اكيد كريم عمل حاجة كبيرة
يارا : امممم ، نهاار اسود تفتكرى عرف اللى قالهولى كريم
ملك : مظنش لان هيعرف منين
ده خد حتة قفا يا عينى والله صعب عليا
يارا : اخوكى ده مفترى
ملك : اكيد كريم عمل حاجة علشان كده
يارا : طب يلا
_______________________________
محمد : بقا انا يا روح امك تأجر بلطجية علشان يضربونى ، ههههههههه مقدروش يعملو حاجة ، بس اللى معصبنى ان عيل ابن ********* زيك ضرب عليا نار
انت عارف انا هعمل فيك اية
وحياة امك لخليك تتمنى الموت ومش هتشوفو
كريم : اية اللى بتقولو ده يا باشا انا معملتش حاجة من اللى بتقول عليها دى
محمد : شغل ال **** مش عليا يلا
قولى بقا عملت كدا ليه ونفسى تقول معملتش حاجة
كريم وهو يجلس : تعجبنى دماغك
محمد : قوم اقف يابن ال***** انت هتصاحبنى
كريم بضيق : عملت كدا علشان من ساعة ما شوفتنى وانت ورايا لحدما سجنتنى وكشفتنى قدام يارا انى اتحبست قبل كدا فى قضية مخدرات
محمد : هو ده السبب ، ههههههههه، واية يعنى اكشفك قدام يارا
كريم : ترضى اقول لحبيبتك قدامك انك ظابط وسخ !!!
محمد : "٠******************* انت تقصد اية يابن ال*********
ده انا هطلع ************** النهاردة وهجم عليه وظل يلكمه ويضربه الى ان نزف وجهه وتدخل حسام بصعوبة ليلحقه من عليها
حساام : محمد اهدى هتموته فى ايدك
محمد : انا بقا ظابط وسخ ، امممممم طب دى خلاص انا ربيتك اهو عليها امال اية حكاية حبيبتك دى
كريم وهو يمسح وجهه من الدم ويتألم ضحك ضحكة سخرية : اصلى بحب يارا ، اه يارا خطيبتك

هجم محمد عليه مره اخرى وظل يضرب فيه وحسام لم يقدر عليه بسبب عصبيه محمد وقوة بنيان جسده الى ان فقد كريم الوعى
حسام : اهدى بقاااا
محمد : ابن ***** يقولى انا كدا ، فوقه علشان لسة اليوم طوييييل
حسام : اهدى بس يا محمد مش هينفع كدا

فاق كريم ولكن لم ينطق بحرف واحد خوفا من محمد لان محمد قد ابرحه ضربا اليما
محمد : فوقت يا حليتها ، وعد منى مش هتشوف الشارع تانى

لم يكد محمد ان ينهى جملته الا ان رن هاتف المكتب ، فرد محمد
محمد : ايوة يا فندم ، ايوة هنا اهو ، اية ، ازاى !؟؟ ، بس يا فندم ، حاضر يا فندم
اغلق محمد السماعة وهو مصدوم مما سمعه ووقف كريم
كريم : امشى بقا يا باشا ولا عايزنى فى حاجة تانية
محمد : امشى بس وعد منى مش هخليك بردو تشوف الشارع تانى بس قريب اوى
كريم : سلام
حسام بذهول : انت مشيته يا باشا !!!!
محمد : ايوة ، اللوا شريف لسة مكلمنى وبيقولى جيه امر من الوزارة نفسها بالإفراج عنه
حسام : الوزارة
محمد : انا مصدوم ، كدا الرؤية بانت
حسام : رؤية اية
محمد : فاكر لما قولتلك ان المنظمة دى اللى ماسكها اصلا مصرى وبيساعدوه اجانب من برا
حسام : ايوة بس اية علاقة ده بالموضوع
محمد : لية ميكونش انا قصدى على كريم
حسام : نعم ، كريم !!!
محمد : ايوة كريم ، ما دام حد كبير اوى كدا بيساعده وهو اصلا ملهوش 60 لازمة يبقى ليه علاقة بكل الحكاية دى
حسام : بس انت برضو مش متأكد
محمد : هتأكد ، سيبلى انت بس الحكاية دى

_________________________
يارا : تفتكرى كريم عمل اية
ملك : معرفش بس على ما اعتقد ، ان ليه علاقة بالناس اللى كانو عايزين يضربو محمد
يارا : كريم !! ... مظنش
محمد دخل مقاطعا : لا ظنى ،واتأكدى كمان لان ده اللى حصل
يارا : بتتكلم جد
محمد : ايوة بتكلم جد وهحكيلك كل اللى حصل النهاردة علشان تعرفى وتتأكدى انى كنت خايف عليكى

حكى محمد كل ما حدث ليارا ويارا وملك يسمعان فى صدمة واندهاش

محمد : هاااا
يارا : علشان كدا ضربته جامد النهاردة
محمد : ايوة ، واديكى شوفتى قالى اية فى القسم
يارا : ياااه كريم يعمل كل ده
محمد : مش بعيد مليون فى المية يكون هو اللى قتل سامح الله يرحمه
يارا : كريم يقتل سامح ، لا لا لا دول كانو اخوات
محمد : اخوات اية بقا بعد اللى حكتهولك ده
يارا بصدمة : مش معقولة
محمد : الايام هتثبت وهكتشف ده بنفسى بس بعد كدا انتى وملك الحرس هيخش معاكو الجامعة وكريم ده تبعدو عنه لغاية اما اخلص الحوار ده
ملك ويارا : ماشى
_________________________
هدير : فهمتى هتعملى اية يا بنتى
سلمى : مع انى مش عايزة اعمل كدا بس هعمل كدا علشان انتى عايزة كدا مع انى مش حابة كدا
هدير : اية كمية "كدا " اللى فى الكلام دى
سلمى : متوترة واللى هتعمليه الصراحة حرام
هدير : مش هنعمل حاجة غير اننا هنخلى يارا ومحمد بح علشان هيتجوزو بعد الامتحانات واخر يوم امتحان ليها بكرا ، يلا بقا فهمتى ؟
سلمى : ايوة
هدير : شطورة
______________________
محمد : اية يا حسام ، اية اللى بتفكر فيه
حسام : بفكر فى الموضوع ده ، وحاسس ان كلامك صح مليون فى المية
محمد : عمرى ما كنت اتخيل ان كريم ورا كل ده مع ان حاجات كتير مش مظبوطة بس مليون فى المية هو
عبدالغفار : محمد بية ، فيه واحدة ست عايزة تخش لحضرتك
محمد بأستغراب : ست ؟؟ ، دخلها
دخلت سلمى واذن لها محمد بالجلوس
سلمى : ممكن يا محمد بيه اتكلم مع حضرتك لوحدنا
حسام : طب انا خارج برا يا محمد عقبال ما تخلص
محمد : ماشى
محمد بأستغراب : اية الموضوع اللى حضرتك بقا عايزانى فيه لوحدنا
سلمى : حضرتك طبعا خطيب يارا صح
محمد : ايوة وهتبقى مراتى كمان 3 ايام
سلمى ببكاء تمثيل : انا خطيبة كريم لو تعرفه ، او كنت من بعد ما ظهرت يارا فى حياته ، كل يوم معاها ، ده حتى كنت بروحلو والاقيها معاه فى الشقة و و وبدأت بالبكاء (تمثيل )

محمد بعصبية: انتى بتقولى اية
سلمى : انا جيت اقول لحضرتك علشان تعرف اية بيجرى من وراك وعلشان انا كدا ادمرت منه من بعد ما ظهرت يارا
سلام يا محمد بيه واسفة لو سببت اى ازعاج ليك

وخرجت من المكتب ومحمد يشتعل غضبا وصدمة فى نفس الوقت ويفكر ايعقل هذا صحيح ، هل هذا الملاك الذى يدعى يارا ان يخون وتمثل الحب عليه وهى تعرف غيره ومن هو كريم الذى بالفعل كانت تدافع عنه مرارا وتكرارا عندما يوبخه محمد ، بالفعل كانت تدافع عنه فى كل لحظة
هذا صحيح !!!!!!
لم يدرى محمد الا وان قام وسحب اشيائه من على المكتب وخرج فى غضب حتى حسام استوقفه ولكن لم يرد عليه وخرج وركب سيارته وانطلق الى جامعة يارا وملك
وظل منتظر على نار

ملك : عااااااااا خلصناااااااا
يارا : مش مصدقة انا فرحانة اوى
ايمان : فرحانة يا يويو علشان خلصنا ولا علشان فرحك كمان يومين يا اروبة
يارا : هههههه الصراحة الاتنين
ملك : الله يسهلو يا عم
يارا : طب يلا بقا علشان نروح البيت علشان عايزة اجهز بقا للفرح واشوف هنعمل اية
ملك : ايوة يا ماما ، امشى قدامى ، امشى
يارا : هههههههههه ماشى

ملك : اية ده عربية محمد اهى ، معقولة جاى يوصلنا ، ده الحب ولع اوى يا يويو
يارا : بس يا بت بقا
ملك : طب يلا

وصلو الى السيارة
محمد : اركبو
اندهشت يارا وملك من نبرة محمد وركبو السيارة وكان طوال الطريق لا يتحدث وصامت وكان يبدو عليه الغضب
وصلو الى الفيلا وخرجو من السيارة ودخلو
يارا : مالك !!
محمد : لا والله بتسألينى مالك !!
يارا : في اية يا محمد ؟؟
محمد : فيه انك طلعتى خاينة و ملكيش لازمة كنت زى العبيط بحبك وانتى بتحبى كريم بتاعك ومقضياها معاه لا وكنتى بتروحيلو الشقة كمان
ملك : اية اللى بتقولو ده يا محمد
محمد : اسكتى انتى
يارا : سيبيه يتكلم يا ملك
محمد : انتى اية ابليسة ، واحد عمل كل ده وبتحبيه ، طب لية بتقوليلى انك بتحبينى وبتعلقينى بيكى ، مقضياها وانا اللى فاكرك بتاعتى وبس وانك محترمة وغلبانة ، كنت عبيط لما فكرت احب بعد هايدى ، كنت غبى
انتى عارفة ، هايدى بضفرك وبضفر الف زيك
زيك زى هدير رخيصة وزبالة
يارا بدموع وبكاء : مكنتش مستنية منك ده ، بس عايزاك تعرف انى محترمة غصب عنك واحسن من هايدى كمان

لم تكد تنهى كلمتها الا وصفعها محمد قلم على وجهها اوقعها ارضا
محمد : مش عايز اشوف وشك هنا تانى ، كويس ان ربنا عرفنى اصلك قبل ما اتدبس ، برا ، اخرجى برا اااااا

............................

_____________________________________

الفصل الرابع والعشرون
______________________
محمد :اخرسى هايدى دى اشرف منك ومن الف زيك ، غوووورى مش عايز اشوف وشك هنا تانى ، كويس ان ربنا عرفنى اصلك قبل ما اتدبس ، برا ، اخرجى برا اااااا

ملك بصوت عالى : محمد انت زودتها اوى فيه اية
محمد : اسأليها فيه اية ، انا رايح الزفت الشغل ارجع ملاقيش البتاعة دى هنا
يارا لم تفعل شئ سوى انها كانت منهارة فى البكاء وتبكى بحرقة
وقامت رغم ضعفها وملك تهدئها ولكنها لم تسمع لها اكن لم يكن احد يتحدث
ملك : معلش يا يارا والله ما عارفة محمد جرالو اية ، طب ردى عليا يا يارا

كانت يارا تجهز ملابسها وكل شئ يخصها وخرجت وملك تتحايل عليها ان تبقى او توصلها الى منزلها ولكن دون جدوى
ركبت سيارة اجرة وكانت طوال الطريق تبكى بشدة على ما حدث فهى الان وحيدة بالفعل فقد مات سامح الذى كان يحبها ومات والديها ولم يتبقى لها احد حتى محمد الذى اعتقدت انه سوف يعينها على تلك الحياة الشاقة فقد تركها وضربها ونهرها وظلمها اشد ظلم
وصلت الى المنزل وهى لم تهدئ لحظة من البكاء ودخلت وارتمت على السرير تبكى بشدة وبصوت عالى
وتقول : سبتنى لمين يا بابا ، سبتينى لمين يا ماما وانت يا سامح سبتنى لمييين
وكانت تبكى بصوت عالى وهى قد علمت انها اصبحت وحيدة الان
..........
حسام : حصل اية يا محمد من ساعة ما جتلك الست اللى اسمها سلمى دى وانت قالب ومش مركز خالص ولما نزلت ورجعت جيت اوسخ ، فيه اية
محمد : مفيش يا حسام
حسام : لا فيه ، انسى انى ظابط معاك وافتكر انى صاحبك واحكى
محمد : مش عارف اقولك اية بس هحكيلك من الاول

حكى محمد كل القصة ل حسام
حسام : تصدق انك اهبل وغبى بطريقة غبية
محمد : متشتمش ، ولية غبى
حسام : واحدة جاية تتكلم عن كريم علشان تفرق بينك وبين يارا
يا اما كريم باعتها علشان يوقع ما بينكو ومنها ينتقم منك ومنها يكسب يارا لانك زى ما بتقول بيحبها يا اما هدير بقا اللى بعتاها علشان بردو تنتقم من يارا وتقرب منك
انت محمد الذكى تدخل عليك الحكاية العبيطة دى وتصدقها

محمد وقد احس ان كلام حسام صحيح : بس ازاى ، دى كانت بتدافع عنه علطول
حسام : متنساش انه كان صاحب خطيبها وزميلها فى الجامعة يعوى اكيد هتدافع عنه ، شوفت انك غبى وضربتها وشتمتها علشان حاجة معملتهاش ، زمان هدير وكريم بيحتفلو بنصرهم دلوقتى
محمد بعصبية : كريم كريم كريم ، وحياة امى لقتلو
حسام : لا اهدى متضيعش نفسك ، نمشى القضية واحدة واحدة علشان نشوف مين فى الوزارة تبعه وبيساعده ، المهم دلوقتى تروح ل يارا علشان حرام اللى عملته فيها ، مش كفاية ملهاش حد يا جدع تقوم مزودها عليها ، ربنا يستر متعملش فى نفسها حاجة
محمد بخوف : تعمل فى نفسها حاجة !!! انا رايحلها بس يارب تسامحنى

.........
ظلت ملك تتصل ب يارا للأطمئنان عليها ولكن دون رد

وصل محمد بسيارته أمام منزلها وخرج وصعد الى شقتها وهو لا يعرف كيف سيجعلها تسامحه
ووصل الى شقتها ورن الجرس ولكن لم يفتح احد وظل يرن كثيرا ولكن لم يفتح الباب ، عرف محمد انها ليست بالداخل ونزل وهو حزين
البواب : كنت فين حضرتك
محمد : وانت مالك كنت فين
البواب : احترم نفسك وقول كنت فين ونازل من عند مين علشان اى حد غريب لازم اعرف جاى من عند مين مش يمكن تطلع حرامى
محمد : الرائد محمد ادهم من المباحث ، كنت بتقول اية بقا
البواب : لامؤاخذة يابيه اللى ميعرفكش يجهلك ، اسف سعادتك
محمد : قولى هى يارا وجدى اللى ساكنة فى السادس جت النهاردة صح
البواب : ايوة يا بيه
محمد : وخرجت امتى
البواب : مخرجتش يا بيه خالص من ساعة ما جت
محمد : نعم !!!!

تذكر محمد كلام حسام مما جعله يقلق وصعد الى الشقة وظل يخبط على الباب ولكن لم تفتح مما دفعه الى ان يكسر الباب ودخل يبحث عنها الى ان دخل غرفتها وصدم من المنظر
انها يارا حبيبته التى جرحها ولكن قد كانت ملقاه على السرير وفى يديها اليمنى موس ويديها اليسرى غارقة فى الدماء ، فقد قطعت شرايينها وكان السرير غارق بدمائها وكان هناك ورقة على السرير بخط يديها ولكن جرى محمد سريعا اليها وهى تدمع عيناه عليها واخذ الورقة و حملها وخرج سريعا ووضعها فى سيارته وانطلق الى المستشفى ودخل بها

ملك قد حكت لرامى فى الهاتف كل ما حدث فأتصل رامى ب محمد
رامى : ايوة يا محمد انت فين
محمد بحزن : فى المستشفى ، يارا انتحرت
رامى بصدمة : اييية انت فى مستشفى اية ، انا جايلك
محمد : مستشفى********
رامى : طيب انا جايلك

اغلق محمد مع رامى وكان يجلس فى الطرقة و كانت يارا فى غرفة العمليات وكان حزين عليها بشدة فقد كان هو السبب فى ذلك وبغبائه صدق تلك الملعونة
و تذكر الورقة التى وجدها بجوارها وفتحها واذا بالتالى

" انا اسفة اوى لأى حد سببتله مشكلة ، اسفة يا ملك انى مردتش عليكى بس اللى حصل خلانى مت الف مرة ، محدش يزعل منى على اللى هعمله ، انا عارفة انه حرام بس ربنا رحمته كبيرة وانا مبقاش ليا حد اعيش علشانه ، لو شوفتى الورقة دى يا ملك قولى ل محمد انى والله مظلمومة وعارفة ان حد عمل كدا علشان يفرقنا بس هو جرحنى جامد ورخصنى ، قولى لخالو يدعيلى انا وماما وبابا انا دلوقتى رايحالهم ورايحة لسامح لانه الوحيد اللى حبنى بجد ، اسفة على كل حاجة ، يارا "

قرأ محمد الورقة ولأول مرة ادمعت عيناه وندم على ما فعله
ايعقل ان محمد ادهم المعروف بذكائه ومكره ان يُخدع بسهولة كذلك
محمد : ياااارب
خرج الطبيب
محمد : اخبارها اية يا دكتور
الدكتور : كويس انك لحقتها لو كانت اتأخرت شوية كمان مكناش هنلحقها ، هى دلوقتى ربطنالها الشرايين ووقفنا النزيف بس المشكلة فى الصدمة العصبية اللى عندها ولازم تستريح وتتبعد عن اى ضغط نفسى علشان متكررش الانتحار تانى
محمد بحزن : حاضر ، شكرا يا دكتور

وصل رامى و ملك معه ووجدو محمد جالس فى الطرقة ويضع وجهه بين كفيه
رامى: اية اللى حصل يا محمد
محمد : مش قادر اتكلم ، سيبنى بس افوق من اللى فيه واحكيلك
ملك بدموع : انت السبب يا محمد انت السبب ، حرام عليك يا اخى
محمد : خلاص يا ملك والله ما مستحمل
رامى : مش هتفوق دلوقتى
محمد : لا الدكتور قال عندها صدمة عصبية بس ربطولها الشرايين ومانع اي حد يدخلها يسبب انهيار اعصابها لو فاقت
خشى يا ملك خليكى معاها لغاية اما تفوق
ملك : حاضر
رامى : وانت هتعمل اية دلوقتى
محمد : هجيب حراسة على الاوضة هنا ، وهندم كل واحد سبب فى اللى حصل ده حتى لو هقتلهم
رامى : لا يا محمد انت ظابط بتفكر وفاهم ، متضيعش نفسك ، مش انت اللى تعمل كدا
محمد : خليك هنا عقبال ما اجيب الحراسة وساعتها نفكر

رامى: ماشى
............

محمد : خليك يا طارق انت واتنين على الاوضة ومتدخلش حد غريب حتى اى دكتور غير لما تتأكد انه دكتور فى المستشفى
طارق : حاضر يا فندم

انطلق محمد وهو يعلم اين يذهب
واتصل حسام به
حسام : انت فين يا محمد
محمد : لية
حسام : فيه حاجة مهمة اوى وصلتلها هنقضى بيها على اللى بيسند كريم
محمد : حاجة اية دى
حسام : مش هينفع فى التليفون ، لازم تجيلى على المديرية
محمد : اممممم ، ماشى

.......
هدير : والله مش مصدقة ان خلاص محمد ساب يارا
سلمى : لا صدقى ، دلوقتى فضيلك
هدير : يااااه ، ماشى يا ميدو
__________

حسام : عارف الناس اللى هجمو عليك وكانو عايزين يضربوك
محمد : اه ، لية
حسام : واحد منهم اتخانق مع كريم علشان مدهوش بااقى الفلوس ف طبعا كريم قتله
محمد : وده اية علاقته
حسام : ما هو صاحب اللى اتقتل ده شاف كدا قال هيودى كريم فى داهية لان اللى اتقتل ده يبقى صاحبه من وهم صغيرين ومتربين مع بعض وكدا
محمد : اه وجيه اعترف على اية
حسام : كل حاجة ، وقال ان اللى بيسند كريم اكرم الحسيني مدير مكتب وزير الداخلية
محمد : مرة واحدة !!!
حسام : ايوة وكريم ياما عملو تسهيلات فى توزيع بضاعته
محمد : مخدرات !!!
حسام : بالظبط
محمد : طب وهنقضى على مدير مكتب الوزير وهنمسكه ازاى يا فالح ، ده لازم يتمسك متلبس
حسام : الواد اعترف وقال ان فيه شحنة كبيرة جدا جاية المينا وهتتحرك لمخازن فى القاهرة وهناك هيتقابل اكرم الحسينى وكريم علشان كالعادة كريم هو اللى هيوصله البضاعة

محمد : ومنها نمسك اكرم متلبس ومنها نمسك كريم السبب فى كل ده ورئيس المافيا دى صح

حسام : بالظبط

محمد : اهم حاجة المخدرات تتراقب لحد ما تدخل المخازن كويس اوى وتحركات اكرم وكريم تتراقب علشان ميضيعش كل ده
حسام : متقلقش كلو هيتظبط
محمد : تمام

............................
هدير : اية رأيك يا كيمو ، محمد ويارا بح ، تقدر تكلم يارا بقا
كريم : انتى غبية ، رايحة تقوليلو كريم ويارا بيحبو بعض وبتبات عنده وكلام كتير اوى ، اية ده كلو ده هو اصلا حاططنى فى دماغه
هدير : اية خايف يا كريم
كريم : يا ستى مش خايف عندى اللى يسندنى بس برضو محمد مش سهل
هدير : اللى حصل بقا واديه فى مصلحتك ويارا هتبقى ليك
كريم : غبية والله
هدير : اية يا كريم فيه ايه امال لو محمد عرف انك ابن تاجر المخدرات اللى قبض عليه وانك اللى قتلت خطيبته اللى كانت هتبقى مراته ( هايدى ) يا كريم هيعمل اية ، ها قول
كريم : ههههههههه ولو عرف بقا انك السبب وانك اللى قولتيلى اقتلها ، هيعمل اييية !!!!!!!

________________________________________