رواية القاسيان بقلم / عبدالرحمن احمد

هل تكون القسوة هى شئ اساسى لا يمكن الاستغناء عنه فى حياتنا ؟
هل اصبحت جزء منا ؟
مين هما القاسيان ؟
اول رواية رومانسية مختلفة من حيث الاحداث والكلام
هتعيشو الاحداث بجد
هتبقو جزء من الرواية
اترككم مع رواية القاسيان بقلمى / عبدالرحمن احمد

الحلقة الاولى
_____________
سهوة بصوت عالى: نيرة ، يا نيرة تعالى شيلى معايا انبوبة البوتجااز
نيرة : حاضر جاية اهو يا سهوة
راحت نيرة علشان تساعد اختها سهوة فى رفع انبوبة البوتجاز ورفعتها معاها وركبتها سهوة
سهوة : قلبى الرز يا نيرة عقبال ما ادى ماما الدوا
نيرة : حاضر
ذهبت سهوة الى غرفة امها فوجدتها نائمة
سهوة برقة : ماما ، ماما اصحى علشان تاخدى الدوا
كريمة بضعف : حاضر يا بنتى
سهوة : يلا خدى الدوا اهو وانا عشر دقايق بالظبط وهجيبلك الاكل
كريمة : ربنا يخليكى يا بنتى زى مانتى واقفة جمبى وبتعملى كل حاجة كدا
سهوة : ربنا يخليكى ليا يا ماما متقوليش كدا ، ربنا بس يقدرنى واقدر الاقى شغل حلو علشان استريح بس
كريمة : ان شاء الله يابنتى
سهوة : مالك يا ماما بتنهجى ليه كدا
كريمة بصعوبة تنفس : مش قادرة اخد نفسى يا سهوة
سهوة بتوتر : طب ....طب استنى هجبلك البخاخة
كريمة بضعف : دى خلصت
سهوة : ومقولتيش لية يا ماما
كريمة : محبتش اتقل عليكى يابنتى كفاية اللى انتى فيه ده
سهوة : علشان خاطرى يا ماما والله ده ما بيتقل عليا ولا حاجة ، انا هنزل اشترى بخاخة دلوقتى تانية
.....
سهوة بنت جميلة من عيلة فقيرة نسبيا اسمها كان لما اى حد يسمعه يضحك او يستغرب منه ، سهوة عندها 23 سنة ولسة متخرجة من كلية هندسة ودورت على شغل كتير بحكم شهادتها لكن للأسف كل ما تروح شركة تترفض علشان الواسطة والخ .. لغاية اما فقدت الامل خالص وقررت تشتغل (شغالة) كان غصب عنها لان معندهاش غير اخت فى اعدادى وامها اللى تعبانة ومبتقدرش تتحرك نهائى ، سهوة عايشة فى بيت بسيط جدا مع اختها وامها
......
قامت سهوة ولبست هدومها ونزلت لأقرب صيدلية واشترت البخاخة لأمها ورجعت البيت تانى ودخلت اوضة والدتها ولقيتها نايمة
سهوة : ماما ، ماما اصحى انتى نمتى تانى ، انا جبتلك البخاخة
مردتش كريمة على سهوة وده اللى خلى سهوة تهزها بس للأسف مبتتحركش خالص
سهوة بصدمة : ماما ، ماما
لم تكن سهوة تتخيل ان هذا سيحدث
سهوة بدموع : لا يا ماما قومى ، متسيبنيش ونبى ، علشان خاطرى يا ماما ، متسبينيس ، قومى يا ماما انا جبتلك البخاخة بتاعتك وهتخفى وتبقى كويسة ان شاء الله ، قومى يا ماما قومى ، ماااااماااااااااااا

كانت سهوة قاعدة فى العزاء وهى حاضنة اختها نيرة وبتعيط جامد اوى واختها على نفس الحال لكن كانت بتهديها شوية والحزن كان عامم على المكان لغاية اما انتهى العزاء
سماح بحزن : لو عوزتم حاجة يابنتى انا بيتى مفتوحلكو واى حاجة تحتاجوها انا موجودة
سهوة بدموع : ربنا يخليكى يا خالتو
سماح : ربنا يرحمها كانت طيبة اوى وجدعة
سهوة بحزن : ربنا يرحمها
سماح : وانتى يابنتى هتكملى فى الشغل اللى انتى فيه ده !!
سهوة : ايوة يا خالتو امال هنعيش منين
سماح : بس يابنتى انتى متخرجة من هندسة وفى الاخر تشتغلى كدا
سهوة : اعمل اية يا خالتو ، انا مفيش شركة الا روحتها ومفيش طريقة والا عملتها لكن كله بالواسطة يا اما اكون على هوا صاحب الشركة
سماح : ربنا يرزقك يابنتى وتشتغلى فى اللى اتخرجتى علشانو
سهوة : يارب يا خالتو ، قومى يا نيرة ذاكرى انتى فى 3 اعدادى السنة دى
نيرة بدموع : مش عايزة اذاكر ، مش عايزة اتعلم ، شوفى انتى يا سهوة اديكى دخلتى كلية قمة ، عملتى بيها اية ، احنا فى بلد محدش بيعيش فيها غير اللى عندو واسطة ومعروف
سهوة بدموع : علشان خاطرى يا نيرة اعملى اللى عليكى ، انتى عارفة انا مش ندمانة انى اتعلمت او ضيعت وقتى فى التعليم والمذاكرة لانى واثقة ان ربنا هيفرجها وهلاقى شغل كويس ، علشان كدا صابرة وانتى لازم تتعلمى يا نيرة وتذاكرى وتعملى كل اللى عليكى لغاية اما تبقى حاجة كويسة علشان التعليم جزء من عبادة ربنا وانتى بتتعلمى علشان ترضى ربنا الاول وبعدين تستخدميه فى حياتك ، صدقينى دلوقتى كل حاجة بالواسطة بس انتى لسة على ايامك الجاية محدش يعرف هيبقى فيه اية ، اكيد الدنيا هتتظبط ومش هيبقى فيه واسطة ولا الكلام ده ...لازم تبقى واثقة يا نيرة ....لازم
نيرة بدموع : حاضر يا سهوة
حضنت سهوة نيرة جامد وعيطت فى حضنها
سماح : ربنا يخليكو لبعض ، انا هقوم امشى وهجيلكو بكرا
سهوة : لا يا خالتو متتعبيش نفسك ، ايام العزا خلصت ومش عايزة انك تتعبى نفسك ، انا راجعة بكرا الشغل وربنا يقدرنى
سماح : طيب يابنتى ربنا معاكى ، انا ماشية
سهوة : توصلى بالسلامة يا خالتو

&&&&&&&&
فى فيلا كبيرة ومكان راقى وملئ بالاشجار

رأفت : هو فين يوسف يا رباب
رباب : نايم فوق
رأفت : هو مش هيتظبط بقا ، ده بقالو يومين مراحش الشركة وكل يوم سهران فى حتة شكل
رباب : تلاقيه عايز يريح شوية من الشغل
رأفت : يريح اية ده مبيروحش الشركة غير مرة او اتنين فى الاسبوع والمفروض هو اللى ماسكها وماسك الشغل
رباب : اهو نازل اهو
رأفت : اهلا بالباشا ، ما لسة بدرى
يوسف : بابا ازيك
رأفت : زفت ، مبتروحش الشركة لية
يوسف : يا بابا الشركة هتتخرب يعنى ما هى شغالة اهى ولو فيه اي حاجة السكرتيرة بتبلغنى
رأفت : لازم تروح وتدير كل حاجة بنفسك علشان اللى هناك يكونو عارفين انك موجود وماسك كل حاجة
يوسف بضيق : حاضر
رأفت : وبلاش سهر وسيبك من السكة دى
يوسف : يا بابا انا بقالى 5 سنين طلعان عينى فى زفت هندسة وما صدقت خلصتها يبقى اخرج واسهر وافرج عن نفسى شوية
رأفت : لا والله ، وقولى صحيح انت مشيت نص الموظفين فى الشركة البنات لية
يوسف : حد يجيب موظفين كلهم بنات ، مشيتهم علشان ريحة ام الشركة بقت كلها ايلاينر
رأفت : هههههه لا والله
يوسف : اها والله ، يرضيكى يا ماما ابقى قاعد طول اليوم شامم ام الورنيش اللى بيحطوه فى وشهم ده
رباب : لا طبعا يا حبيبى
يوسف : شوفت
رأفت : طب قوم يلا البس وروح الشركة
يوسف : حاااضر ، امال البت المفعوصة جودى فين
رأفت : راحت لواحدة صاحبتها تذاكر معاها شوية
يوسف : طيب انا هطلع البس واروح الشركة

يوسف شاب وسيم جدا وشعرو اسود ومميز وعندو دقن خفيفة و عندو 24 سنة واتخرج من فترة صغيرة ، يوسف كل يوم بيسهر مع صاحبو اللى مبيفارقهوش عمر ويوسف يعرف بنات كتير اوى ومقضيها بمعنى اصح

ذهب يوسف الى الشركة ودخل مكتبه وجلس على كرسى المكتب واسترخى ، دخلت عليه سما السكرتيرة

سما بدلع : اية يا سوفة كدا متجيش الشركة بقالك يومين
يوسف : واية الجديد يعنى
سما : بتوحشنى يا قلبى
يوسف : اممممم ، ورينى اللى كل الورق بتاع الشغل اليومين اللى فاتو
سما : سيبك دلوقتى وقولى موحشتكش
يوسف : وحشتينى اوى ، ما تيجى بليل فى النايت كلب نسهر ونروح على شقتى
سما بفرحة : بجد يا سوفة
يوسف : امال اية ، بس دلوقتى هاتى حاجات الشغل وهنا شغل وبس Do you understand me or no ?
سما : ماشى يا قلبى ، دقيقة وكل اوراق الشغل بتاعة اليومين اللى فاتو هتكون عندك
يوسف : طيب

&&&&&&&&

سهوة : انا رايحة الشغل يا نيرة ، ذاكرى انتى وجودى علشان تجيبو مجموع كويس فى الاعدادية
نيرة : متقلقيش يا سهوة بنذاكر والله
سهوة : طيب يا حبايب قلبى انا ماشية عايزين حاجة
نيرة وجودى : لا مع السلامة
رحلت سهوة الى الشقة التى تعمل فيها
...
نيرة بحزن : زعلانة اوى على سهوة
جودى : ليه يا نيرة
نيرة : اتعلمت وذاكرت وبقت مهندسة لكن مش لاقية حتة تشتغل فيها ، انتى عارفة شغالة اية
جودى : اية
نيرة : شغالة فى شقة بتمسح وتتبهدل
جودى : يااااه ، طب مشتغلتش لية مش هي مهندسة
نيرة : عملت كل حاجة علشان تشتغل وراحت كل شركة وعملت كل حاجة لكن واسطة بس
جودى بحزن : صعبانة عليا اوى دى شكلها كانت شاطرة وشكلها طيبة اوى
نيرة بحزن : يلا نكمل مذاكرة
&&&&&&&&&&
سهوة : انا مسحت جوا يا مدام فريدة
فريدة : طيب يا سهوة خشى امسحى فى الاوضة اللى جوا وبعدها تخلصى وتعملى الاكل
سهوة : حاضر
&&&&&&&&&&
يوسف : الو ، ايوة ياعمر
عمر : اية يبنى فينك
يوسف : اهو فى الشركة
عمر : لية كدا يابنى من امتى هههههه
يوسف : بابا ياعم قعد يقولى مبتروحش لية ومش عارف اية فقولت اروح
عمر : اممممم طب بص بقا ، خلص واعمل حسابك علشان النهاردة عيد ميلاد البت سهى والشلة كلها متجمعة فى النايت وهتبقى سهرة عنب
يوسف : اشطاااا اوى ، انا هخلص شغل وهروح اغير واظبط نفسى كدا واجى
عمر : اشطا ، يلا جود باى
يوسف : جود باى
&&&&&&&&&&&&
جودى : انا همشى بقى يا نيرة علشان اتأخرت
نيرة : خليكى شوية لحد ما سهوة تيجى
جودى : الساعة بقت 5 وماما هتزعق علشان عندك من الصبح
نيرة : طيب يا جودى ، انتى بجد اجدع صاحبة ، بالرغم من حالتك الا انك قاعدة معايا فى البيت الصغير ده ومعتبرة المكان عادى و..
جودى : متقوليش حاجة يا نيرة ، انتى اختى ، والله ما اعتبرت حد كدا غيرك
نيرة : ربنا يخليكى يا جودى
جودى : يلا سلام بقا عايزة حاجة !!!
نيرة : لا ربنا يخليكى ، سلام
****************************
صابر وهو يبحث فى البيت : ايما انتى فين ؟
لم يجد احد فظل يبحث ويصعد الى اعلى حتى وجد ورقة على الارض ومكتوب فيها : مش هتلاقينى
ابتسم صابر واحضر ورقة وكتب فيها شيئا ووضعها على السلم
واختبئ
جائت ايما وامسكت الورقة وقرأت ما فيها وكان فيها : لقيتك
وهجم صابر عليها وهو يضحك وحضنها وضحكت ايما

صابر : قولتلك مش هتعرفى تستخبى منى
ايما : الله يا بابا انا مث بعلف انك هتعمل مقلب فيا
صابر وهو يقلدها : مث بعلف ، ده ذكاااء يا ايما
ايما : يعنى اية ذكاء
صابر : يعنى افكر صح وازاى اخدع اللى قدامى
ايما : طيب علمنى
صابر : مش تعليم ده ذكاااء فاهمة يعنى شغلى دماغك
ايما : طب ثغلهالى
صابر : ههههههههه طب اقولك اية انا بقا
ايما : قولى ماما لاحت فين ، انا مث ثوفتها خالص
تغيرت ملامح صابر الى الحزن
ايما : يلا يا بابا قول
صابر : كنت مستنيكى تكبرى علشان احكيلك بس اظن انتى كبرتى شوية علشان كدا هحكيلك من اول البداية خالص يا ايما
ايما : ماثى وانا سامعة اهو
صابر بحزن : زمان يا ايما وانا صغير كنت فقير اوى كنت مش لاقى اكل وكنت بدور على شغل فى كل حتة لكن مفيش لغاية اما لقيت شغل فى مستشفى كنت بشتغل فيها زى ما تقولى بكنسها وانضفها ومسؤول عن حاجات كتير فيها لغاية اما اتهمونى انى بسرق حقن وببيعها بس اقسم بالله ما كنت بسرق حاجة وكنت فى شغلى اتحبست 6 شهور كنت ساعتها عندى 25 سنة يعنى شاب صغير اتسجنت 6 شهور وخرجت وانا كل بؤس الدنيا فى وشى ، وانا معدى فى الشارع من جمب كشك لقيت ناس بيشيلو طوب ورمل واسمنت روحت اعرض عليهم اشتغل معاهم ووافقو كنت بشتغل اليوم ب 10 جنية كانت ساعتها ليها قيمة كنت فى مرة بشيل فلقيت صاحب الشغل ساب الجرنال بتاعه وراح يجيب حاجة فقولت افتحو واشوف اخبار الدنيا اية لغاية اما لقيت اعلان عن شغل فى شركة زى ما تقولى كدا سكرتير وسايبين رقم ، ضحكت ساعتها لان اتخيلت نفسى شغال فى الشركة دى ولابس بدلة وليا وقار بس قولت اية المانع اجرب ما هى كدا كدا خربانة مش هيخسر وروحت قدمت ولبست احلى حاجة عندى بس بردو كان باين عليا انى فقير ، اترفضت ، ساعتها مزعلتش لان كدا كدا عادى بالنسبالى وانل خارج لقيت بنت زى القمر خارجة ورايا وبتناديلى وبتقولى انت هتشتغل انا اقنعت بابا خلاص ، واشتغلت وكنت بقبض مرتب حلو اوى ، حبيت بنت صاحب الشركة وهى حبتنى اوى وقررنا نتجوز وروحت اتقدمت لأبوها بس الغريب انه وافق وقالى انا هوافق علشان عايز سعادة بنتى وطالما هى بتحبك يبقى كويس وحددنا الفرح واتجوزنا ، دى تبقى امك يا ايما كنا بنحب بعض اوى ، عشنا قصة حب جميلة ما بين حبيب وحبيبة وقفت جمبى لغاية اما بنيت نفسى وبنيت شركة واتنين وتلاتة ومعرض عربيات كبير وكل حاجة تتخيليها ، لغاية ما امك حملت فيكى كنت هطير من الفرحة ساعتها ان ربنا هيرزقنى بطفل وجيه ميعاد الولادة ودخلت المستشفى بس ساعتها الدكاترة قالو عندها حاجة اسمها تسمم حمل وان حالتها خطيرة فضلت مستنى برا اوضة العمليات ساعتين لغاية اما الممرضة خرجتلى وهى شيلاكى علشان توديكى الحضَّانة وشوفتك من الازاز وانتى زى القمر بس للأسف انتى خرجتى لكن امك مخرجتش ، ماتت وهى بتولدك ، على اد فرحى بيكى على اد حزنى وقهرى عليها لما ماتت وخدتك وسافرنا وجينا على هنا وسبت مصر علشان كنت بتعذب لما بفتكرها ، عرفتى دلوقتى الحكاية كلها اية يا ايما ؟؟

ايما بدموع : ايوة يا بابا
صابر : انا مش عايز اشوف دموعك دى خالص يا ايما لو بتحبينى
ايما : حاضر يا بابا ، حاضر
وحضنت والدها وعيناها دامعة وحضنها والدها وهو يبتسم
&&&&&&&&&&&&&
كانت سهوة تمسح وتنظف وبعد ان انتهت كانت تتطبخ وتذكرت امها فبكت وابكاها اكثر حالها هكذا ، انتهت سهوة من كل شئ ومسحت المطبخ مرة اخرى

سهوة : مدام فريدة انا خلصت كل حاجة
فريدة : طيب يا سهوة بس كنت عايزة اقولك على حاجة
سهوة : اتفضلى !!
فريدة بحزن: مكنتش عايزة اقولك كدا وازعلك بس والله غصب عنى انتى ....انتى ....انتى اخر يوم شغل ليكى هيبقى النهاردة
سهوة بصدمة ودموع : اييية !!!

_____________________________________________________________________________

الفصل الثانى
______________
سهوة بصدمة ودموع : اييية !!!
فريدة : معلش يا سهوة ، الحالة بقت على قدها ومش هينفع شغالة خاالص
سهوة بحزن : ولا يهمك يا هانم
فريدة : خدى ده مرتب الشهر اللى اشتغلتيه
سهوة : شكرا ، مع السلامة

عادت سهوة وهى حزينة ، كيف ستعيش ولم تعد تعمل وكيف ستصرف على اختها وكتبها ، سهوة كانت تقبض فى الشهر 500 جنيه ، قليل لكن كان يفى بالغرض لكن الان لم تعد تعمل ، دخلت سهوة البيت والدموع فى عينيها والحزن داخل قلبها
نيرة : مالك يا سهوة
سهوة : مشونى من الشغل
نيرة : لية !!
سهوة : علشان حالتهم بقت صعبة و..
نيرة : معلش يا سهوة متزعليش نفسك ، ربنا كريم وان شاء الله هتلاقى شغل وتبقى المهندسة الشاطرة الناجحة
سهوة بدموع : يااارب

**********

يوسف : يلا يا سما اجهزى وروحى البسى وجهزى نفسك وانا هروح اخد شاور والبس واجى
سما : هنروح النايت !!
يوسف : ايوة النهاردة عيد ميلاد البت سهى وهتبقى سهرة عسل
سما بضيق : البت سهى الملزقة دى !!
يوسف : اه هى يلا بقا اخلصى
سما : طيب بس بعد ما نخلص هنروح على شقتك
يوسف : حاااضر ، يلا انا ماشى هعدى عليكى بالعربية اخدك ، يلا باى
سما : باى

*********

سهى : هو يوسف مش جاى ولا اية يا عمر
عمر : لا طبعا جاى انا لسة مكلمه وقالى انه جاى هو و سما دلوقتى
سهى بضيق : سمااا
عمر : ايوة مالك
سهى : هو مالو ومال البت دى
عمر : سكرتيرتو وكمان مصلحة يعنى انتى فاهمة بقا
سهى وهى تشرب السيجارة : اممممممم
عمر : اضحكى كدا يا عسل ده النهاردة عيد ميلادك
سهى : اهو اتعكنن بسبب سما دى
عمر : طب واللى يجيبلك يوسف ويظبطهولك
سهى بفرحة : بجد
عمر : طبعاا امال انتى فاكرة اية ، اضحكى وشيلى التكشيرة دى بقا
سهى : ماشى يا بيبى

************

ولاء : متزعليش نفسك يا سهوة ، بأذن الله هتشتغلى
سهوة : مش زعلانة يا ولاء ، انا زعلانة على نيرة اللى محتاجة فلوس علشان دروسها وكتبها وكل ده
ولاء : هتدبر بأذن الله يا سهوة ولو عوزتى حاجة انا معاكى ، انتى صاحبة عمرى بردو وعمرى منساكى
سهوة : ربنا يخليكى ليا يا ولاء

************

وصل يوسف الى النايت كلب ومعه سما وسط نظرات الحاضرين فكل البنات الموجودين عينهم من يوسف لانه شاب وسيم وكلهم يتمنون نظرة منه

عمر : اية يا معلم
يوسف : اية يابا ، الجو مالو هادى كدا لية
عمر : لحظة وهخلى الدي چى يشعللها
يوسف : ايوة كدا اشجييينى
عمر : بقولك
يوسف : اممممم
عمر : سهى مستوية على الاخر وهتموت علشان تكلمها وغيرانة من سما
يوسف : هههههههه واية الجديد استنا انا هروحلها
عمر : اشطا

...

يوسف : اية يا سهى كل سنة وانتى طيبة
سهى بأبتسامة : وانت طيب يا بيبى
يوسف : بس حلو النيو لوك الجامد اللى عملاه ده
سهى : بجد
يوسف : اممممم
سهى بدلع: بس انت واحشنى اوى ،بقى كدا تسيبنى الفترة دى كلها من غير ما تسأل ولا تكلمنى
يوسف : مانتى عارفة يا سهى الشغل بقا وكدا
سهى وهى تلف يديها على رقبة يوسف : شغل اية يا سوفة ده انت علطول فى النايت كلب هنا ، بقولك وحشتنى
يوسف : امممم ، طب والشلة
سهى : محدش واخد بالو كلو سكران وبيهيص
يوسف : اشطا يلا بينا ، وغمز لعمر حتى يشغل سما
وغمز له عمر وضحك
وخرج يوسف وسهى وركبو سيارة يوسف وانطلق يوسف الى شقته التى يمتلكها

سماا : فين يوسف يا عمر مش لقيااه
عمر : المكان زحمة وكلو بيرقص تلاقيه هنا ولا هنا
سما : طيب

***********

سهوة : يلا علشان اذاكرلك يا نيرة
نيرة : طيب يا سهوة بس انا كنت قرأت فى الجنرال عن شغل وكدا
سهوة : فين
نيرة بحزن : عايزين شغالة
سهوة بحزن : اممممم
نيرة : بس دى فى فيلا احسن بكتير واكيد القبض اكتر
سهوة : وتعب اكتر
نيرة : خلاص مش لازم
سهوة : لا لا هروح علشان مش هينفع اقعد كدا ، هاتى كدا الجرنال وبعدين جبتيه منين
نيرة : جودى كانت جيباه معاها
سهوة : طيب فين
نيرة : اهو ، حطين رقم تليفون
سهوة : بس ممعناش موبايل يا ذكية
نيرة : امممم ، سهلة ، من عند عم خالد اللى تحت
سهوة : طيب تعالى اذاكرلك الاول وبعدين ابقا اشوف
نيرة : طيب

**************

اسماء : امال فين يوسف يا رباب
رباب : فى الشغل يا ماما
اسماء : المفروض خلص شغل
رباب : مانتى عرفاه بيحب يخرج ويسهر مع صحابو
اسماء بضيق : امممم
رباب : انتى كنتى عيزاه فى اية
اسماء : علشان الموضوع ده ، بقا غلط كدا ، يخرج ويسهر ويرجع وش الفجر وينام طول اليوم ، انتى عاجبك حالو كدا
رباب : مانتى عارفة يوسف يا ماما ، مبينفذش غير اللى فى دماغو بس وعمره ما هيسمع كلام حد ولا هيسمعلك اصلا
اسماء : لا يوسف ليا عنده معزة خاصة واكيد هيسمع كلامى
رباب : ياريت بس صدقينى مش هينفذ غير اللى فى دماغو وبس

*************

سهى وهى فى حضن يوسف : هى سما دى بقت معاك فى كل حتة كدا ليه يا يوسف
يوسف : السكرتيرة بتاعتى يا سهى
سهى : لا مش سكرتيرة بس
يوسف : اها ، بقضى معاها ايام عادى يعنى
سهى : البت دى مش بستريحلها
يوسف : امممم هنبدأ كيد زفت نسا
سهى : خلاص مش تزعل نفسك ، بس انا بحبك يا يوسف عارف يعنى اية بحبك

**********

سهوة : فهمتى بقا الحتة دى
نيرة : ايوة خلاص تمام فهمتها ، كفاية كدا بقا علشان تعبت
سهوة : طيب
نيرة : انزلى اتصلى بقا بالرقم
سهوة : الوقت اتأخر يا نيرة
نيرة : لسة الساعة 11 يا سهوة وبعدين الشارع مليان ناس اهو يعنى بدرى
سهوة : طيب
ارتدت سهوة ملابسها ونزلت
سهوة : ممكن بس التليفون ياعم خالد هتصل بيه بس
خالد : اتفضلى يابنتى ، انتى تؤمرى
سهوة : تسلم يا عم خالد
واتصلت بالرقم واتفقت وعرفت العنوان وشكرت عم خالد وصعدت
نيرة : ها كلمتيهم
سهوة : ايوة
نيرة :وهتروحى امتى
سهوة : بكرا الصبح
نيرة : طيب ، ربنا يجعله شغل كويس يارب
سهوة : يارب

******************

يوسف وهو يرتدى ملابسه : يلا قومى البسى علشان نروح النايت علشان محدش ياخد باله
سهى : طيب

ارتدى يوسف ملابسه وارتدت سهى ملابسها وتوجهو الى باب الشقة ليخرجو وفتح يوسف الباب فوجد سما امامه

يوسف : سما !!!
سما بضيق : ايوة سما يا يوسف ونظرت ل سهى وقالت : بقا انت سايبنى بقا عمالة ادور عليك علشان دى
سهى : ومال دى يا سما
سما : اخرسى انتى خالص
سهى : لا مش هخرس
يوسف بزعيق : بقولكو اية انا مش فايقلكو انا رايح الزفت
ورحل وتركهم واقفين ينظرون له وهو يرحل

************

كانت سهوة نائمة علة السرير تبكى وتتذكر اباها

flash back

شريف : خدى يا بنتى دى جايزة علشان دخلتى هندسة
سهوة بفرحة : اية ده يا بابا 1000 جنية بحالهم
شريف : والله يا بنتى لو حالتنا احسن كنت اديتك اكتر من كدا بكتير
سهوة : كتر خيرك يا بابا بس خلى الفلوس دى البيت هيحتاجها
شريف : متزعلنيش بقا يا سهوة وخدى الفلوس ، ربنا ساترها الحمدلله
سهوة : ربنا يخليك يا بابا
شريف : ويخليكى ليا يا بنتى وافرح بيكى يارب

back

سهوة بدموع : ربنا يرحمك يا بابا ، وسحبت من تحت مخدتها 1000 جنية وكانت تلك التى اخذتها من والدها ، كانت تحتفظ بها للظروف وبالفعل احتاجتها فى علاج والدتها وكانت ستحضر بها دواء امها بعد اسبوع لكن القدر ، توفت والدتها وتركتها هكذا هى واختها ليس لهم الا الله

كانت تتذكر كل ذلك وما حدث لها فى الماضى من مأسى كثيرة وفترة الكلية وما تعرضت فيها لصدمات كثيرة وكانت تبكى حتى نااااامت

**********

ذهب يوسف الى النايت كلب ودخل
عمر : اية يا معلم اية الاخبار
يوسف : زفت ، البت سما قابلتنى وانا خارج من الشقة
عمر : لا والله
يوسف : مش قولتلك ياعم لاغيها
عمر : والله يابنى كانت جمبى ببص ملقتهاش
يوسف : لا فالح
عمر : خد اشرب وانسى ، النسوان دول اصلا مبيجيش من وراهم غير وجع الدمااغ
يوسف : على رأيك

وظل السهر والرقص حتى اصبحت الساعة الرابعة فجرا فقام يوسف واخذ عمر واوصله ثم رجع الى منزله ودخل وصعد الى غرفته والتقى على السرير بملابسه ونااام

**************

اصبح الصباااح بيوم جديد وامل جديد لسهوة وقامت وصنعت الغداء واكلت هى واختها نيرة وارتدت ملابسها وذهبت الى هذا المكان فوجدتها فيلا كبيرة وتحتوى على حمام سباحة وخضروات ومساحة كبيرة ودخلت واستأذنت من البواب فدخل واخبر صاحب الفيلا ودخلت

رأفت : انتى اللى اتكلمتى امبارح !!
سهوة : ايوة
رأفت : جاهزة للشغل ولا اية!!
سهوة : ايوة
رأفت : طيب ، ممكن اعرف يعنى شوية حاجات عنك كدا
سهوة : ايوة انا.....

قاطعتها جودى بأستغراب : سهوة !!
سهوة بصدمة : جودى !!!
___________

الفصل الثالث
______________
جودى : سهوة !!!
سهوة : جودى !!!
رأفت : انتو تعرفو بعض ولا اية
سهوة : هااا .... اه جودى تبقى زميلة نيرة اختى
رأفت : امممممم ، طب خشى يا جودى جوا
جودى بأستغراب : طيب يا بابا
رأفت : مقولتليش بقا عن معلوماتك اسمك وسنك وكدا
سهوة : اسمى سهوة
ابتسم رأفت
سهوة : عندى 23 سنة خريجة هندسة
رأفت بأستغراب : هندسة !!
سهوة : ايوة
رأفت : واية اللى بيشغلك فى البيوت كدا
سهوة : حاولت لكن كل ما اقدم فى شركة ياخدو الواسطة بس
رأفت : كلووووو !!!
سهوة : ايوة
رأفت : انتى حظك حلو علشان جيتيلى ، بس قوليلى انتى خريجة قسم اية فى ميكانيكا
سهوة : عمارة
رأفت : حلووو اوى
سهوة : انا مش فاهمة حاجة حضرتك
رأفت : بصى يا ستى اللى قدامك ده مهندس برضو وعندى شركة بس مش نفس تخصصك بس ابنى ماسك شركة وبيشرف على مشروعات ومحتاج مهندسين علشان داخل على صفقة وتخطيط لمدينة كاملة بس هو كسول حبتين فأنا بشرف ساعات على الشغل ، ها فهمتى
سهوة بصدمة : بس انا...
رأفت : عارف انك مش مصدقة وانك كنتى جاية على اساس تشتغلى فى البيت لكن حرام لما تكونى متعلمة وبقيتى مهندسة كبيرة كدا وتشتغلى شغالة ، انتى خلاص اتعينتى فى الشركة وبالمرتب اللى تختاريه كمان
سهوة بفرحة : انا فرحانة اوى ، مكنتش متخيلة حضرتك انى هلاقى شركة اشتغل فيها ، انا فقدت الامل
رأفت بأبتسامة : الحمدلله انك جيتى يا بشمهندسة ، مبروك الشغل ومن بكرا هتستلمى الشغل
سهوة بفرحة : شكرا جدا يا بشمهندس
رأفت : على اية يا بنتى ، انا واثق انك هيكون شغلك كويس جدا
سهوة : ان شاء الله اكون عند حسن ظن حضرتك

فى تلك اللحظة نزل يوسف هو يدعك فى عيناه لانه قام للتو من النوم

اسماء : خد يا يوسف
يوسف : استنى يا سوسو لحظة اشوف بس مين مع بابا فى المكتب
اسماء : طيب

دخل يوسف المكتب وهو يتتاوب ويدعك فى عيناه

يوسف : صباح الخير يا بابا
رأفت : صباح الخير يا دلوع
يوسف : اية يا بابا مش قدام الناس ، هى دى بقا الشغالة الجديدة ، طب اعمليلى كوباية قهوة علشان عندى صداع جامد

شعرت سهوة بالضيق من طريقة كلامه

رأفت : دى مش الشغالة يا يوسف دى مهندسة وانا عينتها عندك فى الشركة
يوسف : مش محتاج مهندسين يا بابا
رأفت : لا محتاج علشان المشروع الجديد والتخطيط بتاع المدينة
يوسف : اممممم طيب واسمك اية بقا
سهوة بضيق : سهوة ، اسمى سهوة

وقع يوسف على الارض ضاحكا : هههههههههههه يحرقك ، انتى بجد اسمك سهوة
سهوة بضيق وهى تجز على اسنانها : ايوة
يوسف ضاحكا : ههههههههههه كفاية هموووت ، طب سهوة وشاى ههههههههههههه
رأفت : متبقاش رخم وظريف كدا
سهوة وهى تجز على اسنانها : عادى يا بشمهندس رأفت ، كل اللى بسمع اسمى بيضحك
يوسف : ههههههه ولا اقولك هسكت علشان شكلك هتاكلينى
سهوة : عن اذنك يا بشمهندس رأفت
رأفت : تمام بكرا ان شاء الله هتيجى من بدرى الشغل
سهوة : اها طبعا تمام
يوسف : اهم حاجة ولا تحطى ايلاينر ولا ميتين ام البرفنات الغريبة اللى بتحطوها دى علشان بتقرفنى فى الشركة
سهوة بضيق : لا اطمن يا بشمهندس مبحطش الكلام ده
ثم رحلت
يوسف وهو نظر عليها وهى تمشى : شكلها محترم بس جاااامدة
رأفت : لا سيبك منها ، دى مش زى البنات البيئة اللى تعرفهم ، دى غلبانة وكانت جاية على اساس تبقى شغالة هنا علشان مش لاقية الشركة اللى تشتغل فيها
يوسف : اه وتقوم ملبسهالى
رأفت : تظبط الشغل بدل ما الشركة هتقع كدا بسبب استهتارك
يوسف : امممممم طيب انا رايح لسوسو عيزانى
رأفت : حد يقول على سته سوسو
يوسف : ايوة يا حاج انا اهو ، يلا جود باااى
رأفت : ربنا يهديك

*****
ذهب يوسف ل أسماء
يوسف : اية يا سوسو كنتى عيزانى فى اية
اسماء : اقعد
يوسف : ادينى قعدت
اسماء : اية اللى انت بتعملو ده
يوسف : انا كل اللى بعملو دلوقتى انى قاعد وبسمعلك يا سوسو
اسماء : لا مش قصدى كدا
يوسف : امال
اسماء : حالك ، بتسهر وترجع وش الفجر ومش مهتم بحد فى البيت ولا بشغلك ، فين يوسف الدحيح الشاطر بتاع زمان
يوسف : الزمن وبعدين السهر ده اهو حاجة تفاريحى كدا تفك عن الواحد
اسماء : والسهر ده مش فيه بنات !!!
يوسف : مزززززز
اسماء : طب ما كدا حرام ، بتشرب!!
يوسف : يعنى
اسماء : يعنى بتشرب
يوسف : اهاا
اسماء :
بسم الله الرحمن الرحيم
﴿يَسْأَلونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا﴾

....
﴿يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ﴾

يوسف : اية يا سوسو انتى قلبتى شيخ مرة واحدة كدا لية ، محسسانى انى ابو لهب يعنى
اسماء : ده كلام ربنا يا يوسف وحرام اللى بتعمله ده ولازم تلتزم بقا وتصلى وتسيبك من اللى انت فيه ده
يوسف : ان شاء الله
اسماء : اوعدنى
يوسف : ان شاء الله يا سوسو بقا ، يلا سلام
اسماء : ربنا يهديك

جائت رباب

رباب : ها عملتى اية معاه !!!
اسماء : كلمتو بس مصمم ومش مقتنع باللى بقولو
رباب : مش قولتلك ، ده ابنى وانا عرفاه
اسماء : بس انا متأكدة ان يوسف هيتعدل بأذن الله
رباب : ربنا يهديه
اسماء : ياارب

***********************

دخلت سهوة المنزل وهى ترقص من الفرح وتجرى فى جميع انحاء المنزل وسعيدة
نيرة : اية يا سهوة انتى اتهبلتى
سهوة : انا فرحااانة ، فرحاااانة اوى
نيرة : اية اللى حصل فرحينى معاكى
سهوة : هشتغل فى شركة
نيرة بصدمة : بجد
سهوة : ايوة وبمرتب عااالى
نيرة بفرحة : ازاااى احكيلى
سهوة : طيب هحكيلك

حكت سهوة ل نيرة كل ما حدث وما دار

نيرة : يااااه سبحان الله ، يعنى بيت جودى وكمان والدها قالك هتشتغلى فى الشركة
سهوة بفرحة : ايوة ، كنت رايحة اشتغل فى الفيلا ، شوفتى
نيرة : سبحان الله ، ربنا يكرمك فى الشغل ده وتبقى احسن مهندسة يارب
سهوة : ياااارب بس ربنا يستر
نيرة : من اية
سهوة : صاحب الشغل اللى هو ابن بشمهندس رأفت هو صاحب الشركة اللى هشتغل فيها
نيرة : واية المشكلة فى كدا
سهوة : شكلووو رخم وبااارد وتنح
نيرة : اها ما جودى حكتلى عنه
سهوة : ربنا يستر انا هحاول اتجنبه على قد ما اقدر

****************

رباب : اية يا رأفت هى الشغالة اللى اتصلت امبارح مجتش ولا اية
رأفت : لا جت
رباب : امال هى فين
رأفت : هتشتغل فى شركة يوسف
رباب : اية ، انا مش فاهمة حاجة
رأفت : بصى انا هحكيلك كل حاجة

قص رأفت القصة بأكملها على رباب واخبرها بكل شئ

رباب : ياااه مهندسة ومش لاقية شغل فى اى شركة !
رأفت : شوفتى بقا ، وغلبانة ومحترمة ، ربنا بعتها علشان يكون الشغل ده من نصيبها
رباب : فعلا محدش عارف الخير فين
رأفت : ايوة ، يعنى الرزق ليه يوم وهيجى

*******************

يوسف : الو ، ايوة يا عمر
عمر : اية يا سوفة مش هتسهر النهاردة ولا اية
يوسف : لا زهقان مليش نفس اسهر النهاردة
عمر : هو انا بقولك عازمك على سبانخ ، اية ملكش نفس دى
يوسف : عدى عليا نلعب بلاي ستيشن عندى وخلاص علشان وحشنى الخمسات والستات اللى بيشيلهملك
عمر : يا عم امين ، بس متزعلش لما اخسرك
يوسف : مش هزعل ياعم ، يلا مستنيك
عمر : مسافة السكة

********************

ولاء : بجد يا سهوة ، هتشتغلى فى شركة
سهوة بفرحة : ايوة الحمدلله
ولاء : الحمدلله ، مش قولتلك اصبرى وربنا هيرزقك
سهوة : والله انتى عسل وبقيت بستبشر بكلامك ، لما بتنصحينى بحاجة بيحصل خير بعدها
ولاء : طب مانتى كدا ولا نسيتى موضوع نشأت اللى اتقدملى وانتى قولتى انك مش مستريحالو وفعلا طلع تاجر مخدرات وقتال قتلة
سهوة : اهو الحمدلله ربنا خلصك منه
ولاء : الحمدلله

**********************

يوسف : هتلعب على اية تانى يابن بهية علشان اخسرهولك
عمر : ياعم الدراع بايظ
يوسف : اها منا عارف
عمر : منا خسرتك ماتش برضو
يوسف : ضربات جزاء انما انا ماسكك من ساعة ما قعدنا 6 ماتشات كل ماتش فرق 4 او 5
عمر : خلاص ياعم انت هتزلنى
يوسف : لا ياعم انا غلبااااان
عمر : انت هتقولى
*رن هاتف يوسف*
عمر : مين
يوسف : هيكون مين غيرها ، سما
عمر : طيب ما ترد يابنى
يوسف : لأ مش ناقص وجع دماغ ، يلا ياعم نتفرج على ماتش الريال والبارسا هيبدأ دلوقتى
عمر : اشطا يلا

*******************

كانت تجلس سهوة على سريرها تسترجع ذكرياتها وما حدث فى الماضى لكن استوقفت ذاكرتها موضوع اليم لن تستطيع ان تنساه ابدا وما زال له اثر فى قلبها حتى الان

flash back

*كانت سهوة فى الكلية *
سهوة : طارق انا ممكن اقولك على حاجة
طارق : اية يا سهوة
سهوة : انا بنت فقيرة جدا وعايشة فى منطقة شعبية وحتى البيت اللى قاعدة فيه صغير وعلى قدو اوى
طارق : وانتى مقولتليش كدا من زمان لية
سهوة : عادى كنت مستنية الوقت المناسب علشان اقولك ، واديك قولتلى انك هتيجى تخطبنى من ماما فقولت اصارحك
طارق : اممممم ، بس انا مستوايا يا سهوة ميسمحليش اجيلك انا واهلى اخطبك فى المنطقة اللى انتى فيها وبيتك اللى على قدو
سهوة بدموع : يعنى اية
طارق : انتى بنت كويس يا سهوة والف واحد يتمناكى بس انا هيبقى شكلى اية قدام اهلى لما اخدهم واروح منطقة شعبية علشان اخطبك وهيكون نظرتهم ليا اية !!! ، هيقولو انى مستوايا اتجوز واحدة فقيرة وعايشة فى منطقة شكلها كذا او كذا ، حطى نفسك مكانى
سهوة ببكاء : كنت فاكرة انك بتحبنى وهتقبلنى بفقرى ، خلاص كدا فهمتك
طارق : سهوة متزعليش بس ...
سهوة ببكاء : متقولش حاجة ، انا ماشية واسفة انى ضيعت وقتك
ورحلت سهوة وهى تبكى بشدة

back

بكت سهوة عندما تذكرت ذلك اليوم فعندما حبت خدعت فى ذلك الحب بسبب فقرها ، هذا كل ذنبها
تذكرت ذلك سهوة وبكت بشدة ونامت وهى حزينة وكانت الدمعة تجرى على وجهها معلنة انكسارها وحزنها

__________________________

الفصل الرابع
_____________

طلع نهار اليوم الجديد لمهمة جديدة فى حياة سهوة فأخيرا وجدت الشركة التى تعمل بها بالشهادة التى اخذتها بعد ان ذاقت الالم والتعب والمشقة ، قامت سهوة من نومها عاقدة العزم ان تذهب الى الشركة فنزلت من عينها دمعة فدائما كانت تنتظر تلك اللحظة ودائما كانت تدعو لها امها ان تجد الشركة التى تعمل بها وكانت سهوة تتمنى ان تكون امها موجودة معها فى ذلك الوقت لكن القدر ....

قامت سهوة ودخلت غرفة نيرة لتوقظها
سهوة : نيرة ، نيرة قومى يلا
نيرة بنوم : ايوة يا سهوة حاضر
سهوة : انا هخش اخد دش والبس الاقيكى قومتى
نيرة : طيب حاضر

تركتها سهوة ودخلت لتستحم وارتدت ملابسها المحتشمة وحجابها المعتاد الذى يزينها وخرجت فوجدت نيرة تحضر الفطار فجلست معها ليتناولو الفطور

سهوة : مش هعرف اعمل اكل بقا النهاردة بس لما اجى هعمل
نيرة : متشغليش بالك انا هعمل الاكل
سهوة : هتعرفى يا نيرة !!
نيرة : اماال اية ولا انتى مش فكرانى ست بيت شاطرة
سهوة : هههههه ده انتى اجمل واحسن ست ، طيب يا ستى اما نشوف يلا سلام علشان متأخرش عن الشغل
نيرة : تروحى وترجعى بالسلامة

*********************

رأفت : يا زفت قووم ، مش وراك زفت شغل وشركة
يوسف بنوم : مش هروح النهاردة يا بابا
رأفت : هو اية اللى مش هتروح هو انا بصحيك تروح المدرسة ، قوم بقا بلاش دلع
يوسف : يوووه حاضر يا بابا
رأفت : قوم يلا خد دش كدا والبس وانزلى على المكتب قبل ما تمشى علشان عايزك
يوسف : حااااضر

انتهى يوسف من الشاور وارتدى ملابسه وهو عبارة عن بنطلون چينس اسود على الموضة [الموضة المهببة اللى طبعا مقطع من كل ناحية ] وارتدى تيشيرت احمر مرسوم عليه سبونچ بوب باللون الاصفر ونزل الى اسفل

رأفت بأستغراب : اية ده
يوسف : اية يا بابا !!
رأفت : انت هتروح الشغل باللبس ده !!
يوسف : ايوة يا بابا مالو اللبس ده
رأفت : ده لو واحد فى حضاااانة هيتكسف يلبس كدا وهو رايح الحضانة
يوسف : ما علينا سيبك من اللبس وقولى حضرتك كنت عايزنى فى اية
رأفت : البنت اللى اسمها سهوة ، عايزك تعرفها على الشغل ومتقرفهاااش علشان عارفك ، وتحضر اجتماع المهندسين بتاع تخطيط المدينة اللى هتخططها الشركة وتبقى ضمنهم ، تمااام
يوسف : اممممم طيب
رأفت : مش مطمنلك ، روح يلا
يوسف : اية يا بابا شايفنى عيل صغنن
اسماء : اية ده يا يوسف اية اللى لابسو ده ، ده رجعك للحضانة هههههه
رأفت : ههههههههه شوفت شايفك عيل صغنن ليه
يوسف : ماشى يا سوسو. ، انا مااشى

خرج يوسف من الفيلا وركب سيارته وانطلق الى الشركة

***********************

وصلت سهوة الشركة وهى تنظر فى كل مكان فعجبتها كثيرا وخصوصا انها فى مكان راقى وجميل وهادئ
دخلت سهوة فوجدت سما

سهوة : احم لو سمحت البشمهندس امممم مش فاكرة الصراحة بس هو ابن البشمهندس رأفت
سما : يوسف !!
سهوة : ايوة
سما : عيزاه لية بقا ان شاء الله

تعجبت سهوة من طريقة كلامها السخيفة

سهوة بضيق : انا مهندسة جديدة هشتغل هنا
سما : اممممم وهو بقا اللى قالك !
سهوة بعصبية : انتى بتتكلمى كدا لية
سما : ما براحة يا ماما
سهوة : انا مش ماما يا حبيبتى انا بشمهندسة سهوة
سما : ههههههههههههه بجد اسمك سهوة
سهوة بعصبية : ايوة سهوة

تدخل يوسف مسرعا

يوسف : اييية ما تشدو شعر بعض احسن ولا تضربو بعض
سهوة : هى اللى استفذتنى
يوسف : سما اهمدى شوية هاا اهمدى علشان انا لو اتعصبت عليكى هتزعلى فاهمة
سما : طيب
اشار يوسف ل سهوة : وانتى تعالى على مكتبى

دخلت سهوة المكتب بعد يوسف

يوسف : اقفلى الباب
سهوة : نعم
يوسف : اقفلى الباااب ، اعيدها !
سهوة : حاضر
يوسف : اقعدى
سهوة : طيب

جلست سهوة وهى خائفة منه

يوسف : بابا لسة مكلمنى عنك ولحسن حظك هتشاركى فى مشروع المدينة اللى بنعملو وهتحضرى الاجتماع اللى بعد ساعة ، انتى استلمنى الشغل خلاص بس هنا مش هزار ، لو معجبنيش شغلك هدخل حد تانى مكانك فى المشروع ، مرتبك هيبقى 8000 ده بس البداية بعد كدا هيزيد كتير ، المشروع ده لو خلص كل مهندس شارك فيه وخططله هياخد مبلغ محترم لانها مدينة سياحية كبيرة جدا ومحتاجة شغل جامد ، بسسسس ده كل اللى حبيت افهمهولك
سهوة : ماشى يا بشمهندس انا جاهزة ، عن اذنك
يوسف : انا اذنتلك تمشى !!

جلست سهوة مرة اخرى وبدأت تتضايق

سهوة : امم اتفضل عايزنى فى اية يا بشمهندس !!
يوسف : مكنتش ، تقدرى تتفضلى
سهوة بأستغراب : !!!!! طيب وقامت وخرجت واغلق الباب خلفها

يوسف لنفسه : قمر بنت الاية ، جاااامدة

**************
سهوة : ممكن اعرف فين مكتبى !!
سما بضيق : اهو
سهوة بضيق : طيب

قامت سما ودخلت مكتب يوسف

يوسف : اييية يا ستى مش تخبطى قبل ما تخشى
سما : اية يا يوسف مالك وبعدين لية تزعقلى قدام البتاعة الجديدة دى
يوسف : سما انا دماغى مصدعة والله
سما : بس حلو اوى لبس سبونچ بوب ده هههههه
يوسف : هه خفة ، روحى شوفى شغلك
سما : طيب متتحمقش كدا
يوسف : متنسيش تنبهى على المهندسين ان الاجتماع كمان ساعة مفهووم !!
سما : طيب

*******************
دخلت سهوة مكتبها وهى تشعر بسعااادة كبيرة فأخيرا تحقق حلمها لكنها جلست شاردة من طريقة كلام يوسف فهو يعاملها بطريقة سيئة ولكن تعصب على سما ، وايضا ملابسه فهذا ليس لبس مهندس فى شركة وايضا صاحب الشركة ، هذا الشخص غريب الاطوار بالفعل

كان يوسف فى مكتبه يفكر ويقول لنفسه : اية يا يوسف من امتى وانت بتتكلم جد كدا ههههه والله شكلى كان جامد وشكلها كان مسخرة وهى بتنفذ اوامرى ، اما اروح ارخم عليها شوية ، لا اروح اية ، مالك يا يوسف من امتى وانت بتروح ترازى بنات ، ده هم اللى بيجو لغاية عندك ، لا لا بس سهوة شكلها مختلف خااالص عن اي بنت
ههههه هروح ارخم عليها شوية

قام يوسف وهو عاقد العزم على الذهاب الى مكتب سهوة وذهب وفتح الباب مما فزع سهوة

يوسف : بشمهندسة قهوة ، يوووه قصدى سهوة
سهوة بغيظ : نعم يا بشمهندس
يوسف : مش عارف نسيت ، خلاص خلاص واغلق الباب
سهوة لنفسها : مجنون ده ولا اية
فتح يوسف الباب مرة اخرى : سمعتك على فكرة وانتى بتقولى مجنون
سهوة بصدمة : اية
يوسف : اه نسيت اقولك انا بقرأ الافكار ثم اغلق الباب وخرج
سهوة لنفسها : اهبل وعبيط ورخم كمان
فتح يوسف الباب مرة اخرى
سهوة : بشمهندس يوسف حضرتك عايز حاجة
يوسف : ايوة بيقولو اللبس اللى لابسه شكلو اطفالى بجد الكلام ده ولا اية
استغربت سهوة من كلامه
سهوة : احم عادى يا بشمهندس
يوسف : قولى ومتتكسفيش ان سبونچ بوب هياكل منى حتة
ابتسمت سهوة وكادت ان تضحك لكن منعت ضحكتها
يوسف : انا قولت كدا بردو
سهوة : فيه حاجة تانى يا بشمهندس
يوسف : اممممم لا خلاص متنسيش الاجتماع
سهوة : حاضر يا بشمهندس
يوسف : طب اية ، طب انا ماشى وخرج واغلق الباب
سهوة لنفسها : هو مالو ، ده اهبل خالص ، مع ان ده مش شكلو لما كان بيكلمنى جوا ، وانا مالى انا هنا بشتغل

*************
رباب : اية يا ماما انتى فين
اسماء : انا هنا اهو
رباب : انتى دخلتى الاوضة دى تانى !!
اسماء بحزن : ايوة مقدرش انساها خالص دى فيها معظم زكرياتى
رباب : قولتلك يا ماما بلاش الصور دى علشان بتتعبك
اسماء : وهى دى صور حد غريب يا رباب ، دى صور ابوكى الله يرحمه
رباب : الله يرحمه
اسماء : انتى عارفة يا رباب ابوكى اتجوزنى ازاى!!
رباب : ازاى
اسماء : اتقدملى بس بابا رفض علشان هو فقير وانا من عيلة غنية بس ابوكى فضل يجيلو لغاية اما اشتغل فى شركة كبيرة وعمل نفسه فى سنة واحدة وكنت هتخطب جيه لحقنى وكلم بابا وقالو انا مش هيأس ساعتها بس بابا صدقه وعرف انه بيحبنى وهيعمل اي حاجة علشانى وهيحافظ عليا

****************
دخل يوسف على سهوة ووجدها ترسم
يوسف : بترسمى اية
سهوة بأستغراب : بجهز حاجة علشان اعرضها فى الاجتماع بتاع النهاردة عن المدينة
يوسف : كويس اوى ، فعلا بابا كان عنده حق لما قال انك هتفيدى الشغل
سهوة بأبتسامة : شكرا يا بشمهندس
يوسف : ممكن رقم تليفونك بس علشان لو حصل حاجة فى الشغل او اى حاجة اقدر اوصلك
سهوة بكسوف : بس انا ... انا مش معايا موبايل
تفهم يوسف وقال : طيب بعد الاجتماع هديكى مبلغ تجيبى بيه موبايل
سهوة بضيق : لا لا مش هينفع يا بشمهندس
يوسف : يا ستى هخصمه من المرتب
تعجبت سهوة من طريقة كلامه وكأنه يعرفها ويدردش معها ثم ابتسمت : طيب ماشى
يوسف : طب مش يلا ولا اية الاجتماع هيبدأ دلوقتى
سهوة : اه اه طيب

*****************
سهى : البت اللى اسمها سما دى رخمة اوى
شيماء : لية
سهى : ماشية لازقة فى ديل يوسف طول الوقت
شيماء : وده بقا مزعلك فى اية
سهى : يا شيماء انا بحب يوسف
شيماء : وانتى فاكرة يعنى انه هيحبك او هيتجوزك
سهى : امال اية
شيماء : بعد ما سبتيلو نفسك هيتجوزك !!! تبقى عبيطة
سهى : هيتجوزنى يا شيماء ، هخليه يحبنى
شيماء : يبقى متعرفيش الرجالة كويس
سهى : بس يوسف حاجة تانية يا شيماء
شيماء : اى راجل لو بنت سابتلو نفسها عمره ما يتجوزها حتى يوسف ، ده يعرف بنات قد شعر راسه يابنتى
سهى : متعقديهاش فى وشى بقا
شيماء : براحتك

*********************
كانت نظرات الشر تخرج من عين سما وهى ترى محمد يدخل الى مكتب سهوة ويخرج حتى وقت الاجتماع دخل وخرجت معه الى الاجتماع

يوسف : اى حد يسأل عليا انا فى الاجتماع
سما : طيب
يوسف : يلا يا سهوة
سما : سهوة فى قلبك
يوسف : بتقولى اية
سما : لا مش بقول
يوسف : اهمدى هااا اهمدى
سما بضيق : طيب

ودخل محمد بعد سهوة الى الاجتماع وجلس المهندسون يعرضون مخططهم واقتراحاتهم للمشروع
وكانت سهوة صامتة
يوسف : وانتى يا بشمهندسة سهوة اية رأيك
سهوة : انا كنت رسمت حاجة خفيفة كدا ومن رأي دى لو اتعملت على البحر واتدرجت بنفس الحكاية دى هيبقى احسن
يوسف وقد عجبته فكرتها : تمام حلوة اوى الفكرة دى اية رأيكو يا بشمهندسين الجزء القريب من البحر يبقى زى ما بشمهندسة سهوة قالت
واحد منهم : فكرة كويسة جدا كلنا موافقين
يوسف : خلاص على بركة الله نبدأ من بكرا كل واحد هيرسم جزء ويخططه وبشمهندسة سهوة هترسم وتخطط الجزء اللى قالت عليه بس اقصى مدة شهر
جميع الحضور : تمام يا بشمهندس
يوسف : تقدرو تتفضلو

قام الجميع وقامت سهوة خارجة لكن استوقفها صوت يوسف يناديها
يوسف : سهوة
لقد نادها بأسمها دون كنية قبلها وهذا ما تعجبت منه سهوة
سهوة بأستغراب : ايوة يا بشمهندس !!!!
يوسف : كويس اوى اقتراحك واظن انه هيفرق جامد
سهوة : شكرا يا بشمهندس
يوسف : انا قررت ازود مرتبك وهيبقى 10000
سهوة : من اول يوم كدا
يوسف : علشان اثبتى كفائتك من اول يوم
سهوة : شكرا يا بشمهندس
يوسف : خدى يا ستى ده المبلغ الى قولتلك عليه علشان الموبايل
سهوة : متشكرة يا بشمهندس
يوسف : تقدرى تروحى دلوقتى
سهوة بأبتسامة : شكرا ، ورحلت وسط نظرات يوسف لها
جلس يوسف يفكر فى طريقة كلامها واسلوبها وجمالها وهدوئها ، هى ملاك
هل يعقل ، لا لا. يا يوسف انت هتتهبل ولا اية
بس ممكن على فكرة
لا لا دى بنت مش من مستواك يا يوسف
بس هادية وجميلة ، مش زى اى بنت
يا ترا اية اللى فى دماغك يا يوسف ، انا هتجنن ، اييييية !!!!!

_________________________________________________________________________

الفصل الخامس
______________

عادت سهوة الى منزله تاركة يوسف يفكر ويكذب تفكيره لكن لم ينتهى الى اجابة واضحة اما عن سهوة فوصلت منزلها بعد ان اشترت الهاتف الذى اعطاها يوسف النقود من اجله

نيرة : حمدالله على سلامتك يا سوسو
سهوة : الله يسلمك يا نيرة
نيرة : عملتى اية فى اول يوم شغل
سهوة : الحمدلله ومش هتتخيلى المرتب كام
نيرة : كام!!
سهوة : 10000 جنيه
نيرة : بجد
سهوة : ايوة الحمدلله ولما اخلص المشروع اللى فى ايدى هاخد مكافئة كبيرة
نيرة : الحمدلله ، ربنا رزقك بعد ما كنتى فقدتى الامل
سهوة : الحمدلله ، قوليلى عملتى الاكل
نيرة : ايوة ، هتاكلى صوابعك وراه
سهوة : اشطا يا سيدى اما نشوف

********************

يوسف : انا مروح يا سما
سما بدلع : مش هنقعد مع بعض النهاردة يا سوفة
يوسف بضيق : لا دماغى مصدعة
سما : انا هضيعلك الصداع ده اسمع منى
يوسف : مش فايق خالص يا سما
سما : طب بينا على الشقة وانا هفرفشك
يوسف : طيب يلا بينا

*********************
رأفت : اية يا جمال
جمال : تمام يا بشمهندس رأفت مشروع شركة ابن حضرتك يوسف بدأ النهاردة واتناقشو وكل واحد قدم مقترحاته وتم
رأفت : الحمدلله طمنتنى ، انت عارف يوسف متهور
جمال : لا النهاردة كان بيتكلم جد وكل حاجة تمام
رأفت : طب الحمدلله ، سلام انت
جمال : سلام
رأفت لنفسه : يارب يتظبط بقا ، نسريين
نسرين : ايوة يا بشمهندس رأفت
رأفت : انا ماشى
نسرين : طيب حضرتك تؤمر بحاجة اجهزها لبكرا
رأفت : لا تقدرى تروحى انتى كمان

*******************
جودى : يا ماما فين يوسف
رباب : لسة مجاش
جودى : هو اتأخر كدا لية
رباب : انتى عيزاه ليه
جودى : عيزاه فى حاجة كدا
رباب : شكلك وراكى مصيبة
جودى : اية يا ماما هو علشان عايزة يوسف يبقى ورايا مصيبة
رباب : ما هو اللى بيخبى اسرارك
جودى : ما علينا يا ماما ، لما يجى قوليلى علشان عيزاه
رباب : طيب

**********************
سهوة : فعلا شاطرة يا نيرة الاكل جميل
نيرة : انتى اجمل
سهوة : ربنا يخليكى ليا يا اجمل اخت
نيرة : ويخليكى يارب
سهوة : قومى بقا ذاكرى علشان امتحاناتك قربت
نيرة : حاضر هقوم اهو

سمعو خبطات على الباب فلبست سهوة حجابها وقامت لتفتح الباب فوجدت صديقتها ولاء

سهوة بفرحة : ولاء ، تعالى خشى
ولاء : ازيك يا سهوة
سهوة : الحمدلله بخير وانتى اخبارك اية
ولاء : الحمدلله ، ها اية اخبار الشغل الجديد
سهوة : الحمدلله وكويس وتمام بس ..
ولاء : بس اية
سهوة : بشمهندس يوسف صاحب الشركة ده غريب اوى انا مستغربه منه ومش عارفة اللى بيعملو ده ليه ، ده اللى قالقنى
ولاء : عمل اية ؟

قصت سهوة القصة كاملة على ولاء اثناء العمل وعندما دخل عليها المكتب والخ...

ولاء : واضحة يا سوسو مش محتاجة كلام
سهوة : هى اية اللى واضحة يا لولو
ولاء : اكيد معجب بيكى
سهوة بأستغراب : معجب بيا انا !!
ولاء : ايوة ، لية لا
سهوة وهى تهز رأسها بالرفض : لا لا معجب بأيه فيا ده انا فقيرة وحالتى حالة
ولاء : مش بالفقر يا سوسو وبعدين انتى زى القمر ده انتى حتى احسن منى وكمان روحك حلوة
سهوة : بس برضو مظنش
ولاء : الايام هتثبتلك
سهوة : السكرتيرة بتاعتو اللى اسمها سما دى رخمة رخاااامة وحكت لها
ولاء : اية الرزالة دى وسكتيلها
سهوة : لا ورتلها العين الحمرا بس مش عايزة اعمل مشاكل علشان لسة جديدة ومش اول ما اشتغل هوب اعمل خناقة
ولاء : اللى زى سما دى عايزة تتجاب من شعرها
سهوة : اه والله ، دى مستفزة ، شكلها لوحدو مستفز
ولاء : هههههه

***********************
كان يوسف على السرير وبجواره سما تتكلم لكن لم يكن معها نهائى فكان يفكر فى اشياء عدة ومن حوله سحابة تفكييير

سما : يووووسف !!
يوسف : هاا ، ايوة
سما : فينك انا عمالة اتكلم وانت مش هنا خالص
يوسف : كنتى بتقولى اية
سما : بقولك سيبك من البت سهى دي خالص بقا
يوسف بعصبية : لو هسيبنى فعلا يبقى هسيبنى منك ومنها ومن اللى زيكو ، انتى فاكرة يعنى بحبها او بحبك ، لا فوقى انا بتسلى بس ، ويوم ما افكر استقر مش هفكر فيكو خالص على فكرة ، فهمتى ولا اعيد تانى

وقام وارتدى ملابسه ورحل وترك سما تشيط غضبا

عاد يوسف الى الفيلا ودخل

رباب : حمدالله على سلامتك يا يوسف
يوسف : الله يسلمك يا ماما ، امال فين بابا وسوسو
رباب : ابوك لسة مجاش وماما بتصلى فوق
يوسف : طيب انا طالع
رباب : اه صح جودى كانت عيزاك
يوسف : عيزانى انا !!
رباب : ايوة
يوسف : طيب هعدى على اوضتها اشوفها عايزة اية وانا طالع

وصعد يوسف ووصل الى غرفة جودى وخبط الباب وفتح فوجدها تذاكر فدخل وجلس جوارها على السرير

يوسف : اية يا جوجو ماما بتقول انك عيزانى
جودى : هو انا لو اللى مكلمتكش انت متسألش
يوسف : مانتى اللى مختفية بسبب ام الاعدادية بتاعتك دى ، قولى اخلصى عايزة اية علشان دماغى مصدعة جامد
جودى : امممم طيب عارف سهوة
التفت يوسف لها بأهتمام : ايوة انتى تعرفيها !!
جودى : ايوة دى اخت نيرة صحبتى الكبيرة واختها الوحيدة ، انا سمعت انها هتشتغل معاك فى الشركة صح !!
يوسف : ايوة ، بتسألى لية
جودى : كنت عايزاك يعنى تظبطها فى المرتب كدا ، والله دى غلبانة اوى انت عارف ، كانت بتشتغل شغالة علشان مكانتش لاقية شركة تشتغل فيها
يوسف بصدمة : بجد !!
جودى : ما هى كانت جاية تشتغل هنا لولا بابا
يوسف : منا عرفت انها كانت جاية تشتغل هنا بس اول مرة اعرف انها كانت شغالة فى بيوت قبل كدا
جودى : شوفت بقا علشان كدا بقولك تخلى بالك منها ومتزعلهاش وتظبطها فى المرتب
يوسف بأبتسامة : مش محتاج كلامك ،انا هعمل كدا فعلا
جودى بفرحة : بجد
يوسف : ايوة يا ستى ، يلا بقا هخش انام علشان دماغى مصدعة
جودى : مش هتتفرج على ماتش الزمالك !
يوسف : زمالك مين ده اللى اتفرج عليه ،ده حصااالة يابنتى ،انا مش عارف طالعة بوابة لمين فى العيلة
جودى : طب خش ناام ،خش
يوسف : داخل ومتنسيش تقوليلى الزمالك خسر كام لما اصحى هههه
جودى : يا رخم

*********************
سما : هو يوسف مالو اتغير كدا لية مبقاش طايقنى
عمر : يوسف مش طايقك ولا طايق سهى
سما : طب لية ، انا نفسى افهم طيب
عمر : زنااانيييين ، ولا هيتجوزك ولا هيتجوزها
سما : ومين قالك
عمر : هو ومش لاز يقولى ، مفهومة يعنى
سما بغضب : ماشى يا يوسف ، مااشى

********************
كانت الساعة العاشرة مساءا وكان يوسف نائما حتى رن هاتفه ولكنه لم يرد فرن مرارا وتكرارا
فأمسكه ورد وهو نائم

يوسف بنوم : ايوة
سهى : انت فين يا يوسف
يوسف : فى البيت
سهى : طب ما تيجى على النايت كلب احنا متجمعين كلنا هنا
يوسف : لا انا تعبان ومش هقدر
سهى : سلامتك اجيلك!!
يوسف : انتى عبيطة ، تيجى لمين !!
سهى : بهزر يا سوفة
يوسف : طيب اقفلى بقا
سهى : طيب سلام

اغلق يوسف قبل ان يرد عليها ثم سرح قليلا فى سقف الحجرة ثم خرج ونزل لأسفل

رأفت : صباح الخير
يوسف : احنا لسة بليل يا بابا ، انسى المقالب دى
اسماء : كنت نايم ده كله لية
يوسف : جيت تعبان النهاردة ، نمت
رباب : اخليهم يحضرو الاكل ليك
يوسف : لا لا مليش نفس انا هشرب قهوة
رأفت : عملت اية فى المشروع
يوسف : تمام وكلو هيبدأ شغل فيه من النهاردة
رأفت : وسهوة اية اخبارها
يوسف : تصدق يا بابا شاطرة جدا ودماغها مفتحة ومبتضيعش وقت ورسمت رسمة كروكى كدا لشغلها وهى فى مكتبها
رأفت : كويس ، مش قولتلك ، المهم بس متضايقهاش
يوسف : انا ... لا لا خالص
رأفت : ربنا يستر
اسماء : هى حلوة يا يوسف
يوسف : قمر يا سوسو ، قمررر
رأفت : اية يابنى مالك انت اول مرة تشوف بنت
يوسف : الصراحة سهوة دى بغض النظر عن اسمها بس غير اى بنت سواء سما الرخمة دى او حد تانى
رأفت : سما دى مش مستريحلها فى الشركة
يوسف : اديها سكرتيرة لحد ما اجيب سكرتيرة تانية علشان قرفتنى خلاص

************************
كانت سهوة جالسة على سريرها تفكر فى شغلها بعد ان انتهت من تجهيز بعض الاشياء فى عملها وانجزت بعضهم

سهوة لنفسها : انتى بتفكرى فى اية يا سهوة ، ناامى بقا ، مش كفاية اللى حصلك قبل كدا ، لما خالد حبك وسابك علشان فقرك ، متحلميش كتير يا سهوة وبعدين ده عااادى خالص واكيد بيرخم ، ربنا يستر ، انا مش هسمح لحاجة تحصل زى ما حصل قبل كدا ، مش هسمح ابدااا

ونااااامت بعد تفكير طوييييل

***********************
اصبح يوم جديد بما يحمله من خبايا واسرار

قام يوسف على غير عادته واستحم وارتدى ملابسه المكونة من بنطلون چينس وقميص ابيض
وخرج ونزل فوجد والده

رأفت بأستغراب : يوسف
يوسف : اية يا بابا مالك اتصدمت لما شوفتنى كدا
رأفت : رايح فين
يوسف : هو اية اللى رايح فين يا بابا ، رايح الشركة
رأفت : لا لا مش مصدقك
يوسف : والله رايح
رأفت : مش عوايدك يعنى تقوم بدرى وتروح الشركة
يوسف : عادى بقا يا بابا يلا سلام
رأفت : طب افطر
يوسف : هفطر فى الشركة يلا سلام
رأفت : غريبة يعنى ، اقطع دراعى ان ما كانت سهوة السبب

كان يوسف يقود السيارة فى غاية السعادة والاغانى عالية ووصل الى الشركة لكنه بمجرد الدخول تغيرت ملامح وجهه وشعر بالصدمة !!!!!

__________________________________

الفصل السادس
_______________

كان يوسف يقود السيارة فى غاية السعادة والاغانى عالية ووصل الى الشركة لكنه بمجرد الدخول تغيرت ملامح وجهه وشعر بالصدمة !!!!!
وجد سما وسهى يتشاجرون ويضربون بعضهم وكل واحدة تمسك شعر الاخرى بالبلدى كدا مموتين بعض ضرب

يوسف : بااااااس ، انتو بتعملو اية ، وانتى يا سهى اية جااابك

تركو بعض وقامو

سهى : جيت علشان اشوفك راحت الابليسة دى فضلت تقولى كلام يحرق الدم
يوسف بعصبية : سمااااا اقسم بالله ناقصلك معايا تكة ، لو متظبطتيش اقسم بالله لأرميكى فى الشارع وما هعرفك تانى وهذلك ذل الكلاب فااهمة ، وانتى متطلعيش لسااانك غوووورى امشى انتى كمان

جريت سهى بخوف من يوسف وخرجت من الشركة وسما فضلت تخرس وراحت على مكتبها
التفت محمد فوجد سهوة خلفه

يوسف : انتى هنا من امتا
سهوة بخوف : من ساعة ما حضرتك دخلت يا بشمهندس
يوسف : مالك بتترعشى كدا لية ، متخافيش يا ستى
سهوة بخوف : اااا....انا رايحة على مكتبى
يوسف لنفسه : مجنونة دى ولا اية وقرر الدخول وراءها الى المكتب
سهوة : بشمهندس يوسف !!
يوسف : اهاا هو بعينه ، اية مالك اترعبتى كدا لية هو انا بخوف
سهوة بتحدى : لا
يوسف : هههههه على اساس شكلك برا
سهوة : بشمهندس ممكن اسألك سؤال
يوسف : لا لما اخلص كلامى ، قوليلى بقا اية رأيك فى لبسى
سهوة بعصبية : بشمهندس ، حضرتك فاهمنى غلط ، انا مش زى اى بنت هنا ولو حضرتك هتفضل كدا قولى علشان اسيب الشغل
يوسف : هتسيبى الشغل وتشتغلى فين ، مش هتلاقى مكان وهترجعى زى ما كنتى

انطلقت دموع سهوة التى حاولت ان تحبسها لكن لم تقدر

سهوة بدموع : فعلا يا بشمهندس ، انا فقيرة ومليش حد غير ربنا ومش هلاقى حتة اشتغل فيها ولا هلاقى اكل انا واختى الغلبانة لاننا فقراء ، اللى زيك مش هيفهمو كدا ابدا لكن الغلط مش عليك ، مانت متربى على الدلع ، انا هسيب الشركة ومليش غير ربنا ، اخرج يا بشمهندس علشان الم حاجتى وامشى ، اكرملى امشى احسن

انعقد لسان يوسف عن الكلام وخرج واغلق الباب خلفه
و ذهب الى مكتبه وجلس يفكر بحزن

يوسف لنفسه : اية اللى انت قولته ده يا يوسف ، عندها حق فى كل كلمة ، وهى فعلا مش زى البنات اللى اعرفهم ، مالك بقيت كدا وقسيت عليها ، اللى قولته ليها فعلا كلام يجرح ، يووووه انا غبى ، طب اعمل اية دلوقتى اديها هتمشى ومش هعرف اعمل حاجة ، انا هروحلها تانى دلوقتى بس يارب تسامحنى
، لا يا يوسف ،هتروح تتأسف لبنت ملهاش لازمة !!!
من امتى وانت بتخاف على بنت كدا ، كلهم كلاب ملهمش لازمة ، مش انت اللى تروح وتخاف على زعل بنت مش انت ، لا لا بس سهوة مش زى اى بنت ، انا غلطت فيها ، اية يا سهوة مالك شكلك هتحيرينى معاكى ، شكلى لا لا ، لا شكلى هقع فى حبك !!!!!
اذا مكنتش فعلا وقعت !!!!
انا هروح اعتذرلها
ايوة هروح
يارب تقبل بس اعتذارى وتسامحنى
بس....
لا لا هروح

بعد حديث طويل من يوسف لنفسه وصراع طويل قرر ان ينتصر قلبه فى النهاية ويذهب لها فقام وخرج من مكتبه وذهب الى مكتبها فوجدها ستخرج فدخل واغلق الباب

يوسف : ااااا....انا.....انا غلطت فى حقك ، انا اسف ، صدقينى مقصدش حاجة ، انا كدا ولو مش مصدقانى اسألى بابا عليا هيقولك مستهتر ومبيحسش وجبلة كمان ، انا حتى على فكرة عندى اللى بيزعل يتحرق بس مستحملتش معاكى ومقدرتش وجيت اتأسفلك واقولك انى غلطان
سهوة بدموع : ماشى يا بشمهندس بس برضو همشى
يوسف : هتفضلى يا سهوة
سهوة : لية هتخلينى اشتغل غصب عنى
يوسف : لا ....سهوة ، مش عارف هقولك الكلام ده ازاى ولا .....ولا ازاى فكرت اقولو ، بس
سهوة : بس اية !!
يوسف : سهوة ....انا بحبك

**************************
رأفت : انا مستغرب من يوسف جدا
رباب : لية اية اللى حصل !!
رأفت : تخيلى ، صحى النهاردة الصبح بدرى وراح الشركة
رباب : يوسف !!!
رأفت : ايوة يوسف
رباب : غريبة يعنى
اسماء : كنت حاااسة
رأفت : كنتى حاسة بأية يا حماتى
اسماء : حاسة انه هيتغير ، البنت اللى كان بيتكلم عنها امبارح ، اكيد وقع فيها
رأفت : سهوة ، انا قولت كدا ، البنت دى من ساعة ما شافها وهو اتغير 180 درجة ، هى دى اللى هتغير يوسف فعلا
رباب : مفيش حاجة تغير يوسف ، تفتكر هى تكون سبب تغيرو
رأفت : افتكر ونص ودى اللى هتظبطه
رباب : بس دى
رأفت : دى اية يا رباب ، انتى نسيتى احنا كنا اية زمان ، كنا افقر منها ، كنا مش معانا فلوس نجيب اكل اول ما اتجوزنا كنا قاعدين فى شقة اوضة وصالة وحمام ، مكنتش لاقى شغل وكنت بشتغل شيال وبشيل رملة وانا مهندس ، لغاية اما ربنا كرمنى بأبن حلال شغلنى فى شركة وتعبت لغاية اما كونت مبلغ وعملت شركة صغيرة وكبرت وكبرنا معاها لغاية اما وصلنا للحالة دى ، مش صح ولت لا يا رباب
رباب : عندك حق يا رأفت ، عندك حق

**********************
جودى : وصيته يا ستى
نيرة : انتى مش بتقولى على اخوكى ده رخم
جودى : هو رخم ايوة بس طيب اوى
نيرة : وقالك اية بقا
جودى : قالى مش محتاجة توصينى انا هعمل كدا
نيرة : طيب ، بس انا خايفة احسن يعاكس سهوة
جودى : هههههههه فى دى عندك حق ، اخويا بتاع بنات ويعرف بنات بعدد شعر راسو

*********************

كانت عائدة فى المواصلات وتبكى وعيناها مليئة بالدموع تتذكر ما حدث

flash back

يوسف : سهوة ....انا بحبك
سهوة بصدمة : انت بتقول اية
يوسف : انا عرفت بنات كتير اوى يا سهوة وعملت كل حاجة حرام بس اقسم بالله من يوم ما شوفتك وانا حاسس بحاجة غريبة ،حاسس انى اتغيرت حتى مبقتش اسهر معاهم وكرهت سما وبنت تانية اسمها سهى مبقتش طايق حد وبقيت بفكر فيكى انتى بس حتى الشركة مكنتش باجى غير مرة فى الاسبوع او مرتين ، النهاردة بس قومت من بدرى علشان اجى اشوفك ، سهوة انا بحبك واوعدك ان كل حاجة عملتها غلط هتتغير
سهوة بدموع وقد تذكرت ما حدث سابقا : يا بشمهندس انا فقيرة ،عايشة فى بيت صغير وضعيف ممكن يقع فى اى لحظة
انا بشقى وبشتغل علشان اكل وااكل اختى واعلمها
انا مش من مستوى انك تحبنى
صدقنى دى مجرد نظرة منك لمجرد احساسك بالغلط
عن اذنك
يوسف : سهوة
سهوة وقد وقفت ولكن لم تلتفت له : ايوة
ذهب لها يوسف ونظر لها : هعتبر مشيانك ده اجازة النهاردة بس هشوفك بكرا ، بس حبى مش احساسى بالغلط لا انا فعلا اتأثرت بيكى ، خليكى عارفة كدا وفكرى فى كلامى

نظرت له سهوة بدموع ولكن التفت ورحلت وسط نظرات يوسف الحزينة

back

سهوة بدموع فى سرها : يا ترا الزمن مخبيلى اية تانى

******************

سما : مالك يا سوفه قاعد سرحان كدا من ساعة ما المفعوصة سهوة دى مشيت
يوسف بعصبية : متجبيش سيرتها على لسانك فاااهمة
سما : انت حبتها ولا اية
يوسف : ايوة حبتها وهتجوزها كمان ، استريحتى
سما : امممم طيب
يوسف بعصبية : اخرجى شوفى شغلك برا ومش عايز اسمع منك مواضيع تانى فاهمة
سما : فاهمة

*******************

عادت سهوة الى منزلها ولكن عدما وصلت الشارع صرخت فهناك اهالى يزدحمون حول منزلها ومنزلها مساوى بالارض فوقع بيتها وثلاثة بيوت اخرى ، جريت سهوة الى المكان فطمأنت عندما رأت نيرة وحضنتها

سهوة : حصل اية يا نيرة
نيرة بدموع : البيت وقع يا سهوة ، كنت بذاكر انا وجودى لقينا البيت بيتهز جامد فصرخنا وخرجنا وبمجرد ما خرجنا البيت وقع
سهوة : كويس انكو بخير ، الحمدلله انها جت على قد كدا ، امال فين جودى
نيرة : كانت واقفة هنا مش عارفة راحت فين
ولاء بدموع : سهوة
فحضنتها سهوة
ولاء : كنا هنموت يا سهوة ، بيتنا وبيتكو وبيتين كمان وقعو
سهوة : كويس انكم بخير ، بس هتقعدى فين
ولاء : هروح عند خالتى وانتى
سهوة : عايزة اروح لخالتى بس البيت ضيق وهبقا تقيلة انا واختى عليهم ، هروح بقا وربنا يسهل

وظلو واقفين حتى قررت سهوة الرحيلة والتفت وصدمت من المشهد فكان يوسف يمسك بيد جودى وقادم ناحيتهم حتى وصل ووقف امامهم

سهوة بأستغراب : انت عرفت العنوان ازاى
يوسف : جودى اتصلت بيا وحكتلى كل اللى حصل وقالتلى على العنوان ، يلا بس مش هينفع نتكلم فى الشارع كدا
سهوة : يلا فين
يوسف : هأجرلك شقة تقعدى فيها
سهوة : لا هروح عند خالتى
يوسف : وانتى هتبقى مستريحة !!!! ولحد امتى
صمتت سهوة ولم تستطيع الرد
يوسف : يلا
سهوة : بس انا ممعيش فلوس علشان الشقة
يوسف : ملكيش دعوة دى عليا انا
سهوة : بصفتك اية ان شاء الله !!!
يوسف : بصفتى هبقى جوزك ، يلا امشى قدامى بقا

صدمت سهوة من الرد فلم تستطيع التحدث وتحركت مع يوسف وركبو عربيته وانطلقو الى عمارة كبيرة واتفق يوسف مع بواب العمارة ولما جيه صاحب العمارة اتفق معاه يوسف وخلص كل حاجة ودخلت سهوة الشقة وكانت تشعر بالتعب
يوسف : ناقص حاجة تانية
سهوة : اية
يوسف : كتب نيرة اختك
سهوة : اها صح
يوسف : جودى هتذاكر معاها لغاية اما اجيبلها الكتب بتاعتها بكرا
سهوة : بس
يوسف : مبسش ، الشقة هنا قريبة من الفيلا مش بعيدة يعنى متقلقيش وكل حاجة تمام ، سلام

شعرت سهوة ان لها ضهر يحميها ويخاف عليها لأول مرة منذ فقدانها والدها واصبحت تشعر انا ليست وحيدة ابدا ومعها من يقف جوارها
رحل يوسف ودخلت سهوة الشقة

نيرة : يوسف ده طلع طيب اوى
سهوة بتفكير : ايوة
نيرة : مالك
سهوة بحزن : مفيش ، مفيش

****************************

جائت رسالة من سهى ليوسف وكان فيها " تعالى بسرعة دلوقتى عايزاك فى مسألة حياة او موت "
ده كان نص الرسالة
استغرب يوسف من الرسالة وقال ممكن بتقول كدا علشان يروحلها بس قرر فى الاول وفى الاخر يروحلها وراح وصل جودى البيت وركب العربية وراح على البيت بتاعها لغاية اما وصل الشقة
كان لسة هيخبط بس لقى الباب مفتوح ففتح الباب ودخل وكانت الصدمة ، لقى الشقة متكسرة وكل حاجة مبهدلة و بص فى اوضة سهى وكانت الصدمة

سهى واقعة فى الارض مقتولة وغرقانة فى دمها !!!!!!!!!!!!!!!!!

**************★*********************★*************

الفصل السابع
______________

كان لسة هيخبط بس لقى الباب مفتوح ففتح الباب ودخل وكانت الصدمة ، لقى الشقة متكسرة وكل حاجة مبهدلة و بص فى اوضة سهى وكانت الصدمة

سهى واقعة فى الارض مقتولة وغرقانة فى دمها !!!!!!!!!!!!!!!!!

جرى يوسف عليها وقعد على الارض يحاول يفوق فيها لكن سهى جثة هاامدة
بص يوسف جمبها لقى السكينة اللى مقتولة بيها غرقانة دم فمسكها وهو مستغرب وقام وهو مصدوم ، من فعل هذا وكيف ارسلت له رسالة
قطع تفكير يوسف صوت الشرطة تقتحم الشقة
فألتفت يوسف

الظابط : اقبضو عليه
يوسف : انا مليش دعوة ، انا جاتلى رسالة منها وجيت ولقيتها على الارض كدا
محمد(الظابط) : واية السكينة اللى فى ايدك دى !!
يوسف: هااا...لا لا انا شوفتها مسكتها اشوفها لكن والله ما ليا دعوة
محمد : ورينى الرسالة
يوسف : اهى

رأى محمد الرسالة
محمد : ميمنعش انك قتلتها بردو ، على العموم هنشوف تقرير الطبيب الشرعى
يوسف بصدمة : انا مش فاهم حاجة
محمد : خدوه

***********************

رباب : هو مألكيش رايح فين يا جودى
جودى : لا بعد ما مشينا من عند سهوة جاتلو رسالة شافها وقالى هوصلك ووصلنى ومشى بالعربية علطول
رأفت : امال راح فين
رباب : ومالك قلقان كدا يا رأفت ما انت عارف يوسف تلاقيه راح يسهر مع صحابو
رأفت : لا لا النهاردة بالذات لا ، فيه حاجة

رن هاتف رأفت ليعلن عن رقم يوسف فرد رأفت سريعا

رأفت : ايوة يا يوسف
يوسف : بابا انا فى قسم ****** دلوقتى
رأفت بصدمة : اية ، اية اللى حصل
يوسف : مش وقته يا بابا ، هات بس المحامى وتعالى بسرعة
رأفت : حاضر حاضر

رباب بخضة : فيه اية يا رأفت
رأفت : يوسف فى القسم دلوقتى
اسماء ورباب وجودى : اييية !!!
رباب : حصل اية
رأفت : معرفش يا رباب ، معرررفش ، انا رايحلو

رحل رأفت بعد ان اتصل بالمحامى وجلست رباب تبكى على يوسف وجلست اسماء بجوارها تهدئها وتطمئنها

****************************

• على فكرة انا قتلتها علشان بس علشان كانت شغالة معانا وغدرت بينا ، مش علشانك وهو دبستو فى القضية بردو علشان الارض اللى بيخططلها، المفروض تبقى بتاعتنا احنا علشان نبنى فرعنا فى مصر

- مش شغلتى المهم ان ده كلو حصل

• اللى جاى اهم ، اهم حاجة يكون كل حاجة فى السر !!

- تمام

****************************

وصل رأفت وقال للأمين انه يريد الدخول هو والمحامى فدخل الامين ليسأل الظابط فوافق

دخل رأفت هو والمحامى فوج يوسف فأحتضنه وجلس

رأفت : ممكن افهم حصل اية
محمد : ابن حضرتك متهم فى قضية قتل
رأفت : قتل !!!! ، قتل مين ، انا ابنى عمره ما يقتل
المحامى : تسمحلى اتكلم يا باشا
محمد : اتفضل
المحامى : ده تقرير ان موكلى كان فى شغله من الساعة 8 الصبح لغاية الساعة 5 بعدها راح المكان ده فى بنت بيتها وقع وراح خلص الموضوع واتحرك من هناك الساعة 8 ، وصل اخته البيت الساعة 8:30 ، القتل حصل الساعة كام !!!
محمد : لسة منعرفش بس انا استعجلت الطبيب الشرعى وزمانه جاى

دخل امين الشرطة ، تقرير الطبيب الشرعى يا فندم

اخذه محمد

محمد : امممم ، قولى يا يوسف انت كنت عندها فى البيت قبل ما تطع كام
يوسف : انا فاكر ، كانت 9 بالظبط
محمد : التقرير بيقول ان جريمة القتل اتعملت الساعة 9 بالظبط
المحامى : لو سمحت ياباشا ، الساعة كانت 9 وهو تحت ، مش هيطلع فى نفس اللحظة يقتلها ومتنساش انه جتله رسالة من القتيلة وهل من المعقول يكون موكلى فى المشاكل دى طول النهار وبعدين يروح يقتل كدا علطول !!!
محمد : احنا دخلنا لقيناه ماسك السكينة وعليها بصماته وملقيناش اي بصمة تانية
المحامى : القضية باينة اوى انها ملفقة يا محمد بيه ، يعنى الساعة 9 هو وصل وبردو فى نفس الساعة دى وفى نفس اللحظة اتقتلت ،معنى كدا ان كان فيه ناس مستنياه يوصل واول ما وصل نفذو وهو من صدمته مقدرش يتحرك ومسك السكينة من باب العلم بالشئ
محمد بتفكير : امممممم ولنفرض ان كلامك صح ، مين هيكون ليه علاقة
يوسف : يا باشا انا مليش ليا اعداء ولا الحوار ده ، بس كل اللى اعرفو ان جاتلى رسالة من سهى فروحت لقيت الباب مفتوح وهى مقتولة
محمد : انا مصدقك بس التهمة مظبوطة ، يعنى نفرض ان حد عمل كدا علشان يلبسك القضية ، فالحد ده فاهم هو بيعمل اية كويس بس التهمة لبساك لبساك
رأفت : يعنى اية يا محمد باشا
محمد : للأسف هتضطر احبسه 4 ايام على ذمة التحقيقات لغاية اما نشوف باقى اطرف القضية والشهود
المحامى: مينفعش يبات فى القسم يا باشا ، احنا مستعدين ندفع اى كفالة وانا اضمنلك انه وقت ما تحتاجوه هيبقى موجود
محمد : مينفعش خالص ، دى قضية قتل ، مينفعش
اكتب يابنى ، قررنا نحن حبس المتهم يوسف رأفت الحسينى اربع ايام على ذمة التحقيقات على ان يراعى التجديد فى الوقت والميعاد

***************************
رحل رأفت وهو يحمل خيبة امل شديدة ، كيف حدث ذلك ومن وراء هذا
وصل رأفت الفيلا
رباب بلهفة : ها يا رأفت فين يوسف !!!
اسماء : رد يا رأفت ، فين يوسف
رأفت بحزن : يوسف متهم بقضية قتل
رباب بصدمة : اية ، ابنى انا يقتل ، اكيد فيه حاجة غلط
اسماء : يوسف ميقتلش ابدا ، هو فيه اية
رأفت : عاارف بس فيه حاجة غريبة بتحصل
رباب بدموع : وهو فين دلوقتى !!
رأفت : اتحبس اربع ايام على ذمة القضية حاولت اخرجه بكفالة لكن منفعش
رباب ببكاء : يا حبيبى يابنى ، ليييية ، لييييية
اسماء : اهدى يا رباب هتتحل بأذن الله ، هتتحل

***************************
نام الجميع فى حزن حتى اتت الشمس من جديد

فاقت سهوة وقامت ودخلت استحمت وارتدت ملابسها وجهزت الفطار ودخلت الى نيرة لتوقظها

سهوة : نيرة ، نيرة ، قومى يلا علشان تفطرى علشان رايحة الشغل
نيرة بنوم : حاضر يا سهوة ، جهزى الفطار عقبال ما اقوم
سهوة : انا جهزت كل حاجة ،هخلص اخر حاجة عقبال ما تخلصى
نيرة : طيب قايمة اهو

خرجت سهوة وجهزت ما تبقى وخرجت نيرة فرن جرس المنزل فقامت سهوة بأستغراب فلا احد يعرف مكانهم الجديد الا جودى ، حتى ادركت انها بالفعل جودى عندما فتحت

سهوة بأبتسامة : جوودى ، يلا تعالى افطرى
جودى : مليش نفس والله يا سهوة
سهوة : هزعل منك
جودى : حاضر هاكل بس علشان مزعلكيش

انتهو من الاكل

سهوة : مالك يا جودى ، زعلانة وسرحانة كدا
جودى بدموع : يوسف اتقبض عليه
سهوة بصدمة : اية ، يوسف !!!! ، حصل اية

حكت جودى ما حدث من ساعة ما خرج يوسف من البيت هنا حتى رجوع رأفت من القسم

سهوة بصدمة : بس ، بس يوسف معملش حاجة دا كان هنا ومعانا
جودى بدموع : مش مصدقين يا سهوة ، مش مصدقين
سهوة بحزن : طيب اهدى يا جودى ، اهدى وان شاء اللهخير ، انا هروح على الشغل وقبل الشغل هروح على مشوار كدا يمكن يفيد يوسف وربنا يستر

********************

كان يجلس يوسف على ارضية الزنزانة حزين ويفكر كيف حدث هذا
يعنى طول اليوم مع سهوة ، ويحصل كل ده ، يااارب انت عالم انى برئ ، انا عارف انك بتعاقبنى يارب علشان كل حاجة حرام كنت بعملها ، انا راضى بقضائك يارب ، بس اغفرلى كل اللى عملته وانهمرت دموعه لأول مرة
يارب ، يااااارب ، انا عارف انى كنت مبركعهاش ،ولا كنت بصوم حتى ، ولت بقرأ قرأن ، يااااارب انا عارف انى عملت اكبر غلط وهو الزنا ، يارب انا عارف انى لعبت بقلوب بنات كتير وغلطت ، ياااارب سامحنى واغفرلى ذنوبى حتى ولو هتعدم بس سامحنى يارب
ياااااارب

*********************
خرجت سهوة حزينة من منزلها وهى متجهة الى مكان واحد فقط تعرفه جيداا وهو القسم
وصلت سهوة الى القسم ودخلت وطلبت من الامين ان يدخلها الى الظابط المسؤول عن القضية وبالفعل اذن محمد لها بالدخول

محمد : انتى سهوة اللى بيتك وقع ويوسف كان معاكى امبارح
سهوة : ايوة حضرتك ، هو ملوش ذنب ، هو كان طول النهار معانا هيروح يقتل ازاى
محمد : انا معاه على فكرة مش ضده بس الادلة ضده ، حد موضبله الموضوع كويس اوى وعامل حسابه
سهوة : حد زى مين
محمد : الله اعلم ، تفتكرى انتى مين ، مشوفتيش يوسف اتخانق مع حد فى الشغل قدامك
سهوة بتفكير وتذكرت خناقته مع سما : اهاا بس
محمد : بس اية
سهوة : بس دى السكرتيرة بتاعتو
محمد : حلو اوى ، حساام ، اعملى استدعاء لسكرتيرة يوسف المتهم فى جريمة القتل
حسام : حاضر
سهوة : حضرتك ناوى على اية
محمد : ادينى هستجوبها وهشوف الدنيا ، مش عايزك تقلقى ،خير بأذن الله
سهوة : شكرا ، عن اذنك

قامت سهوة ورحلت وذهبت الى الشركة ودخلت

سما بإبتسامة : اهلا بحبيبة قلب يوسف
سهوة : اهلا بسحابة ، لا لا قصدى سما
سما بغيظ : ماشى يا قهوة ، لا لا ، قصدى سهوة
سهوة : انا داخلة مكتبى قبل ما اضربك
سما : تضربى مين يا عنيااا

دخل رأفت مقاطعا : باااس ، سما الزمى حدودك ، سهوة هنا هتمسك الشغل لغاية اما يوسف يرجع
سما بصدمة : اية
رأفت : تعالى يا سهوة على المكتب عايزك
سهوة : حاضر يا بشمهندس

دخلت سهوة وراء رأفت المكتب

رأفت بحزن : انتى عرفتى اللى حصل
سهوة بحزن : ايوة ، انا روحت القسم علشان اعترف للظابط انه كان معانا طول اليوم والظابط مصدق بس بيقول حد مظبط التهمة عليه ولما سألنى عن اخر حد اتخانق معاه قولتلو على سما
رأفت : هو اتخانق مع سما !
سهوة : ايوة فضل يزعقلها جامد
رأفت : اممممم ، طيب زى ما فهمتك ومتحتكيش بيها خالص ، انا هكلم عمر صاحب يوسف نشوف حل
سهوة : حاضر يا بشمهندس

******************

عمر : بتقول اية يا عمى ، ازاى
رأفت : زى ما بقولك كدا يا عمر
عمر : طب اقفل حضرتك وانا هتصرف وهشوف كدا الموضوع ده
رأفت : طيب ، ابقى رد عليا
عمر : حاضر يا عمى

اغلق عمر الخط

عمر بصدمة لنفسه : سهى اتقتلت !!!! ، ويوسف متهم بقتلها ؟ ، اكيد فيه حاجة غلط

*************************

كان يوسف نائم على ارض الزنزانة غارق فى النوم ويحلم وكان الحلم هو كاااابوس بعينه فكان

dream

سهى على شكل شبح : شوفت يا يوسف اخرتها اية ، انا غلطت وانت غلطت بش ربنا بيعاقبك على اللى عملته

صوت من بعيد : انت عملت كل حاجة حرام وفاكر انك كدا هتعيش بدون عقاااب

صوت اخر : الحقنى يا يوسف
يوسف : لا لا حبل المشنقة لااااا
سهى : شوفت يا يوسف ، شوفت
صوت : هتشرب من نفس الكاااس ، هتموووت

يوسف : لاااا لاااا ابعد حبل المشنقة عنى ، انا برئ ، لا ، صدقونى برئ لا لا لااااااااااااااا

****************************************************

الفصل الثامن
_____________

قام يوسف من كابوسه يصرخ وينهج فقام احد من الزنزانة معه يجلس بجواره

كريم : انت اية حكايتك ، من يوم ما جيت وانت فى عالم تانى
يوسف بحزن : ......
كريم : ياعم فضفض معايا مش هتخسر حاجة وقول اية حكايتك واية اللى جابك هنا
يوسف : غبائى
كريم : كنت حرامى غبى يعنى !!! ، بس مظنش ، لبسك ومنظرك يقول انك من الطبقة الراقية
يوسف : يارتنى ما كنت منها ، كنت هوفر ذنوب من اللى كنت بعملها
كريم : كفاية الغاز يا جدع وقول مالك ، الاول انت اسمك اية
يوسف : اسمى يوسف
كريم : وانا يا عم كريم ، يلا قول بقا اية اللى رماك هنا كدا
يوسف : متهم فى قضية قتل
كريم : قتل !!!! ، مش باين عليك
يوسف : مظلوم فيها ، مظلوم
كريم : ازاى يعنى
يوسف : جاتلى رسالة من القتيلة اللى كنت اعرفها وقالتلى تعالى عيزاك فى حياة او موت روحت لقيتها مقتولة واتقبض عليا بس كل حاجة مسبوكة كويس
كريم : قصدك يعنى ان حد ملفقلك التهمة
يوسف بحزن : ايوة بس معرفش مين ، معرفش مين ، على فكرة شكلك مش غريب عليا
كريم : انا !!!!
يوسف : ايوة ، انا شوفتك فين ، فين فييييين

flash back

سما : الكاميرات بينت وشه انه هو اللى سرق جهاز الكمبيوتر اللى تحت والامن جرى وراه بس هرب

يوسف : طب اطبعى صورته وهاتى الفيديو علشان اسلمه القسم علشان يجيبو ابن الكلب ده علشان اللاب اللى خده عليه شغل مهم

سما: حاضر يا يوسف

back

يوسف : كريم انت جيت هنا بتهمة سرقة من يومين صح !!
كريم بأستغراب : ايوة ، عرفت منين
يوسف : اللاب اللى سرقته كان بتاعى وعليه كل الشغل
كريم : هو انت صاحب الشركة
يوسف : ايوة ، قولى بقا سرقته لية
كريم بحزن : واحد اتولد مكتوب عليه يشقى ويتعب طول عمره ، اتولدت كان ابويا ميت وعندى اختين صغيرين وامى ومحتاج اصرف عليهم علشان يعيشو وااكلهم ، اشتغلت واتضربت واتعذبت كتير اوى ، كبرت بس ملقتش شغل لغاية اما لقيت شغلانة ب 1000 جنية فى الشهر ، يادوب كانت بتكفى بالعافيه وكنت بستلف ، لغاية امى ما تعبت جريت اسأل على العلاج بتاعها بس اتكتفت ، اتكتفت علشان ممعيش حق العلاج بتاع امى يا يوسف ، امى بتموت قدامى وانا مش عارف اعمل حاجة ، قررت اشتغل حرامى واول مكان من سوء حظى هو شركتك كان بليل وفيه باب مفتوح قولت دى فرصتى وحد غبى نسى الباب الصغير مكنتش اعرف ان فيه كاميرات ودخلت فتشت فى مكتب وملاقتش غير الكمبيوتر ده قولت هاخدو ابيعو وبتاع الامن شافنى وجرى ورايا بس هربت كنت لسة هبيعو لقيتهم تانى يوم بيقبضو عليا وادينى مرمى هنا اهو ومعرفش يا ترا امى واخواتى عاملين اية دلوقتى وبياكلو منين !!!!
يوسف : ياااه ، فعلا اللى يسمع بلاوى الناس تهون عليه بلوته بس انا مكنتش مقتنع بالكلام ده لان زى ما بيقولو كدا اتولدت وفى بقى معلقة دهب ، اتدلعت وعيشت احسن عيشة وعملت كل حاجة حرام ورغم انى غنى وبعمل كل ده مكنتش بحس بسعادة خالص ، اى حاجة كنت بطلبها بتجيلى مكنتش بحس بمتعة الصبر وانى افرح لما حاجة تجيلى ، لما حاجة تجيلى كان عادى لانى كنت عارف انها جيالى وبتجيلى كل شوية ، كنت نفسى احس بفرحة زى كدا ، كلو بيقول ان الغنى مرتاح ، بس ده غلط ، اوقات كنت اتمنى اكون فقير واتعب واشقى وفى نفس الوقت عاجبنى اللى انا فيه وانام واصحى زى منا عايز ومتدلع اخر دلع ، قوم يا كريم
كريم : اقوم اية
يوسف : هقول للظابط انك مسرقتش حاجة وان ده سوء تفاهم ، واول ما المحامى يجى بكرا الصبح هقولو يديك 200 الف جنية تعمل مشروع و تعالج امك ولو احتاجت قول للمحامى بس متسرقش
كريم : بس ، لا لا يا يوسف كتير اوى الفلوس دى
يوسف : اسمع منى والمشروع اللى هتعمله ده لو نجح وبقا كبير وربنا رزقك ابقى رجعهم ، قوم يلا

قام يوسف وكريم ونادى يوسف للأمين وقالو انه عايز يقابل الظابط وبالفعل راح وقال ان كريم معملش حاجة ومجرد سوء تفاهم وخرج كريم وهو مستغرب ازاى يوسف عمل معاه كدا وساعدو مع انه سرقه وقرر انه هشيل الجميلة دى فى رقبته لحد ما يموت

************************
كانت سهوة نائمة على السرير ولكن كانت صاحية بتفكر فى كل اللى حصل ، هل يوسف كلامه صح ليها انه بيحبها وانه هيتغير وينسى البنات اللى يعرفها !!!
فعلا هو اثبت ده بوقوفه جمبها يوم ما البيت بتاعها وقع و جاب ليها شقة جديدة ، هل يوسف فعلا برئ ولا بعد ما مشى راح قتل سهى علشان هددته او قالتلو حاجة لانه يعرفها واكيد من ضمن البنات اللى يعرفهم وبيسهر معاهم ، لا بس يوسف ميقتلش ، يا ترا اية حكايتك يا يوسف انت طيب ولا قاسى ، جدع ولا ده مجرد موقف ، بتحبنى ولا ده مجرد اعجاب !!!!

نامت سهوة وهى تفكر فى كل هذا حتى ادمعت عيناها ونامت وهى حزينة

********************
اصبح يوم جديد وكان المشهد فى القسم يتوالى ويتتابع فكان الشهود يدلون بأقوالهم

البواب : يا باشا يوسف بيه مجاش غير مرة واحدة قبل كدا لمدام سهى والساعة 9 بالظبط لقيت يوسف بيه ركن عربيته وطلع ليها وبعد ما طلع سمعت صوت صريخ مدام سهى

.......
يوسف : محصلش ، انا طلعت لقيتها مقتولة والله
.......
ساكن فى الدور السفلى لشقة سهى : انا سمعتها بتصوت وبتقول لية يا يوسف
.......
يوسف : انااااا !!!!! ، والله ما حصل كدا
..........
جائت سما

محمد : انتى بالذات متوقف عليكى كل الشهود
سما : انا !!!
محمد : ايوة ، القضية انا شايف انها متلفقة رغم الشهود ، بس قوليلى انتى اتخانقتى مع يوسف اخر مرة لية
سما بتوتر : مرتين بسبب سهى وبسبب سهوة
محمد بأبتسامة : ايوة ، لية بقا
سما : بحبه و وعدنى بالجواز لما كلمته زعقلى وعلى موضوع سهوة قالى هتجوزها ، هو ده اللى حصل
محمد : انتى اللى قتلتى سهى علشان تنتقمى منها ومن يوسف لانه هيتجوز سهوة
سما : لا ، ومسمحلكش يا باشا ، وعند حضرتك الشهود
محمد : ما المصيبة الشهود ، مفيش دليل واحد ، مفيش
سما : ممكن اتفضل
محمد بتفكير : اتفضلى

رحلت سما وسط حيرة محمد فرغم شهادة الشهود الا انه متأكد من براءة يوسف واكد له حواره مع سما

محمد : اول مرة اكون متأكد من براءة حد بس الشهود عكس كدا
حسام : ما ممكن فعلا قتل
محمد : ممكن وممكن لا
حسام : اخلص من القضية دى لان خلاص الشهود خلصت وثبت عليه ، المحكمة بقا تحكم
محمد بحزن : طيب

******************************
جائت عدة زيارات من رأفت ومن عمر صديق يوسف ومحاولات لكن للأسف سيفصل فى كل ذلك المحكمة ، هى من ستحكم الا ان جاءت زيارة

الامين : فيه زيارة ليك
يوسف بحزن : مين
الامين : واحدة ست اسمها سهوة
يوسف بأنتباه : اية ، طيب يلا

ذهب يوسف مع امين الشرطة ووصل المكتب وتبقى هو وسهوة

يوسف : سهوة !!!
سهوة بتوتر : اااا.....ااا...انت عامل اية
يوسف : كنت بموت بس بعد ما شوفتك روحى رجعتلى ، مش مصدق نفسى يا سهوة ، انتى بجد هنا
سهوة بتوتر : ايوة
يوسف : مالك مخضوضة كدا لية
سهوة : يوسف انا...
يوسف : متكمليش ، انتى قولتى يوسف من غير بشمهندس ، بجد
سهوة : خلاص يا بشمهندس
يوسف : لا لا قولى يا يوسف ده انا مصدقت
سهوة : طيب ، انا ، انا كنت جاية اسألك عن
يوسف مقاطعا : ايوة عارف سؤالك ، ايوة يا سهوة بحبك وانتى غيرتى حياتى من يوم ما شوفتك ،كنت بحاول اكلمك بأى طريقة ، اليوم او اليومين اللى اشتغلتيهم دول وانا فى الشركة كنت ببقى قاعد فى المكتب مش على بعضى ، كنت عايز اجى اكلمك بأى طريقة وافتح حوار معاكى ، وعارف فى دماغك اية تانى ، انا كنت اعرف بنات كتير يا سهوة وكنت بعمل حراااام ، كنت زى الحيوان ، كنت مستهتر ومش حاسس لا بحس ، كنت بسهر واعمل كل حاجة حرام
انا بحبك يا سهوة بحبك اوى ، مش عايزك تسيبينى ، حتى لو هتعدم
سهوة : يوسف هو انت بجد مقتلتش سهى
يوسف : والله ما قتلتها وروحت لقيتها مقتولة وهى اللى بعتت رسالة كمان
سهوة : طيب
يوسف وهو يضع يديه على وجهها : سهوة ، انا بحبك ، المحاكمة بتاعتى بكرا ، ادعيلى يا سهوة ، ادعيلى
ادمعت عين سهوة مما جعل يوسف يحتضنها فشعرت بالامان وتذكرت فى نفس الوقت انه ليس زوجها حتى تحضنه فخلصت نفسها ونظرت له نظرة ضعف ودموع ورحلت

**************************
عمر : قوليلى يا سما انتى ليكى علاقة بالموضوع ده !!!
سما : اناا ؟ ، لا طبعا
عمر : والله ده اللى شككنى فيكى اكتر
سما : انت عايز اية يا عمر
عمر : عايز براءة يوسف الغلبان اللى مقتلش حد واتظلم ده ، عايز الحقو قبل ما حبل المشنقة يتلف حولين رقبته ، يوسف ده مش مجرد صاحبى ده اخويا اللى اتربيت معاه يا سما ، انتى عارفة بعد اللى حصلو ده انا هتعظ وهبعد عن الشلة الوسخة دى وهجرب لأول مرة فى حياتى ابقا نضيف وارجع لربنا ، سما يا تنقذى يوسف يا اما اخرتك هتبقى وحشة اوى يا سما
سما : انا قولتلك مليش علاقة بالموضوع يا عمر
عمر بضيق : كنت متأكد ، سلام ومش عايز اعرف اشكالكو دى تانى

************************

رباب بدموع : يعنى اية يا رأفت ، ابنى بيضيع منى
رأفت بحزن : مش عارف يا رباب انا هتجنن والله
رباب ببكاء : هنفضل قاعدين كدا مستنين المحاكمة بكرا لغاية اما يضيع بجد
اسماء : استهدى بالله يا رباب ، ربنا ميرضاش بالظلم ويوسف بإذن الله هيخرج
رباب ببكاء : يارب يا ماما ، يااارب

************************

عادت سهوة والدموع تخرج من عيناها وتبكى فوجدت نيرة نائمة فالساعة الان 12 مساءا فدخلت الى غرفتها وجلست تبكى وتتذكر كل كلمة قالها يوسف لها وكل حرف كان يزيدها حرقة وحزن وبكاء ولم تستطيع النوم حتى الصباح فلبست وتركت نيرة دون ان توقظها فإن ميعاد المحاكمة قريب جدا وقام ايضا على الوجه الاخر رأفت واسماء ورباب وايضا عمر وايضا كريم الذى اخرجه يوسف وسما وبعض اصدقاء يوسف والكثيير......
وجلسو فى المحكمة

رأفت : فيكى الخير يا بنتى
سهوة بحزن : على اية يا بشمهندس ، ربنا بس يعديها على خير
رأفت بحزن : يارب

...

بدأت المحاكمة وبدأ الشهود والمحامى و الدفاع وكل من له علاقه بدأ التكلم واستمرت المحاكمة وقت طويييل حتى اتى استراحة وبعدها دخل القاضى ومن معه لينطق الحكم

القاضى : حكمت المحكمة حضوريا على المتهم يوسف رأفت الحسينى بإحالة اوراقه لفضيلة المفتى وتحديد جلسة 25/1/2018 للنطق بالحكم ..........
رفعت الجلسة ...........
*****************************************************

الفصل التاسع
_____________

القاضى : حكمت المحكمة حضوريا على المتهم يوسف رأفت الحسينى بإحالة اوراقه لفضيلة المفتى وتحديد جلسة 25/1/2018 للنطق بالحكم ..........

رفعت الجلسة ..............

كانت هذه الكلمات كافية لجعل المحكمة تشتعل بصراخ رباب واسماء مع تهدئة رأفت لهما رغم حزنه اما عن سهوة فشعرت ان الزمن توقف وكل شئ حولها اصبح لا يتحرك وهى الوحيدة فى ذلك الكون ، الذى احبها بصدق رغم فقرها ووقف بجانبها ها هو يضيع ، ها هو مظلوم ولكن لا يستطيع ان يثبت براءته ، نظرت له بعينان دامعتان وكأنها تقول له انا مصدقة انك برئ ، انا مصدقة انك بتحبنى ، رغم كل حاجة حنيت ليك ، انا كمان بحبك يا يوسف ، بحبك اوى ، كنت سندى وضهرى يمكن عرفتك فى مدة صغيرة بس اكنى اعرفك من زمان ، بحبك يا يوسف ، بحبك

نظر لها يوسف بحزن بقلب عرف انه على وشك النهاية وكأنه يقول مش عايزك تنسينى وادعيلى ، انا عارف ان دى النهاية يا سهوة ، رغم اول ما شوفتك اتريقت عليكى وعلى اسمك بس حسيت بحاجة بتمتلكنى ، روحك يا سهوة ، روحك ملكتنى وقالتلى ان احنا ملناش غير بعض ، فترة صغيرة جدا عرفتك فيها حبيتك اوى فى نفس فترة كبيرة ما بين اى اتنين تانين ، انا عارف ان بيحصلى كدا علشان الغلط اللى عملتو بس متأكد ان ربنا بيعمل كدا علشان يغفرلى ، بحبك يا سهوة ، بحبك

بكت سهوة بشدة وهى ناظرة له وذهبت امه ووالده واسماء جدته الى قرب القفص يتحدثون معه وبالاصح يودعونه

يوسف بدموع : انا برئ والله يا ماما ، والله برئ
رباب ببكاء : عارفة يابنى ، مصدقة ، حسبى الله ونعم الوكيل فى اللى كان السبب
تدخل عمر : ان شاء الله يا يوسف هتظهر براءتك فى الفترة دى وهتخرج والله ما هسيبك كدا وهعمل اللى عليا
يوسف بإبتسامة : خلاص ، عايزك بس تبقى تطمن على سهوة وتشوفها لو عايزة حاجة وعايزك يا بابا تخليها تمسك الشركة وتمشيها وتديرها هى شاطرة
رأفت بحزن : عملت كدا فعلا يا يوسف متقلقش

كانت سما تنظر بإبتسامة واسعة ورحلت ولاحظتها سهوة فقررت سهوة الذهاب الى منزلها وان تحضر هاتفها وتيقظ نيرة اختها وذهبت ولكن وجدت نيرة وجودى مع بعضهم

جودى : سهوة ، انتى كنتى فى الجلسة !
سهوة بحزن : ايوة
جودى : واتحكم بإية !!!
سهوة بدموع : ااا....ان شاء الله هيخرج يا جودى
جودى بدموع : يبقى اللى بفكر فيه صح
سحبتها سهوة ومسحت دموعها واحتضنتها : جودى ، ربنا مش بيسيب حد مظلوم ابدا
يوسف هيرجع يا جودى وهيخرج

بكت سهوة وايضا جودى وكانت نيرة تواسيهم وتحاول ان تهدئ ذلك الحزن وقررت سهوة الذهاب للشركة فهى الان تحت ادارتها

************************
• ها اية الاخبار

سما : صاحبك بخ ، اوراقه راحت للمفتى

• كويس يعنى الشركة من غير ادارة وبصفتك سكرتيرته تقدرى تلغى المشروع ونقنع ابوه يبيع الارض بسهولة

سما : مش هينفع لان الشركة بقت تحت ادارة واحدة اسمها سهوة ، اللى حكتلك عنها وبيحبها يوسف

• ودى هتوافق ولا اية

سما : الفلوس تعمل كل حاجة ، هى فقيرة ولو اتعرض عليها مبلغ كويس ما هتصدق

• طب كويس لازم الحوار ده يخلص بسرعة

سما : متقلقش يا كبير ، كلو تحت السيطرة

*************************

ذهبت سهوة الى الشركة ووجدت سما جالسة فنظرت لها نظرة استحقار ودخلت مكتبها فقررت سما الدخول لها وبالفعل دخلت واغلقت خلفها الباب

سهوة : عايزة اية !!!
سما : جيت علشان اقولك ما دام يوسف مش هيبقى موجود الفترة الجاية اننا نلغى المشروع ده ونكلم بشمهندس رأفت علشان الارض نبيعها
سهوة : امممممم وانتى مالك اصلا
سما : ما علينا ، هتخلصى الاوراق ولا لا
سهوة بتحدى : المشروع ده هيكمل والتخطيط هيفضل شغال ومفيش اراضى هتتباع ، دى ارض مدينة كاملة ، تتباع ازاى ولمين ، مفيش حاجة من دى هتحصل وكل حاجة هتكمل اكن يوسف موجود بالظبط
سما بضيق : ومالك محموقة كدا لية
سهوة : ميخصكيش وروحى شوفى شغلك
سما بإبتسامة : عايزة كام !!
سهوة بعصبية : انتى مبتفهميش
سما : 50 الف !!!!
سهوة : هو انا بكلم بهيمة !!
سما : 100 الف كويس
سهوة : لا مش هبيع نفسى ولا هضيع المشروع وخلى فلوسك لنفسك ، انا فهمت لية يوسف اتدبس فى القضية دى خلاص
سما بتحدى : نص مليون ، هااااا
سهوة بعصبية : ولا حتى مليون ولا فلوس الدنيا كلها انتى بنى ادمة !!! ، روحى للى باعتك وقوليلو سهوة مش هتفرط ب رملاية من الارض ولا المشروع ، احسن حاجة عملها بشمهندس رأفت انه خلانى ادير الشركة ، روحى قولى للناس الواصلين بتوعك ان المشروع هيكمل وان يوسف هيخرج ، واه صح انتى مطرودة من الشركة
سما بإبتسامة غيظ : بقا كدا !!! ، ماشى

رحلت سما وهى تشيط غيظا من سهوة ، وشعرت سهوة براحة نفسية لانها فعلت شئ جيد وبدأت فى اخذ حق يوسف وان هذا السبب هو سبب دخول يوسف السجن وبدأت بمباشرة العمل واخبرت جميع المهندسين بأن هناك اجتماع عاجل بعد ساعة من الان

***************************
رباب ببكاء : ابنى ضاع منى يا رأفت ، ابنى ضاع منى
رأفت : اهدى يا رباب علشان اعرف افكر
رباب ببكاء : اهدى اية يا رأفت وابنى هيموت
اسماء : استهدى بالله يا رباب
رباب : ونعم بالله

رن هاتف رأفت برقم سهوة

رأفت : الو ، ايوة يا سهوة
سهوة : ايوة يا بشمهندس ، ممكن حضرتك تيجى الشركة حصل حاجة كدا
رأفت : حصل اية !!
سهوة : مش هينفع فى التليفون يا بشمهندس لازم حضرتك تيجى
رأفت : طيب مسافة السكة

اغلق رأفت الهاتف وخرج وركب سيارته ووصل الى الشركة ووصل الى مكتب سهوة ولاحظ عدم وجود سما

رأفت : اية اللى حصل يا سهوة
سهوة : المكتب ده متصور يا بشمهندس صح
رأفت : ايوة
سهوة : صوت وصورة !!
رأفت : ايوة صوت وصورة لية
سهوة : طيب قولى اجيب التسجيل منين علشان معرفش وهتفهم حضرتك كل حاجة
رأفت : التسجيل على لاب يوسف ، شوفيه كدا عندك
سهوة : طيب
ظلت سهوة تبحث عن اللاب حتى وجدته ولكن عندما فتحته لم تعرف الباسورد

سهوة : مشكلة ، منعرفش الباسورد
رأفت : اكتبى من واحد ل تسعة
استغربت سهوة وفعلا كتبت من واحد لتسعة وفتح وبصت سهوة بإستغراب لرأفت
رأفت : متستغربيش ، ابنى اهبل وانا عارفه
ابتسمت سهوة وبحثت عن التسجيلات حتى وجدت الفيديو عندما دخلت سهوة
سهوة : اسمع يا بشمهندس

ظل رأفت يسمع ويشاهد الفيديو بصدمة وهو لا يعلم كيف هذا ، سما وراء كل ذلك !!

رأفت : يا بنت الكاااااالب
سهوة : انا مرضتش احكى بنفسى وفضلت ان حضرتك تشوف علشان تشوف هتتصرف ازاى
رأفت : بس كويش انك طردتيها ، انتى بجد اثبتى انك محترمة وامينة وينفع اامن ليكى على الشركة ، يوسف كان معجب بيكى واتغير لما شافك ، ربنا يفك اسره
سهوة : يارب
رأفت : طب هنحتاج كدا سكرتيرة
سهوة : متقلقش يا بشمهندس عندى حد محترم وامين
رأفت : طب كويس
سهوة : انا بلغت كلو ان فيه اجتماع الساعة 2 ولازم حضرتك تحضر
رأفت : طيب يا سهوة

**************************

• ازاى يعنى رفضت

سما : زى ما بقولك يا معلم ، رفضت وشكلها مش هينفع معاها فلوس

• طردتك كمان

سما : اه بنت المبقعة

• كدا مفيش غير حل واحد

سما : حل اية !!

• الخطة [ب]

سما : اشطا تمام

• انتى لازم تزورى يوسف فى اقرب زيارة

سما : انت تؤمر

****************************
عمر : قصدك اية يا وليد
وليد : كلنا عارفين ان سهى كانت بتحب يوسف بس يوسف مكانش بيديها نفس يادوب كان بيتسلى بيها بس
عمر : وده هيخليه يقتلها !!!
وليد : اكيد عرضت عليه الجواز وهو رفض فأتعصبت عليه راح قاتلها
عمر : اه تبعتلو رسالة ويروحلها ويوصل 9 وتعرض عليه الجواز وهو يرفض وهى تتعصب ويقتلها وكل ده حصل ساع بردو 9 يعنى مكملش دقيقة صح !!
وليد : امال انت يعنى عندك تفسير تانى يا عمر
عمر : ايوة ، سما هى اللى قتلتها
وليد : سما !!
عمر : ايوة سما او اللى شغالة معاهم
وليد : سما ازاى يعنى
عمر : علشان سما كانت بتحب يوسف بردو و شافت يوسف مع سهى فى الشقة ويوسف زعقلها فحبت تنتقم من سهى وفى نفس الوقت يوسف
وليد بإستغراب : يمكن !!!

*************************
كان يصلى فى محبسه وهو يبكى ويدعى ربه ان يسامحه وان تثبت براءته حتى انتهى واسند ظهره الى الحائط وظل يفكر ، خلاص كدا !!! دى النهاية ؟
يارب لو دى النهاية سامحنى واغفرلى ، ولو فى عمرى بقية اغفرلى واهدينى
يااااارب ، وتذكر فى تلك اللحظة نظرة سهوة له فى المحكمة كيف كانت نظرة جميلة ، رغم ذلك الحزن الا ان هذه النظرة كانت بمجرد السعادة بأكملها ، كان يتمنى الخروج وليس من اجل الحياة ولكن من اجلها هى فقط
يارب اغفرلى واجمع بينى وبين سهوة ،ياااارب

**************************

انتهى الاجتماع بإتفاق المهندسين على اتمام التخطيط بشكل سريع وان كل شئ سارى وكل ذلك بقيادة رأفت وسهوة وقام الجميع

سهوة : بشمهندس رأفت انا خطرت فى دماغى فكرة
رأفت : فكرة اية يا سهوة
سهوة : اية رأى حضرتك لو لاعبنا سما واللى معاهم
رأفت بعدم فهم : ازاى يعنى !!
سهوة : نقولهم هنلغى المشروع ونبيعلكم الارض بس بشرط ان يوسف يخرج من القضية
رأفت : اية هنبيع الارض
سهوة : يا بشمهندس مجرد كلام ولما يوسف يخرج نقولهم بالسلامة ونعرف نحاربهم منين
رأفت : كلامك صح يا سهوة ، تسلم دماغك دى
سهوة : بس انا خايفة من حاجة واحدة
رأفت : من اية
سهوة : خايفة الناس دى تكون واصلة ومش سهلة ساعتها مش هنعرف نقف قدامهم
رأفت : لو كانو زى مانتى بتقولى مكنوش استعملو حيلة انهم يلبسو يوسف تهمة ، كانو عملو حاجة اكبر
سهوة : ماشى بس ما ممكن عملو كدا علشان مش عايزين شوشرة
رأفت : كل شئ جايز المهم احنا هنروح للظابط محمد يشوفلنا طريقة نقابل بيها يوسف ونفهمه اللى قولتيه ده
سهوة : تمام يا بشمهندس
رأفت : يلا بينا

**********************
محمد : طيب هعمل تليفون وهخليكم تشوفوه
رأفت : تسلم يابنى

اتصل محمد بلواء يعرفه وبعد حوار وجدال وافق

محمد بإبتسامة : تقدرو تشوفوه بس هم خمس دقايق بس
رأفت : طيب يابنى
دخلت سما المكتب : وانا يا بشمهندس هشوفو معاكو
محمد : امممممم ،طب يا بشمهندس لما تخلص انا عايزك لوحدنا انت وبشمهندسة سهوة
رأفت : حاضر ، يلا بينا يا سهوة

وصلو الثلاثة الى غرفة كان ينتظرهم فيها يوسف وعندما دخلو قام يوسف واحتضن والده بشده وهو يبكى ثم نظر الى سهوة وجذبها واحتضنها وتركها سريعا حتى لا تغضب ثم نظر ل سما بغضب

يوسف بغضب : انتى جاية هنا لية !!
سما : انا جاية اعرض عليك عرض ، قبلته كان بها مقبلتوش يبقى يا خسارة
يوسف بإستغراب : عرض اية !!
سما : القضية دى هتخرج منها زى الشعرة من العجين والقاتل الحقيقى هيظهر بس بشرط
يوسف : شرط اية
سما : المشروع اللى بتعمله يتوقف والارض تبيعهالنا
يوسف : انتو مين
سما : ميخصكش ، ليك فى العرض
ظل يوسف يفكر ويقلبها فى رأسه وشاورت له سهوة بالموفقة فنظر الى سهوة بإبتسامة ماكرة : موافق
سما : وفيه شرط كمان
يوسف بعصبية : شرط اية ده كمان
سما بإبتسامة غيظ وهى تنظر لسهوة : تتجوزنى !!!!!!

*****************************************************

الفصل العاشر
______________

يوسف بعصبية : شرط اية ده كمان
سما بإبتسامة غيظ وهى تظر لسهوة : تتجوزنى !!!!!!

اتصدمت سهوة ورأفت من كلام سما

يوسف : نعممم ، اتجوز مين انتى عبيطة
سما : هو ده الشرط التانى هتقبلو ولا لا
يوسف : انتى عارفة انى مش بطيقك
سما : بس انا بحبك يا سوفة
سهوة بضيق : وافق يا يوسف
يوسف : بس
سهوة : وافق بس بقا
يوسف بضيق وهو يعيد النظر ل سما : موافق
سما : وعلشان اضمن انك مش هتطلقنى هتجيبلى فيلا وتكتبها بأسمى ، و 10 مليون مهر و10 مليون مؤخر صداق
رأفت متخلا : نعم انتى اتجننتى بقا
سما بدلع : لا مش اتجننت يا عمو
يوسف بإبتسامة مكر : موافق
سما بإبتسامة : اتفقنا ، سلام يا سوفة

ورحلت سما وسط نظرات الجميع

يوسف : انتى قولتى وافق لية يا سهوة !!
سهوة : عندنا خطة انا وبشمهندس رأفت
يوسف : خطة اية
سهوة : هنسمع كلامهم لغاية اما تخرج ومش هنبيع ولا ارض ولا هنلغى مشروع
يوسف : وموضوع الجواز
سهوة بضيق : اللى انت عايزو
يوسف بإبتسامة : ومالك اتضايقتى كدا لية ، انتى بتغيرى عليا ولا اية
سهوة : هو انا اعرفك علشان اغير المهم هى دى الخطة
يوسف : مع انى عارف ان بده هيتفتح ابواب جهنم بس انا هقدر اوقفهم عند حدهم
سهوة : وانا كنت عاملة حسابى علشان كدا اول ما لقيت سما هتيجى معانا تشوفك سجلت بموبايلى كل اللى قالته
رأفت : برافو عليكى يا سهوة ، كدا معانا دليل
يوسف : ربنا يسترها ويعديها على خير

*****************************
رحلت سهوة ومعها رأفت ولكن استوقفهم صوت محمد ينادى عليهم

محمد : اية رايحين فين ، انتو نسيتو ولا اية
رأفت : ههههه معلش يابنى نسينا
محمد بإبتسامة : طب تعالو اتفضلو على مكتبى
رأفت وسهوة : طيب

دخلو المكتب واغلق محمد الباب وجلس لكى يتحدث معهم بخصوص موضوع سما

محمد : سما اية اللى جابها يا بشمهندس؟
رأفت : لولا انى عارف انك هتساعدنا وواثق فى براءة يوسف مكنتش قولتلك ، بس علشان وقوفك جمبنا انا هقولك على كل حاجة وكانت عايزة اية ، هاتى يا سهوة التسجيل اللى سجلتيه
سهوة : حاضر ، اهو
بدأ محمد يسمع الحوار كاملا وبدأ يبتسم
محمد : هههههه نظرتى متخيبش ابدا ، انا شكيت ان البنت دى وراها حاجة
رأفت : زى ما سمعت كدا هيخرجوه علشان يعملهم اللى عايزينو ده
محمد : طب اسمع يا بشمهندس ، لما يخرجوه متعملش اي حاجة خالص ليهم اما عن التسجيل انا هاخد نسخة وممكن احبس بيه سما بس مش هعمل كدا علشان نوصل للى شغالة معاهم دول
سهوة : بس انا خايفة يعملو حاجة فى يوسف لو منفذش اللى طلبوه
محمد : لا متقلقيش لو عملو كدا هيتأكدو مليون فى المية ان الارض ضاعت منهم وانهم اتكشفو
رأفت : ازاى
محمد : مش مهم ازاى بس مش عايزك تقلق خالص و اما محمد يخرج ويكلموه ويرفض مش هيقدرو يعملو حاجة بس هيحاولو يضغطو عليه بحاجة اكبر
بس متقلقوش انا معاكم لغاية اما نوصل للناس دى ونفهم بالظبط هم عايزين الارض دى لية بشدة كدا
رأفت : تمام يابنى

*************************
• ها اية الاخبار يا sky
سما : ماشى يا leader
يوسف وافق على كل حاجة بس انا زودت شرط
• شرط اية
سما : انه يتجوزنى
• لا والله واية بقا الهبل ده ، تتجوزيه وهو مش طايقك وهددتيه
سما : علشان هيتجوزنى ويكتب فيلا بأسمى ومبلغ كدا حلو ليا وضيف على كدا انى هشقلطو يعنى هاخد اللى وراه واللى قدامه
• اممممم لا دماغك حلوة
سما : طيب هو هيخرج امتى
• الواد هيروح يعترف بكرا وكدا يبقى يوسف حر
سما : طيب خلى الواد يروح بعد بكرا وهاتلى تصريح ازور يوسف بكرا تانى
• اشمعنا !!
سما : علشان هخليه يتجوزنى وهو محبوس بكرا ههههه مضمنش ممكن ميرضاش يتجوزنى لو خرج
• فعلا ان كيدهن عظيم

***********************
رباب : كنت فين يا رأفت
رأفت : روحت ليوسف
رباب بلهفة : بجد وعامل اية ؟
رأفت : كويس وهيخرج قريب اوى
رباب : بتتكلم جد يا رأفت ، بجد هيخرج ؟
رأفت : ايوة يا ستى ، هحكيلك كل حاجة
رباب : يااااه حصل ده كله ؟
اسماء : سهوة دى طلعت ب 100 راجل
رأفت : اه والله فعلا يا حماتى اول مرة اشوف حد مخلص كدا وعايز الخير لحد
رباب : ربنا يكرمها

********************
عادت سهوة

نيرة : اتأخرتى كدا لية يا سهوة
سهوة : معلش يا نيرة كان فيه شغل كتير
نيرة : طيب انا جهزت الاكل
سهوة : تسلم اديكى يا قمر
نيرة : خشى غيرى هدومك كدا وخلصى عقبال ما احط الاكل
سهوة : حاضر ، امال فين جودى
نيرة : روحت علشان متتأخرش
سهوة : ذاكرتو ؟
نيرة : ايوة طبعا
سهوة : طيب انا هخلص عقبال ما تحطى الاكل
نيرة : طيب

**********************

خالد : بس مقولتليش يا كريم اية الاملة اللى هبت عليك دى
كريم : الحمدلله ربنا رزقنى بواحد محترم هفضل شايلو جميلو فوق راسى طول العمر
خالد : مين ده
كريم : اللى سرقت من عندو الكمبيوتر ، تصدق قال انى معملتش حاجة علشان يخرجونى وادانى 200 الف واللى بفتح بيهم المطعم اللى قدامك ده وبعالج امى
لولا ربنا وبعدين هو انا كنت ضيعت وامى مكنتش لقت العلاج يا خالد
خالد : ياااه هو فيه حد طيب كدا دلوقتى
كريم : فيه يا خالد بس يتعدو على الصوابع
خالد : عندك حق احنا فى زمن كل واحد همو على نفسه وبس ومصلحته والباقى يموت او يتحرق عادى
كريم : ربنا ينجدنا منهم
خالد : يارب

*******************
صابر : اية يا ايما مالك سرحانة كدا
ايما : مفيث يا بابى
صابر : لا فيه يا ايما ، هتخبى بردو على بابى حبيبك
ايما : زعلانة اصل مفيث عندى صحاب هنا
صابر : امممممم علشان كدا زعلانة !!
ايما : ايوة يا بابا
صابر : طب منا معاكى اهو
ايما : بس انت بابى مث صاحبى
صابر : طيب يا ستى انا هاخد اجازة من الشغل بكرا واخرجك ونقعد مع بعض طول اليوم ونهزر ونفرح ونجرى اشطا ؟
ايما بفرح : اثطا

**********************
كانت سهوة تتذكر كلام يوسف وهيأته وهو يتكلم وكأنه ملك لها ، فى فترة قصيرة استطاع سرقة قلبها واحبها بشدة مما جعلها تحبه وتعشقه ايضا لكن هل سيقطع ذلك ما يحدث ، هل مش مكتوب ليها الفرح ، والناس دى هيسيبوه فى حالو ولا لا ، شكلهم ناس مش سهلة
يارب عديها على خير
يااارب يوسف كل المشاكل اللى فيها دى تتحل ويبقى بخير
يااارب

نامت سهوة وغرقت فى النوم وراودها احلام كثيرة ومنها حلم

يوسف بإستنجاد : الحقييينى يا سهوة
سهوة بخوف : انت فين يا يوسف
يوسف : سهوة ، الحقينى هموووت
سهوة : انت فين يا يوسف ، انا جيااالك اهو
يوسف بصوت عالى : سهوااااااااااااة

قامت سهوة مفزوعة من الحلم وهى بتستعيذ بالله من الشيطان الرچيم فسمعت صوت اذان الفجر فقامت واتوضت وصلت الفجر وجلست تدعى ليوسف ان يخفف عنه وان ينجده وان يحميه من كل سوء
وقامت لكى تنام مرة اخرى.......

**********************
طلع نهار اليوم الجديد ، يوم محدش يعرف هيحصل فيه اية ، وقامت سما بتخطيطها وقررت تروح ليوسف بعد ما جالها تصريح بكدة

كان يوسف قاعد فى ارض الزنزانة بيفكر فى كل اللى هيحصل وياترا هم بيخططو لأيه ولا هيعملو اية
هل هيسيبوه بعد ما يضحك عليهم ويخرج ؟
ولا هيستعملو حيلة تانية يأذوه بيها ؟
ومين اصلا الناس دى وعايزين الارض بشدة كدا لية ؟
واشمعنا الارض دى بالذات ، ياترا بيخططو لأية دلوقتى
وبالذات الشيطانة سما بتخطط لأية
ربنا يسهلها بس ويقدرنى انى اواجههم ، كنت دايما عايش دلوع وبستريح ومش شايل مسؤولية ومكنتش بعمل لأى حاجة حساب ومقضيها ، بس ربنا حطنى فى اختبار ، ودلوقتى بيحصل كدا علشان اتعلم المسؤولية بجد واعرف الدنيا ماشية ازاى ، مش زى ما كنت فاكرها سهلة ، لا ده كل حاجة صعبة وفيه ناس بتواجه الصعوبة وناس مش عارفة تعيش بسبب انها فقيرة ومش لاقية شغل منهم بيشيل ومنهم بيتعب علشان لقمة العيش ، لا الحياة تعب مش سهلة زى ما كنت عايش ، لازم اشيل مسؤولية واحس بقا بدل ما كنت معرفش ريحة المسؤولية
يارب قدرنى ، يارب

*********************************
بعد ما قامت سهوة فطرت مع اختها وراحت على الشركة علشان تدير كل حاجة وقررت تجيب السكرتيرة اللى قالت ل رأفت عليها
سهوة : الو ، ايوة ولاء معايا ؟
ولاء : ايوة مين معايا
سهوة : انا سهوة يا ولاء
ولاء : سهوة ، ازيك يا بنتى انتى من ساعة البيت ما وقع وانا مش عارفة اوصلك ولا عارفة اطمن عليكى ، احكيلى حصلك اية
سهوة : بصى مش هعرف احكى فى التليفون ، هبعتلك عنوان الشركة اللى بشتغل فيها ، عيزاكى تلبسى وتيجى علشان احكيلك وفى نفس الوقت عيزاكى فى حاجة
ولاء : حاجة اية دى ؟
سهوة : لما تيجى بقا يا لولو
ولاء : طيب يا سهوة ، يلا سلام
سهوة : سلام

عدى وقت قليل ووصلت ولاء الشركة وسلمت على سهوة ودخلت المكتب معاها وبدأ سهوة تحكيلها كل حاجة حصلت من ساعة البيت ما وقع لغاية اللحظة دى
ولاء : ياااه كل ده حصل
سهوة : ايوة
ولاء : وهو هيخرج امتى
سهوة : معرفش بس اما نشوف الناس دى
ولاء : بس هو جدع اوى لما وداكى شقة جديدة
سهوة : ايوة فى دى عندك حق ، عمل جميل مش هنساه
ولاء : بس ما دام اعترفلك بحبه مالك كدا مش مديالو نفس
سهوة : مش عايزة احب تانى يا ولاء
ولاء : لا والله طب عينى فى عينك كدا ، والله شكلك بتموتى فيه كمان
سهوة : خلاص بقا يا لولو خلينى اقولك انا كلمتك لية
ولاء : لية
سهوة : هو انتى لسة مش لقيتى شغل
ولاء : لا لسة والله يا سهوة
سهوة : طيب سما اللى قولتلك مشيتها دى كدا دلوقتى عايزين سكرتيرة ، انتى هتشتغلى سكرتيرة وهتاخدى نفس مرتب سما ومرتب حلو اوى هااا موافقة
ولاء : امممم افكر
سهوة : يبقى اتفقنا
ولاء : بقولك يا بنتى هفكر
سهوة : يلا روحى على شغلك
ولاء : طيب استنى هروح ابلغ ماما واقولها واجى
سهوة : طيب متتأخريش علشان افهمك النظام وكدا
ولاء بإبتسامة : مسافة السكة

***************************
اسماء : متعرفش يا رأفت هيخرجوه امتى ؟
رباب : ايوة يا رأفت هيخرجوه امتى
رأفت : متقلقوش هيخرجوه قريب يا النهاردة يا بكرا بالكتير اوى
رباب : امال فين جودى
رأفت : قامت بدرى ووصلتها لبيت سهوة علشان تذاكر مع نيرة اختها
اسماء : انا عايزة اشوف سهوة يا رأفت
رأفت : اشمعنا
اسماء : من الكلام عنها عجبنى شخصيتها وعجبتنى اوى ، عايزة اتعرف عليها واكلمها
رأفت : خلاص اول ما يوسف يخرج هعزمها واخليها تيجى هنا وتتعرفى عليها ، ماشى
اسماء : ماشى

***********************
صابر : ها مبسوطة يا ستى ؟
ايما : امممم مث اوى
صابر : طيب عايزة اية يبسطك اوى
ايما : منا قولتلك يا بابى عايزة اعلف صحاب
صابر بحزن : طب يا ايما انتى عارفة ان بابى مكنش عندو صحاب وهو صغير ؟؟
ايما : ازاى
صابر : وانا صغير وعندى 5 سنين كنت ماشى مع اخويا بنجيب حاجة واخويا كان اكبر منى بسنتين قولت اهزر معاه واجرى منه واستخبى وهو يدور عليا فى الشارع ، روحت واستخبيت بس اخويا فضل يدور عليا لحد ما مشى وانا خرجت ادور علية فى الشارع وملقتوش وكان شارع غريب عليا وفضلت الف فى الشوارع وانا عمال اعيط لغاية انا واحد خدنى على القسم بس انا كنت صغير وقالولى انت ساكن فين وانا معرفتش ارد عليهم بأسم المنطقة ولا عرفت اى حاجة ، كل اللى اعرفو انى كنت بعيط لغاية اما ودونى ملجأ كنت انا اصغر واحد فيه ومعظمهم كبار عندهم 12 سنة ومكنش ليا صحاب خالص وكنت بقعد لوحدى لغاية اما خرجت من الملجأ
ايما : بجد يا بابى
صابر : ايوة بجد يا حبيبتى بس ساعتها كنت لوحدى انما انتى معاكى بابا صح ولا اية
ايما : صح ، بس انت يا بابى متعرفث اخوك ده فين دلوقتى ولا باباك فين ؟
صابر رد بحزن : لا يا ايما معرفش

***************************
كان يجلس فى الزنزانة حتى دخل عليه الضابط واخبره انه له زيارة مما جعله يتعجب ، كيف وهو محكوم عليه بالاعدام وبالامس كان عنده زيارة فذهب معه ودخل غرفة ووجد سما

سما بإبتسامة : ازيك يا بيبى
يوسف : فيه اية وانا هخرج امتى
سما : هتخرج بس تتجوزنى الاول
يوسف : نعم ؟؟
سما بدلع : ايوة يا قلبى المأذون برا وكمان الشهود يا بيبى شوفت انا عاملة حسابى ازاى

******************************************************

الحلقة الحادية عشر
___________________
سما بدلع : ايوة يا قلبى المأذون برا وكمان الشهود يا بيبى شوفت انا عاملة حسابى ازاى
قام يوسف وزعق فيها : انتى مبتفهميش ، انا عايز اتعدم غورى من هنا بق
سما بدلع : يعنى كنت هتضحك عليا لما تخرج
يوسف : لا مكنتش هضحك عليكى
سما : خلاص نتجوز دلوقتى
يوسف : بس مش هكتبلك حاجة غير لما اخرج
سما : لا هتكتبلى شيك ب 20 مليون يتصرف بعد 3 ايام وانت هتخرج بكرا ولا بعده واول ما تخرج تجيب الفيلا اللى قولتلك عليها وتكتبها بأسمى وال20 مليون تقدر تاخدهم تانى
يوسف بتفكير : امممم طيب
سما بإبتسامة : يبقى اتفقنا ، ادخل يا سيدنا
دخل المأذون ويوسف باين عليه الضيق والعصبية وتم الجواز وقام الشهود مشيو وسما قامت
سما بإبتسامة : سلام يا جوزى يا حبيبى ، اشوفك برا السجن بكرا
وارسلت له قبلة فى الجو وخرجت وهى تضحك
يوسف لنفسه بإبتسامة : وحياة امك لأخليكى تلفى حولين نفسك انتى واللى معاكى ،طالما اختارتى تلعبى مع يوسف تبقى انتى الجانية عل نفسك
.....
كانت سهوة بتتابع الشغل وكل حاجة وبتجهز شغلها اللى مسؤولة عنه لغاية اما دخلت عليها ولاء
ولاء بإبتسامة : انا جاهزة يا ستى
سهوة بفرح : طيب حلو اوى ، تعالى بقا افهمك كل حاجة
ولاء : قبل ما افهم يا سوسو عايزة اسألك سؤال كدا
سهوة بتفكير : سؤال اية ؟
ولاء : بتحبيه ؟
سهوة حطت وشها فى الارض وردت : بحبو اوى
ولاء : رغم كل الستات اللى يعرفها ؟
سهوة : يا ولاء كان يعرفهم يعنى هو اتغير ، وانا مصدقاه لما قالى انه اتغير واكيد شاب وسيم زيه اكيد اى بنت كانت بتتمناه وهو ده اللى خلاه بتاع بنات
ولاء : يمكن
دخل عمر فى اللحظة دى وقامت سهوة و ولاء
عمر : اممم اسف ، طبعا محدش يعرفنى ، صح
سهوة شاورت بدماغها انه لا متعرفوش
عمر بإبتسامة : انا عمر صاحب يوسف الانتيم ، انا جيت اطمن يعنى على الشركة وكدا بما ان يوسف لسة مخرجش ، متستغربوش انا شغال هنا انا كمان فى الشركة بس كنت واخد اجازة شهر كدا لزوم الشهيصة وكدا بس خلاص معدش ليه لزمة ، ينفع بقا استلم شغلى يا مديرة
ضحكت ولاء من طريقة كلامه
سهوة : اها طبعا
عمر : لحظة بس ، انتى ضحكتى يا انسة ؟
ولاء مكنتش عارفة ترد تقول اية من الكسوف : لا كنت بكح
عمر : هههه لا مش عليا قولى متخافيش مش هضربك
ولاء ردت بعصبية : محدش على فكرة يعرف يضربنى
عمر : ياستى وهو انا قولت حاجة ؟
ولاء ردت بتحدى : اه ضحكت عندك مانع
عمر : ايوة المفروض تقولى بعد اذنك هضحك
ولاء : يااارب
سهوة اتدخلت : فيه اية يا جماعة ، خلاص يا بشمهندس روح على مكتبك وانتى يا ولاء روحى على مكتبك
عمر : اسمك ولاء !!
ولاء بضيق : ايوة
عمر وهو ماشى : اية الاسماء الغريبة دى
ولاء بعصبية : شايفة !!!
سهوة ضحكت : بيهزر يا بنتى
ولاء : ده بيرخم مش بيهزر
سهوة : معلش يلا روحى على مكتبك بقا
ولاء : طيب
.....
•مبروك الجواز يا عروسة
سما : الله يبارك فيك ، عقبالك
• ههههه لا انا مبتجوزش
سما : لية بقا ان شاء الله
• يابنتى انا ناقص وجع دماغ !!
سما : امممممم فهمتك
• تعجبينى دماغك
سما بدلع : دماغى بس !
• انتى كلك تعجبينى ، يلا بينا على الاوضة
ضحكت سما ضحكة مايصة وراحت معاه على الاوضة
.......
رأفت : عندى ليكى خبر هيطيرك من الفرحة يا رباب انتى وحماتى
رباب بلهفة : اية يوسف هيخرج النهاردة !!
رأفت : لا هيخرج بكرا والقاتل الحقيقى راح يعترف النهاردة يعنى كلها شوية اجراءات ويوسف هيبقى فى حضنك
رباب بفرحة : الحمد لله يارب ، الحمدلله
اسماء : خلاص يبقى تعزم سهوة بكرا علشان تبقى معانا واتعرف عليها فى نفس الوقت
رأفت : وهو كذلك هتصل بيها ابلغها
اتصل رأفت بسهوة
رأفت : ايوة يا سهوة ، ازيك وازى الشغل
سهوة : الحمدلله كله تمام يا بشمهندس
رأفت : طيب انا كنت عايز اقولك على حاجة كدا بس مش عايزك ترفضى
سهوة : حاجة اية يا بشمهندس
رأفت : بكرا يوسف هيخرج وانا عازمك انتى واختك وبالمرة تتعرفى على حماتى علشان عايزة تتعرف عليكى جامد
سهوة : بس..
رأفت : مبسش ، هستناكى بكرا
سهوة : والشغل ؟
رأفت : مش هتفرق اليوم ده يعنى يا سهوة
سهوة : خلاص حاضر يا بشمهندس
رأفت بإبتسامة : ماشى يا بنتى ، يلا سلام
قفل رأفت مع سهوة وسهوة فرحانة اوى مش عارفة ليه بس ممكن لأنها هتشوف يوسف وهتتعرف على اهله وهتعرف حاجات كتير عنه
.....
عدى يوم وروحت سهوة البيت واتغدت هى ونيرة اختها اما عن يوسف فكان قاعد فى الحجز بيفكر الباب اتفتح ودخل محمد وقعد قدامه وابتسم
محمد : مبروك يا بشمهندس ، هتخرج بكرا
يوسف : بجد ، هو حصل اية
محمد : واحد جيه يعترف انه القتال
يوسف : وقال اية !
محمد : قال ردود مقنعة ، راح الشقة وكتفها وخد موبايبها وبعتلك الرسالة وفكها بعدها وفضل مستنى لغاية اما لقاك طالع راح قاتلها وكان لابس جوانتى علشان البصمات واستخبى فى اوضة وبلغ وطبعا جينا وهو مستخبى ومحدش فكر يخش اى اوضة وانت اللى لبست القضية
يوسف : والشهود
محمد : كل واحد فضل يقول احنا مش متأكدين اوى بس منعرفش قالت يوسف ولا لا وكلهم غيرو اقوالهم
ضحك يوسف : مش قولتلك تلفيق كلو
محمد : انا عارف كل حاجة وعارف حصل كدا لية ، سهوة سجلت لسما
يوسف : يوم ما جت هنا وهددتنى !!
محمد : ايوة ، انا مخدتش اى اجراء لحد ما نوصل لللى تبعها وحاطينها تحت المراقبة بس المصيبة مبتخرجش من بيتها الا قليل ، احنا بقا خايفين نفتش البيت ومنلاقيش حاجة ، ساعتها هيعرفو ان انت قولت على تهديدهم وهيعرفو اننا عرفنا وساعتها عمرنا ما هنوصلهم
يوسف : انا هرفض اللى طلبوه
محمد : ارفض ومتقلقش انا هعين مخبرين فى كل حتة قريبة من الشركة بس سما جت النهاردة الصبح لية ؟
يوسف : جابت مأذون وشهود وهددتنى علشان اتجوزها
محمد بإستغراب : واتجوزتها
يوسف : انت شايف حل غير ده !!!
محمد : اممممم على العموم انت الصبح بدرى هتخرج هتخلص كام اجراء كدا وهتخرج واى حاجة تعرفها تبلغنى بيها ، تمام
يوسف : تمام
.........
كانت سما نايمة على السرير وماسكة الشيت اللى محمد كتبهولها ب 50 مليون وانه هيتصرف بعد 3 ايام او انه يجيبلها فيلا ويكتبها بأسمها وساعتها هتديلو الشيك
كانت عمالة تقرأ الشيك وتلفه وهى فرحانة وعمالة تخطط وبتقول لنفسها : فرصتك يا سما كدا هيبقى عندك فيلا بإسمك وكمان مش هيقدر يطلقك علشان ميضيعش منه الفيلا وساعتها هحاول اثبت حبى ليه ومرة ورا مرة هخليه يكتبلى كل حاجة لغاية اما اخليه على الحديدة واخليه يطلقنى واسافر واعيش برا بقا
.........
عدى الليل وطلع النهار وكان يوسف بيخلص كل الاجراءات لحد ما فعلا خرج واخيرا شاف الدنيا والشمس من تانى بعد ما كان فقد الامل انه يشوفهم خالص ، خرج لقى رأفت مستنيه وحضنه جامد اوى وعينه دمعت
رأفت : حمدالله على سلامتك يا يوسف
يوسف : الله يسلمك يا بابا امال فين ماما
رأفت : مرضتش اجيبها وقومت بدرى علشان متشوفنيش علشان انت عارف زنها وهتفضل تقولى هيخرج امتى ومش امتى وانا ريحت دماغى
يوسف : هههههه طب يلا بينا
ركبو العربية واتحرك رأفت
رأفت : على فكرة انا عزمت سهوة النهاردة على الغدا بمناسبة خروجك
يوسف : الله عليك يا بابا ، هو ده الشغل ولا بلاش
رأفت : اية مالك كدا من ناحيتها مجزوب ليها
يوسف : امممم، عادى
رأفت : لا انت شكلك بتحبها
يوسف : بصراحة ، ايوة يا بابا بحبها وهخلص اللى احنا فيه ده وهعرض عليها الجواز
رأفت : لأول مرة تاخد قرار صح فى حياتك
يوسف بفرحة : يعنى انت مش معارض خالص
رأفت : اعارض لية يابنى ، سهوة بنت جدعة وبمية راجل وهى اللى هتظبتك وهتخلى بالها منك
يوسف : اصلى قولت يعنى انكم هترفضو لانها يعنى فقيرة وكدا
رأفت : حكاية الفقر دى اخر حاجة افكر فيها ، يا يوسف قبل ما تتولد كنت انا وامك مش لاقين ناكل اول ما اتجوزنا كنا بناكل بيضة او حتة جبنة فى اليوم لغاية ما عملت اللى انت شايفو ده
يوسف بإبتسامة : وانا عارف اللى حصلى ده ليه ، علشان افوق واحس بالمسؤولية بدل منا كنت كدا مقضيها وانا معرفش ان حضرتك تعبت اد اية علشان توصل لده
رأفت : وانا فرحان انك قولت الكلام ده من قلبك وانك حسيت بالمسؤولية ، المهم عايزك كدا تتشيك علشان تبقى شكلك برفكت قدام سهوة
يوسف ضحك ورد : جرا اية يا بابا هى دى محتاجة نصيحة ده انا هخليها متعرفش تاكل من كتر منا عاجبها
رأفت : لا مش للدرجادى
يوسف : ده انا الشارع اللى بمشى منه وفيه بنات بيعاكسونى
رأفت : ههههههه كفاية مدح فى نفسك
يوسف : اه صحيح كفاية ، مرة اتحكم عليا بالاعدام ، المرة التانية عشماوى هيجيلى اوردر لحد البيت
ضحك رأفت جامد وفضلو يتكلمو لغاية اما وصلو للبيت
دخل رأفت هو ويوسف الفيلا قامت رباب وصرخت وجريت تحضن يوسف جامد اوى وعيطت
يوسف : يااااه وحشتينى اوى يا ماما
رباب بدموع : وانت يا حبيبى وحشتنى اوى
سابها يوسف وراح جرى يحضن اسماء
يوسف : وحشتينى اوى يا سوسو
اسماء : انت اكتر يا حبيبى ، حمدالله على سلامتك
يوسف : الله يسلمك
وراح لجودى وحضنها
يوسف : ازيك يا زملكاوية
جودى : ههههه الحمدلله انت وحشتنى اوى
يوسف : وانتى اكتر والله قوليلى الزمالك فى المركز الكام دلوقتى !!
جودى بضيق : التالت
يوسف : هههههههه واحنا طبعا فى المقدمة صح
جودى : ايوة
رأفت : كفاية دمعتى قريبة
يوسف : ههههههه ، اية ده انا شامم ريحة محشى ، ورق عنب كمان
رباب : ايوة وعملاه بأيدى
يوسف بفرح : يااااه انا جعااان اوى انا معدتى باظت من اكل السجن
رأفت : اطلع انت بس خد دش كدا وغير وظبط نفسك عقبال ما الاكل يجهز والضيوف يجو
يوسف : طيب يا بابا
طلع يوسف وخرج رأفت وركب العربية وراح على بيت سهوة لقاها نازلة هى ونيرة وندالهم
سهوة : حضرتك جاى بنفسك يا بشمهندس !!
رأفت : امال اية ، اركبى يلا انتى ونيرة
سهوة : مكنش ليه لزوم يا بشمهندس
رأفت : اركبى بقا متزعلنيش
سهوة بإبتسامة : حاضر
ركبت سهوة هى ونيرة مع رأفت وراوحو على الفيلا ودخلو
رأفت : خشى يا سهوة ، مالك مكسوفة من اية ده بيتك
دخلت سهوة هى ونيرة ونزلت جودى وحضنت نيرة جامد وسلمت على سهوة وحضنتها
وفى اللحظة دى دخلت اسماء وسلمت على سهوة ونيرة
اسماء بإبتسامة : انتى سهوة صح ؟
سهوة : ايوة يا طنط
اسماء : بسم الله ما شاء الله ،زى ما كنت متخيلاكى ، قمر وجميلة
سهوة ابتسمت وردت : انتى اجمل والله يا طنط
اسماء : ما بلاش يا طنط دى ، قوليلى زى ما يوسف بيقول ، يا سوسو
سهوة : لا لا مينفعش
اسماء : هتزعلينى من اول مرة اشوفك
سهوة : بس....
اسماء : مبسش
سهوة بإبتسامة : ماشى يا سوسو
نزلت رباب وهى مبتسمة وفرحانة وسلمت على سهوة
رباب : انا عايزة اشكرك يا سهوة اوى علشان وقفتى جمب يوسف ابنى
سهوة : على اية يا طنط ، ده واجب عليا
رباب : تسلمى يا بنتى ، شكلك فعلا طيبة ومحترمة زى ما يوسف بيقول
اسماء : لا وعسل كمان ، وهنبقى انا وهى صحاب وهكلمها بعد الغدا
رأفت : ههههههه خلى بالك يا سهوة حماتى دى رغاية جدا
اسماء : هاااااا
رأفت : بهزر يا حماتى الله
ضحكت سهوة وردت : وانا يشرفنى اتكلم مع سوسو
اسماء : حبيبتى يا سهوة كدا تبقى صاحبتى بجد
جهزت السفرة وكلو قعد وكانت سهوة مش شايفة يوسف خالص لغاية اما نزل من فوق على السلم وهو حاطط ايديه الاتنين فى جيبه ونازل وهو بيقول : اييية يا جدعان هتاكلو من غيرى ولا اية
رباب : لا يا حبيبى احنا يا دوب لسة قاعدين اهو
قعد يوسف معاهم وبدأو يكلو وهم بيتكلمو وكانت سهوة اما تيجى تبص ليوسف تلاقيه باصصلها ومبتسم
يوسف : مالك يا سهوة ماتكلى ولا هتقوليلى عاملة رچيم
سهوة : لا والله انا باكل اهو
يوسف : يا ستى لو مكسوفة منى انا ممكن اقوم
سهوة : لا لا مش مكسوفة وباكل اهو
رأفت : بطل رخامة يا يوسف عليها
يوسف : طيب يا بابا
وفضلو يتكلمو ويضحكو فجأة رن تليفون يوسف وكانت الاغنية اللى حاططها نغمة هى اغنية [لأ لأ تبقى معدية ، سلمش عليا لأ لأ]
ضحكت سهوة من الاغنية اللى حاططها ومسك يوسف الموبايل لقى اللى بيتصل سهوة
يوسف : يادى القرف ، هى ناقصة غم
رأفت : مين يا يوسف
يوسف : حد رخم كدا سيبك سيبك
مرضيش يقول انها سما علشان عارف ان سهوة هتضايق وفضلو يكملو اكل وفجأة جرس الفيلا رن وقامت الشغالة تفتح
ودخلت سما وهم بياكلو
سما : الف حمدالله على سلامتك يا بيبى
يوسف بعصبية : انتى اية اللى جابك هنا !!
سما بدلع : اية يا حبيبى ، انت نسيت ولا اية
يوسف رد بعصبية : بقولك اية اللى جابك هنا !!!
سما بدلع وهى بتبص لسهوة : جاية لجوزى يا يوسف ، مش انت جوزى حبيبى بردو ولا اية !!!

*************************************

الحلقة الثانية عشر
___________________

يوسف رد بعصبية : بقولك اية اللى جابك هنا !!!
سما بدلع : جاية لجوزى يا يوسف ، مش انت جوزى حبيبى بردو ولا اية !!!
اتصدمت سهوة من رد سما وحاولت متبينش ده قدامهم وكل اللى قاعد اتصدم
يوسف رد بعصبية : انتى عارفة كويس اوى انا اتجوزتك لية ، تهديدك يا قطة بس بصراحة عرفتى تكسرينى ، انا اتجوزتك علشان اخرج من التهمة اللى لبستهالى انتى واللى معاكى
سما : خلصت كلامك !!! ، طب الشيك اللى انت كتبتهولى هيتصرف بعد بكرا فبقى الفيلا اللى قولتلك عليها تيجى وتتكتب بأسمى وساعتها هديك الشيك
يوسف : بكرا هاجى اجبلك الفيلا
سما بدلع وهى بتبص لسهوة : وهتسيب مراتك حبيبتك يوم بحالو ؟
يوسف : بقولك غورى بدل ما اصور قتيل دلوقتى
ضحكت سما وقالت : ماشى يا سوفة همشى بس مستنياك ، باى باى
ومشيت سهوة ورجع قعد تانى على السفرة وهو حاطط ايدية الاتنين على وشه
رباب : هى دى اللى قالتلك تبيع الارض وتتجوزها مقابل انك تخرج ؟
يوسف : ايوة هى يا ماما
رأفت بإستغراب : اتجوزتها امتى ؟
يوسف : جاتلى امبارح الصبح بزيارة ومعاها مأذون وشهود قال اية خايفة اضحك عليها ، يابنت ال.....
اسماء : وهتكتبلها الفيلا ولا اية
يوسف : هكتبلها الفيلا ايوة اللى هشتريها وهاخد الشيك
رأفت : البت دى هتفضل لاوية دراعنا كدا ؟
يوسف : متقلقش يا بابا انا عارف كويس اوى هعمل معاها اية هى واللى معاها بس هسمع كلامهم فى الاول كدا وهرفض الغى المشروع وهعمل اللى قالى عليه المقدم محمد
اتكلو شوية وخلصو اكل وقامو رأفت قام يجيب حاجة ورباب طلعت تشوف موبيلها اللى بيرن فوق
يوسف : مالك ؟
سهوة : مفيش
يوسف : زعلانة علشان اتجوزت سما !!
سهوة بضيق : انت اتجوزتها لية مش قولت هتضحك عليها زى ما اتفقنا !!
يوسف : مانتى سمعانى اهو وانا بتكلم يا سهوة ، حطتنى قدام الامر الواقع امبارح ومكانش قدامى اختيار تانى
سهوة : امممم ماشى
يوسف ابتسم : خلاص بقا عرفنا انك بتغيرى
سهوة : اه بغير استريحت
يوسف : حلاوتك
اسماء : بتتوشوشو على اية يا يوسف انت وسهوة
يوسف : هاااا ....لا كنت بقولها منورة
اسماء : طيب سيبهالى بقا علشان عايز اكلمها ، تعالى يا سهوة هيزاكى فى الاوضة دى
سهوة بإبتسامة : حاضر
يوسف : اية يا سوسو انتى هتخطفيها وتمشى ، ما تسيبيها هنا شوية
ضحكت سهوة
اسماء : بس يا لمض
يوسف : حاضر يا سوسو
اسماء خدت سهوة ودخلت اوضة
اسماء : انتى اول واحدة بعد يوسف يدخل الاوضة دى ، كلهم بيتشائمو منها اصلها فيها ذكراياتى كلها ...صور ...مذكرات ..كل حاجة
سهوة : هو حضرتك كاتبة مذكراتك
اسماء : اية حضرتك دى مش قولتلك قولى يا سوسو
سهوة : معلش يا سوسو
اسماء : ايوة كدا ، ايوة كاتبة مذكراتى من وانا صغيرة
وحكتلها على قصة الحب اللى مرت بيها
اسماء بحزن : وفى يوم كنا راكبين العربية رايحين نتفسح انا وهو ورباب بنتى ويوسف ابنى وعملنا حادثة راح فيها وراح يوسف ابنى فيها كنت هموت ساعتها ، انا ورباب اللى نجينا بس من الموت كنت كل يوم افتكرهم اتقطع عليهم ملقتش حاجة اعملها غير المذكرات ، كتبت مذكراتى وكل يوم يعدى بقعد اكتب فيها
سهوة حست بالحزن جامد : اسفة لو كنت فكرتك
اسماء : لا يا سهوة انا اللى حبيت احكيلك علشان استريحتلك وقعدت مع يوسف قبل ما يحصل اللى حصل وقالى انك طيبة ومحترمة ومش زى اى بنت عرفها قبل كدا ، يوسف بيحبك يا سهوة
سهوة بإبتسامة : عارفة يا سوسو
اسماء ابتسمت : وانتى يا سهوة
سهوة : انا اية
اسماء : وانتى بتحبيه ؟
سهوة بحزن : اكدب عليكى لو قولتلك لا ... انا بحبه فعلا بحبه اوى كمان ، فى الاول كنت بصده علشان زمان حصل معايا موقف كدا بس مقدرتش على قلبى ..حبيت يوسف ، وقف جمبى وكان ضهرى
اسماء : اية الموقف اللى حصل معاكى زمان!!
سهوة ردت بحزن : وانا فى الكلية واحد حبنى واعترفلى وانا حبيته جدا وكنا بنحب بعض بس مكنش يعرف عنى حاجة وفى يوم قالى انه هيجى يخطبنى وعايز العنوان قولتلو انى فقيرة وعايشة فى منطقة وحشة وقليلة وحالتى على قدها وبيتنا صغير ، لما عرف اتغير مية وتمانين درجة وفضل يقول كلام ويتهرب وانه ميسمحش لمستواه يقول لأهلو وانه مينفعش ومش عارف اية وسابنى ، كنت بموووت ساعتها بس قولت فى الاول وفى الاخر لو كان الخير على ايدو مكنش هيسبنى وانه فعلا مكنش بيحبنى
اسماء بحزن : ربنا يكسرو زى ما كسر قلبك
سهوة غيرت الموضوع : بس حلوة اوى الصور
اسماء : دى بقا الاوضة اللى حاطة فيها كل حاجة للذكريات ومحدش بيخشها غيرى انا ويوسف بس واديكى تالت واحدة اهو
نادى يوسف بصوت عالى وبعدها دخل الاوضة
يوسف : الله الله جرا اية يا سوسو انتى هتاخدى سهوة وانا اقعد اعد النجوم برا
اسماء : خلاص انا خلصت معاها عايزها خدها
يوسف : اشطا اوى ، تعالى يا سهوتى عايزك
سهوة : حاضر
..........
نيرة كانت قاعدة مع جودى فى اوضة جودى بيتكلمو
جودى : مالك يابنتى
نيرة : ماليش وبعدين ماليش فى الكورة اصلا
جودى : ده ماتش الزمالك يا بنتى
نيرة : مين الزمالك ده ما هو مغلوب 2 صفر اهو
جودى : هو انتى ويوسف اخويا
نيرة : بمناسبة يوسف اخوكى ، انا حساه كدا عينه من سهوة اختى
جودى : حاسة مش متأكدة ؟؟
نيرة : يعنى بجد
جودى : باينة اوى ان يوسف بيحب سهوة وهيموت عليها كمان
نيرة : ازاى
جودى : هو اية ازاى هو الحب يعرف وقت او اشخاص عاديين ، عقبااالنا اما نكبر ونحب ونتحب احنا كمان
نيرة : هههههههه
.....
دخل يوسف ومعاه سهوة الى الحديقة بتاعة الفيلا
يوسف : مالك بتفكرى فى اية
سهوة : مش عارفة بس خايفة من سما واللى معاها
يوسف : انتى عارفة ، انا مبفكرش فيهم اصلا ، انا هعرف اقف قدامهم
سهوة بحب : وانا معاك
يوسف بإبتسامة : مش هقولك انتى بنت وانا خايف عليكى ولا حاجة من الكلام ده بالعكس انتى زيى بالظبط وهتبقى معايا
فرحت سهوة اوى بكلامه لانه مقللش منها وحسسها انها قوية مش بس كدا وانه كمان ضهر ليها وسند
سهوة وقفت وسألت يوسف : يوسف انت بجد بتحبنى !!
يوسف : كنت بحبك ، دلوقتى بعشقك
ابتسمت سهوة وقالت : يعنى مش هتسيبنى ابدا ابدا
يوسف بنفس لهجتها : مش هسيبك ابدا ابدا
سهوة لأول مرة : بحبك
فرح يوسف اوى بكلمتها لانها بادلته نفس الشعور والحب وقال ليها : هو انا السجن اثر على دماغى ولا انتى قولتى حاجة
ضحكت سهوة : بقولك بحبك
يوسف : لا لا كفاااية بدل ما اقع منك ، انا مش حمل الكلام ده
سهوة بإبتسامة : وعد ان اى حرب هتخشها مع الناس دى هبقا معاك ؟
يوسف : امممممم ، وعد يا ستى
دخل عمر وجرى على يوسف وحضنه
عمر : ياااه حمدالله على سلامتك يا وحش
يوسف : الله يسلمك ، انت اية اخبارك
عمر : رجعت الشركة ياعم والصراحة بقت جميلة اوى وبص لسهوة
يوسف بعصبية : جرا اية يالا ،سهوة هتبقى مراتى
عمر : بجد الف مبرووووك ، بس انا مش قصدى على سهوة
يوسف : امال قصدك على مين
فهمت سهوة قصد عمر وابتسمت
عمر : هبقى اقولك بعدين
يوسف : طيب انا من بكرا هاجى الشركة
عمر : و الناس دى ؟
يوسف : هيجو طبعا بس بعد يومين تلاتة اما بقا سما
عمر : مالها دى كمان
يوسف : هنفذ لها طلبها واجبلها الفيلا واكتبها بأسمها
عمر : بالسهولة دى
يوسف : هبقى افهمك بعدين انا فى دماغى اية
عمر : طيب انا ماشى ونبقى نتقابل بكرا بقا
يوسف : اشطا ، سلام
مشى عمر ودخل يوسف هو وسهوة جوا وقعدت سهوة شوية مع رباب ورأفت واسماء ويوسف وفضلو يتكلمو وقامت سهوة هى ونيرة ومشيو علشان اتأخرو وروحو على البيت
......
روحت سهوة وهى فرحانة اوى لان خلاص حبها هى ويوسف بقى معروف من الطرفين ويوسف وثق فيها وقالها انها هتبقى معاه فى اى حاجة
وكذلك يوسف طلع اوضته وهو طاير من الفرحة وبيفكر فى سهوة بس قلق فرحته موضوع سما واللى معاها وجوازه من سما وهل هيعرف يتصرف ولا لا ؟؟
.....
تانى يوم قام يوسف وجهز نفسه ليوم شاق وطويل جدا سواء فى الشغل او مع سما اللى هيجيبلها الفيلا
وكذلك قامت سهوة وجهزت نفسها انها تروح الشغل بعد ما فطرت مع اختها وفعلا راحت اول ما وصلت لقت يوسف داخل بعدها
يوسف : اية الحلاوة دى ،معقولة اول يوم فى الشركة يكون اول حد هو انتى
سهوة : حبيبى انت هتشوفنى طول الوقت
يوسف : يا بختى والله
سهوة : احب اعرفك ، دى ولاء صاحبتى والسكرتيرة الجديدة مكان المفعوصة التانية
يوسف : اهلا يا ولاء
ولاء : اهلا يا بشمهندس
وفى اللحظة دى وصل عمر
عمر : السلام عليكم ايها الاحباب
يوسف : اية يابنى انت داخل قبيلة قريش
عمر : وهو ابو لهب كان بيقول لأهل قريش السلام عليكم بردو
يوسف : لا عمر اللى كان بيقول
عمر : استنى استنى بس ، مردتيش السلام لية يا ولاء
ولاء بضيق : رديته فى سرى
عمر : خلى بالك رد السلام عليه حسنات اكتر من اللى رمى السلام اصلا
ولاء : ما قولنا رديته فى سرى
عمر : يلا طلعى المطوة وتعالى ادينى قطع فى وشى
ولاء : حاضر يا بشمهندس
يوسف : اييييية ، قط وفار بيتخانقو قدامى ، اووووووو انا كدا فهمت ، انت كان قصدك يا عمر امبارح لما قولت واتاريك بتقول على ....
عمر : ايوة واخرس بقا عليك اللعنة
ولاء : قال اية يا بشمهندس ؟؟
يوسف : لا لا متشغليش بالك عمر ده بغبغان متحرك اصلا
عمر : طب اية رأيك ان البغبغان ده خلص نص المشروع وجاى متأخر اصلا
سهوة : احم انا خلصته من اول يومين
يوسف : شايف ، مسمعكش تنطق كلمة زيادة تانى
دخلت سما اللى عاملة زى الشيطان كل ما تدخل مكان تقلبه غم واول ما دخلت كلو سكت وملامحه اتغيرت
سما بإبتسامة : ويلكم يا جماعة ، متجمعين كدا لية
يوسف : وانتى مالك
سما : الله جاية اتطمن على جوزى حبيبى
يوسف : انا ولا جوزك ولا حبيبك انتى هتكررى الكلام ده تانى ؟؟
سما : طيب يا بيبى اتفاقنا
يوسف : بعد الشغل هاجى واشترى الفيلا ، فى فيلا معينة ولا اى حاجة !
سما : لا فيه معينة ، شكلك حلو النهاردة يا سهوة
سهوة : ومين قالك تكلمينى او انى مستنية رأيك اصلا
سما : انتى مالك
سهوة : الحمدلله كويسة
سما بغيظ : هستناك بعد الشغل الساعة 5 يا حبيبى مستنياااك
يوسف بضيق : فى داهية
سما : بتقول حاجة يا بيبى ؟
يوسف : ايوة بقول فى داهية
سما : يخليك ليا يا قلبى
عمر فتح بقه من الرخامة والصدمة
عمر : اية البنى ادمة اللى مبتحسش دى
يوسف : سيبك سيبك
........
راح كل واحد على مكتبة وكل شوية كان عمر بيخرج يعاند فى ولاء لحد ما وقت الشغل خلص وبص يوسف لقى موبايلو بيرن برقم سما ورد
سما : ايوة يا بيبى انا مستنياك تحت الشركة
يوسف : نازل
قفل يوسف
يوسف : سهوة عمر هيوصلك انتى وولاء بالعربية علشان رايح مع العقربة
ابتسمت سهوة : طيب تروح وترجع بالسلامة يا حبيبى
يوسف بإبتسامة : بحبك
سهوة : وانا كمان
يوسف : طب هنزل بقا قبل ما اضعف واستجيب للشيطان
ضحكت سهوة : طب انزل
نزل يوسف وركب عربيته وركبت سما وراحو لسمسار واتفقو مع صاحب الفيلا ومضو العقد
يوسف : اديها بقت بتاعتك وبأسمك هاتى الشيك
سما : خد اهو يا قلبى كدا تمام
يوسف : لا مش تمام ، انتى طالق
سما : اية
يوسف : معاكى فيلتك اللى خدتيها منى اشبعى بيها وورقة الطلاق هتوصلك النهاردة
سما بعصبية : والاتفاق اللى اتفقناه فى السجن
يوسف : بليه واشربى ميته
سما : يعنى مكانش اتفاق رجالة
يوسف : لا كان اتفاق بين واحد مظلوم وواحدة ***** وبيعمل اى حاجة علشان يخرج وادينى خرجت واقسم بالله اللى هيقف فى سكتى منكم انتى والناس اللى معاكى لأنسفو من على وش الارض
سما : هههههههه كلامك ده ولا كلام سهوة
يوسف : نفسى اعرف سهوة دى حرقاكى فى اية !!
سما : لا مش حرقانى
يوسف : اها ما هو باين ، اقسم بالله يا سما اللى هيقرب منى ليموت
سما : من امتى وانت ليك فى الاكشن والمسؤولية والقلب الميت !!
يوسف : البركة فيكى انتى واللى معاكى ، السجن علمنى حاجات كتير اوى ، ودى حاجة عايز اشكركم عليها ...انكم فوقتونى وخلتونى احس بالمسؤولية وافوق من الدلع اللى كنت فيه ده
سما : يعنى ده اخر كلام عندك
ضحك يوسف : ايوة اخر كلام ، وقولى للى شغالة معاه انك لو راجل كنت بينت انت مين ومصدرتش مرة
سما : حاضر هقولو ، كنت عايزة اساعدك ياسوفة بس للأسف
يوسف : يلا غورى من هنا
سما : حاضر هغوور
........
• قالك اية !!
سما : قالى انه متفقش على حاجة وان ده اتفاق واحد مظلوم مع واحدة ، وشتم
• ياااه
سما : وطلقنى وقالى اقولك انك لو راجل كنت بينت نفسك بدل ما تصدر مرة
• هههههههه الواد ده شاف نفسو اوى
سما : اوى وانا مش مطمنة حاسة ان يوسف بتاع زمان غير بتاع دلوقتى ، الفترة اللى قداها فى السجن غيرتو جامد
• على نفسه يا سما ، مش عليا ،انا بقا هعلمو الادب
سما : هتعمل اية !!
• عبد الغفاااار
عبد الغفار : ايوة يا ريس
• عايزك تخلص
عبدالغفار : اوامرك يا كبير
سما بإستغراب : هتعمل اية ؟؟؟
• هقتل يوسف !!!

*****************************************************

الحلقة الثالثة عشر
__________________
سما بإستغراب : هتعمل اية ؟؟؟
• هقتل يوسف !!!

سما : تبقى اهبل لو عملت كدا
• لية !!!
سما : البوليس هيبصلنا ومتنساش ان يوسف الظابط اللى اسمو محمد ده قعد معاه وكان شاكك انى اللى قتلت سهى واكيد واقف مع يوسف علشان كدا نافش ريشه علينا
• وانتى رأيك اية ، الحل معاه ؟
سما بإبسامة : حبيبة قلبه سهوة
• نخطفها ونساومو بيها
سما : بالظبط بدأت تفهمنى اهو
• وهو هيعمل اللى احنا عايزينو علشان يرجعها ؟
سما : هيعمله وزيادة كمان ، ده بيعشقها وهى نقطة ضعفه والمثل بيقول شوف نقطة الضعف فين واضرب
• كلامك تمام اوى
...............
روح يوسف بعد ما جاب الفيلا لسما وطلقها وقالها الكلام اللى راحت قالتو للى شغالة معاه .... فضل يوسف يفكر كتير واتكلم مع ابوه شوية وفضل يلف شوية من التفكير وفى الاخر دخل الاوضة بتاعتو واتصل بسهوة
يوسف : وحشتينى اوى
سهوة : لحقت توحشنى منا كنت معاك الصبح
يوسف : انتى بتوحشينى كل ساعة ...كل دقيقة .....كل ثانية ...كل فنتو ثانية
ضحكت سهوة : كفاية انا مش اد الكلام ده
يوسف : امال انا اللى اده ، انا برتجل يا قلبى
سهوة : طيب ارتجل يا حبيبى
يوسف : انتى عارفة
سهوة : امممم
يوسف : كلمة حبيبى طالعة منك عسل اوى
سهوة : .........
يوسف : فينك يا سهوة ، سهوة !!!!!!
فجأة ظهر صوت سهوة بتصوت جامد اوى وبتقول : الحقنى يااا يوووسف ، الحقنييييييي
اتنفض يوسف من مكانه وقال بصوت عالى : سهوة ، انتى فين ، حصل اية ردى عليا
لكن الصوت اختفى قام يوسف فى لحظة ونزل جرى وسأله رأفت ورباب حصل اية لاكن مردش على حد وجرى زى المجنون على برا وركب العربية وطار بيها بسرعة جنونية ووصل لبيت سهوة وخرج من العربية وطلع على فوق زى المجنون
لقى الباب مكسور ومفتوح ودخل لقى الشقة مكسرة ولقى نيرة قاعدة على الارض وحاطة دماغها مابين رجلها وبتعيط
يوسف بصدمة : نيرة
نيرة بعياط : سهوة يا يوسف خطفوها ، خطفوووها
يوسف : اهدى يا نيرة بس وقوليلى مين دول اللى خطفوها !!!
نيرة كانت بتعيط وتنهج جامد : ناس ....ناس مغميين وشهم ودخلو وضربها على دماغها واغم عليها وجيت اتصدى ليهم واحد منهم زقنى جامد وخبطت فى الحيطة وخدوها ومشيو ، انا عااايزة اختى يا يوووسف ، عايزة اختى.....
يوسف دماغو بقت مشتتة ومش عارف يفكر ازاى وهيعمل اية
يوسف : متقلقيش يا نيرة متقلقيش سهوة هترجع ، والله هترجع....تعالى انتى بس معايا مش هتقعدى هنا تانى
نيرة بدموع : حاضر
نزل يوسف وخد نيرة معاه وركب العربية وفجأة لقى البواب بتاع العمارة راجع وكان الجو هوا جامد وبرد ومطرة شديدة جدا والشوارع غرقانة وصوت الرعد ونور البرق كان شكله مخيف ومسيطر على الشوارع
نزل يوسف من العربية وراح جرى عليه
يوسف بعصبية : كنت فين !!!!
عم حسين : لقيت انسة سهوة ناس شايلينها وخدوها فى عربية ومشيو جريت وراهم بس هربو يا يوسف بية
يوسف بعصبية : مشوفتش نمرة العربية كام !!!
عم حسين : للأسف يابنى مكنش عليها نمر
حس يوسف ان كل الابواب بتتقفل فى وشه ورجع تانى للعربية وحس ان نيرة بردانة جدا وبتترعش
قلع يوسف الچاكت بتاعه واداه لنيرة
يوسف : خدى البسى ده يانيرة عقبال ما نوصل
نيرة : حاضر
انطلق يوسف بالعربية ووصل الفيلا
اول ما دخل الفيلا كلو جرى عليه
رأفت : فيه اية يابنى
رباب : حصل اية !!!
يوسف بحزن : سهوة اتخطفت
رأفت : اييية ، مين وازاى
يوسف : هيكون مين يعنى يا بابا مانت عارف لما رفضت قالو يلوو دراعى
جودى : تعالى يا نيرة متقلقيش تعالى ، هتقعدى معايا فى اوضتى
رأفت : متقلقيش يا حبيبتى اختك هترجعلك
اتحركت نيرة وطلعت مع جودى وكانت عنيها مليانة دموع
اسماء : يعنى هم خطفوها علشان رفضت اللى اتفقتو عليه
يوسف بحزن : ايوة ، مش عارف افكر ازاى ولا اعمل اية ، مش هسامح نفسى ابدا لو سهوة جرالها حاجة بسببى ...مش هسامح نفسى
رباب : اهدى بس يابنى هترجع ان شاء الله ، غير بس هدومك علشان غرقانة مطرة علشان متاخدش برد
رأفت : اطلع غير هدومك ونام والصبح نبقى نشوف هنعمل اية
طلع يوسف على السلم وهو بيقول بحزن : ومين هيجيلو نووم
طلع يوسف ودخل اوضته وهو بيفكر وخايف جدا على سهوة
معقولة اول ما يقرر وقلبه يحب تحصل حاجة تمنع الحب ده ؟؟؟
معقولة اللى حبها الحب ده كله تضيع منه كدا !!!
معقولة هو يكون سبب فى اللى بيحصلها ده
، يااارب
انا مش هساااامح نفسى لو جرالها حاجة بسببى
لو اعرف بس هى فين والله لأروح اجيبها واقتل اللى يقف قصادى
فضل يوسف طول الليل يفكر ومش قادر يستوعب حاجة لغاية اما قرر قرار واحد وملوش رجعة
اول ما النهار طلع لبس يوسف ونزل وركب عربيته وراح على الشركة
وصل الشركة واتصل بعمر اللى استغرب ان يوسف بيرن عليه بدرى اوى كدا ويوسف قالو يجى على الشركة وجيه عمر وهو مش فاهم فيه اية
عمر : حصل اية يا يوسف خضتنى ومصحينى وجايبنى على ملى وشى
يوسف : خطفو سهوة يا عمر
عمر : اية ...مين دول
يوسف : هو فيه غيرهم يا عمر
عمر : امتى الكلام ده
يوسف : امبارح بالليل ومنمتش طول الليل من التفكير
عمر بقلق : ربنا يستر ، بس اكيد هيكلموك
يوسف : وانا مش هستنى لما يكلمونى انا قررت خلاص
عمر : قررت اية يابنى
يوسف : هقولك بس فاكر الواد ايمن صاحبنا اللى كان بيسهر معانا ؟
عمر : ايوة مش ده اللى بيصرف السلاح وعيلته شغالين فيه
يوسف : ايوة بالظبط كدا
عمر : وده مالو
يوسف : عايزك تكلمو وتتفق معاه على حتتين سلاح ، مسدس ،ورشاش حديث اللى هو صغير ده
عمر : نهارك اسود انت هتعمل اية
يوسف بضيق : عمر انت عايز تساعدنى ولا اروح اتفق معاه انا
عمر : خلاص خلاص كمل
يوسف : اتفق معاه وشوف هيتكلفو كام وانا هدفع بس النهاردة قبل بكرا يا عمر
عمر : طيب ما تبلغ الظابط
يوسف : والظابط هيعمل اية ، يلا بس اتصل بيه ولو مردش روحلو ، يلا انت لسة واقف
عمر : حاضر
مشى عمر وقام يوسف وخرج واتصل بواحد على التليفون واتفق معاه يجيلو على كافى هو عارفه وراح ولقاه مستنيه
خليل : ايوة يا يوسف بيه
يوسف : انا عايز اعرف الارض اللى انت جبتهالى دى فيها اية بالظبط يا خليل
خليل : فيها اية بس يا يوسف بيه ، حضرتك طلبت ارض كبيرة فى حتة كويسة وانا جبتلك وحضرتك هتبنى مدينة كاملة عليها مالها بقا
يوسف : فيه ناس كل شوية عايزين ياخدوها عافية منى وخطفو حد عزيز عليا بسببها ، ما هو مش معقولة الارض يعنى ، اكيد فيها حاجة
خليل برق وفهم : تعالى معايا يا يوسف بيه
ركب خليل مع يوسف فى العربية واتحركو وراح يوسف على مكان خليل قالو عليه
يوسف : اية المكان ده ومين اللى انت مودينى عنده ده
خليل : هتفهم يا يوسف بيه انزل بس وادخل معايا
دخل يوسف مع خليل بيت قديم وكان متعلق فى كل حتة جماجم وعضم وقرون ومكان مش غريب على يوسف
يوسف : انت جايبنى عند دجال ؟
خليل : ده اللى هيعرفلنا الارض فيها اية
يوسف : ازاى يعنى
خليل : هتشوف
دخل خليل وفعلا كان دجال ونفس اللى بنشوفو فى الافلام بالظبط
الدجال : اتفضل يا خليل ، اتفضل يا يوسف
يوسف اتخض وبص لخليل نظرة فيها سؤال وهو ازاى عرف اسمه ؟؟
الدجال : طبعا بتسأل نفسك عرفت اسمك ازاى صح ؟
يوسف : انت شايف اية
الدجال : طبعا جايين علشان اعرفلكو الارض بتاعتك يا يوسف فيها اية صح؟؟
يوسف بضيق : قول للعفريت اللى بيكلمك انى عندى لسان اتكلم واقول انا جاى لية خليه يشوف وراه اية ويسيبنا نتكلم
الدجال : هههههه حاضر
يوسف : بعد اية ، انا جاى فعلا علشان موضوع الارض زى ما قالك الاستاذ عفريت
الدجال : والارض دى فين ؟
يوسف : هتيجى معانا وتعرف ولا اية نظامك
الدجال : شكل حبيبتك المخطوفة مأثر عليك
يوسف : اممممم عرفنا والله ان العفريت قالك كل حاجة عنى هتيجى ولا امشى
الدجال : ههههه جاى
قام الدجال وخليل وركبو مع محمد العربية وراحو مكان الارض
ووصلو ونزلو من العربية وبصو وكانت الارض كبيرة جدا جدا
الدجال : الارض كبيرة جدا جدا مكنتش اتخيل انها كدا
يوسف : لية العفريت نسى يقولك انها كبيرة وهيتبنى عليها مدينة كاملة ؟؟
الدجال : لا مقاليش
خليل : عايزك تعرفلنا بقا يا سيدنا اية اللى مدفون فى الارض دى
الدجال : وحلاوتى
يوسف : يا سيدى خلص وهديك اللى عايزو
الدجال فتح شنطة كان جايبها معاه وقعد فى الارض وفضل يقول كلام غريب ويكتب فى ورقة كلام ملخبط زى الطلاسم كدا وقفل الورقة وشال شوية رمل ودفن الورقة ورش مية عليها وفضل يكرر فى الكلام ونبش الرملة وطلع الورقة تانى وفتحها وابتسم
وقام وبص ليوسف
يوسف : فيها اية
الدجال : حلاوتى الاول
يوسف : عايز كام
الدجال : 2000 جنية
يوسف كان معاه المبلغ فى جيبه واداهولو
يوسف : هااا
الدجال : الارض دى فيها كنز
يوسف : كنز اية ؟
الدجال : مقبرة مليانة كنوووز من العصر الفرعونى
يوسف : اثار !!
الدجال : بالظبط كدا ، اثار ودهب يوزنو الارض دى كلها
يوسف : ده كله ؟؟
الدجال : ايوة والحلو فى الموضوع ان ملهاش حراسة من الجن يعنى لو حد حفر هيطلع الكنز ده كله بسهولة
يوسف : اممممممم علشان كدا بقا
الدجال : انا كدا مهمتى خلصت يلا رجعنى بقا انا وخليل
يوسف : طيب اركبو
ركبو ورجعهم يوسف ورجع للأرض ووقف تانى وبص وجواه مليون حاجة وبيفكر مليون تفكير
لو خد الاثار والدهب ده كلو هيبقى حرام عليه لان دى حاجة البلد ولو سلمها للشرطة هتتنهب والاثار هتتهرب برا البلد ويبيعوها واللى هيقبضو الفلوس اللى مسيطرين على البلد والدهب هياخدوه الناس الكبيرة فى البلد وكدا محدش هيستفاد منها فى البلد يعنى كدا كدا هتضيع واللى هياخدوهم اللى ماسكين البلد وناهبين خيرها
لكن الاهم انى عرفت هعمل اية بالظبط ، الحاجة دى بتاعة الفراعنة يعنى اجدادنا وده ورث اجدادنا يبقى الورث ده يتوزع بالعدل
ايوة ده الصح بدل ما حد ينهب ده كله لمصلحته يتوزعو على المحتاجين والفقراء وعلى كل واحد فى البلد دى مش لاقى لبس ولا بيت يعيش فيه ولا لاقى اكل ياكله وبيموتو فى البرد ده
هو ده الصح بجد
هو ده الصح
بس الاهم دلوقتى اخلص سهوة من اديهم واعمل اللى خططته وربنا يسترها
طلع يوسف الموبايل وكلم عمر
يوسف : ايوة يا عمر عملت اية ؟
عمر : كلو تمام والسلاح اللى انت طلبته جاهز كمان نص ساعة
يوسف : فين
عمر : ايمن بيقولك فى المكان اللى كنا بنسهر فيه علشان محدش يشك
يوسف : طيب تمام
قفل يوسف وركب العربية ورايح النايت كلب
رن موبايل يوسف وهو سايق
يوسف : ايوة
• بص بقا يا حلو عايز سهوة تيجى المكان ده ----- كمان ساعتين بالظبط ومعاك عقد واوراق الارض كلها علشان تتباع بأسمى
يوسف : تمام بس اللى هيمس شعرة من سهوة اقسم بالله لأقتله
• متقلقش سهوة فى الحفظ والصون ، المهم متتأخرش وطبعا البوليس ميعرفش حاجة علشان حبيبة القلب متتقتلش
يوسف : تمام
قفل يوسف مع الشخص ده ودخل النايت كلب وسلم على عمر وسلم على ايمن
يوسف : فين
ايمن : طلعهم واداهملو ومعاهم شنطة رصاص
حط يوسف الرشاش الصغير والمسدس فى البنطلون وعدل التيشيرت
عمر : رايح فين
يوسف : رايحلهم
عمر : لوحدك انت عبيط يابنى
يوسف : لا مش عبيط
عمر : طيب انا جاى معاك
يوسف : لا طبعا مش هتيجى ، خليك هنا وانا هتصرف
عمر : لا يا يوسف مش هسيبك وجاى معاك
يوسف : لو عايزنا نكمل صحوبيتنا من الطفولة يبقى تعمل اللى بقولك عليه
عمر بحزن : طيب بس خلى بالك من نفسك
يوسف : حاضر يلا سلام
عمر : سلام
خرج يوسف وركب العربية العربية وراح على المكان ده وكان فى المقطم
خرج يوسف من العربية ووقف قدامها مستنى الناس دى تيجى
نور نور عربيتين جايين من بعيد ووقفو قدام يوسف على بعد امتار وخرج منها شخص وحوله بودى جاردات كتير وشايلين اسلحة

• فين اللى قولتلك علية ؟
يوسف : فين سهوة ، اشوف سهوة وتبقى فى حضنى الاول
• ههههه حقك
شاور الشخص ده بأيدو علشان يجيبو سهوة من العربية وراح شخص يجيبها وطلعها من العربية
سهوة جريت على يوسف واترمت فى حضنه وهى بتعيط وحضنها يوسف جامد اوى وكانت وحشاه جامد
• معلش هقطع الفيلم الرومانسى ده ، فين الورق ؟
يوسف ساب سهوة وبصله وقاله : ورق اية ؟
• وحياة امك ؟؟؟
رفع الشخص ده سلاحه وفى نفس اللحظة رفع يوسف سلاحه وده اللى خلى كل البودى جاردات توجه السلاح ناحية يوسف
وكان المشهد هو ان الشخص ده وجمبه كل البودى جاردات موجهين السلاح ناحية يوسف ويوسف سهوة حضناه من ضهره جامد ومش عايزة تسيبه ويوسف موجه السلاح ناحيتهم !!!!!!!!

************************************************

الحلقة الرابعة عشر
___________________

كان المشهد هو ان الشخص ده وجمبه كل البودى جاردات موجهين السلاح ناحية يوسف ويوسف سهوة حضناه من ضهره جامد ومش عايزة تسيبه ويوسف موجه السلاح ناحيتهم !!!!!!!!
• هتجيب الورق ولا اقتلك انت وحبيبة القلب
يوسف موجه السلاح ناحيتهم : قولتلك مفيش ورق وكل حاجة هتنتهى دلوقتى
همس فى ودنها اركبى العربية واستخبى
سهوة بدموع : لا مش هسيبك ، لو هتموت هموت معاك
• هديك مهلة دقيقة
يوسف : اسمعى الكلام يا سهوة خشى العربية
سهوة : مش انت وعدتنى ان اقف معاك وابقى جنبك فى اى حاجة
يوسف : بس مش كدا يا سهوة ده ضرب نااار ، وبعدين هتقفى معايا بصفتك اية !!!
سهوة : بصفتى هبقا مراتك
افتكر يوسف نفس الكلمة لما قالهالها يوم ما البيت وقع
flash back

سهوة : بس انا ممعيش فلوس علشان الشقة
يوسف : ملكيش دعوة دى عليا انا
سهوة : بصفتك اية ان شاء الله !!!
يوسف : بصفتى هبقى جوزك ، يلا امشى قدامى بقا

back
ابتسم يوسف وفرح من ردها وبالرغم من انها بنت حس انها ليها شأن وب 100 راجل فعلا
يوسف : طب خدى المسدس ده اللى يقرب اضربى علية
وبص يوسف وبدون اى مقدمات رفع الرشاش وضرب بغباء وبغل فى كل مكان قدامه بدون توقف لحد ما سكت وبص لقى كل اللى قدامو ميتين وغرقانين فى دمهم جت سهوة وحضنته
يوسف : مش قولتلك متخافيش ، خلصت اهى
قام الشخص من على الارض : فعلا خلصت وضرب رصاصة
وركب عربية وجرى بيها
سهوة صرخت وقع يوسف قدامها
سهوة بعياط : يوووسف قووووم ، يوووووووووسف
..........
فى المستشفى كانت سهوة واقفة ومعاها رأفت ورباب واسماء وجودى واختها نيرة
وكانت بتعيط جامد اوى
اسماء : اهدى يا بنتى ، ان شاء الله هيقوم
سهوة بعياط : انا السبب ، انا السبب
اسماء : لا يا سهوة انتى اللى اتخطفتى بسببه ، ده كله متقدر وبعدين الدكتور قال اصابته مش خطيرة
رباب ببكاء : متعيطيش يا سهوة ، منهم لله الناس دى
رأفت : هو قتلهم كلهم ومتبقاش غير رئيسهم ده اللى هرب ؟؟
سهوة ببكاء : ايوة
خرج الدكتور من اوضة العمليات وطمن الكل ان الاصابة خفيفة وكانت فى الكتف وهو كلها ساعتين او تلاتة ويفوق
اطمن الكل
فتح يوسف عينه لقى الكل حولية
رباب : حمدالله على سلامتك يابنى
يوسف : الله يسلمك يا ماما ، فين سهوة
رأفت : سهوة !!!! ، كانت هنا دلوقتى راحت فين
يوسف بخضة : اية وحاول يقوم لكنه اتألم جامد
اسماء : استريح يا يوسف تلاقيها راحت تجيب حاجة
يوسف بقلق : احسن يخطفوها تانى
رأفت : متقلقش يا يوسف هى كانت معانا بس تلاقيها راحت تجيب حاجة زى ما قالت حماتى
يوسف : فين موبايلى
رباب : اهو
خد يوسف الموبايل واتصل بيها وردت
يوسف بلهفة : سهوة انتى فين
سهوة : يوسف انت فوقت ، انا روحت علشان اغير هدومى كانت كلها دم وجاية اهو
يوسف : طيب خلى بالك من نفسك
سهوة : حاضر متتعبش نفسك انت بس
عدى فترة وسهوة مش بتفارق يوسف فى المستشفى ومعاه لحد ما خرج ورجع البيت
رأفت : سهوة يا بنتى هتقعدى معانا هنا لحد ما نتطمن
سهوة : لا لا مينفعش ، اقعد بصفتى اية
يوسف : بصفتك مراتى....بعد اللى حصل ده مستحيل استنى تانى ، خلاص يا سهوة ، انا هتجوزك
سهوة بفرحة : بجد
ابتسم يوسف وحضنها جامد : ايوة يا سهوة بجد
رأفت ابتسم وفرح اوى : مبروك يا يوسف ، مبروك يا سهوة
سهوة : الله يبارك فيك يا بشمهندس
رأفت : لا بشمهندس اية من دلوقتى قوليلى يا بابا ولا انا مش بابا
سهوة فرحت اوى : ده يشرفنى يا بابا
حضنتها رباب وهمست فى ودنها : خلى بالك من يوسف ...هو راجل اه بس عايز حد يحتويه ويحافظ عليه زى الاطفال
سهوة : متقلقيش يا طنط يوسف فى عنيا
رباب : لا انا مش طنط انا ماما
سهوة بإبتسامة : ماشى يا ماما
اسماء : مبرووووك يا سهوة انتى الوحيدة اللى عرفتى تسرقى قلب يوسف وتغيرية
سهوة بإبتسامة : الله يبارك فيكى يا سوسو يا عسل
يوسف : اية هنقضيها مبروك مبروك مبرك
جودى : استنى لسة مش باركتلها
يوسف مقلد صوتها : مش باركتلها ، اديكى باركتيلها يا ستى
سهوة حضنت جودى وقالتلها الله يبارك فيكى يا قلبى
وحضنت اختها اللى باركتلها وفرحت ليها اوى
يوسف : ها خلصتو مباركات ، يلا بينا يا جماعة نجيب الشبكة
كلهم جهزو وفعلا راحو يجيبو الشبكة واختارت سهوة حاجة بس طلعت غالية فرجعتها مكانها تانى راح يوسف وجابها وقالها : عجباكى !!
سهوة : ايوة بس طلعت غالية اوى
يوسف : ملكيش دعوة اختارى اللى عيزاه وانا هجيبو
وفعلا جابلها اللى عيزاه وكانت الفرحة مسيطرة عليهم جامد اوى وراحو كلهم يتعشو برا وكان يوم جميل جدا وكانت سهوة طايرة من الفرحة ويوسف كان طاير من الفرحة علشان سهوة معاه ومبسوطة
واخر اليوم رجعو كلهم على الفيلا
رأفت : كتب الكتاب بكرا
يوسف : اشطا كويس اوى
سهوة : طيب هكلم خالتى علشان تبقى موجودة
يوسف : هاتى العنوان وهروح انا ابلغها دلوقتى علشان تجيى بكرا من بدرى
سهوة : طيب انا جاية معاك
يوسف : طب اشطا يلا اركبى يلا العربية
فحت سهوة : ماشى
وركبت سهوة مع يوسف وراحو على بيت خالتها ووصلو
سماح : سهوة حبيتى فينك وحضنتها وسلمت عليها ، امال مين ده
يوسف : ممكن اخش ولا اية يا سوسو
سماح : سوسو !!!
سهوة : هفهمك كل حاجة يا خالتى
سماح : اتفضل يابنى
حكى يوسف وسهوة لسماح كل ماحدث
سماح : يلاهوى يابنى حصل كل ده
يوسف : ايوة وعلشان كدا هتجوز سهوة ، حبيبتى اللى قلبى حبها وانا جبتلك الشبكة تشوفيها يا سوسو ،ها اية رأيك
سماح : اية ده الله ، ربنا يباركلكم فى بعض يابنى
ابتسم يوسف : بكرا كتب الكتاب يا سوسو والعنوان اديكى عرفتيه
سماح : طبعا ده كتب كتاب بنت اختى
يوسف : طب هنمشى احنا بقا
سماح : خليكو قاعدين يابنى شوية
يوسف بإبتسامة : معلش علشان الوقت اتأخر وبكرا كتب الكتاب ولسة هنجيب الفستان وكدا
سماح : ماشى يابنى ربنا يسعدكو دايما
مشى محمد ومعاه سهوة ورجعو على الفيلا
اسماء : انتى هتنامى معايا فى اوضتى يا سهوة
سهوة : ماشى يا سوسو
ضحك يوسف وقال : اية يا سوسو وانا اوضتى راحت فين
ضحكت سهوة وضربت اسماء يوسف فى كتفه وقالت : اطلع نام
ضحك يوسف جامد : هههههه حاضر
دخلت سهوة مع اسماء وفضلو يتكلمو شوية عن يوسف واسماء تقولها اسرار عنه محدش يعرفها غيرها وقعدو يضحكو وبعد كدا نامو ويوسف فضل يفكر كتير فى سهوة وابتسم ونام
.........
تانى يوم صحى الكل وكلهم مبسوطين ورأفت بلغ الاهل وقرايبو عن كتب الكتاب
يوسف : اية يا بابا المأذون اتأخر كدا لية
رأفت : معرفش كلمته مردش
يوسف : يووه
سهوة : اية يا يوسف مالك
يوسف : المأذون اتأخر
عمر : غريبة مع ان فى كل الافلام المأذون بيبقى موجود والعريس هو اللى بيتأخر وغالبا بيقول يا جماعة خلصونى انا عندى فرح تانى
ضحك الكل على عمر
يوسف : اهو وصل ، اية يا معلم اية التأخير ده كلو
المأذون : معلش يابنى كان عندى فرح تانى
عمر : هههههههه شوفت
اجتمع الجميع وتم كتب الكتاب وسط فرح الجميع وبالاخص سهوة ويوسف اللى طول الوقت باصين لبعض بحب وفرح ومش مصدقين انهم فعلا كتبو الكتاب وكلو قعد يبارك ويهنى والفرحة كانت منتشرة فى المكان كله
سماح : مبروك يا سهوة
سهوة بفرحة : الله يبارك فيكى يا خالتو
ولاء : مبروووك يا سهوة يا عسل
سهوة بفرح : حبيبتى يا لولو الله يبارك فيكى يا قلبى
يوسف : بقولك اية يا بابا انا هروح انا وسهوة نجيب فستان الفرح
رأفت : ماشى يا يوسف خد مراتك واتفسحو وجيبو الفستان وتعالى
يوسف بفرحة : جود باااى
............
سما : بقا يوسف يعمل فيك كدا ويقتل الرجالة اللى كانو معاك كلهم
• خدنى على سهوة ابن ال*****
سما : ازاى على سهوة وانت بتقول انه كان رافع السلاح فى وشكو
• كان ماسك مسدس فجأة اداه للبت اللى معاه ورفع رشاش ونزل دب فينا كلنا
سما : عرفت ان يوسف مش سهل وان السجن غيره واننا مش هنعرف نقف قصاده
• ههههههه مين قالك كدا ، ده كدا انا فهمت هو بيفكر فى اية واية اللى بيدور فى دماغه وعرفت نيته .....كدا بقا اعرف اظبطه
سما : هتعمل اية معاه
• هخليه زى النحلة يبص حوالية ويخاف من خيالو ...هخليه يحارب وهم .... هوريه اللعب على اصولو ، الارض دى لازم اخدها لاااااازم
........
يوسف وهو بيسوق : سهوة كنت عايز اعترفلك بحاجة
سهوة : حاجة اية
يوسف : انى بحبك اوى
سهوة ابتسمت ونامت فى حضنه : وانا بموت فيك
يوسف : طب اية ...انتى لو فضلتى حضنانى كدا انا هسيح فى جمالك وحضنك ونعمل حادثة
سهوة : ماشى
يوسف : هو اية اللى ماشى بقولك هنعمل حادثة
سهوة بإبتسامة : كفاية يا حبيبى انى هموت فى حضنك
يوسف : طب حيث كدا بقا انا هخبط فى العربية النقل اللى جاية دى علشان تتحققلك امنيتك
وراح يوسف ناحيتها
سهوة صوتت : لا يا مجنوون ،هنموووت
يوسف بضحك : مش انتى اللى عايزة
سهوة بصويت : لاااا بهزر هنموت يا مجنوووووون
يوسف : ههههههههه خلاص
وصل ونزل يوسف ومعاه سهوة
كان يوسف بيلف بص لقى سهوة واقفة قدام فستان وسرحانة فيه جامد وكانت بتتخيل نفسها لبساه وجمبها يوسف فى الفرح
يوسف : سهوة ....سهوووة!!
سهوة فاقت : هاااا
يوسف : هاا اية انتى روحتى عالم تانى ....عجبك الفستان
سهوة : ايوة جدااا
يوسف : فعلا شكلو محصلش وحلو اوى خشى طيب بقا قسيه واطلعى ورينى
سهوة : حاضر
دخلت سهوة تقيسه وجيه على مقاسها فعلا ومخرجتش بيه وخرجت سهوة
يوسف : مخرجتيش بيه لية ؟؟
سهوة : فال وحش
يوسف : اممممم بقا كدا ، ماشى يا ستى
سهوة : بس فيه حاجة
يوسف : حاجة اية
سهوة : سعر الفستان مش هيبسطك خااالص
يوسف : لو بمليون هجيبه طالما عجب حبيبتى وقلبى
فرحت سهوة اوى وحضنت يوسف
يوسف : هيا بنا الى المنزل
ضحكت سهوة : هيا بنا
كان سايق يوسف وهى نايمة فى حضنة بصلها وهى نايمة فى حضنة كانت زى الملاك ، جميلة وهى نايمة جدا وشكلها هادى وكانت فى حضنه ومبتسمة وهى نايمة
قرب يوسف منها وباسها من دماغها ورجع يكمل سواقه لحد ما وصل وصحها بإبتسامة ودخلو الفيلا
رأفت : اية الاخبار يا عرسان
يوسف : جبنا الفستان وجميل جدا
رباب : بجد عايزة اشوفو
اسماء : وانا كمان
جودى ونيرة : واحنا كمان
يوسف : طيب اتفرجو على الفستان عقبال ما اخد بابا ونتفق على ميعاد الفرح
.........
صابر : ايما اية رأيك نرجع مصر اسبوع ونيجى على هنا تانى
ايما : مصل دى اللى ماما منها !!
صابر : ايوة اللى ماما منها وبابا منها وانتى كمان منها يا ايما
ايما بفرحة : ماثى يعنى هثوف ماما
صابر بحزن : اللى بيروح عند ربنا مينفعش نشوفو يا ايما
ايما : بس انا نفسى اوى اثوف ماما
صابر : هنشوفها يا ايما بس مش دلوقتى
ايما : طيب انت هتلجع مصل لية
صابر : عندى شوية شغل هخلصهم ونرجع تانى على هنا
ايما : ماثى
صابر : يعنى موافقة ؟
ايما : ايوة موافقة
..........
يوسف : ها يا بابا بعد 4 ايام كويس
رأفت : اربع ايام ، اممممم طيب خليها بعد اسبوع علشان الحق اعزم قرايبنا وكلو يعرف القاعة وكدا
يوسف : خلاص ماشى تمام
خرج يوسف ورأفت من المكتب
يوسف : خلاص حددنا ميعاد الفرح
رباب : امتى يا يوسف
يوسف : كمان اسبوع
رباب : كويس اوى
اسماء : فعلا ومناسب كمان علشان قرايبنا والقاعة
يوسف : اية رأيك يا سهوة
سهوة بإبتسامة : حلو اوى
يوسف : خلاص اتفقنا
فرح الكل وفضلو يتكلمو ويهزرو و يوسف قعد يتكلم مع سهوة وهو فرحان ومش مصدق انها خلاص بقت حلاله وكمان اسبوع هيبقى الفرح
سهوة : بس انا اعرف عنك كل حاجة
يوسف : هههههه زى اية
سهوة ضحكت : زى انك زمان كنت بتشوف عفريتة بترسملك قلب على ايدك وانت نايم
استغرب يوسف انها عرفت الكلام ده
يوسف : واية تانى
سهوة : والبت اللى كنت بتحبها فى ابتدائى ولما مرضتش تديها السندوتشات ضربتك على قفاك وطلعت تجرى
يوسف بصدمة : اييية ، سوسووووووووووو
ضحكت سهوة جامد اوى على منظر يوسف
يوسف : بقا كدا يا سوسو حكيتى لسهوة على كل مصايبى واللى حصلى وانا صغير
اسماء : ههههه ايوة
يوسف : حكيتى اية بالظبط
اسماء ضحكت : كلوووو
يوسف : يا فضيحتك يا يووووسف
بص لسهوة لقاها ميتة من الضحك علية
يوسف : بتضحكى على اية ، اهااا يانااااا
سهوة بضحك : كل ما اتخيل اضحك
يوسف : اضحكى اضحكى ، ليكى يوووم
سهوة : بقولك اية صحيح
يوسف : قولى
سهوة كانت لسة هتتكلم بس وقفت وبصت ورا يوسف وبرقت
يوسف بقلق : فيه اية يا سهوة !!!!!
******************************************************
بعد كدا هتنزل كل يوم
اتوقعو ورجاء اعملو تقيم ومتابعة

الحلقة الخامسة عشر

____________________

سهوة كانت لسة هتتكلم بس وقفت وبصت ورا يوسف وبرقت
يوسف بقلق : فيه اية يا سهوة !!!!!
سهوة : ------
سهوة كانت مبرقة جامد وده قلق يوسف وخاف يبص وراه يلاقى مصيبة
يوسف : قولى فيه اية منا مش هبص لو اتشقلبتى مش هبص
سهوة بصتله تانى وضحكت جااامد
يوسف بإستغراب : فيه اية
سهوة بضحك : سوسو قالتلى انك بتخاف تبص وراك لو حد برق وراك من وانت صغير وانا راهنتها انى اخليك تبص بس للأسف كسبت هيا الرهاان
يوسف قام وقال : يا ولاد ال..... وقام يجرى ورا سهوة وسهوة طلعت تجرى فأتكعبلت وقعت فى حمام السباحة
يوسف نط وراها وهى بتصوت وبتقولو : مبعرفش اعووووم ، هموووت يا يوسف
يوسف : بقا انا تعملى فى مقلب زى ده طيب اديكى بتغرقى قدامى اهو ومش هنقذك ، وهتغرقى فى حمام سباحة كمان ههههههه
سهوة بتقاوم وبتصوت راح يوسف عام ووصلها وشالها وطلعها وهو بيضحك عليها
سهوة بتعب : حرمت ...حرررمت
يوسف بضحك : ايوة كدا ....اما سوسو بقا حسابها معايا
سهوة بصت وراه واتضايقت جامد
يوسف : لا لا مش هتعمليها فيا تانى
سهوة بضيق : بص
بص يوسف بعد ما اتأكد ان سهوة مش بتهزر ولقى سما قدامه
يوسف : نعم
سما : اية يا سوفة بتعاملنى كدا لية
يوسف : ورقة الطلاق وصلتلك ، جاية لية بقا
سما : جاية اباركلك انت وسهوة
يوسف : طيب باركتى ؟؟ ، روحى مطرح ما جيتى اهااا صحيح قولى للى شغالة معاه انى المرة اللى فاتت قتلت رجالته ....المرة الجاية هقتلو وهقتلك ....ياويلك لو وقعتى تحت ايدى يا سما ..انسى يوسف بتاع زمان بقا
اتغاظت سما جدا ومشيت وفرحت سهوة ان يوسف مدلهاش وش خالص
سهوة : بس انت وقعتهم كلهم يا يوسف زى الفراخ مكنتش متوقعة انك هتقضى عليهم بسرعة كدا
يوسف بضحك : امال اية اسيبهم يعملونا فتة
ضحكت سهوة جامد ودخلت وغيرت هدومها وكذلك يوسف
رن تليفون يوسف برقم محمد (الظابط)
يوسف : ايوة يا سيادة المقدم
محمد : كويس انك لسة فاكرنى ، انا عايز اقابلك دلوقتى
يوسف : كنت عارف انك هتكلمنى ، هنتقابل ف(......)
محمد : تمام ربع ساعة وهكون هناك
قفل يوسف محمد ولبس ونزل
رأفت : رايح فين يا يوسف
يوسف : الظابط محمد كلمنى وعايز يقابلنى ...اكيد بخصوص اللى حصل
رأفت : طيب ابقى طمنى
يوسف : حاضر
خرج يوسف وركب عربيته وراح للمكان اللى اتفق مع محمد يتقابلو فيه ووصل وقعد وبص لقى محمد جاى فشاورله وقعد
يوسف : جايبنى علشان موضوع الرجالة اللى قتلتها صح ؟؟
محمد : ايوة
يوسف : كان دفاع على النفس وخاطفين خطيبتى وبقت مراتى عايزنى اعمل اية يعنى
محمد : انا مش كنت متفق معاك لو حصل حاجة تكلمنى !!! ، مكلمتنيش لية
يوسف : لو كلمتك كانو هيأذوها وهتتأخرو وكانت هتضيع وانا كنت عايز اخلص من الحوار ده
محمد : ماشى انا اعتبرتهم كانو بيسلمو مخدرات وغدرو ببعض وضربو نار على بعض والحوار خلص ، انا بقا جاى اسأل فى حاجة تانية
يوسف ابتسم : الارض صح ؟
محمد : بالظبط انت مركز معايا اهو ، الارض دى فيها اية ؟
يوسف : انا لحد اول امبارح مكنتش اعرف بس امبارح الصبح روحت للى جابلى الارض وخدنى لدجال وكدا وروحنا على الارض وهناك قالى ان الارض مدفون فيها اثار وكنز
محمد : اثار وكنز !!!
يوسف : ايوة ، انا كدا ضمنت ان اللى خططتله راح
محمد : خططت لأية
يوسف : انى مش هبلغ وهطلع الاثار والدهب ، الاثار هسلمها ليك وانت توديها متحف ونقولهم على اللى حصل بس مش هنجيب سيرة الدهب ، انت عارف لية !!
محمد : لية
يوسف : كنت هبيعو كلو والمبلغ الضخم اللى كان هيجى كنت هوزعو كلو على كل واحد محتاج وكل فقير ومظلوم فى البلد دى لانه لو اتسلم حضرتك طبعا سيد العارفين هيحصل فيه اية
محمد ابتسم : هيروح للى ماسكين البلد وهينهبوه ، انا ظابط ايوة بس عارف اية اللى بيدور فعلا ، وانا معاك فى اللى انت خططتله
يوسف بإستغراب : بجد !!
محمد : ايوة بدل ما اللى مسيطرين ياخدوه الفقراء اولى بيه علشان بعيشو ، انا معاك
ابتسم يوسف : من اول يوم قابلتك فيه حسيت انك طيب ومحترم مش زى الباقى
محمد : مش كل الظباط ولا اللى ماسكين البلد وحشين ، فى منهم حلو وفى منهم ميستحقش منصبه ده
يوسف : صح
محمد : بس اهم حاجة لو حصل اى حاجة تانى تبلغنى
يوسف : حاضر
محمد : وعد !!!
يوسف بإبتسامة : وعد
مشى يوسف ورجع على الفيلا تانى وبلغ ابوه باللى اتقال ما بينهم وطلع علشان يناااام

فلاش باك لكتب الكتاب بعد ما راح يوسف وسهوة يجيبو الفستان

عمر : يلا هوصلك
ولاء بضيق : لا هروح لوحدى
عمر : خلاص بقا متزعليش من اللى قولتو قبل كدا ...انا كنت بهزر
ولاء : لا والله ...طيب
عمر : ما خلاص بقا يا وحش قلبك ابيض ، قولتلك بهزر
ولاء : وتهزر لية
عمر بإبتسامة : علشان بحبك
اتصدمت ولاء من كلام عمر
ولاء بصدمة : اية
عمر : ايوة زى ما سمعتى يا ولاء ، من اول يوم شوفتك فيه فى الشركة وانتى مجننانى كنت عمال ارخم عليكى علشان تقربى منى ، من اول لحظة شوفتك فيها حبيتك
ولاء بتردد : بس .....بس
عمر : مبسش ، انا عايزك تبقى مراتى
ولاء : انت بتتكلم جد يا عمر ؟
عمر : والكلام ده فيه هزار !!
ولاء : حبيت فيا اية طيب !!!
عمر : كلك على بعضك ، جمالك... ابتسامتك.....ضحكتك....نظرة عنيكى.....روحك
حبيتك كلك على بعضك يا ولاء
ولاء : بس انا مش من مستواك انا بنت فقيرة وانت من عيلة كبيرة وغنى ، انا منفعكش
عمر : اخر حاجة افكر فيها هى اللى بتقوليه ده ويمكن مفكرش فيه كمان ، كل اللى فى دماغى البنت اللى هكمل حياتى وهبنى مستقبلى معاها
ولاء مكنتش عارفة ترد وبس عمر انقذ الموقف وخدها فى حضنه اللى اول مرة تحس بالامان كدا معاه وخدها العربية ووصلها وقالها مش عايزك تتكلمى .. عايزك تفكرى فى اللى قولتهولك يا ولاء وسابها ومشى وسابها محتارة او بمعنى اصح فرحانة ومش مصدقة نفسها لانه بردو اول يوم عجبها جدا ودخل قلبها بس دايما كانت بتقول انه فين وهى فين ومكنتش بتحط فى دماغها حاجة بس النهاردة بالذات هو صارحها وده اللى خلاها فرحانة بس مصدومة

باك
..........
عدى يوم ورا يوم لحد ما الاسبوع خلص وجيه اليوم الموعود ...فرح يوسف وسهوة وسط فرح كبير من الاهل
راح يوسف يستلم سهوة من الكوافير وكان عايز يدخلها يشوفها وهى بتتزوق بس خالتها منعته
يوسف : فيه اية يا سوسو سيبينى اتفرج عليها مش مراتى !!
سماح : يابنى فال وحش ومينفعش
يوسف : ده كله خرافات يا سوسو
اسماء : كلامها صح يا يوسف فال وحش
يوسف : حتى انتى يا سوسو ....حاااضر ، صبرنى يارب
فضل يوسف واقف قدام عربيته مع عمر بيهزرو لغاية اما خرجت سهوة وبصلها يوسف
كانت جميلة ....زى الملاك
كانت ساحرة بشكلها ومنظرها
يوسف صفر وبصلها بإبتسامة : اية الجمال والحلاوة دى ...معقولة الجمال ده كلو بتاعى انا وبس
ابتسمت سهوة وبصتله : ايوة وانت شكلك امور اوى وعسل معقولة انت بتاعى انا وبس
ضحك يوسف وحضنها وخدها وراحو على القاعة ودخلو وكانت سهوة عازمة كل صحباتها فى الكلية وكلهم انبهرو بيوسف اول مادخل هو وسهوة القاعة
مى : يابنت الاية ...العريس مز
شيماء : وقعت عليه فين بنت الاية دى
ياسمين : وكانت عاملة نفسها طيبة ومتعرفش شباب ....دى تعرف مز اهو ووقعته واتجوزته بنت المحظوظة
ولاء : ما تهمدو بقا يا بنات
مى : تلاقيكى موقعالك مز انتى كمان يا ولاء
ولاء : انا!!!! ... لا طبعا
جيه عمر وسلم على ولاء بإبتسامة واتكلم معاها دقيقة والبنات واقفين هيموتو
شيماء : يابنت الايه حتى انتى كمان
ولاء : اية في اية ده مهندس فى الشركة اللى شغالة فيها الله
ياسمين : ما هو واضح .... عقبالنا يارب
دخل يوسف وسهوة وقام يوسف
سهوة : رايح فين
يوسف : عاملك مفاجأة
سهوة بفرحة : هتغنى !!!!
يوسف : ايوة
يوسف جرى وكلم الدى جى ومسك المايك واشتغلت موسيقى الاغنية وبدأ يغنى
[لأ تبقى معدية ...لأ لأ سلمش عليا لأ لأ عينى فى عنيها لأ لأ وعنيها فى عنيا لأ ل...أ طب ينفع كدا
لأ تلبس ضيق لأ لأ ....]
وفضل يغنى وكلو ميت على نفسه من الضحك وبالذات سهوة وخلص ورجعلها
سهوة كانت ميتة من الضحك
يوسف : اية مالك عجبتك المفاجأة
سهوة بضحك : ايوة طبعا بس شكلك كان مسخره ههههههههه ....انا قولت هتغنى اغنية رومانسية بس الصراحة فاجئتنى
يوسف : رومانسية اية ...الشعبى هو الاصل ...تحبى اقوم اغنى العب يلا
سهوة بضحك : هههههه لا كفاية
قام يوسف وكلم الدي جى وسحب سهوة وفضلو يرقصو سلوو وهي فى حضنه ودماغها على صدره ومغمضة عنيها وحاسة بالامان
يوسف : سهوة
سهوة : امممم
يوسف : انتى عارفة انى النهاردة اكتشفت انى بحبك اوى
سهوة : وقبل كدا
يوسف : كنت بموت فيكى
سهوة : وانا كمان اكتشفت انى بحبك كدا
يوسف : وقبل كدا
ضحكت سهوة : كنت بعشقك
ضحكو الاتنين
...
كانو صحابها ميتين على يوسف وبيبصولو ويوسف لاحظ
يوسف بإبتاسمة : سهوة !!
سهوة : ايوة يا حبيبى
يوسف : هم مين اللى قاعدين هناك وباصين عليا طول الوقت دول
سهوة : اية ده دول صحباتى ...تعالى هعرفك عليهم وراحو واتمشو ووصلولهم
وصحابها قامو وقفو اول ما لقوهم جايين
سهوة وصلت وسلمت على صحابها كلهم وقدمتلهم يوسف ويوسف سلم عليهم كلهم
ياسمين بهمس فى ودن سهوة : يابنت الاية ده مز
سهوة ضحكت
يوسف : طب يلا نرجع بقا يا سهوة الكوشة
مى : اية يا بشمهندس انت زهقت مننا
يوسف بإبتسامة : لا ابدا بس ده فرحى يعنى ومينفعش نقف انا وسهوة كدا
يوسف خد سهوة ورجعو تانى
يوسف بهزار : بس صحباتك دول مزز
سهوة بضيق : بجد !!!
يوسف ضحك : بهزر يا قلبى ، انتى اجمل واحدة فى المكان كلو
سهوة : منا عارفة
يوسف : لا وكمان واثقة من نفسك ، بحبك
سهوة اتكسفت وبصت للأرض : وانا بموت فيك
يوسف : طب اية
سهوة : اية
يوسف : طب ايييية
سهوة : اية يابنى
يوسف : ما كفاية كدا بقا ونروح على البيت
سهوة ضحكت : طب قول لبابا
يوسف : بابا
رأفت : ايوة يا يوسف
يوسف : كفاية كدا احنا بقالنا ساعتين نروح بقا
رأفت : ماشى يا يوسف يبقى احسن بردو
قام يوسف وخد سهوة وخرجو من القاعة وسط نظرات الكل وركبو العربية ووصلو للفيلا ونزل يوسف
يوسف : استنى
سهوة : اية
لف يوسف وفتح الباب وشالها وهى مبسوطة اوى وحوطت اديها على رقبته
وفتح الباب ودخل وطلع على الاوضة بتاعته اللى وضبها وظبطها لغاية اما يجيب فيلا ويوضبها ليه هو وسهوة
حط سهوة على السرير
يوسف : الله ريحة محشى ورق عنب بموووت فيه ولقى الاكل محطوط على التسريحة راح جرى علية وفضل ياكل
سهوة : كدا يا يوسف بتاكل من غيرى !!!
قام يوسف وشالها وقعدها على حجره وفضل يأكل فيها وياكل وهم مبسوطين وفرحانين
يوسف : بقولك اية هخش اخد شاور عقبال ما تغيرى هدومك اشطا
سهوة بضحك : اشطا
قام يوسف ودخل ياخد شاور وغيرت سهوة هدومها وكانت فرحانة اوى
خرج يوسف وبص لسهوة
سهوة : بتبصلى كدا ليه
يوسف : الله ببص لمراتى فيها حاجة
ضحكت سهوة : طيب
يوسف : طب اية
سهوة : اية
يوسف : هتعرفى اية دلوقتى
ضحكت سهوة جامد
.......
"فى الطريق "
عمر بإبتسامة : ياااه امتى فرحنا يبقى كدا
ابتسمت ولاء ومردتش
عمر : اية مسمعتش كلمة منك من ساعة المرة اللى فاتت
ولاء : ايوة بحبك يا عمر ، استريحت
عمر فرح اوى
عمر بفرحة : طيب بالمناسبة دى بقا اية رأيك اخدك ونقعد فى حتة ونتكلم
ولاء : فين
عمر : ملكيش دعوة بقا دى مفاجأة
.......
وصل رأفت وكل العيلة للبيت
رباب : انا فرحانة اوى ان يوسف ربنا هداه وكرمو واتجوز
اسماء : واتجوز واحدة هتخافظ عليه كويس اوى
رأفت : الحمد لله، عقبالك يا نيرة
نيرة : الله يخليك يا عمو
جودى : وانا يا بابا مش عقبالى
رأفت : ههههه عقبالك يا قمر
.........
كانت سما قاعدة متغاظة جامد وبتشرب سجاير كتير اوى لان يوسف كان فرحه النهاردة وهتتجنن
بس قررت تعمل حاجة غبية ومجنونة
سما لنفسها : اية الهبل اللى هتعمليه ده ، هتودى نفسك فى داهية !!
لا لا انا لازم اروح اقتله واشرب من دمه وطلعت مسدس وحطته فى شنطتها وخرجت رايحة ليوسف !!!!!!
*****************************************************
رأيكوا !!!
تتوقعو هيحصل اية ؟

الحلقة السادسة عشر

________________________

كانت سما قاعدة متغاظة جامد وبتشرب سجاير كتير اوى لان يوسف كان فرحه النهاردة وهتتجنن
بس قررت تعمل حاجة غبية ومجنونة
سما لنفسها : اية الهبل اللى هتعمليه ده ، هتودى نفسك فى داهية !!
لا لا انا لازم اروح اقتله واشرب من دمه وطلعت مسدس وحطته فى شنطتها وخرجت رايحة ليوسف !!!!!!
وخلاص كانت خارجة فوقفها
• رايحة فين ومالك خارجة متعفرتة كدا !!!
سما : هقتله واقتلها واشرب من دمهم ..مش هسيبهم يتهنو ببعض ويتجوزو ، مش هسيبهم ابدا
• انتى غبية !!!!!! ...انتى هتبوظى كدا كل اللى خطتله الوقت اللى فات وهتودى نفسك فى ستين داهية على الفاضى
سما : امال عايزنى اعمل اية !! هااه!!
• اقعدى وهفهمك كل حاجة
سما : ادينى قعدت قول بقا انت بتخطط لأية !!
• حكاية القتل دى جربناها وفشلت وانا عرفت مليون فى المية ان الارض خلاص ضاعت من ايدى علشان كدا معنديش حاجة اخسرها تانى
سما : بردو مش فاهمة
• انا هلاعبو هخليه يندم على كل فرصة ادناهالو وهو مستغلهاش ، هخليه يقول حقى برقبتى ، هلعب على اعصابه ...يا يدينى الارض ويبيعها بما يرضى الله يا اما ميلومش غير نفسه لما حياته تدمر
سما فهمت هو قصده اية وردت : طيب وساكت لية لحد دلوقتى
• انتى متسرعة لية ، لازم الصبر شوية علشان كل حاجة تمشى مظبوط وزى ما احنا عايزين علشان منندمش فى الاخر وانتى تقولى ساكت لية وبعدين اية غباءك ده !!! ، عايزة تروحى تقتليه فى بيته على اساس انه مش هيعرف يدافع عن نفسه وساعتها مش هيبقى ليكى دية ولو قتلتية هتروحى فى داهية ، عقلك ده فين !!!
سما : محاولتش افكر..كل اللى جيه فى بالى انتقم وبس
• زى ما قوتلك الصبر وكل حاجة هتيجى بالتدريج...
.......
كان عمر قاعد مع ولاء فى كافيه وهى قدامو وسرحان فيها ومسك اديها وحطها على وشه وابتسمت ولاء
عمر بإبتسامة : تشربى اية
ولاء وهى بصاله : انت هتشرب اية
عمر : انا هشرب برتقال
ولاء بإبتسامة : خلاص انا هشرب معاك
عمر ابتسملها وفرح وطلب البرتقال
عمر : مقولتليش بقا
ولاء : عن اية !!
عمر : انك بتحبينى وبتعشقينى وبتموتى فيا
ولاء اتكسفت : على فكرة انا قولت بحبك بس ...مقولتش الباقى ده كله
عمر : بس عنيكى بتقول
ولاء : اية الثقة دى ...عنيا بتقول اية بس !!
عمر : انك اول ما شوفتينى حبتينى زى منا حبيتك بالظبط بس كابرتى تنكرى !!
ولاء : ايوة بس انت كنت رخم اوى
عمر : هههههه كنت برخم عليكى علشان اقرب منك بس مكنتش اعرف انك بتحبينى بس دلوقتى بس عرفت
ولاء : اممممم
عمر : على فكرة شكلك النهاردة فى الفرح كأنك ملكة جمال ...مكنتش شايف غيرك فى القاعة واتخيلتك انتى مكان سهوة وانا مكان يوسف ....سرحت فيكى
ولاء : بجد يا عمر بتحبنى كدا !!
عمر : واكتر من كدا ، انتى عارفة انى كنت بتاع نسوان
ولاء استغربت
عمر : متستغربيش ، انا كنت بسهر كل يوم فى النايت كلب واعرف بنات بالهبل وكنت مقضيها زى ما بيقولو بس من يوم ما حصل ليوسف اللى حصله وانا اتغيرت تماما وسيبت كل ده ولما حبيتك قفلت كل باب للماضى علشان تبقى ليا وبس ومش عايز من الدنيا غيرك وبس
ولاء : انا اول يوم شوفتك فيه فى الشركة حسيت بأحساس غريب حتى لما كنت بترخم عليا وانا اتضايق واتخانق معاك بجرد ما انت تمشى كنت ببتسم تلقائى وجوايا فرحة مش قادرة اعرف مصدرها
عمر : امممممم بقا كدا وانا اللى كنت بزعل علشان زعلتك اتاريكى قاعدة وفرحانة
ضحكت ولاء جامد وقضو وقت يتكلمو وفى الاخر وصلها عمر لبيتها وروح هو
.......
طلع النهار وفاقت سهوة وحست بسعادة متتوصفش لما بصت على يوسف اللى نايم جمبها وسرحت فى شكله وهو نايم وفضلت تحسس على شعره وتلعب فيه وهى فرحانة اوى
صحى يوسف وهى بتحسس على شعره وابتسم
يوسف : صباح الخير
سهوة : صباح النور
يوسف بحب : انتى لسة صاحية !!
سهوة : ايوة
يوسف : اممممم كنتى سرحانة فيا لية بقا
سهوة : سرحانة فى جوزى حبيبى عندك مناع
يوسف قام وباسها من خدها وقرب منها ومن شفايفها وباسها وهى سرحت فيه تانى بس المرة دى فى عنيه وتاهت فيها
بعد عندها يوسف وقال : لا معنديش مانع يا روحى
سهوة : خش خد شاور عقبال ما احضر الفطار
يوسف : لا مش عايزك تتعبى نفسك وبعدين فيه اكل كتير اهو باقى من امبارح
سهوة ضحكت : هتفطر محشى وبط !!
يوسف ضحك : اها صحيح بس بردو هفطر منه
سهوة بصتله وابتسمت ورجع قالها : اعملى حسابك علشان النهاردة هنسافر علشان شهر العسل ...اللى عليكى بقا انك تختارى اى مكان على الارض تقضى فيه شهر العسل
سهوة فرحت وردت : شرم الشيخ ....نفسى اروحها اوى
يوسف : انا بتكلم على حتة برا مصر بس ما دام انتى نفسك تروحى شرم الشيخ يبقى نروح
خبط الباب فى اللحظة دى ويوسف فتح ولقى اخته جودى
يوسف : عايزة اية يا زملكاوية !!
جودى : هكون عايزة اية ، بطمن عليك يا عريس انت والعروسة
ضحكت سهوة
يوسف : اديكى اطمنتى انكشحى بقا
جودى : هما قالولى مصحكمش بس مسمعتش كلامهم وجيت اصحيكم بس للأسف لقيتكم صاحيين
يوسف : غورى يا بت
جريت جودى وكانت سهوة واقفة تضحك ودخل يوسف ياخد شاور وخرج لقى الباب بيخبط ففتحت سهوة الباب لقت رباب شايلة صنية فيها فطار
سهوة : حضرتك تاعبة نفسك لية ، انا كنت هنزل احضرو بس يوسف قال هناكل من اكل امبارح
رباب بإبتسامة : مش تاعبة نفسى ولا حاجة وبعدين انتم عرسان بعد كدا هتاخدى على دماغك وضحكت
ضحكت سهوة وضحك يوسف
يوسف : متشكرين يا ست الكل
رباب : بالهنا يا حبيبى ، يلا اسيبكم بقا
ونزلت وقفلت سهوة الباب وحطت الصنية اللى عليها الاكل
يوسف : سهوة
سهوة : عيون سهوة
يوسف : مش انا اكلتك امبارح
سهوة : اممم
يوسف : عايزك تأكلينى بقا دلوقتى
ابتسمت سهوة : من عنيا
وفعلا بدأت تأكله بأديها وهو فرحان ومبتسم اوى
سهوة : سوفة ممكن اسألك سؤال
يوسف : اسألى
سهوة : هو انت ممكن ترجع للى كنت بتعمله قبل الجواز ، يعنى تعرف بنات وتسهر وكدا يعنى
بصلها يوسف : بصى يا ستى ...انا من يوم ما دخلت السجن ظلم ومن ساعتها وانا عرفت ان ربنا بيعاقبنى وصليت وتوبت وحلفت انى مش هرجع للكلام ده ابدا حتى ولو هموت ما بالك بقا وانتى معايا !!
سهوة : طيب انا اكلتك كتير اكلنى بقا شوية
يوسف : ههههههه طيب
وفضل يوسف يأكلها ويهزرو ويتكلمو وخلصو وقررو ينزلو ونزلو والكل رحب بيهم جدا وفرحان بيهم
اسما بفرحة : صباحية مباركة لأحلى عروسين
سهوة : الله يخليكى يا احلى سوسو
يوسف : حبيبتى يا سوسو اقسم بالله
رأفت : اية ناوين تقضو شهر العسل فين !!
يوسف : سهوة نفسها تروح شرم فعلشان كدا هنقضى شهر العسا فى شرم
رأفت : طب كويس وهتسافرو امتى !!
يوسف : امممم كمان ساعتين بالظبط ...هنطلع انا وسهوة نحضر الشنط
رباب : ربنا يسعدكو يارب
رأفت : يااارب
طلع يوسف ومعاه سهوة يحضرو شنطهم ومستعدين للسفر
يوسف : حبيبتى نسيتى حاجة ولا كلو كدا تمام
سهوة : لا يا حبيبى كل تمام
يوسف : طب يلا بينا
نزل يوسف ومعاه سهوة وشايلين شنطهم وسلمو على الكل وودعوهم وداع حار وسافرو على شرم
سهوة طول الطريق نايمة على كتف يوسف وحضناه وهو حاضنها وبيمسح على شعرها ومش بس حاسسها مراته ...كان حاسسها حبيبتى ومراتو وعشيقته وبنته
وصلو شرم واول ما وصلو فضلت تتنطط زى الاطفال واتعلقت فى يوسف
يوسف ضحك جامد : انزلى يا مجنونة الناس بتتفرج
سهوة : يتفرجو ، انا مع جوزى
يوسف : يا مجنونة احنا فى الشااارع
سهوة نزلت وفضلت تتنطط وتجرى حواليه وتشده وتجرى زى الاطفال الصغيرين
يوسف فضل يضحك عليها جامد
يوسف : انتى عارفة بتفكرينى بمين !!
سهوة : مين يا قلبى
يوسف : روبينزل ام شعر طويل دى عرفاها !!
سهوة ضحكت : ايوة ، يعنى انا الاميرة المفقودة !!
يوسف بحب : انتى اميرتى انا ...اميرة قلبى وبس
حضنته سهوة بفرح
سهوة : انت كمان بتفكرنى ب لوچين
يوسف : اية عالم الكرتون اللى اتقمصناه ده
سهوة : هههههه انت اللى اتقمصته الاول
يوسف : هههههه ماشى يا ستى ، يلا بينا بقا علشان تعبان موت من السفر هنروح ننام شوية ونصحى نروح فى اى حتة انتى عيزاها ، اشطا !!!
سهوة بفرح : اشطا
راحو على بيتهم اللى هو عبارة عن فيلا صغيرة وجنينة وبسين
يوسف : اية رأيك بقا يا حبيبتى
سهوة بفرح : واو الفيلا والمكان يجننو
يوسف : ده انتى اللى تجننى
سهوة بصت لحمام السباحة : بتعرف تعوم ؟؟
يوسف : طبعا ... بتعرفى تعومى !! اه صح افتكرت لما كنتى هتغرقى فى الفيلا هناك وانقذتك
سهوة : اه لما قعدت تضحك عليا وانا بفطس
يوسف : هههههههه ولا يهزك ...هعلمك السباحة يا ستى اشطا
سهوة بإبتسامة : اشطا
يوسف : يلا بقا نطلع ننام علشان السفر مخلينى زى الارنب اللى عملوه ملوخية بالارانب
سهوة بضحك : ومين سمعك انا تعبانة جدا انا كمان
يوسف : حيث كدا بقا
سهوة : ايه
يوسف قام وشال سهوة وطلع بيها وهى بتضحك وبتقوله : يا مجنون
يوسف : ششششش احنا فى شهر العسل يعنى لازم تاخدى على الدلع ده
سهوة بدلع : خلاص يبقى تاخد انت كمان على دلعى
يوسف : اموت انا واتدلع
ضحكت سهوة ودخل بيها يوسف الاوضة وقفل الباب
............
الدجال : هنسيب الكنز ده كده يا غبى انت
خليل : هنعمل اية !!!
الدجال : نهدده ان ينولنا من الحظ جانب
خليل : مظنش
الدجال : لية !!!! ، هو اية اللى متظنش
خليل : زى ما بقولك لان البوليس عرف
الدجال بصدمة : اية !!!.... عرف !!
خليل : ايوة واللى عرفنى انهم معينين حراسة على الارض
الدجال : هو اللى اسمه يوسف ده هيروح يبلغ عن الاثار بسهولة كدا !!
خليل : معرفش بس مادام الشرطة حرساها كدا يبقى قالهم فعلا
الدجال : غبببى
خليل : متقلقش ليها صرفة ، سيبها بس عليا
........
سما : زمانه دلوقتى غرقان فى العسل معاها واحنا قاعدين كدا
• قولتلك متستعجليش
سما : ما الوقت بيعدى اهو واتجوزو واديهم سافرو لشهر عسل واحنا زى ما احنا
• خليهم يتمتعو بشهر العسل علشان اللى بعد كدا ده بتاعنا احنا
سما : ازاى
• مش مهم ازاى بس خليكى على استعداد علشان انتى السلاح
سما بإستغراب : انا !!
• ايوة انتى ، هفهمك كل حاجة بس الخطة فعلا بدأت تتنفذ وكل حاجة ماشية زى ما خططت تمام
........
صابر : يلا يا ايما
كان جاى على اوضتها بس لقاها قاعدة على السرير بتعيط
صابر بحزن : بتعيطى لية يا ايما
ايما : كان نفسى اثوف ماما بس انت قولت مث ينفع
صابر : يا ايما ماما دلوقتى فى مكان احسن من هنا وفرحانة دلوقتى انك معايا وشيفانا طول الوقت وفرحانة بيكى
ايما بدموع : بجد !!
صابر : ايوة بس انتى عارفة اية اللى هيزعلها منك ؟
ايما : اية !!
صابر : لو عيطتى هتزعل منك جامد
ايما : خلاص مث هعيط تانى
صابر بإبتسامة : شاطرة ، يلا اجهزى بقا علشان ميعاد الطيارة
ايما : حاضل يا بابا
.........
قامت من نومها تبص حوليها بس ملقتش يوسف فضلت تدور بعنيها فى الاوضة بس ملقتهوش
قامت قعدت لحظة على السرير ولقته خارج من الحمام كان بياخد شاور
يوسف بإبتسامة : انتى صحيتى يا روحى
سهوة بإبتسامة : ايوة
يوسف : طب فوقى كدا وخشى خدى شاور عقبال ما البس واجهزى يلا علشان ننزل
سهوة فرحت : حاضر مش هتأخر
خلصت سهوة وخرجت وكان يوسف واقف ومتشيك على الاخر
راحت فى حضنه وهمست فى ودنه : انت مز
يوسف : عارف كتير قالولى
سهوة : اممممم وانا زى اللى قالوهالك
يوسف قرب منها وحضنها تانى : لا طبعا انتى حاجة تانية خالص .....انتى مراتى وحبيبتى واميرتى وملكى انا وبس ، انتى غير اى حد
سهوة : بحبك
يوسف : وانا بعشقك ، يلا البسى علشان نتعشى برا وافرجك على شرم كلها
سهوة بفرحة : ماشى
.........
كانت النار بتولع فى كل ركن فى الشركة والعمال والمهندسين بيجرو ويحاولو يطفوها بس النار بتزيد اكتر واكتر ومش مسيطرين عليها خالص

كان رأفت فى البيت بيتكلم مع العيلة
رباب : وحشنى يوسف اوى
اسماء : انتى لحقتى ده لسة اول يوم
رأفت : انتى حاسة كدا بس يا حبيبتى علشان هو لسة متجوز وده حاجة جديدة بالنسبالك
رباب : مش عارفة لية قلقانة اوى
رأفت : ياستى متقلقيش هم بخير وعلشان اطمن انا هتصل بيهم دلوقتى
طلع رأفت الموبايل علشان يتصل بيوسف ولسة هيتصل بيه لقى الموبايل بيرن برقم اشرف (بواب الشركة او زى حرس )
رأفت بإستغراب : ايوة يا اشرف !!
اشرف بإستنجاد : الحقنا يا بشمهندس
رأفت اتخض وقام وقف : فيه اية يا اشرف !!!
اشرف بينهج : شركة يوسف بيه بتتحرق
رأفت بصدمة : اية !!!!!!!
******************************************************

الحلقة السابعة عشر

____________________

رأفت بإستغراب : ايوة يا اشرف !!
اشرف بإستنجاد : الحقنا يا بشمهندس
رأفت اتخض وقام وقف : فيه اية يا اشرف !!!
اشرف بينهج : شركة يوسف بيه بتتحرق
رأفت بصدمة : اية !!!!!!!
اشرف : شركة يوسف بية بتتحرق وبلغنا الاسعاف يا بشمهندس
رأفت : طيب اقفل اقفل انا جاى....
انتبهت رباب واسماء وقامو مخضوضين يسألو فيه اية !!
رأفت : شركة يوسف بتتحرق
رباب واسماء : ايية
رأفت : انا رايح..ربنا يستر !!
قام رأفت وخرج وراح على الشركة بس عقبال ما وصل كان عربيات المطافى طفو الحريقة كلها والمهندسين والعمال واقفين قدام الشركة
رأفت : جمال ....جمال
جمال : ايوة يا بشمهندس ....شوفت اللى حصل
رأفت : الحريقة قامت ازاى اصلا ومفيش اصلا حاجة تساعد ان تقوم حريقة !!
جمال : مش عارف يا بشمهندس فجأة الشركة قامت نار وكلو بقا يجرى ويتصرف
رأفت : الحرايق نظامها اية !!
جمال : لحقناها يا بشمهندس بس برضو جزء كبير اوى اتحرق ده زائد الاجهزة بتاعة الكمبيوتر اللى اتحرقت
رأفت : طيب عايزك تجيب عمال كتير ويبدأو يشتغلو ويرممو الشركة وترجع زى ما كانت واحسن واجهزة الكمبيوتر انا هتفق مع مول بكرا وهجيب اجهزة كمبيوتر جديدة ....اهم حاجة كل حاجة تخلص فى اسرع وقت علشان ولما يوسف يجى محدش يجيب سيرة ليه خالص او يتصل بيه مفهووم !!!
جمال : مفهوم يا بشمهندس
دخل رأفت الشركة وشاف الخساير واتكلم مع شوية مهندسين وقالهم يكملو الشغل فى البيت عادى زى ما هو ومفيش حاجة تقف وانهم ميبلغوش يوسف بالتليفون خالص
بعد ما خلص روح البيت تانى واتلم عليه رباب واسماء
رباب بخضة : عملت اية يا رأفت !!
حكى رأفت اللى حصل واللى قالو
اسماء : امال مين اللى عمل كدا !!
رأفت بتفكير : معرفش ... ممكن يكون الناس اللى عايزين يشترو الارض ...مش عاارف ، انا هكلم المقدم محمد اقولو على اللى حصل واشوف هيقولى اية
رباب : طيب كلمو دلوقتى
رأفت : حاضر
........
يوسف كان قاعد مع سهوة فى مطعم وكانو بيتغدو
سهوة : بقولك بقا يا قلبى احنا هناكل وبعدين بقا تورينى شرم كلها
يوسف : من عنيا انا عايزك تسيبيلى نفسك خالص وانا هخليكى تزهقى من شرم كلها
سهوة : تمام
فضل يوسف يتكلم مع سهوة ويهزرو لغاية اما خلصو وقامو
يوسف : بما ان الدنيا ليل تعالى بقا نتمشى ونشوف كل حتة
........
عمر بصدمة : ازاى حصل ده كله يا عمى !!
رأفت : معرفش يا عمر ...اكيد نفس الناس اللى عايزين الارض
عمر : ويوسف معرفش !!
رأفت : لا لا معرفش ومتقولوش خالص علشان مسيبش شهر العسل ويتنكد عليهم
عمر : طب وحضرتك هتعمل اية ؟
رأفت : هرمم اللى اتحرق وباظ وكلمت المقدم محمد وجاى دلوقتى ....اهو جيه
محمد بإستغراب : هو كان النهاردة الكلام ده يا بشمهندس ؟
رأفت : ايوة يابنى بس معرفناش مين ...النار ولعت كدا لوحدها
محمد : لا لا مش لوحدها ، انت عارف كويس مين
رأفت : المصيبة انى عارف
محمد : طيب مش عايزك تقلق خالص انا هعينلك حراسة على الشركة لغاية اما الحوار ده كله يخلص
رأفت : هم الناس دى مش هتعرفو تمسكوهم
محمد بص للأرض ورجع بص لرأفت : المصيبة حتى لو اننا عارفين هم مين وعارفين مكانهم ممعاناش اى دليل ضدهم او سبب نحبسهم بيه
عمر : والحل !!!
محمد : ربنا يقدم ما فيه الخير
.........
سهوة فضلت تهزر معاه وهو يهزر
سهوة : سوفة هو انت صحيح بتخاف جامد من الكلاب !!
يوسف بصلها وضحك : هى سوسو مسابتش ام سر عنى الا لما قالتلهولك
سهوة ضحكت : ايوة ...بتخاف منهم ليه بقا
يوسف : مش بخاف من واحد او اتنين ...يعنى لو ماشى وفيه كلب فى الشارع ممكن اخاف بس اعدى اما بقا لو مجموعة كلاب بلف من شارع تانى
سهوة : ههههههههه يا خواف
يوسف : امممم بقا انا خواف طيب...
ومسكها وشالها
سهوة بضحك : نزلنى يا يوسف احنا فى الشارع
يوسف : عايزانى انزلك !!
سهوة : ايوة يا يوسف الناس بيبصو
يوسف بضحك : طب اعتذرى الاول
سهوة : ههههه خلاص سورى
يوسف : لا لا مش من قلبك على فكرة ....مش عايزك تعتزرى كدا
سهوة : امال ازاى يا يوسف
شاورلها يوسف على خده
سهوة : لا لا يا يوسف احنا فى الشارع علشان خاطرى الناس بيبصو يا مجنون
يوسف : لا لا ما يبصو محدش ليه حاجة عندى البوسة الاول وهسيبك
سهوة : طيب
وباسته راح منزلها
سهوة بضحك : يا خواف وطلعت تجرى وهو يجرى وراها لغاية اما مسكها وفضلو الاتنين يضحكو جامد
يوسف : طيب اديكى عرفتى انى بخاف من الكلاب ، معرفناش بقا حضرتك بتخافى من اية !!
سهوة : مفيش
يوسف : لا لا مش عارفة تكدبى .... هتقولى ولا اشيلك تانى والمرة دى هيبقى بوستين مش بوسة واحدة
سهوة ضحكت : خلاص خلاص الطيب احسن ، بخاف يا سيدى من القطط
ضحك يوسف جامد على سهوة وهى ضربته فى كتفه
سهوة : بطل ضحك
يوسف بضحك : اصلها حاجة غريبة اوى طب معروفة الكلاب بيتخاف منها لية طب القطط بقا.....اية المبرر هههههههههه
سهوة : كدا بخاف منهم الله
يوسف : طب سوسو قالتلك عنى اية تانى
سهوة : اممممم انك بتعرف كونغ فو وفنون قتال من وانت صغير ...صح الكلام ده !!!
يوسف : ايوة ياستى وبشيل حديد وبروح الچيم بأنتظام ولا مش باين على عضلاتى
سهوة : هههههه لا باين ده انا ساعات بخاف منك ....طيب اذا كان كدا بقا يبقى تعلمنى علشان ابقى اعرف اللى انت تعرفه ده كلو
يوسف : اممممم لاحظى انى طلباتك كترت
سهوة : كدا يا سوفة
يوسف : خلاص يا قلبى هعلمك سباحة وفنون قتال
سهوة : وركوب خيل
يوسف : هى سوسو مسابتش حاجة الا لما قالتهالك كدا ...طب نسيت اية
سهوة : هههههههه هااا
يوسف : خلاص يا ستى .... كفاية كدا يلا نروح بقا وننزل بكرا الصبح
سهوة : ماشى علشان تعلمنى بردو اول ما نروح السباحة
يوسف : النهاردة !!!
سهوة : امممم طبعا
يوسف : يابنتى خليها بكرا طيب انا مش قادر
سهوة : لا لا النهاردة
يوسف : حااضر يا ستى يلا بينا
روح يوسف هو وسهوة الفيلا وغيرو هدومهم ونزلو قدام حمام السباحة ونط يوسف فيه
يوسف : يلا انزلى
سهوة : لا لا خايفة
يوسف : متخافيش انزلى وسيبى نفسك خالص
سهوة : مش حكاية كدا بس الجو برد والماية تلاقيها تلج
يوسف : يارب ....مش انتى يابنتى اللى عايزة تتعلمى
سهوة : مش عارفة
يوسف طلع وهى رجعت لورا وخافت يزقها فى الماية
يوسف ضحك من شكلها وقالها : متخافيش تعالى هنزلك واحدة واحدة
وفعلا صدقته ومسكها واول ما قربو منه رح زاققها فى الماية ونط وراها الماية وهى عمالة تصرخ جامد
يوسف وهو بيضحك : متخاافيش ...سيبى نفسك خالص ومتخافيش هتلاقى نفسك ثبتى
فى الاول كانت خايفة بس نفذت كلامه وفعلا ثبتت
يوسف : دى اول حاجة يا ستى
سهوة بفرحة : حلوة اوى الماية
يوسف : مش من شوية كنتى هتموتى منها ...ما علينا بصى عايزة تعومى قدامك طريقتين يا اما بأيدك وده اسهل ويا اما برجلك وده سيبك منه دلوقتى اما تتعلمى ايدك
دلوقتى بقا نامى على بطنك فى الماية
سهوة : لا لا هغرق
يوسف : متخافيش ...خليكى واثقة فى الماية ونظمى نفسك ومتقلقيش
نفذت سهوة كلامه ومحصلهاش حاجة
يوسف : شاطرة ودلوقتى بقا عومى بأيدك زى ما انا هعمل دلوقتى
وعام قدامها وهى جت تجربو فضلت تضرب بأديها فى الماية جامد و يوسف عمال يضحك عليها
يوسف بضحك : اييية ده منظر عوم
سهوة : منا مش عارفة
يوسف : اهدى اهدى ...براحة ، يلا تانى
وفعلا عملت زى ما قالها وبدأت تعوم وسابها تعوم وبقت تعوم بسهولة وهى فرحانة اوى ...مرة تخاف وبعد كدا تفتكر كلامه وتثبت
يوسف : ايوة كدا ...مانتى شاطرة اهو وبتتعلمى بسرعة
سهوة كانت بتصرخ وبتخبط فى الماية من الفرحة
يوسف : مجنووونة...بس خلى فى علمك ، اللى اتعلمتيه ده يدوب تعومى بيه فى حمام سباحة لكن السباحة اللى بجد هعلمهالك كل يوم حاجة ، اشطا !!
سهوة بفرحة وهى بترش عليه ماية : اشطاااااااا
يوسف : طب يلا بقا نطلع علشان الجو برد وكدا هنموت
سهوة بضحك : حاضر ، طب شيلنى
يوسف : ماشى يا ستى هشيلك علشان بس لسة عروسة
سهوة : امممم وبعد كدا !!
يوسف : هشيلك بردو يا روحى
ضحكو الاتنين جامد وشالها وقضو اسبوعين من احسن الاسابيع وخروجات وفسح وعملو كل حاجة نفسهم فيها وكانو فى غاية السعادة وكان رأفت والعيلة بيتصلو بيهم علشان يتطمنو عليهم
سهوة : بقولك اية يا يوسف
يوسف : اية يا سهوتى
سهوة : بعد ما علمتنى خيل وسباحة .... نسيت تعلمنى جونغ فو وفنون قتال
يوسف : دى هتبقى صعبة شوية وخصوصا علشان انتى بنت بس لما نرجع هعلمك ، اتفقنا !!
سهوة وهى بتحضنه : اتفقنا
فى اللحظة دى رن موبايل يوسف ورد بس اتغيرت ملامحه اتغيرت وسهوة لاحظت كدا
وقفل يوسف وهو سرحان
ازاااى!!! ومحدش جاب سيرة لية طيب ؟
سهوة : يوسف ...يووووسف
يوسف بأنتباه : هاااه
سهوة : فيه اية !! من ساعة ما جاتلك المكالمة دى وانت سرحان ووشك اتغير
يوسف : الشركة اتحرقت..
شهقت سهوة وردت : ازاى
يوسف : مش عارف ده من اسبوعين كمان من بعد ما سافرنا علطول
سهوة : طيب وهتعمل اية دلوقتى
يوسف بصلها وافتكر واتصل بأبوه
رد رأفت على يوسف
رأفت : ايوة يا يوسف...عاملين اية !!
يوسف : بابا هو الشركة فعلا اتحرقت !!!
رأفت اتصدم ان ابنه عرف : عرفت منين !
يوسف : مش مهم عرفت منين ، المهم ان الكلام صح
رأفت : ايوة صح من اسبوعين
يوسف : ومقولتليش لية يا بابا
رأفت : يعنى عايزنى انكد عليك فى اول يوم جواز واول يوم فى شهر العسل !!
يوسف : طيب انا هرجع القاهرة انا وسهوة النهاردة
رأفت : مش لازم ترجع ، كل حاجة اتظبطت والشركة رجعت تمام تانى والمقدم محمد عين حرس عليها كمان
يوسف : لا لا مش علشان اللى حصل ، انا كدا كدا كنت راجع انا وسهوة النهاردة
رأفت : خلاص يا يوسف ترجع انت وسهوة بالسلامة ، يلا سلام
يوسف : سلام
قفل يوسف مع ابوه
سهوة بقلق : الكلام صح ؟
يوسف : ايوة بس مش ضرر كبير يعنى وكل حاجة اتظبطت فى الشركة تانى
سهوة : اكيد سما واللى معاها
يوسف : هو فيه غيرهم، المهم يلا جهزى نفسك والشنط علشان هنرجع القاهرة
سهوة : طيب
......
• مليون فى المية يوسف هيرجع هو وسهوة النهاردة
سما : اية ده بجد ؟
• ايوة ، اجهزى بقا علشان الشغل الجد هيبدأ
سما : انا جاهزة من زماان
• تعجبينى
..............
رجع يوسف وسهوة من شرم ووصلو القاهرة وسط ترحيب الاهل
رباب حضنت يوسف وكل بيسلم وبيحضن
رباب : حمدالله على سلامتكم يا يوسف انت وسهوة
يوسف : الله يسلمك يا ماما
اسماء : اتبسطو يا يوسف
يوسف : ايوة الحمدلله وسهوة مبطلتش علشان اعلمها سباحة وخيل يا سوسو من الاسرار اللى قولتيهالها
ضحكت اسماء : ده انا لسة مقولتلهاش حاجة لسة هدخل معاها فى المهم
سهوة بهزار : ايوة يا سوسو ده كدا بقا يبقى لينا قعدة مع بعض
يوسف : لا ابوس اديكى باااااس
الكل ضحك وبدأو يتكلمو
يوسف : المقدم محمد عين حراسة على الشركة !!
رأفت : ايوة وقالى اقولك انه عايز يقابلك اول ما ترجع
يوسف : طيب هنطلع بس نريح من السفر انا وسهوة ولما اصحى هبقى اقابلو
رأفت : طيب وماتقلقش الشركة كل حاجة اتظبطت فيها تانى واترممت
يوسف : طيب يا بابا انا طالع يلا يا سهوة
طلع يوسف وسهوة اوضتهم وخد شاور ودخلت سهوة خدت شاور بعده وخرجت
يوسف : بقولك اية
سهوة : ايوة يا سوفة
يوسف : انا نسيت مقرر هندسة ما تيجى نراجعه وغمزلها
ضحكت سهوة جامد
سهوة : اسكت بقا
يوسف : اسكت اية ده بكرا هنرجع الشغل وقرف الشغل خدى هنا قبل ما نيرة وجودى يجو من الدرس هيقرفوونا
سهوة ضحكت جامد
يوسف وهو بيصقف : ايوة بقااا
.......
قام يوسف من النوم وبص فى الساعة لقى الساعة 7 بليل وملقاش سهوة جمبه قام واتمشى شوية ونزل ولقى سهوة قاعدة مع العيلة وبتهزر وهم بيضحكو ونيرة وجودى معاهم
ابتسم يوسف ونزل
جودى : العرييييس
وجريت تحضن يوسف
جودى : اية اخبارك يا عريس
يوسف : تمام يا عروسة يا صغيرة اية اخبار ال...
جودى مقاطعة : ونبى ما تحفل ...سيبنى كدا
ضحك يوسف عليها وفضل قاعد شوية معاهم يتكلم
واتصل بمحمد علشان يقابلو وحدد ميعاد
وبص لقى سهوة بترغى مع اسماء
يوسف : اوبااااا انتو استلمتو بعض ....ربنا يستر على الاسرار اللى هتتفضح
ضحكو كلهم ويوسف طلع غير هدومه ونزل وراح يقابل محمد وخلصو كلام
وكان يوسف راجع بعربيته لقى عمر بيشوارله فأبتسم ونزل
عمر بإبتسامة : حمدالله على سلامتك يا عريس ، انتم السابقون ونحن اللاحقون
يوسف ضحك : ههههههه الله يسلمك
عمر : اية اخبار شهر العسل معاك
يوسف : انه على ما يرام ، قولى انت اية اخبارك مع ولاء وغمزله
عمر : ههههه الاخبار زى الفل تعالى بس نتكلم على رواقة
محمد : خلاص بينا على الشقة بتاعتى
وركبو العربية وكانو فى طريقهم للمكان اللى علطول بيحبو يرغو فيه وهو شقة يوسف وكان الطريق زحمة فقرر يوسف يروح من طريق تانى بس كان مهجور وكله ضلمة
عمر : اية المكان ده
يوسف : انا عارف !!! ...انا كنت باجى من الطريق ده لما الطريق بيبقى زحمة وتقريبا كنت باجى منه علطول مش عارف مالو ضلمة ومفهوش حد كدا لية
فجأة ظهرت شجرة قدام فى الطريق قدام وسداه
يوسف بقلق : اوووبس
عمر : اية ؟؟
يوسف : كمين .....
عمر بخضة : نعم !!!!!
طلع اشخاص مغطين وشهم وكان عددهم 3 اشخاص وقربو من العربية وكان واحد منهم ماسك مسدس والاتنين الباقيين ماسكين مطاوى
- اخرج انت وهو من العربية ...اخلصووو !!!!
******************************************************

الحلقة الثامنة عشر

___________________

طلع اشخاص مغطين وشهم وكان عددهم 3 اشخاص وقربو من العربية وكانو ماسكين مسدسات
- اخرج انت وهو من العربية ...اخلصووو !!!!
يوسف : اخرج يا عمر
عمر : هنعمل اية !!!
يوسف : يابنى وميتين ام التدريبات اللى اتدربتها فى الكونغ فو والقتال انا وانت دى اية
عمر : ياعم ماسكين مسدسات
يوسف : يلا بس
- اخلص انت وهو اطلعو
خرج يوسف وعمر وقفلو باب العربية
- طلعو اللى فى جيبكو ومفتاح العربية
يوسف : نسيت المفتاح وممعيش غير 50 جنية فى جيبى
- هتستظرف يا روح امك
يوسف بضيق : ما بلاش امى
- هتعمل اية يعنى
يوسف : هعمل كداهو
مد يوسف ايدو ومسك المسدس اللى ماسكو ولف ايدو جامد وكسرها وخد منه المسدس ووجهه ناحية الاتنين الباقيين واللى كان بيتكلم ويوسف خد منه السلاح وقع فى الارض بيصوت جامد وبيتألم
يوسف : لو عايزين تخرجو من هنا المطاوى اللى فى اديكو دى تتحط على الارض والشجرة اللى هناك دى تتشال
بالفعل نفذو كلامه وسابو المطاوى وراح عمر ياخدها وراحو شالو الشجرة
ركب يوسف العربية ومعاه عمر ومشيو
عمر : سيبتهم ليه يابنى
يوسف بضحك : مش من شوية كان معاهم مسدسات وبلاش وكنت هتجرى
عمر : ماشى وادينا غلبناهم يبقى نسلمهم
يوسف : متنساش ان فيه حاجة اضطرتهم لكدا
عمر : انت اتغيرت اوى ، من امتى يابنى وانت بتعمل حساب حد محتاج او فقير او حاجة من كدا
يوسف : المدة اللى قضيتها فى السجن ظلم اتعلمت فيها حاجات كتير اوى وقابلت واحد بردو سرقنى اسمو كريم وعرفت حكايتو علشان كدا مش لازم نحكم على حد بحاجة اللى شتمنى ده ادينى كسرتلو دراعه علشان يحرم اما الباقى معملش حاجة وسمع الكلام
عمر : ما ممكن يثبتو حد تانى فى الشارع ده تانى
يوسف : لا ده بالعكس ، عمرهم ما هيقربو من الشارع ده تانى
وصلو الشقة وطلعو ودخلو
يوسف بإبتسامة : يااااه وحشتنى الشقة دى اوى
عمر : اه دى شقة الدلع والبنات وغمز ليوسف
يوسف بضحك : لا ياعم ده كان زمان ، دلوقتى مفيش كلام من ده
عمر : ايوة الحب عامل عمايلو
يوسف : اممممم طب بمناسبة بقا الحب مقولتليش عملت اية مع ولاء
عمر : اعترفتلها يا معلم وهى كمان يامعلم وعرفت عنها كل حاجة وهى كذلك والعلاقة اتطورت وحددنا الفرح كمان
يوسف : يلاهوى واية السرعة دى كلها
عمر : على اساس يعنى انك اتجوزت سهوة فى سنين
يوسف : هههههه طيب يا سيدى مبروك ، الفرح امتى بقا
عمر : كمان اسبوعين
يوسف : حلو اوى
.........
سما : هنعمل اية بقا
• منا قولتلك يابنتى انتى بتحبى تعيدى وتزيدى لية !!
سما بتوتر : منا بردو خايفة من اللى هنعملو ده
• متقلقيش خالص
سما : انت بردو لسة معرفتش يوسف بقا عامل ازاى
• بعد اول خطة هتقولى انى قولت وهتشوفى
سما : ربنا يستر بقا
.......
رجع يوسف الفيلا وسلم على كل اللى موجود
رأفت : هترجع الشركة من بكرا يا يوسف ؟
يوسف : ايوة يا بابا
رأفت : خلاص تمام ، المهندسين خلصو كل التخطيط وناقص بس انك تراجع على كل حاجة علشان نبدأ فى التنفيذ
يوسف : تمام كويس اوى ، هى فين سهوة
رأفت : كانت مستنياك بس لما اتأخرت طلعت تستنيك فوق
يوسف : طيب انا طالع
رأفت : ماشى
طلع يوسف على فوق ودخل الاوضة بس ملقاش سهوة وكان لسة هيخرج يشوفها فين لقاها طالعة من الحمام كانت بتاخد شاور
سهوة : انت جيت يا سوفة
يوسف : لا لسة
سهوة ضحكت : طيب يا سيدى ، تعالى نتعشى بقا علشان جعانة
يوسف : وانا والله وكمان لسة متخانق وحاجة زفت
سهوة بخضة : اتخانقت مع مين !!!
يوسف : شوية عيال كدا ثبتونا بالعربية انا وعمر بس اتصرفت يعنى
سهوة : ضربتهم !!!
يوسف : ضربت واحد والباقى خاف
سهوة : بااااس يبقى تعلمنى زى ما وعدتنى
يوسف : طيب نتعشى الاول وبعدين اعلمك شوية حركات
سهوة بفرحة : تماااام
قعد يوسف هو وسهوة يتعشو وكانو فاتحين التلفزيون وبيهزرو ويوسف كان بيأكل سهوة بأيدو وهى بتأكله لغاية اما خلصو اكل
سهوة : قوووم بقا
يوسف : شكلى مش هعرف اهرب النهاردة خااالص، وانا اللى بقول هتنسى
سهوة : قوم بقا يا سوفتى
يوسف : حاضر يا ستى
قام يوسف ومسك سهوة ووقفها قدامو ومد اديها لقدام وهو عمل نفس الحركة
يوسف : بصى يا ستى دى اول حركة هتمدى ايدك كدا اى حد يقربلك لو ماسك مطوة او اى حاجة هتمسكيها وتلفى بسرعة كدا ايدو هتتكسر علطول ...دى اول حركة ، جربى كدا
سهوة : حاضر
جربت سهوة وفشلت اول مرة لكن مع تدريب يوسف نجحت فعلا
يوسف نط فى الجو ومشى على الحيطة وهو بيجرى بطريقة تخض وشاط المخدة
سهوة : لا لا انا لو عملت الحركة دى هقع وهيتكسر دماغى
يوسف : مش انتى عايزة تتعلمى يبقى تسيبيلى نفسك وانا هعلمك كل حاجة وهمسكك اول مرتين وهخليكى تعمليها لوحدك
وفعلا مسكها وكانت بتقع وهو يمسكها لغاية اما فعلا عملتها وكانت بتتنطط من الفرحة وفضل 3 ساعات يعلمها فى حركات ولو حد بيضربها ازاى تصد الضربة وكذا حركة ويخليها تعملها بنفسها لغاية اما تتقنها
سهوة بضحك : هااااااا خلاص تعبت
يوسف : اى خدمة يا ستى شوية الحركات دى تخليكى تموتى اللى قدامك وانتى احسن حاجة فيكى بتتعلمى بسرعة يعنى التدريب ده لأى حد فى 3 ايام او اكتر لكن انتى فى 3 ساعات وده حاجة جامدة جدا
سهوة بتفاخر : مبحبش اتكلم عن نفسى
ضحكت سهوة وضحك معاها يوسف وبصلها وعنيهم اتقابلت كأنهم اول مرة بيشوفو بعض وتاهو فى عيون بعض ومسكها يوسف وباسها وهى حضنااه ورجع بصلها
يوسف : بعشقك
سهوة : وانا بموووت فيك
يوسف : طيب انا علمتك ودربتك اهو يلا بقا علشان تدربينى علشان نبقى متساويين
سهوة بضحك : اية يا يوسف انت مش بتزهق
يوسف قام وشالها : مع سهوة مفيش زهق
وهى بتضحك جامد وحضناه ومبسوطة وبتتمنى ان كل ايامها تكون سعادة وفرحة دايما
...
صابر : بما اننا فى الطيارة يا ايما ، لما نوصل مصر هخليكى تعرفى صحاب كتير
ايما بفرحة : بجد يا بابا
صابر : ايوى يا قلب بابا
ايما : ومين دول يا بابا
صابر : دول بقا يا ستى قرايب ماما الله يرحمها يعنى ليكى ولاد خالتك وكدا وقرايب يعنى هتتعرفى عليهم وتلعبى معاهم ويبقى ليكى قرايب وصحاب كمان
ايما بفرحة : هيييييه .....طب هطلب منك طلب كمان
صابر : انتى تؤمرينى
ايما : عايزة اثوف صور ماما كلها وتخلينى ازورها
صابر بحزن : انتى عرفتى موضوع الزيارة ده منين
ايما : عرفت من على النت ان اللى مات لازم نزوره فى قبره...صح يا بابا !!!
صابر : ايوة صح يا ايما ...خلاص هاخدك معايا ونزور ماما ، مبسوطة يا ستى
ايما بفرحة : ايوة يا بابا
........
يوسف : سهوة حبيبتى
سهوة : اممم
يوسف : تصدقى انا لحد دلوقتى معرفتش عنك اى حاجة غير خالتك دى بس
سهوة : عايز تعرف اية يا روحى عنى
يوسف : كل حاجة
سهوة : امممممم طيب بص يا سيدى انا اتولدت فى عيلة فقيرة مش اوى بس ابويا كان على اده جدا اتولدت وانا عندى اخ اكبر منى المهم اللى عرفته لما كبرت شوية انى قبل ما اتولد كان ليا اخين اخ كبير واسمو محمود واخ اصغر منه اسمه صابر اتولدو قبل ما اتولد بكتييير المهم اللى عرفته انه في يوم محمود وصابر كانو ماشيين ...محمود كان رايح مشوار يجيب حاجة وصابر شبط معاه وصابر اصلا شقى ...صابر تاه من محمود واليوم ده محمود جيه وبيقول صابر اختفى وتاه وبابا فضل يدور عليه فترة كبيرة لحد ما فقد الامل ...بعدها ب 3 سنين اتولدت انا ..اليوم اللى اتولدت فيه محمود عمل حادثة واتوفى
يوسف : نحس
ضحكت سهوة وكملت : اتولدت وحيدة وعندى ابويا وامى وبعدها بفترة حوالى 7 سنين او اكتر اتولدت نيرة
بابا وقف جمبى جامد لغاية اما دخلت هندسة وكان اغلى حاجة عندى هو وماما ونيرة ...فى تانى سنة ليا فى الكلية بابا اتوفى وكنا فقراء اوى فضلنا عايشين على المبلغ اللى بابا سابهولنا لغاية اما اتخرجت وفضلت ادور على شغل والفلوس اللى بابا سبهالنا خلصت والمعاش مكنش بيكفى بس ملقتش شغل وكله واسطة اضطريت اشتغل خدامة والايام كانت بتعدى لغاية اما قابلت باباك وحصل اللى حصل ده كله
يوسف : ياااه انتى عيشتى حياه صعبة اوى....محبتيش فى الكلية !!
سهوة بحزن : ايوة وسابنى علشان فقيرة
يوسف : احسن علشان تكونى ليا وبس بس لو شوفت الحيوان ده همسكو اضربو
سهوة : هههههه يبقى احسن برضو
نام يوسف ونامت سهوة فى حضنه بعد حوار طويل جدا
طلع نهار اليوم الجديد وقام يوسف على صوت سهوة بتصحيه
سهوة : اييه صحى النوم......صباح الخير
يوسف بإبتسامة : صباح النور
سهوة : يلا قوم علشان الشغل
يوسف : طيب يا قلبى هخش اخد شاور
سهوة : ماشى وانا هلبس
يوسف بضيق : سهوة عايز اقولك على حاجة لو قبلتى يبقى حلو اوى بس لو مقبلتيش يبقى براحتك ومش هعترض
سهوة بقلق : اية
يوسف : مش عايزك تروحى الشغل انتى خلاص بقيتى مراتى ومينفعش تشتغلى
سهوة : يا يوسف انا اتعلمت واتخرجت علشان اشتغل ومصدقت الاقى الشغل تيجى وتقولى سيبى الشغل !!!
يوسف : كل الشغل بتاعك هجبهولك تعمليه هنا
سهوة : لا يا يوسف برضو بس اوعدك مع اول طفل ربنا هيرزقنا بيه هسيب الشغل واعملو فى البيت زى مانت قولت
اتضايق يوسف شوية وبعدها ابتسم وقالها : خلاص يا حبيبتى
دخل يوسف ياخد شاور وخرج لقى سهوة لابسة وجاهزة ....لبس يوسف ونزل هو وسهوة ولقو العيلة كلها صاحية واتجمعو وقعدو فطرو كلهم مع بعض خلصو ويوسف خد سهوة وركبو العربية وراحو على الشركة والكل كان فى استقبالهم وبيباركلهم على الجواز
دخل يوسف مكتبه ودخلت سهوة معاه وعرفو شوية حاجات عن الشغل وراحت سهوة علىة مكتبها
سهوة بفرحة : ولااااء وحشتينى اوى
ولاء بإبتسامة : وانتى اكتر والله عاملة اية فى الجواز حلو ولا وحش طمنينى
سهوة بضحك : لا الحمدلله لحد دلوقتى حلو
لسة هتكمل كلامها لقت سما داخلة
سهوة وهى بتجز على سنانها : وشكلو هيقلب غم
سما بدلع : هاى يوسف جوا علشان اقابلو !!
سهوة بصتلها بضيق : عيزاه فى اية
سما : حاجة مهمة ...ممكن تقوليلو بقا !!
سهوة بضيق : مشغول
سما : طيب هستناه
فضلت سما قاعدة شوية لغاية اما يوسف خرج واتفاجئ بيها وقامت وراحتله
يوسف : اية اللى جابك هنا ؟
سما : عايزاك فى موضوع لوحدنا فى المكتب
يوسف : طيب ...
دخل يوسف المكتب وهى دخلت وراه وسهوة هتموت من الغيظ واللى غاظها اكتر ان سما قفلت الباب
يوسف : عايزة اية !!
سما بدلع : بقا كدا يا سوفة الفترة دى كلها مشوفكش
يوسف : هو مفيش حد قالك انى اتجوزت وكنت فى شهر عسل ولا اية !!
....
سهوة كانت قاعدة برا متوترة ورايحة جاية وولاء بتتكلم وهى مش معاها خالص بتفكر فى سما اكيد جاية علشان تبوظ الدنيا ومش هتسيبو فى حالو ولا هتسيبها فى حالها وعمالة تفكر
ولاء : سهوة ....سهووووة
سهوة بأنتباه : هاااه
ولاء : هااه اية انتى فيين يابنتى بتكلم ومش بتردى عليا خالص
سهوة بتوتر : العقربة اللى جوا دى
ولاء : اهدى يابنتى ومتتوتريش كدا .... اكيد هتقولو حاجة وتمشى
سهوة : لا لا دى جاية علشان تعمل مشكلة بينى وبين يوسف
ولاء : طيب اهدى
سهوة بقلق وتوتر : لا لا انا لازم ادخل اشوفها بتقولو اية وعايزاه فى اية !!!!
........
سما : المقشفة اللى برا دى
يوسف بعصبية : ده انتى اللى مقشفة.....اللى برا دى احسن واشرف منك مليون مرة انتى فاهمة !!
سما قربت من يوسف بدلع وحطت صباعها على بؤه
سما : ششششش انا بموت فيك
وللحظة كشفت صدرها خالص ويوسف مش مستوعب اللى عملته وحاول يشتت نظره علشان ميضعفش قدامها
سما بدلع : انا اهو قدامك ....كلى قدامك
يوسف اتوتر : اخرجى برا
سما قربت اكتر وحضنته بنفس حالتها : بحبك اوى
يوسف خلاص مش قادر وفعلا ضعف بس فاق ولسة هيزقها الباب اتفتح وسهوة دخلت وفى نفس اللحظة دى سما هى اللى زقت يوسف وقالتلو : يا يوسف اهدى علشان مراتك متشوفناااش
سهوة كانت هتموت ومصدومة جدا من المنظر ونظراتها كانت كلها دموع .......
***************************************************
يا ترا سهوة هتعمل اية !!!!
يوسف هيتصرف ازاى
حد كان يتوقع ان صابر اخو سهوة

الحلقة التاسعة عشر
_____________________
سما قربت اكتر وحضنته بنفس حالتها : بحبك اوى
يوسف خلاص مش قادر وفعلا ضعف بس فاق ولسة هيزقها الباب اتفتح وسهوة دخلت وفى نفس اللحظة دى سما هى اللى زقت يوسف وقالتلو : يا يوسف اهدى علشان مراتك متشوفناااش
سهوة كانت هتموت ومصدومة جدا من المنظر ونظراتها كانت كلها دموع .......
يوسف مفكرش فى حاجة وساب سما وراح لسهوة اللى سابته وجريت على مكتبها وفضلت تعيط
يوسف : صدقينى يا سهوة اقسم بالله كنت هزقها ومش طايقها انا فعلا ضعفت للحظة بس فوقت تانى بس انتى فتحتى الباب وسبقتى الحدث
سهوة بدموع : عارفة ومصدقاك واللى مخلينى متأكدة انها جاتلك هنا علشان توقع ما بينا وتخلينا نتخانق والدنيا تبوظ بس انا فهمتها
يوسف استغرب ان سهوة مصدقاه وفعلا اثبتت انها بتحبه جدا
يوسف : طب ليه الدموع دى يا سهوة !!!
سهوة بدموع : علشان اتصدمت من المنظر ومقدرتش اتخيل ان جوزى وحبيبى مع واحدة زى دى ... محبتش اشوفك لغيرى ابدا وانت وعدتنى انك هتسيب الماضى بكل اللى فيه وانا صدقتك ولما شوفتك معاها للحظة اتصدمت وشكيت بس راجعت عقلى وقولت انها فعلا جاية هنا علشان توقع ما بينا وتخلى الحياة جحيم ما بينا وانت تضطر تديهم اللى عايزينو
يوسف قرب منها وحضنها بحب جامد : انا عمرى ما شوفت انسانة عاقلة وبتحب جوزها وحبيبها اوى كدا ومشكتش فيه ... انتى فعلا يا سهوة كل لحظة بتثبتيلى انك مش زى اى بنت وبترفعى من قيمتك عندى ، اوعدك يا سهوة انى مش هزعلك ابدا ولا هخليكى فى يوم تندمى انك حبتينى ... بعشقك يا سهوة ...والله بعشقك
سهوة : وانا والله بحبك
يوسف باس دماغها وحضنها تانى وبعدها سابها وخرج لسما علشان المرة دى يخليها تحرم فعلا تجيلو تانى بس ملقهاش وراح لولاء
يوسف : ولاء هى سما راحت فين
سهوة : معرفش يا بشمهندس بس قالتلى انها مستنية منك تليفون
يوسف اتضايق : طيب
دخل يوسف لمكتبه علشان يخلص شوية شغل وبعدها بلغ ولاء ان فيه اجتماع مهم لكل المهندسين اللى فى الشركة وقالها تبلغ الكل ودخل لسهوة
يوسف : حبيبتى انا بلغت الكل ان فيه اجتماع كمان نص ساعة علشان عرفت ان كل واحد خلص شغله وكل حاجة جاهزة وهنبدأ فى تنفيذ المشروع
سهوة : تمام يا حبيبى ... انا جاهزة
يوسف : بقولك اية
سهوة : اية ؟
يوسف : انا نفسى فى محشى ورق عنب ...بقالى فترة من ساعة ما اتجوزنا مكلتوش
سهوة : حاضر يا حبيبى هخلص شغل واروح اعملهولك بأيدى
يوسف : لا لا هنخلص الاجتماع وتروحى انتى بدرى تعمليه
سهوة بأبتسامة : خلاص ماشى يا قلبى اللى تشوفه
يوسف : تسلميلى يا روحى ، اه صحيح عرفتى ان عمر وولاء بيحبو بعض
سهوة بأستغراب : ازاى ...مقالتليش البت دى
يوسف ضحك : عمر حكالى كل حاجة ابقى خليها تحكيلك عقبال ما الاجتماع يبدأ ، ده اتفقو ان الفرح كمان بعد اسبوعين
سهوة : كماااان ، ماشى يا ولاء الكلبة
ضحك يوسف عليها وخرج
سهوة قامت وراحت لولاء
سهوة : بقا كدا يا ولاء متقوليش انك انتى وعمر بتحبو بعض وهتتجوزو كمان
ولاء : اييية يا بنتى انتى عارفة انى بخبى عليكى حاجة وبعدين انا ملحقتش اكلمك خالص يدوب انتى جيتى وسلمنا على بعض ولقينا الزفتة اللى اسمها سما دى داخلة وحصل اللى حصل
سهوة : اه صح تصدقى ، طب هااا احكيلى حصل اية
ولاء : طيب يا ستى هحكيلك كل حاجة
دخل عمر فى اللحظة دى
عمر : اهلا اهلا بالعروووسة حمدالله على سلامتك
ابتسمت سهوة : الله يسلمك يا بشمهندس
عمر : بشمهندس اية بقا احنا هنبقا قرايب ولا ولاء مقالتش
سهوة : لا قالت
عمر : خلاص يبقى اسمى عمر وبعدين دى صاحبتك قرفانى فى عيشتى
ضربته ولاء على كتفه
ضحكت سهوة
عمر : بهزر يا روحى ... انا مش مستغنى عن روحى ، تقتلينى وتعملينى فتة ، مجنونة وتعمليها
ضحكت سهوة و ولاء عليه
عمر : يوسف فى مكتبه ؟؟
سهوة : ايوة جوا خشله وايوة صح فى اجتماع كمان نص ساعة
عمر : خلاص اشطا انا داخله
قعدت سهوة و ولاء يكملو حوارهم
عمر وهو بيفتح الباب : اقطع دراعى ان مكنتش ولاء بتحكيليك حبينا بعض ازاى
ضحكت سهوة وولاء
ولاء : عندك مانع يا حبيبى
عمر : لا طبعا هو انا اقدر اعترض
ولاء : اممممم بحسب
...........
• ها عملتى اية !!!
سما : نفذت اللى قولتهولى بالحرف الواحد وفعلا دخلت علينا زى ما اتوقعت
• وعملت اية ؟
سما : عيطت وطلعت تجرى على مكتبها
• امممم وهو راح وراها صح ؟
سما : اكيد
• مظنش اللى حصل هيخلى الدنيا تقع ما بينهم ، لازم حاجة اكبر علشان يقع خالص وساعتها هيبيع الارض وهو مستسلم
سما : واية الحاجة دى
قالها على الخطة كلها بالتفصيل وهتعمل اية بالظبط
سما : تبقى مش فاهم بقا ، يوسف بعد اللى حصل النهاردة ده لو شافنى تانى هيقتلنى وعمره ما هسيب نفسه بين ايدى تانى زى اللى حصل النهاردة علشان كدا انسى الخطة دى خااالص
• امال هنعمل اية
سما : مش عارفة ، انت من رأيك اية
• اممممم بسسس جاتلى فكرة
سما : هااا اية
• احنا هنخدره ونحطه فى السرير عندك وهو نايم وانتى تنامى جمبه وتحضنيه ونكلم مراته وتيجى وتشوفو بالمنظر ده ، اية رأيك
سما : خطة كويسة بس هنخدره ازاى!!!
• دى بقا سيبيها عليا ...انا هتصرف
.........
يوسف : البت دى مش هستريح غير لما اقتلها
عمر : تبقى غبى ، هتودى نفسك فى ستين داهية على واحدة متستاهلش وبدل ما انت كنت هتتعدم ظلم دلوقتى هتتعدم بجد
يوسف : امال اعمل اية ، مانت شايف جاية علشان توقعنى مع سهوة ولولا سهوة عاقلة كانت زمانها دلوقتى قالبة الدنيا !!!
عمر : المهم دلوقتى هنعرف نجيب اللى معاها ازاى وحتى لو جبناهم مفيش اى تهمة ضدهم او اثباات
يوسف بتفكير : مش عارف واكيد مليون فى المية زمانهم بيخططو فى خطة جديدة
عمر : يبقى تجهز وتخلى بالك كويس لحد ما نعرف اى خيط نقدر نثبت عليهم بيه اي حاجة
يوسف : دول ملهومش نشاط ، كل اللى عايزينو الارض وبس ...اية الاثبات اللى هنجيبو بقا يا ذكى
عمر : مين قالك ان ملهومش نشاط ، كلم الظابط وشوف وقوله يمشى ورا سما ، هى الخيط اللى هيوقعهم وبعدين متنساش انه خطف سهوة وجاب رجالته وهددوك وكانو هيقتلوك يعنى اكيد بيتاجر فى الاثار والا مكانش معاه كمية السلاح و البودى جاردات دى ولا انت اية رأيك
يوسف فكر شوية : عندك حق ... سما هى الخيط فعلا اللى هيوقعهم
.......
سهوة : ياه بقا دى كل الحكاية
ولاء : ايوة شوفتى بقا
سهوة : بس على فكرة كان باين عليه اوى من يوم ما شافك فى الشركة وقعد يرخم عليكى وانا لاحظت بس مرضتش اقولك حاجة لغاية اما شكى يطلع فى محله
ولاء ضحكت : واهو طلع فى محله يا ستى
سهوة : عيب عليكى يابنتى ده انا سهوة بردو
ولاء بضحك : انتى هتقوليلى
يوسف خرج فى اللحظة دى هو وعمر
يوسف : يلا علشان الاجتماع هيبدأ
سهوة : حاضر يلا
رن موبايل يوسف وبص لقى رقم رأفت والده فرد
يوسف : ايوة يا بابا
رأفت : بقولك يا يوسف ، صابر المنياوى اللى قولتلك عليه وصل مصر النهاردة وده اللى هيبقى مسؤول عن المشروع فى الارض وهو اللى هيوفر المهندسين اللى هيشتغلو فى الموقع
يوسف : طيب انا هعمل اجتماع افهم فيه المهندسين اللى هيتم واخد منهم التخطيط علشان اراجعه
رأفت : تمام ومتنساش تكلم صابر المنياوى علشان تدرسو كل حاجة فى المشروع وتتفقو
يوسف : تماام يا بابا يلا سلام علشان الاجتماع
قفل يوسف مع والده ودخل الاجتماع
يوسف : ها يا بشمهندسين التخطيط خلص !!
كله رد ان كل حاجة جاهزة
يوسف : تمام كدا كل حاجة جهزت والتخطيط خلص ولكل واحد مبلغ محترم بس الاول هراجع التخطيطات
وهشوف كل حاجة واعملو حسابكو ان رجل الاعمال صابر المنياوى هيبقى مسؤول عن مهندسين الموقع والى هيشتغلو فى المشروع وهيجى هنا علشان نجتمع ويفهم كل حاجة وبردو نتفق على كل حاجة بخصوص المشروع
جمال : بس يا بشمهندس فيه مشكلة
يوسف : مشكلة اية ؟؟
جمال : هنحتاج سيولة كبيرة اوى لتمويل المشروع ده
يوسف : متقلقوش السيولة انا هشارك فيها وصابر المنياوى كمان هيشارك علشان المشروع يكمل ، ها حد عندو سؤال تانى ؟
الكل : لا يا بشمهدس
يوسف : خلاص بأذن الله بكرا اجتماع مع صابر المنياوى وكلو يبقى موجود ، اتفضلو انتو
خرج الكل واتبقى يوسف وسهوة
يوسف بإسغراب : مالك يا سهوة !!! ...سرحانة طول الاجتماع
سهوة بأنتباه : هاا لا بس اسم صابر المنياوى حاسة انى سمعتو قبل كدا
يوسف : يمكن علشان رجل اعمال كبير
سهوة بتفكير : مش عارفة .... يمكن
يوسف بهزار : مش هتروحى تعمليلنا المحشى ولا انتى رجعتى فى كلامك يا سهوتى
سهوة ضحكت : لا هروح يلا سلام
يوسف : طب ادفعى علشان تخرجى من المكتب
سهوة : ادفع اية !!
يوسف قرب منها وهى بتبعد
سهوة : عايز اية ياض!!!
يوسف : تصدقى انتى قفلتينى ...فيه واحدة تقول لجوزها عايز اية ياض !!!!
سهوة وهى بتقرب وحضنته وحاوطت اديها حوالين رقبته: طب عايز اية يا حبيبى
يوسف : كدا فتحتى نفسى تانى وباسها جامد وهى كمان كانت فرحانة اوى انها فى حضنه وهو بيبوسها بكل حب وعشق ولهفة
سابها يوسف : تقدرى تخرجى كدا دفعتى حق الخروج
ضحكت سهوة جامد وخرجت
يوسف : سهوة
سهوة وقفت ولفت : ايوة يا سوفة
يوسف : مقولتليش ليه ابوكى سماكى سهوة
ضحكت سهوة : هو لية باباك سماك يوسف !!!
يوسف : عادى ....اسم يوسف معروف بس اسم سهوة ده مش غريب شوية
سهوة : امممممم ماشى يا سيدى هحكيلك بس لما تروح علشان الحق اعمل الاكل عقبال ما تيجى
يوسف : خلاص اشطا اتفقنا ، الحقى انتى
سهوة ابتسمت : باى يا حبيبى
يوسف : باى يا روووحى
روحت سهوة وهى فرحانة اوى ونسيت تماما موضوع سما واللى عملته
دخلت الفيلا وسلمت على اسماء
اسماء : اية اللى رجعك دلوقتى يا حبيبتى ؟
سهوة : يوسف يا سوسو ...عايز ياكل محشى ورق عنب
اسماء ضحكت : هههههه طول عمره بيعشقه
سهوة :علشان كدا قالى روحى بدرى واعمليه
اسماء : اعمليلو عالله يطمر فيه
سهوة ضحكت وسابت اسماء ودخلت لرباب المطبخ
سهوة : ازيك يا ماما
رباب : ازيك يا سهوة اية ده رجعتى بدرى ليه
سهوة : يوسف عايز محشى ورق عنب زى عوايده وقولتلو هعملك ومشانى بدرى
رباب : هههههه طب كويس انك جيتى ، اعملى انتى المحشى وتعالى ساعدينى فى الباقى ده
سهوة : من عنيا يا ماما
رباب بأبتسامة : تسلميلى عنيكى يا بنتى
جهزت سهوة الاكل وساعدت رباب فى اللى عيزاه وراحت تتكلم وتضحك مع اسماء زى عوايدها بس حست بدوخة جامدة وعايزة ترجع
قامت تجرى على الحمام وبعدها خرجت عندها نفس الدوخة
اسماء : مالك يا سهوة
سهوة بتعب : مش عارفة يا سوسو ، حاسة بدوخة جامدة وكل شوية احس انى عايزة ارجع
اسماء ابتسمت : يعنى مش عارفة اية ده ؟؟
سهوة بفرحة : قصدك....
اسماء بفرحة : ايوة قصدى حمل .... بس لازم تتأكدى الاول علشان نفرح بجد
سهوة بلهفة : انا هنزل اجيب اختبار حمل من الصيدلية اللى جمبنا
اسماء : ماشى بس لو تعبانة فعلا ابعتى جودى او نيرة
سهوة : لا لا هقدر
نزلت سهوة وجابت اختبار حمل ودخلت الفيلا وعملت اختبار الحمل واتفاجئت وفضلت تتنطط وترقص وهى فرحانة وراحت لأسماء
اسماء بلهفة : هااا يا سهوة اية
سهوة بفرحة : حاااامل يا سوسو .....حاااامل
اسماء بفرحة : مبروووووك يا سهوة .....استنى متقوليش لحد الا لما تقولى ليوسف
سهوة بفرحة : دى هتبقى مفاجئة حلوة اوى ليه ، مش متخيلة فرحتو يا سوسو
اسماء : ربنا يخليكو لبعض اهو وصل بس متقوليش دلوقتى ، لما تبقو لوحد فوق
سهوة بهمس : ماشى
يوسف دخل : امممم بتتوشوشو على اية
اسماء : على المحشى
يوسف : اها صحيح المحشى ده انا نسيت
سهوة : المحشى جاهز ومستنى اللى ياكلو
يوسف ضحك : وانا كرشى جاهز لأستقبال المحشى
ضحكو كلهم وفضلو يهزرو واتحط الاكل وفضلو ياكلو وهم بيتكلمو ورأفت اللى وصل وهم بياكلو
رأفت : اية ده هتاكلو من غيرى
يوسف : تعالى حماتك بتحبك لسة قاعدين اهو
قعد يوسف معاهم وجو اسرى جميل ما بينهم وبيهزرو ويضحكو وخلصو الاكل وفضلو يتكلمو وهم بيشربو الشاى وبعدها طلع يوسف ومعاه سهوة لأوضتهم
يوسف : يااااه متصدقيش انا عجبنى المحشى اد اية
سهوة بحب : بالهنا يا حبيبى
يوسف : سهوة احكيلى بقا ابوكى سماكى سهوة لية
سهوة ضحكت : ماشى يا سيدى ، بص بعد ما تاه اخويا الصغير صابر وبعدها اخويا الكبير محمود عمل حادثة ومات بردو كان اكيد بابا وماما حزنانين جدا وخلاص فقدو اللى ليهم فى الدنيا بعدها بفترة قصيرة ماما حملت فيا وده اللى فرح بابا جدا رغم الحزن اللى فيه فقرر لما اتولد اتسمى سهوة
يوسف ابتسم : اممممممم علشان جيتى على سهوة
ضحكت سهوة جامد : بالظبط كدا
يوسف ضحك : والله ابوكى ده كان شكله رايق
قربت سهوة منه ومسك لياقة القميص : انا عندى مفاجأة حلوة اوى ليك
يوسف ابتسم : اية هى المفاجأة يا روحى
سهوة بفرحة : انا حاااامل
اتغيرت ملامح يوسف من الفرحة للتكشير والغضب وزقها جامد لدرجة انها وقعت على الارض وسهوة مكانتش مصدقة اللى حصل وكانت مصدومة جدا
سهوة بصدمة : فيه اية يا يوسف !!!
يوسف بغضب وصوت عالى : فية انى مبخلفش يا هاانم ، انا مبخلفش !!!!!!!!!
*****************************************************
رأيكم!!!!
عايز تقييييييييم

الحلقة العشرون
_______________

سهوة بفرحة : انا حاااامل
اتغيرت ملامح يوسف من الفرحة للتكشير والغضب وزقها جامد لدرجة انها وقعت على الارض وسهوة مكانتش مصدقة اللى حصل وكانت مصدومة جدا
سهوة بصدمة : فيه اية يا يوسف !!!
يوسف بغضب وصوت عالى : فية انى مبخلفش يا هاانم ، انا مبخلفش !!!!!!!!!
اتصدمت سهوة من رده ، معقولة شك فيها ازاى كدا وزقها !!!
سهوة بدموع : مش فاهمة ، انت بتقول اية
يوسف بعصبية : بقولك مبخلفش ، اعيدها تانى ؟
سهوة بدموع : ازاى يعنى يا يوسف ، اللى فى بطنى ده ابنك ..ابنك يا يوسف
يوسف بعصبية : لا مش ابنى لان مبخلفش وكنت عايز اقولك ومتردد بس كويس انى مقولتلكيش علشان اكشفك على حقيقتك يا خاينة
تعملى عملتك وتدبسيها فيا ، دى خطتك صح !!!
انتى زى اى واحدة كنت بجيبها وانام معاها ، انتى حقيرة ، اتخيلتك للحظة انك غير اى بنت بس للأسف كلهم كدا
مش بعيد تكونى شغالة كمان مع سما واللى معاها علشان المولود اللى يجى يكوش على كل حاجة
سهوة بدموع وصدمة : يوووسف بقولك ابنك ، حرام عليك باللى بتتهمنى بيه ده ، حرااام عليك
يوسف بصوت عالى : حرام عليا لية ، عملتلك اية !!!
ليه فهمتينى انى بحبك !!
لية اقنعتينى انى كل حاجة بالنسبالك ؟
لية خليتينى اتغير علشانك !!
لية خلتينى اعشقك واعشق التراب اللى بتمشى عليه !!
لية خلتينى اعيش فى وهم اسمو حب !!!
لية خدعتينى وفهمتينى انك بتحبينى ؟؟
لية لية ليييييية
قامت سهوة وهى مش قادرة تقف من الصدمة وبتعيط بحرقة : يوسف حبيبى... .والله اللى فى بطنى ابنك ومنك
يوسف ضربها بالقلم وده اللى خلاها تقع تانى
يوسف : حب اية ...عايزة تخدعينى تانى ، خلاص مبقاش ياكل معايا كلامك ، زيك زى اى واحدة (لفظ خارج)
وانا زى الاهبل صدقتك وحبيتك يارتنى كنت اتعدمت بدل ما يجى يوم زي ده يارتنى
دخل رأفت ووراه رباب واسماء على الصوت
رأفت : فيه اية يا يوسف !!!! صوتك جايب لأخر الشارع
يوسف معملش اهتمام ليهم وبص لسهوة بأستحقار : انتى طالق ....طااااالق
الكلمة نزلت زى الصاعقة على سهوة وكل اللى موجودين وده اللى خلى سهوة تفقد الوعى من الصدمة وسابهم يوسف ومشى وهم حيرانين ومش مصدقين اللى حصل وجريت اسماء ورباب على سهوة
اتصل رأفت بالاسعاف وفعلا راحت على المستشفى ومعاها رأفت ورباب واسماء اللى اقنعت جودى ونيرة بصعوبة ميجوش معاهم ويفضلو
كانو قاعدين سرحانين مش مصدقين اللى حصل ...ازاى ده يوسف بيحب سهوة ..لا لا ده بيعشقها ..حصل اية لكل ده....حصل اييية !!!
خرج الدكتور من عندها والكل راح نحيتو
رأفت : طمنا يا دكتور
الدكتور : هى عندها صدمة عصبية حادة وللأسف مقدرناش نلحق الجنين
الكلام وقع عليهم كالصااااعقة مرة تانية
الدكتور : متخلوهاش تزعل ولا تتعب وسيبوها تستريح
رأفت بصدمة : حاضر يا دكتور
سابهم الدكتور ومشى وهم مصدومين
رأفت : حاامل !!!
اسماء : ايوة حامل واول واحدة قالتلى انا ...حست بدوخة وكانت بترجع فقولتلها تجيب اختبار حمل وفعلا جابته وطلعت حامل وقولتلها تخليها مفاجأة ليوسف وبعدين هم الاتنين يفاجأوكو ....اية اللى حصل يا يوسف ، لية عملت فى سهوة كدا !!
رأفت بصدمة : يطلقها علشان حامل منه !!!! انا مش فاهم حاجة
رباب : ولا انا فاهمة حاجة
رأفت : لما تفوق نبقى نفهم منها كل حاجة
اسماء : لا انت نسيت الدكتور قال اية ، منزعلهاش ولا تتعب علشان عندها صدمة نقوم احنا نفكرها تانى ونزود الصدمة !!!!
رباب : ايوة يا رأفت عندها حق
رأفت : انا هتصل بيوسف وافهم اية اللى هببو ده
........
كان يوسف قاعد وحاطط وشه بين ايدو
عمر : فيه اية يا يوسف من ساعة ما كلمتنى وجيتلك وانت قاعد بنفس حالتك دى ومبتنطقش...فيه اية !!!!
يوسف بحزن : انا طلقت سهوة
اتصدم عمر من الرد : نعم !!! طلقت مين !!
يوسف : بقولك طلقت سهوة
عمر بصدمة : ليية....حصل اية يابنى ده انت بتعشقها
يوسف بدموع : للأسف كنت بعشقها وعمرى ما حبيت غيرها بس طلعت خاينة ...زيها زى اى كلبة
عمر : يوسف اهدى بس وفهمنى ، اكيد حصل حاجة غلط او فهم غلط ... قولى حصل اية !!!
يوسف بحزن : سهوة طلعت حامل يا عمر !!
عمر : انت بتهزر!!! صح !!! ، ده كله علشان حامل ؟
يوسف : انت غبى ؟؟ انا مبخلفش ....فاكر لما البنت اللى جت واتبلت انها حامل منى لما نمت معاها زمان
عمر : ايوة مالها
يوسف : روحت بعدها كشفت وعملت تحاليل وساعتها عرفت انى مبخلفش .... فهمت بقا !!!
عمر : امممم فهمت ، بس انا واثق مليون فى المية ان سهوة محترمة ومش زى اى بنت زى ما بتقول واللى فى بطنها ده يبقى ابنك واكيد الدكتور اللى عملت التحاليل عنده ده حمار
يوسف : عمر اسكت ، متبررلهاش اسباب دى زيها زى اى واحدة ***** ، خدعتنى وفهمتنى انها بتحبنى لا لا ده انا اللى غبى ، انا اللى حبتها وروحت قولتلها انا بحبك وانا اللى اتجوزتها ، انا اللى غبى
عمر : انت مصدق اللى بتقولو !!!! ، انت عارف انت قابلت سهوة ازاى وعارف انها كانت غلبانة وشوفت ظروفها كانت عاملة ازاى ، شوفت ولا مشوفتش
يوسف اتعصب وقام : يوووه انا كنت غلطان انى كلمتك ، انا ماشى
مشى يوسف وساب عمر قاعد ومش مصدق ازاى يحصل مابينهم كدا دول كانو بيحبو بعض جدا ومش معقولة سهوة تعمل كدا ، مش معقووولة
...........
كانت سهوة نايمة على السرير وجمبها اسماء بتقرأ قرأن بعد ما اقنعت رأفت ورباب يمشو ويجو بكرا الصبح وهى هتقعد مع سهوة
كانت بتقرأ القرأن بصوت جميل وعنيها مليانة دموع على سهوة واللى حصل وافتكرت شكلها وهى فرحانة وبتتنطط علشان حامل ومستنية يوسف يجى علشان تعملو مفاجأة وتفرحو وكانت اميرة سعيدة فى نفسها ومسيطر عليها الفرحة لكن اتبدل الحال ...اية اللى حصل لكل ده ، اكيد يوسف غبى ومتهور لأن سهوة رغم الفترة القصيرة اللى عرفت فيها اسماء وكانو بيقعدو ويتكلمو ويفضفضو مع بعض اكتشفت انها عمرها ما تحمل حاجة غلط ابدا ، اكيد يوسف ظلمها بس ياترا حصل اية .... حصل اييييية !!
فاقت سهوة وفتحت عنيها
اسماء : صدق الله العظيم وقفلت المصحف
اسماء بفرحة : سهوة حبيبتى انتى فوقتى ، انتى كويسة !!!
سهوة كانت فى عالم تانى كأنها ماتت بس روحها لسة موجودة كأنها فقدت كل سبب تعيش علشانو فى حياتها
اسماء بقلق : سهوة ، سهوة !!!!
قامت سهوة تصرخ جامد وتصوت بأعلى صوت وجت الممرضة تجرى تمسكها لكن مش عارفة وجيه الدكتور ومعاه ممرضة تانية ومسكوها واداها الدكتور حقنة مهدئة ومنومة فى نفس الوقت واسماء بتتفرج وقلبها متقتع على سهوة واللى جرالها
نامت سهوة بعد ما خدت الحقنة
اسماء : اية اللى حصل وخلاها تصرخ كدا يا دكتور
الدكتور : ده نتيجة الصدمة العصبية اللى عندها ، كان عندنا امل متزيدش بس اللى حصل دلوقتى ده يوضح ان عندها صدمة حادة جدا ولازم تاخد حقن مهدئة علشان تنام ومتكررش اللى حصل ده تانى
اسماء بدموع : طب والعمل يا دكتور
الدكتور : ربنا يقومها بالسلامة بس اهم حاجة محدش يحطها تحت ضغط لان ده هيأثر بالسلب عليها
اسماء : حاضر يا دكتور
مشى الدكتور وقعدت اسماء جمب سهوة على السرير وفضلت تحسس على شعرها وهى حزينة وعنيها مليانة دموع عليها
يا ترا اية اللى شقلب حالك انتى ويوسف كدا يا سهوة يابنتى ، ياترا يوسف زعلك كدا لية
........
كان يوسف قاعد فى النايت كلب اللى اول مرة يدخلو من ساعة ما دخل السجن ظلم ومن ساعة ما عرف سهوة
كان قاعد بيشرب جامد وكل ما يخلص ازازة وسكى يجيب غيرها ويشرب لدرجة انه بقى سكران خالص ومش مسيطر على نفسه وكل ما يفكر للحظة فى سهوة يرجع يشرب تانى وتالت اكنه بينتقم من نفسه ومنها فى نفس الوقت فى اللحظة دى قربت واحدة وجت قعدت جمبو وحطت اديها على كتفه
سوما : يوسف حبيبى انت من امتى وانت هنا
بصلها يوسف ورجع يكمل شرب
سوما : ده انا كنت فقدت الامل انك ترجع تسهر معانا تانى ، بس شكلك تعبان ومزاجك مش رايق
يوسف : لا انا مش تعبان ومزاجى رايق يلا بينا
شدها يوسف وركب عربيته وراح على الشقة ودخل وهى ما صدقت طبعا وراحت على السرير وهو رايح وراها وكل خطوة بيقدمها ناحيتها بيفتكر سهوة ...ازاى هيخون وعده ليها بأنه نسى الماضى وحياتو نضيفة
لا لا هى اللى خاينة وحقيرة وزيها زى اللى مستنياه دى
كلهم شبه بعض ، كلهم ميتأمنلهمش
بس هتخون وعدك لربنا انك اتغيرت وتوبت
بس عنيه دمعت واتعدم التفكير وكل اللى فكر فيه ينتقم من سهوة بس الانتقام ده كان عن طريق انه يروح للبنت دى ويشبع منها ويرميها زى الكلاب بعد ما يشبع شهوته
وبالفعل راح ومفاقش غير الصبح ودماغو كانت مصدعة جدا من كتر الشرب
فاق لقى سوما فى حضنه ....قام وزقها بعيد عنه بسرعة
معقولة عمل الحرام تانى ، معقولة فى واحدة فى حضنه غير سهوة!!!
سوما : صباح الخير يا حبيبى
يوسف بضيق : انا مش حبيب حد قومى يلا غورى من هنا
سوما : مالك يا سوفة ، انت امبارح حاجة ودلوقتى حاجة تانية ، انا لقيتك تعبان جامد وشكلك متضايف قولت افرفشك شوية وانت اللى جبتنى وكنت سكران
يوسف بعصبية : انسى اللى حصل امبارح خالص وقومى غورى بقا من هنا
سوما : ماشى يا بيبى ولو احتاجتنى اديك عرفت مكانى ، بااى
مشيت وهو فضل مكانه الصداع هيفرتك دماغه وحاطط دماغه بين اديه ومش قادر يفكر ، ازاى عمل كدا !!!! ازاااى !!!
قام ودخل خد شاور وهو مش قادر وعليه حزن الدنيا كلها
يوسف لنفسه وهو تحت الدش : لية كدا يا يوسف تخون ثقتك فى سهوة لييية !!!
انا بسأل ليه هو انا غبى ، انت نسيت ولا اية انها خاينة واللى فى بطنها ده من واحد غريب وانت جوزها ياااه للدرجة دى خدعتنى
للدرجة دى انا غبى وصدقت حبها ليا !!!
انا لازم انتقم منها زى ما خليتنى افقد كل حاجة وخليتنى كدا .. لازم
خرج يوسف وبص فى موبايلو لقى 20 مكالمة من ابوه و7 مكالمات من اسماء
ضحك ضحكة سخرية ورمى الموبيل
.............
كانت سهوة نايمة واسماء قاعدة على الكرسى وساندة على السرير ونايمة ودخل فى الوقت ده رأفت ومعاه رباب وقامت اسماء من النوم اول ما دخلو
رأفت : هى عاملة اية دلوقتى يا حماتى
اسماء بحزن : قامت يا عينى تصوت جامد والدكتور والممرضات جم ومسكوها والدكتور ادالها حقنة مهدئة ونامت
رباب : على قد ما يوسف ابنى بس سهوة صعبانة عليا اوى واكيد يوسف غلط فى حقها ، بس لية توصل للطلاق !
رأفت : المهم بس هى تريح ومحدش يتعبها او يفكرها بحاجة ، خليكو معاها وانا رايح الشركة ليوسف علشان اعرف فيه اية وفى نفس الوقت نكمل الشغل
خرج رأفت وراح على الشركة بس ملقاش غير عمر وولاء ويوسف مش موجود
رأفت : ازيك يا ولاء ازيك يا عمر
ولاء : الحمدلله يا بشمهندش
عمر : عمى انا عايزك فى حاجة كدا!!!
رأفت : حاجة اية ؟
عمر : تعالى بس المكتب
دخل عمر ورأفت المكتب
رأفت : فيه اية يا عمر؟
عمر : هو يوسف اتجنن ولا اية !! ، يطلق مراته اللى عشقها وبيحبها وكان هيموت عليها وهى اللى وقفت جمبه لما اتسجن ظلم وكان هيتعدم .... انا كلمته امبارح لكن هو مش عايز يسمع لحد وممشى اللى فى دماغه ، انا بقول لحضرتك علشان انت ابوه وهتقدر تشوف يوسف وحضرتك عارف تهوره ، انا حاولت اقنعه امبارح لكن هو مرضيش يسمع وقام مشى
رأفت بحزن : هو انت تعرف حصل اية علشان انا نفسى معرفش
عمر : يوسف بيقول انها خانته وانه مبيخلفش واللى فى بطنها ده مش ابنه وكلام كتير كدا
رأفت بصدمة : طب استنى كدا وفهمنى واحدة واحدة وازاى عرف انه مبيخلفش !!
فضل عمر يحكى لرأفت كل حاجة حصلت فى الماضى وازاى عرف وكل حاجة حصلت
رأفت بأنكار وعصبية : لا لا سهوة محترمة ومتربية ومتعملش اللى هو بيقوله ده واكيد تحاليل انه مبيخلفش دى غلط .....بقا يظلمها كدا ويقتل ابنه بأيده وهو مش متأكد ، فين الثقة فى مراته ده حبها وياما قالى سهوة مش زى اى بنت
عمر : وانا قولت لحضرتك علشان ترجعه لعقله ، يوسف مش مجرد صاحبى ده اخويا ونعرف بعض من واحنا صغيرين وميهونش عليا اشوفو كدا واسكت .... لازم حضرتك تتصرف
فى اللحظة دى دخل يوسف وبصلهم هم الاتنين ورجع بص قدامه ورمى مفاتيحه على المكتب وقعد على الكرسى
يوسف : صابر المنياوى جاى امتى !!
رأفت بعصبية : سيبك من صابر دلوقتى وقولى لية موثقتش فى مراتك لية صدقت تحاليل من عند دكتور ومفكرتش انها غلط !!! لية ظلمتها ، دى كانت بتحبك وانت اللى ليها فى الدنيا دى لييية ده انت بنفسك جيت وقولتلى ان سهوة مش زى اى بنت وانت نظرتك فى البنى ادم متخيبش ،ليييية دى كانت فرحانة انها هتعملك مفاجأة زى دى وكانت طايرة من الفرح وانت تعمل معاها كدا وتظلمها ؟؟؟
انت كنت بتعشقها و عرفت ماضيها وانها استحالة تعمل كدا
ده غير انها محترمة ومحجبة وكل البنات اللى سيادتك تعرفهم عريانين ومبينين جسمهم
مش لاقى غير سهوة وتدمرها بكلامك ده وتضربها وتجبلها صدمة عصبية وفى المستشفى دلوقتى كل ما تصحى تصوت وتصرخ وحالتها صعبة
لييية
يوسف قام : عايز تعرف لية !!! لانى مبخلفش ومتحاولش تقنعنى ان التحاليل غلط لانى عاملها عند احسن دكتور فى مصر واحسن مركز تحاليل ، يعنى واثق من كلامى مية فى المية ، سهوة خدعتنى انها محترمة ومؤدبة ومفيش زيها ، لاكن زيها زى كل البنات
كلهم اوساخ ورخاااص، كلهم بايعين نفسهم
انت عارف انك فرحتنى انها فى المستشفى دلوقتى علشان كنت ناوى انتقم بس كدا احسن وياريت اللى فى بطنها يكون مات ونزل علشان مشيلش عار فوق راسى طول العمر والكل يقول اللى مراته خانته واستغفلته اهو ، ياااه فعلا قدرت تضحك عليا ، بس اعرف مين اللى نامت معاه ده ...؟
ملحقش يكمل كلامه ولقى قلم علىة وشه من ابوه
رأفت بعصبية : انا معرفتش اربيك ، عمرك ما هتتغير وسهوة اللى بتغلط فيها دى اشرف منك واحسن منك تقدر تقولى كنت فين امبارح بليل !!!
اكيد كنت سهران مع واحدة من اياهم زى عوايدك صح !!!
سهوة اول يوم جاتلى فيه وانا شايفها بنت ملهاش مثيل ، كانت جاية تشتغل شغااالة وهى مهندسة علشان تاكل هى واختها ، بنت مكااافحة بمليوون راجل مش زيك كنت نايم فى البيت والاكل يجيلك ومتروحش الشغل وتروح تسهر بليل وترجع الفجر سكران
سهوة دى ارجل منك ، ارجل منك
روح اعمل تحاليل بس المرة دى برة مصر ولو طلعت بتخلف متجيش تندم وتعيط
وانا عارف انك هتعيط وهتندم انت عارف لية
علشان ابنك اللى فى بطنها ماااات ، مااااااات
انت قتلت ابنك بأيدك ......قتلته بأيييييدك !!!!!!!

******************************************************

هل يوسف هيتأثر بكلام ابوه!!!!
سهوة مصيرها اية ؟
متنسوش تعملو تقييم وتتوقعو وتعملو تصويت للحلقة ★
اشوفكم بكرااا

الحلقة 21
__________

وانا عارف انك هتعيط وهتندم انت عارف لية
علشان ابنك اللى فى بطنها ماااات ، مااااااات
انت قتلت ابنك بأيدك ......قتلته بأيييييدك !!!!!!!
يوسف ضحك وبص بلا مبالاه : حاضر هروح اعمل تحاليل بره مصر وهتشوف بنفسك سهوة اللى بتقول عليها شريفة ومفيش زيها دى هتطلع اية ، مش حاضر اجتماعات ، يتحرق الشغل
خرج يوسف وسابهم واقفين مش مصدقين ان ده يوسف
يوسف اتغير جامد وقلبه قسى بطريقة غريبة ومش همه اي حاجة نهائى
عمر : متزعلش حضرتك هو بس متعصب والموقف اكيد صعب بالنسبة ليه هو هيعرف غلطه
رأفت : وبعد مايعرف غلطه !!! خلاص كل حاجة راحت سهوة خلاص عمرها ما هترجعله ولا هتفكر فيه تانى بعد اللى عمله وقتله لأبنه بأيدو !!!
هو نفسو هيعمل اية لما يكتشف انه قتل ابنه !!
عمر اتصلى بصابر المنياوى علشان الاجتماع
عمر بحزن : حاضر يا بشمهندس
.......
رباب واسماء قاعدين والحزن مسيطر عليهم ومحدش فيهم بينطق خالص وسهوة نايمة لسة
حركت سهوة دماغها وفتحت عنيها وقامت اسماء ورباب وراحت اسماء جمبها
اسماء بإبتسامة : حمدالله على سلامتك كدا تخضينها !!
قامت سهوة قعدت وهى بتبص حواليها ومش عارفة اية اللى جابها هنا بصت سهوة لرباب واسماء وللحظة افتكرت اللى حصل وعيطت بحرقة جامدة واترمت فى حضن اسماء وهى بتعيط
اسماء وهى بتهديها : اهدى يا سهوة ، متتعبيش نفسك كدا غلط
قربت رباب وفضلت تهديها هى كمان وسهوة كل اللى بتعملو امها بتعيط وفضلت على كدا فترة مش كبيرة ونامت فى حضن اسماء وكأنها طفلة ملهاش حد وما صدقت حد يحسسها بالامان ويطمنها
دمعت عين اسماء على حال سهوة ودعت ربنا ان كل حاجة تتعدل ويوسف يرجع لعقله وكل حاجة ترجع زى ما كانت.....
...........
صابر : يلا يا حبيبتى اديكى قاعدة مع خالتك وولاد خالتك اهم ، انا رايح مشوار تبع الشغل وراجع ماشى !!
ايما : ماثى يا بابا مث تتأخر
صابر باسها من خدها : حاضر يا ايما مش هتأخر ، مش هوصيكى عليها يا سارة ، ايما ملهاش صحاب خالص ويدوب صدقت عايزك تخليها تاخد على ولاد خالتها وتلعب وتفرح علشان قاست كتير اوى
سارة : دى بنت اختى يا صابر بردو يعنى بنتى مش محتاج توصينى عليها ...ايما فى عنيا وزى اولادى بالظبط
صابر ابتسم : عارف والله ، انا اللى غلطت لما سبت مصر ساعتها بس كان غصب عنى مكنتش عايز اعيش فى تعاسة وافتكرها كل لحظة ، ادينى رجعت ومش هسافر واطول كدا تانى علشا ايما
سارة بحزن : ربنا يرحمها
صابر : ياارب ... يلا سلام
سابهم صابر وراح على الشركة بتاعة يوسف ووصل وسلم على رأفت وعمر وعملو اجتماع مع كل المهندسين واتفقو على كل حاجة والسيولة بتاعة المشروع وانتهى الاجتماع وكل مهندس راح مكتبه
صابر : امال فين يوسف ابنك يا رأفت
رأفت : عنده شوية شغل كدا كلفته بيه وهو مسافر دلوقتى
صابر : على العموم ملحوقة نتقابل فى وقت تانى واتشرفت بمعرفتك يا بشمهندس عمر
عمر : تسلم ، انا اللى اتشرفت حضرتك
صابر : حضرتك اية بقا ، احنا هنبقى مابينا شغل طويل وكتير صح ولا اية !!
ابتسم عمر : اللى تشوفه
سلم صابر عليهم ومشى
رأفت : انا همشى بقا يا عمر ، انت مسؤول لغاية ما المصايب اللى احنا فيها دى تخلص
عمر : حاضر يا بشمهندس
مشى رأفت وراح عمر ل ولاء
ولاء : عمر هو فيه اية !!
عمر : هااا لا مفيش متشغليش بالك
ولاء : لا يبقى فيه بجد ، حصل اية !!! يوسف وسهوة مش جم النهاردة يبقى فيه حاجة
عمر : انتى مكبرة الموضوع كدا لية عادى يا ولاء
ولاء : قول يا عمر انت مش بتعرف تكدب على فكرة
اتنهد عمر : يوسف طلق سهوة
ولاء اتصدمت وشهقت : ايييية !!!! ازاى ولية
حكالها عمر على اللى حصل كله من ساعة الطلاق لغاية اما دخلت سهوة المستشفى
ولاء بحزن : ياااه يوسف عمل كل ده فى سهوة ، وانت مصدقه ومصدق اللى قالو على سهوة !!؛
عمر : لا طبعا محدش مصدق واتخانقت معاه وابوه اتخانق معاه بس هو راكب دماغه
ولاء : طيب قولى عنوان المستشفى انا ريحالها
عمر : استنى رايحة فين
ولاء : هروحلها مش هسيبها
عمر : يابنتى هى مش لوحدها ، معاها ست يوسف وامه
ولاء : لا بردو هروحلها دى صاحبتى من واحنا اطفال يا عمر
عمر : طيب استنى اخلص شوية الاوراق اللى جوا دول نص ساعة ونروح انا وانتى
ولاء بحزن : طيب متتأخرش
عمر : حاضر
...........
راح عمر الشقة بتاعته يقعد فيها بعد ما حس انه بقى وحيد ازاى يصدقو واحدة خاينة وانا لا ، انا هثبتلهم ، انا هثبتلهم علشان اخليهم يعرفو بجد انها بنى ادمة رخيصة وحقيرة ، مفرقتش عن كل البنات اللى جبتهم هنا بس دى كانت انصح قدرت تعرف توصلى منين
عرفت طريقى ووصلتلى منه وخليتنى احبها زى الاهبل ، ماشى ورا حبها زى الحمار
انا لية مقتلتهاااش !!!!! ليييية
عمل يوسف تليفون وحجز طيارة على فرنسا
وبعدها كلم سوما تجيلو على الشقة وهى ما صدقت
ورن جرس الشقة وفتحلها ودخل وقعد
سوما بحب : حياااتى وحشتنى الحبة الصغننين دول
يوسف : ما بلاش الكدب ده بقا ، كلكو شكل واحد وهيئة واحدة
سوما بدلع وهى بتمسكه من اللياقة : اشتمنى ، هزقنى اقتلنى ، ده انا مصدقت انك كلمتنى ، معقولة يوسف المغرور اللى مش بتعجبه اى بنت يكلمنى انا
يوسف : من حظى الهباب
سوما : تؤ تؤ حظك حلو وانا حظى احلى علشان انت كلمتنى
يوسف فكر انه هيغلط تانى بس وقف عقله وقام دخل السرير وسوما جت وراه
يوسف : انتى اسمك سوما فى شهادة الميلاد ولا ده لزوم الشقاوة
سوما : لا لزوم الشقاوة
يوسف : واسمك الحقيقى اية !!
سوما : هيفرق ؟؟
يوسف : يعنى !! عادى
سوما : اسمى يا سيدى سماح
يوسف : اممممم
سوما : مالك ، من ساعة امبارح وانا حساك شايل هم حتى المفروض انى سمعت انك توبت ومبقتش تروح النايت كلب واتجوزت ، اية اللى حصل يعنى
يوسف ضحك ضحكة سخرية : طلعت خاينة...حامل وانا مبخلفش اصلا
سوما استغربت وبدأت تتكلم بجدية شوية : على فكرة انا خالى مكنش بيخلف وراح عمل تحاليل وطلع مبيخلفش قعد اسبوعين بالظبط ومراته حملت منه
ضحك يوسف : مش يمكن بتخونه هى كمان !!
سوما : وهو ده اللى شك فيه خالى وضربها وطلقها ، انت عارف حصل اية !!! بعد ما ولدت عملت تحاليل DNA للولد وطلع ابن خالى يعنى ابنه ولحد دلوقتى مرجعوش لبعض وخسرو بعض مع انهم كان بينهم قصة حب خيالية
انتبه يوسف لكلامها واتأثر وبص للأرض
سوما : بص يا يوسف ، لو كنت بتحبها بجد وانت اللى نقتها واتجوزتها يبقى هى بريئة من اللى بتقولو ده ، لانى اللى اعرفو وكلو يعرفو انك بتعرف البنت الكويسة من اللى زى حلاتى ، ممكن تكون ظالمها ، اعمل تحاليل فى حتة تانية ومتخسرش مراتك وحاول ترجعها ، انا ماشية
يوسف وقف : استنى
سوما : ايوة !!
يوسف :انتى بتقولى كدا لية ، انتى مش بنت بتاخد فلوس على حاجة بتعملها وده شغلها ، لية كدا
سوما : علشان محدش بيختار طريقه ، اتولدت وبعدها بابا مات ، ماما اتجوزت واحد وكان بيضربنى وبيعذبنى ولما كبرت خادنى غصب عنى بالعافية علشان اشتغل الشغلانة دى واجبله فلوس وماما معاه وضدى ، اضطريت اهرب منهم بس اكل منين واعيش منين !!!
خلاص هى دى الشغلانة اللى اتعودت عليها معنديش اختيار تانى ، علشان كدا متظلمهاش وتندم بعد كدا انا مش عايزة اخدك من مراتك ولو انا مراتك مقبلش انك تنام مع واحدة تانية زيى
يوسف اتأثر جامد لتانى مرة قلبه يرق بس بيعاند بردو مع نفسه
يوسف : لو لقيتى الشغل اللى تشتغليه وتعيشى منه هتتوبى وتسيبى الشغل ده !!
سوما : ده اكيد ،محدش بيحب يعمل الغلط الا اذا كان مضطر يعمله ، انا كل ليلة بقديها مع حد بتقتل مية مرة وبتعذب على اللى بعمله وبندم بس مجبورة على الحرام ، انا مش عارفة انت بقى اية اللى جابرك على الحرام ، اكيد مفيش ، سلام يا يوسف
مشيت سوما وهو قعد حط دماغه ما بين ايديه وعمال يفكر ودماغو هتتفجر من التفكير فى كل حاجة وقرر
يقوم يلبس ويجهز نفسه علشان السفر
وفعلا جهز كل حاجته واتجه للمطار وخلص الاجراءات وسافر على فرنسا.....
..........
• عندى خبر بمليون جنيه
سما : خبر اية ده يا بيبى
• يوسف دب خناقة جامدة مع سهوة وطلقها
سما بفرحة : انت بتتكلم جد وازااى
• طلعت حامل منه وهو مبيخلفش
سما : يابنت الاية وعاملة فيها الطاهرة الشريفة
• ودلوقتى مرمية فى المستشفى
سما : تستاااهل
• كل حاجة جت من غير ما نعمل خطتنا كمان هههههه
سما : هههههههه ياه متصدقش انا فرحانة اد اية
• اسبوع كدا يستوى ونكلمه وهيبيع الارض لان خلاص حبيب القلب قلبة اتكسر واتخدع فى مراته اللى طلعت بتخونه
سما : ههههههه كام تدين تدان ، ياما نفسى اشوفك دلوقتى يا يوسف شكلك عامل ازاى
• اكيد زى البطة الدايخة ، بس احنا نستنى لما تكون بتفرفر وهوب ندبحها
سما : الله عليك وعلى تفكييرك
• المهم اجهزى علشان هتروحى للجماعة الامريكيين علشان نتفق على ميعاد الصفقة الجديدة
سما : اية ده انت خلاص صرفت اللى فى الجهة الشرقية اللى اكتشفناها !!
• ايوة وناقص بس تقابليهم علشان الميعاد ونعديها بس انتى عارفة صفقة العمر بجد هى اية
سما : اية
• ارض يوسف ، دى ملياااانة كنز واثااار هتخلينا ملياديرات
سما : هتبقى بتاعتنا ، معاك مفيش مستحيل
• ههههههه طيب يلا علشان متتأخريش على الفوج الامريكى
سما : طيب يا حبيبى
........
ولاء : خلصت !!
عمر : ايوة يلا بينا
خد عمر ولاء وراحو على المستشفى ودخلت ولقت اسماء موجودة بس ولقت سهوة نايمة بس وشها شاحب جدا واكن الحياه مسحوبة منها وهى فى عالم تانى خااالص
ولاء : اهلا يا طنط انا ولاء صاحبة سهوة من واحنا صغيرين
اسماء : اهلا يابنتى اتفضلى
ولاء : شكرا يا طنط ، هى اخبارها اية دلوقتى ؟
اسماء بحزن : بتقوم تعيط وتنام تانى ، صعبانة عليا اوى
ولاء : ولية يا طنط يوسف يعمل فيها كدا لييية ؟؟
اسماء : والله ما اعرف يابنتى
دخل عمر
اسماء : عمر انت هنا !!
عمر دخل وسلم عليها وحضنها لانها تعتبر مربياه مع يوسف من الطفولة
اسماء : معرفتش حاجة عن موضوع يوسف وعمل كدا ليه فى سهوة !!!
عمر بحزن : عرفت بس مش عارف انا المفروض اقول ولا لا ، انا من رأيى بشمهندس رأفت يجى ويقرر يقولكم او لا
دخل رأفت فى اللحظة دى وقعد
رأفت : انا هحكيلكم اللى حصل واللى عرفتو من عمر
وبدأ يقص القصة على اسماء واسماء مش مصدقة ولا حرف من الحكاية دى
اسماء : يوسف ده غبى ، ازاى ميثقش فى مراتو !!! ازااى ، سهوة انا قعدت معاها كتير وحكتلى اسرارها كلها وانا حكتلها اسرارى كلها وكنا قريبين من بعض اوى واكنها بنتى او فعلا بنتى ومن خبرتى انها متكونش ربع اللى بيتهمها بيه يوسف
رأفت : محدش فينا طبعا مصدق بس هو راكب دماغه ، قتل ابنه بأيده وهيندم اشد ندم لما يعمل التحاليل ويلاقى انه بيخلف وانا واثق لان ملايين التحاليل بتطلع غلط ولخبطة
قامت سهوة واتفقدت الاوضة وحضنتها ولاء جامد وسهوة فضلت تعيط فى حضنها
سهوة ببكاء شديد : ابنى يا ولاء ، ابنى يا بابا والله ابنى وابنه .....انا هاخد ابنى واختى واعيش بعيد ، مش عايزة اشوف شكله تانى ، مش عايزة اشوفه ابدا ، مش عايزة اشوفه ابدا
حضنتها ولاء جامد واسماء سكتت ومرضيتش تقولها ان اللى فى بطنها نزل علشان متتصدمش صدمة اكبر
ولاء : اهدى يا سهوة اهدى يا حبيبتى
سابتها سهوة وبصت لأسماء
سهوة بعياط : شوفتى يا طنط عمل فيها اية !! شوفتى هان كرامتى ازاى شبهنى بالبنات اللى كان بينام معاهم !!!! انتى متخيلة !!!! ضربنى وجرحنى وياريت جرح عادى ....ده قتلنى الف مرة
قتلنى الف مرة بأتهامه وظلمه ليا !!!
انا اللى حبيته ووثقت فيه ...
ده انا دخلت مكتبه لقيته حاضن واحدة وهى قالعة وصدقته علشان واثقة فيه وهو يعمل كدا !!!
لييية عملتلو اية !!! ولا علشان انا ضعيفة ومليش اى حد !!!
شوفت يا بشمهندس ، شوفت انى خلاص بعد اتهامه وجرحه ده خلاص ضيعت ...
حسبى الله ونعم الوكيل
حسبى الله ونعم الوكيل ......
رأفت : علشان خاطرى يابنتى متعيطيش ، انا والله اول واحد وقفت قصاده وانكرت كل اللى قالو ودافعت عنك ومسكتلوش على اى كلمة قالها ومديت ايدى عليه كمان وانا متأكد انه هيرجع ندمان
سهوة بدموع : بعد اللى اتقال واللى حصل مفيش ندم
ينفع اللبن لما يقع فى التراب يتلم نضيف زى الاول !!!
ينفع اكسر مج وارجعه زى ما كان !!!
ينفع اكسر قلب انسان واجرحه واحسسه انه ولا حاجة وارجع اندم !!!!
خلاااص كل شئ انتهى ، هاخد ابنى وبنتى وهنعيش بعيد عن كل حاجة
دخلت الممرضة فى اللحظة دى وابتسمت : حمدالله على سلامتك يا بشمهندسة قلقتينا عليكى ، معلش هو احنا مقدرناش ننقذ البيبى بس سلامتك اهم
سهوة اتصدمت واتجمدت مكانها ونطقت بالعافية : مقدرتوش تنقذو مين !!
كل اللى فى الاوضة اتثبت مكانه ومش عارفين يقولو اية ولا عارفين رد فعلها هيكون اية ، مؤكد مش هتستحمل
الممرضة : مقدرناش ننقذ البيبى ، معلش ان شاء الله يتعوض اهم حاجة صحتك
سهوة محستش بأى حاجة حواليها ....مجرد الدنيا بتلف بيها وخلاص مش قادرة تنطق ولا تشوف واسودت كل حاجة حواليها واترمت على السرير
كلو قام يجرى عليها وصوتت ولاء والممرضة طلعت تجرى تجيب الدكتور اللى جيه جرى وحاول يسعفها
وكلو اتلم حواليها وولاء عمالة تعيط وتصرخ والدكتور بيحاول يفوق سهوة وينعش قلبها بس النبض اتوقف تماما واتعدل الدكتور بكل حزن وبصلهم : البقاء لله.........

*************************************************

البقاء لله.....
توقعكم ؟
متنسوش التصويت (★)
ومتنسوش تعملو متابعة لحسابى على واتباد علشان يوصلكو كل حاجة قبل اى حد

الحلقة 22
___________

كلو اتلم حواليها وولاء عمالة تعيط وتصرخ والدكتور بيحاول يفوق سهوة وينعش قلبها بس النبض اتوقف تماما واتعدل الدكتور بكل حزن وبصلهم : البقاء لله.........
الكل سكت لحظة من الصدمة وصرخت ولاء صرخة مدوية
الممرضة بسرعة : دكتور دكتور ، القلب اشتغل تانى
جرى الدكتور وفضل يعملها اسعافات وركب محاليل واداها حقن وخرج الكل من الاوضة
رأفت : اية اللى حصل ده يا دكتور ؟؟؟؟
الدكتور : القلب اتوقف عن عمله بس اشتغل تانى ودى بتحصل قليل اوى نتيجة صدمة كهربية او صدمة عصبية شديدة جدا وده هيسببلها غيبوبة بس لو صدمة عصبية بعد الصدمة العصبية اللى كانت فيها ده خطر جدا عليها وهيخليها تدخل فى غيبوبة طويلة ده غير الاثار النفسية ، هو حد قالها حاجة !!!
رأفت اتعصب : الممرضة اللى معاك قالتلها ان اللى فى بطنها نزل واول ما سمعت الخبر حصلها كدا
الدكتور : انا اسف حضرتك بس هى اكيد متقصدش بس انا على اد ما اقدر مش هسيبها غير لما تبقى كويسة وطبيعية وبتضحك كمان
رأفت بحزن : مظنش هتضحك تانى
الدكتور : يا جدع اتفائل ، هتبقى كويسة وبألف خير ان شاء الله ، عن اذنكم
سابهم الدكتور وعمر كان واقف بعيد شوية وقرب منهم
عمر : يلا بينا يا ولاء هوصلك البيت بالعربية
ولاء : لا انا هفضل مع سهوة
عمر : يابنتى متركبيش دماغك ، الدكتور قال مينفعش اكتر من شخص يقعد معاها فى الاوضة
ولاء : يبقى انا
اسماء : روحى انتى يا ولاء علشان تستريحى شوية علشان شغلك وانا هفضل معاها ، انا مبلاقيش حاجة اعملها فخلينى معاها وانتى لما تخلصى شغل بكرا ابقى تعالى اطمنى عليها شوية وامشى
ولاء : بس يا.
قاطعتها اسماء : مبسش يلا بقا
ولاء : طيب يا طنط
عمر خدها علشان يوصلها ورأفت فضل شوية وبعدها مشى
فى عربية عمر
عمر : مالك ساكتة لية !!!
ولاء : بفكر...
عمر : منا عارف، بتفكرى فى اية بقا ؟
ولاء : فى سهوة واللى حصلها ، ممكن انت فى يوم تظلمنى زى ما يوسف ظلم سهوة
عمر : اممممم وهو علشان يوسف ظلم سهوة يبقى انا هظلم حضرتك يعنى ولا اية !!
ولاء : ايوة يا عمر علشان كل الرجالة خاينة واهم حاجة عندهم نفسهم وبس والست تغور فى ستين داهية وتتظلم وتتضرب وتتعذب وهم ملايكة
عمر بدأ يتضايق : ولاااء متعصبينيش ، اهو ده بقا غلك فيكم انكم تتهمو الكل بصفة واحد بس يعنى لو شوفتو راجل وحش تقولو كل الرجالة وحشة ، وبعدين حطى نفسك مكان يوسف لو عامل تحاليل وطلع انه مبيخلفش ومراتو طلعت حامل ، تفكيرك هيبقى فين ساعتها !!! هااا
ايوة يوسف غلط جامد جدا بس بردو لو حد مكانو كان هيعمل اكتر من كدا وحظه وحظ سهوة المهبب فى التحاليل دى
ولاء سكتت خالص وبقتش تتكلم
عمر : وصلنا انزلى
ولاء : انت بتكلمنى كدا لية !!
عمر بزهق : ولاء اخلصى انزلى ومش كل لحظة تكونى عايزة تتخانقى علشان انا خلقى ضيق
ولاء بعصبية : طيب طيب ونزلت وهبدت باب العربية وانطلق عمر بعدها بسرعة علطول من غير ما يقف لحظة وده اللى ضايق ولاء
.............
وصل يوسف فرنسا وحجز فى فندق وكان تعبان جدا ودخل واترمى على السرير ونام نوم عميق وبدأت تجيلو كوابيس السجن تانى
سهوة ظهرت واقعة فى الارض مغمضة عنيها اكنها مغم عليها او ميتة ويوسف شايفها من بعيد وكل ما يقرب منها تبعد وكل ما يجرى ويسرع كل ما المسافة تزيد وتبعد اكتر لحد اما وقف واستسلم ونادى بصوت عالى
سهووووة ، يا سهوووووة
بس مردتش علية ولسة بنفس حالتها
بدأ يكلم نفسه : انا بناديلها لييية دى خدعتنى وخانتنى ، لية لس غبى
فى اللحظة دى قامت سهوة وكانت بتقرب منها خطوة خطوة وكل ما تقرب كان بيتخنق يوسف اكتر
سهوة : لية ظلمتنى ، لسة عندك اصرار انى انا اللى خاينة !!!
لسة بتقول عليا خدعتك !!
لسة معتقد انك ملاك وانا الزبالة والحقيرة والخاينة !!
لسة موثقتش فيا !!
لسة متعلمتش اى حاجة عن الحب انه ثقة واخلاص !!
لسة عندك اصرار انى غلطانة وخنتك ، لييية
انا خلاص ، خلاااااص
وكانت بتقرب وهو الهوا بيتسحب من عنده ووقع فى الارض بيتخنق
يوسف بيتخنق : ابعدى !!!! ابعدى
سهوة : انا بعدت من يوم ما ظلمتنى وعملت اللى عملته ، انا فعلا بعدت يا يوسف
وكانت بردو بتقرب منه وهو خلاص بيموت
يوسف وشه بقا احمر وبيتخنق : ابعدى ...ابعدى...ابعدييييييييي
قام من نومه وهو بيقول ابعدى بصوت على وكان بينهج جامد اكنه كان بيتخنق فعلا وفضل خمس دقايق بيتنفس بصعوبة وبص فى الساعة لقاها الساعة 10 الصبح
اتنهد يوسف وقام ودخل خد شاور ونزل فى المطعم فطر وراح لدكتور متخصص وكويس بس تعب جدا عقبال ما لقى دكتور كويس وموجود فى الوقت ده واخيرا دخل وطلب منه تحاليل يعملها وعملها يوسف وفضل مستنى يومين على نار عقبال ما نتيجة التحليل ظهرت وسلمها للدكتور بترقب

Youssef: Please tell me what the result of the analysis is
Dr: Do not worry Mr. Youssef, you are good and you can have children
الترجمة :
يوسف : من فضلك اخبرنى بنتيجة التحاليل !!!
الدكتور : لا تقلق مستر يوسف انت بخير وتستطيع الانجاب

وقعت الجملة كالصاعقة على يوسف
يوسف : thank you doctor
وخرج يوسف وهو سرحان ومش شايف قدامه ووصل اوضته فى الفندق وقعد بصدمة على السرير
انا ظلمت سهوة !!!! انا موثقتش فيها !!!!
انا ضربتها وهنتها ودخلت المستشفى بسببى !!
انا قتلت ابنى بأيدى !!!
لا لا مش معقوول ، انا ضيعت كل كل حاجة من ايدى
انا خسرت سهوة للأبد وكمان خسرت ابنى اللى فى بطنها !!
كان عندك حق يابابا لما قولت انى هندم واشد ندم
بس بردو قولت ان ده وقت مينفعش فيه ندم
خلاص كل حاجة راحت من ايدى ، بغبائى ضيعت كل حاجة ودمرت كل حاجة
كل خط وحلقة وصل اتدمرت خلاص
انا ازاى كنت اعمى كدا !!! لا وكمان خونتها بعد ما ضربتها وضيعتها وضيعت ابنى وخونت وعدى لربنا
فضل يوسف قاعد سرحان ومصدوم وعمال يفكر والندم سيطر عليه وعينو دمعت زى الطفل اللى ضاعت منه حاجة حلوة بس متأكظ انه مش هيلاقيها ولا هترجعلو تانى
كل حاجة انتهت خلاص ......
............
فضل حال ولاء وعمر متجنبين بعض وعمر مش فايقلها اساسا وهى حست بغلطها وراحتلو بس هو اصر على رأيه
عمر : ما دام هعمل فيكى زى ما يوسف عمل جيتى لية !!
ولاء : علشان حسيت انى غلط وحسيت انى ظلمتك
عمر : حسيتى !!! طب لما تتأكدى ابقى كلمينى
وسابها عمر ومشى وهى بتعيط من ساعتها والاجواء اتوترت بسبب سهوة واللى حصلها ويوسف اللى بقالو شهر محدش يعرف عنه اى حاجة اكن الارض اتشقت وبلعته وملوش اي اثر....
.....
فاقت سهوة بس المرة دى ولا بتعيط ولا بتنطق واختها جتلها المستشفى بس سهوة سرحانة ومبتتكلمش خالص واى حد يكلمها او يحاول يحركها متردش وبتتحرك معاه اكنها عروسة لعبة وروحت على شقتها هى ونيرة
الكل كان حزين جدا على حالها ومش عارفين يعملو اية
حاولو يخرجوها من المود بس مش عارفين لغاية اما فى يوم قامت سهوة ولبست وبقت زى القمر وراحت الشركة ودخلت بأبتسامة والكل استغرب عمر وولاء ورأفت اللى كان موجود حتى المهندسين كانو بيبصو بأستغراب
رأفت : اهلا اهلا سهوة
سهوة بأبتسامة : ازى حضرتك يا بشمهندس
رأفت استغرب انها مبتسمة : الحمدلله تمام ، مقولتليش اية اللى جابك
سهوة : هرجع شغلى ولا حضرتك معترض
رأفت : لا لا معترض اية ، ده انا ما صدقت انك بقيتى كويسة
سهوة : شكرا يا بشمهندس وسابته وراحت لولاء وحضنتها جامد وفضلو يسلمو على بعض ويهزرو مع بعض وولاء كانت بتهزر بس مستغربة طريقة سهوة الجديدة اللى بقت محيرة جدا
وسلمت على عمر ودخلت على مكتبها
عمر راح لرأفت : هى بقت عاملة كدا لية ، بتضحك وبتهزر وعادية
رأفت بأستغراب : مش عارف دى اتغيرت خالص
ولاء : انا خايفة عليها اوى
رأفت : انا هروح اسأل الدكتور النهاردة واعرف مالها
عمر : ويوسف اللى مختفى من شهر ده !!
رأفت : والله ما اعرف يا عمر انا هتجنن ، عمال اتصل بيه موبايلو مقفول وبلغت بس لسة مرجعش مصر وقرايبى هناك مش عارفين يوصلولو
عمر بضيق : اوووف انا بردو بحاول اتصل بيه وبردو مقفول طول الوقت وخايف يكون عرف نتيجة التحليل وطلع بيخلف
رأفت : قصدك عمل فى نفسه حاجة !!!
عمر : لا لا يوسف عاقل ميعملش كدا خااالص
رأفت بحزن : ربنا يستر
عمر : انا هحجز طيارة لبكرا وهسافرله فرنسا وان شاء الله مش هرجع غير بيه
رأفت : ياريت يا عمر احسن امه وسته هيموتو من القلق عليه ومش بيبطلو عياط
عمر : اطمن ان شاء الله خير
كانت سهوة فى مكتبها بتحاول تشغل نفسها بأى حاجة علشان متفتكرش كل اللى حصل ومنهمكة جدا فى الشغل فدخلتلها ولاء
سهوة : ايوة يا ولاء!!
ولاء : انتى مالك يا سهوة !!! النهاردة متغيرة جامد
سهوة : منا عادية اهو
ولاء : لا يا سهوة مش عادية ، انا قلقانة عليكى جامد
سهوة : سيبينى علشان خاطرى يا ولاء
ولاء : مش هسيبك غير لما تقوليلى فى دماغك اية !!!
سهوة اتعصبت : هو فيه اية !!! اعيط واعزل نفسى تضايقو وتزعلو وتتمنوانى اتبسط واضحك تان واعيش حياتى
اضحك واتبسط واعيش حياتى تستغربوا وتقولو مالك انتى متغيرة
طب اعملكو اية !!! قوليلى يا ولاء اعملكو اييييية!!!!!!
اموت علشان تستريحو منى !؟!
ولاء حضنتها : متزعليش منى ، انا اسفة ، بس والله علشان اختى وصاحبتى وكل حاجة ليا فبحب اطمن عليكى
سهوة : اطمنى يا ولاء انا عارفة انا بعمل اية كويس
خرجت ولاء
سهوة كانت بتتكلم وبتقول كدا وهى جواها نار غير عادية كأنها بتموت ولكن مسيطرة عليها بضعف ، للحظة افتكرت يوسف لما قابلها اول مرة فى فيلا رأفت ووقع على الارض من الضحك لما سمع اسمها وفضل يتريق عليها جامد بس طردت الذكريات دى فورا لانها مش عايزة تفتكر اي حاجة كانت سبب فى جرحها وتدميرها بالمنظر ده ، هو استحمل بعدى !!!
كلامه انه مش هيقدر يستغنى عنى كان مجرد كلام !!!
كسرنى وجرحنى ودمرنى وقتل ابنى ومشى !!!
ده جزاتى بعد اللى عملته معاه
نزلت دموعها جامد لما افتكرت اللى حصل وكمان الشهر اللى فات ده كله كانت بتعانى ازاى بس قررت انها تقوم ومتضيعش عمرها على الحزن ده كله وتقنع نفسها انها تقدر تقاوم الحياه بكل متاعبها ومأسيها
........
•اجهزى علشان مبقاش فيه انتظار تانى الفترة الجاية
سما : هنعمل اية !!!
• هندور برجالتنا عن يوسف وهنجيبو ونمضيه عافية وبعدها (شاور على رقبته بالدبح )
سما : هنقتله !!!
• ايوة هنقتله ونخلص منه
سما : كدا هنروح فى داهية
• يبقى متعرفنيش يا سما ، احب اعرفك بنفسى انى اكبر تاجر اثار وسلاح على مر التاريخ وعندى رجالة وناس شغالين عندى فى كل بلد فى العالم وبتعامل مع كل المنظمات
سما : انت بتقول اية !!!
• اللى سمعتيه ، انا الفترة اللى فاتت دى كلها كنت باين عادى ومش قوى لكن خلاص اللى كنت مستنيه طول وبعدين انتى اثبتى ولائك ليا الفترة اللى فاتت دى كلها علشان كدا دلوقتى مش خايف وبكلمك وانا واثق انك مكملة معايا وهتساعدينى
سما : ده اكتر وقت بالذات انا مستعدة اقف معاك وابقى معاكو بصفة اساسية ، كدا اثبت قوتك بجد
كدا دلوقتى مش خايفة ومعاك فى اى حاجة
• اى حاجة اى حاجة !!!
سما : ايوة اي حاجة اى حاجة
• يعنى مش هتيجى تندمى !!
سما : لا مش هندم ، انا مشيت فى السكة دى من الاول ، يا اما اكمله للأخر وكل حاجة تبقى ماشية تمام او يا اما كل حاجة تفشل وساعتها اضيع انا ، مش مهم عندى
• خلاص تمام ، استعدى بقا .....
.........
رأفت ساب الشركة وراح للدكتور اللى تابع حالة سهوة وهو دكتور فارس
رأفت : يعنى تفسير حضرتك للى حصلها ده كله اية !!
فارس : نتيجة الصدمة جاتلها غيبوبة وبعد ما فاقت اللى عملته ده حاجة اسمها هروب من الواقع ومش هى المسؤولة عنه ده عقلها بيقاومها وده غلط جامد عليها وهيخلى حالتها تسوء اكتر من كدا
رأفت : يعنى اية الحل طيب يا دكتور
فارس : بص يا بشمهندس ، لازم سهوة تيجى وتحكيلى على كل حاجة حصلت واتابع انا حالتها واولها لما تحكى هيخرج عبئ كبير اوى من عليها وهمشى معاها خطوة خطوة وان شاء الله تبقى كويسة
رأفت : تفتكر هترضى تيجيلك !!
فارس : فى الاول هترفض بس عقلها هيجيبها بنفسها بعدها علطول....
...........
يوسف كان كل يوم سكران ويرجع اخر الليل واكنه بيهرب من حياته اللى دمرها بأيده وهو دلوقتى فعلا بيدمر حياتو نهائى
كل يوم سهر وشرب ويرجع اخر الليل يترمى على السرير وده اللى خلاها ضعيف جدا ووشه بقا حزين علطول
فضل على الحالة دى لغاية اما فى يوم رجع دايخ وسكران ودخل البيت وفضل ماشى فى طريقه للسرير وهو مش قادر يمشى
فجأة طلع اتنين من وراه وضربوه على دماغه جامد ووقع على الارض فاقد الوعى ........
******************************************************

الحلقة 23 والاخيرة
__________

فضل على الحالة دى لغاية اما فى يوم رجع دايخ وسكران ودخل البيت وفضل ماشى فى طريقه للسرير وهو مش قادر يمشى
فجأة طلع اتنين من وراه وضربوه على دماغه جامد ووقع على الارض فاقد الوعى ........
# شيلوه بسرعة
جيه شخص تالت وشال معاهم يوسف وخرجو وحطوه فى العربية ومشيو.......
..........
تانى يوم قام عمر علشان يسافر ليوسف بعد ما جهز كل حاجة اليوم اللى قبله
نزل من البيت ولسة هيركب العربية
عمر بأستغراب : ولاء !!!
ولاء : ايوة يا عمر ، مش هسيبك لوحدك وهسافر معاك
عمر : انتى عبيطة يا بنتى !!! ، لنفرض انى هاخدك معايا وهتسافرى معايا تقدرى تقوليلى فين ورقك وجواز سفرك والخ ..... انا مش مسافر شرم يا حاجة ، انا مسافر فرنسا..
ولاء بدموع : منا مش هاين عليا تمشى وانت زعلان منى ، احنا بقالنا اكتر من شهر مبنكلمش بعض وانت مش عايز تدينى وش خالص ..... انت قولتلى لما تتأكدى انك غلطانة ابقى تعالى وادينى اهو متأكدة انى غلطت فى حقك وحكمت بمشاعرى ، والله اتأكدت انى ظلمت وانت ملكش زنب .....ممكن بقا تسامحنى
قرب عمر ناحيتها ومسك دماغها بأديه الاتنين وباسها من راسها وحضنها جامد بشوق ورجع بصلها تانى
عمر : مسامحك يا ولاء من زماااان بس كنت مستنى تيجى وتعترفى بغلطك علشان الاعتراف بالغلط بيثبت الحد ده بيحبك اد اية علشان كدا اعترف بغلطه
ولاء : وانت شاكك فى حبى ليك !!
عمر : لا مش شاكك بس كنت عايزك يبقى عندك جرأة وتتعلمى ومتحكميش بالظاهر بس ، المهم سيبك ، رغم انى كل يوم بشوفك فى الشركة بس انتى وحشتينى اوى
ولاء : وانت اكتر والله ، بس علشان خاطرى متسبنيش
عمر : والله بحبك ومش هسيبك ابدا ، انتى كل حاجة ليا وعمرى وروحى
حضنته ولاء تانى
ولاء : طيب يلا علشان متتأخرش على الطيارة
عمر : هتوحشينى
ولاء : خلى بالك من نفسك
عمر ابتسم : حاضر وانتى خلى بالك من نفسك
ولاء مسكت ايدو جامد : حاضر
عمر مسك اديها وباسها وسابها ومشى وهى عنيها متعلقة بيه ....
.....
صابر : بقالنا شهر قاعدين يا ايما يلا علشان هنسافر النهاردة بليل
ايما : يا بابى انا مث عايزة الجع تانى انا هقعد هنا علطول
صابر : مينفعش يا ايما علشان عندى شغل كتير برا وهنرجع كمان اسبوعين علشان فيه شغل بردو هنا
ايما : خلاص لوح انت وانا هفضل هنا
صابر : يلا اجهزى يا ايما
ايما زعلت : طيب يا بابا
سارة : ما تسيبها يا صابر وسافر انت
صابر : مش هطمن غير وهى معايا
سارة : ايما زى بنتى بالظبط متقلقش عليها ، سافر انت وخلص شغلك وارجع
صابر : مش عارف والله
سارة : مفيش حاجة اسمها مش عارف ، هى عايزة تقعد هنا ومبسوطة يبقى تسيبها وتروح تشوف شغلك وهى هنا فرحانة ولما تخلص ارجع وانت قولت اسبوعين يعنى مش كتير
صابر : امممممم طيب ، خلاص يا ايما مش هتسافرى معايا وخليكى هنا
فرحت ايما جامد وفضلت تتنطط وده اللى فرح صابر لانه اول مرة يشوفها مبسوطة كدا وعندها اهل وصحاب
.........
كان عمر فى طريقه للمطار ورن موبايلو برقم رأفت
عمر : ايوة يا عمى
رأفت : انت مسافر دلوقتى يا عمر !!
عمر : ايوة ومتقلقش خالص ، انا ان شاء الله مش هرجع غير ومعايا يوسف
رأفت : معلش يابنى تعبتك معايا
عمر : تعبتنى اية يا عمى وبعدين يوسف ده صاحبى واخويا من الحضانة وبعتبر حضرتك والدى
رأفت : تسلم يابنى
عمر : يلا بقا سلام علشان داخل على المطار اهو
رأفت : ربنا معاك ، سلام
رأفت قفل مع عمر ودخل مكتب يوسف وقعد عادى بس لفت انتبهه ملف باين من تحت المكتب وباين منه جزء
وطى رأفت يجيبه بأستغراب وفتحه واتفاجئ
دى تحاليل يوسف اللى عملها فى فرنسا !!!
اية ده يوسف طلع بيخلف ، مين اللى وصل التحاليل دى هنا !!
وازاى وقعت تحت المكتب من غير ما اخد بالى !!
مش يمكن يكون يوسف رجعها
قرر رأفت يجيب كل تسجيل الكاميرا بتاع كل الايام اللى فاتت علشان يعرف مين اللى دخل التحاليل المكتب واتفاجئ انه يوسف اللى دخل وحطها تحت المكتب وكان الوقت ليل وخرج
رأفت استغرب جامد ، ازاى دخل !!! ورجع مصر وانا معرفش ....انا لازم اكلم المقدم محمد وافهم كل حاجة
وبالفعل كلمه واتقابلو
رأفت : ده معناه انه رجع
محمد : احنا دورنا فى كل حتة عنه بس فيه حاجة نسيناها
رأفت : حاجة اية
محمد : المطار ، نسينا نعرف من المطار
رأفت : والحل
محمد : تعالى معايا
ركب رأفت مع محمد وانطلق للمطار ودخل وسأل على كشوفات الرحلات اللى فاتت وفضل يدور لغاية اما لقى يوسف فعلا جيه القاهرة من حاولى شهر بس سافر تانى فى نفس اليوم
محمد : كدا وضحت ، يوسف جيه فعلا بس سافر تانى
رأفت : طب تفتكر هو سافر لية
محمد : معرفش يا بشمهندس ، مش عارف اية اللى فى دماغ يوسف بس اطمن حكاية الارض خلصت
رأفت : ازاى
محمد : كل حاجة اتعملت زى ما اتفقنا ، يوسف يرجع بس وهنشوف هنعمل اية
رأفت : طيب الناس دى
محمد : يؤسفنى انى اقولك انهم تشكيل كبير او مافيا لتجارة الاثار والسلاح بس اللى معجزنا دلوقتى اننا بنجرى ورا هوا يعنى مش عارفين بنجرى ورا مين
رأفت : سما دى خيط مهم
محمد : للأسف فضلنا مراقبينها مرة ورا مرة وكانت بتختفى لغاية اما مبقاش ليها اثر فى مصر خالص
رأفت : يعنى اية ، ممكن يكونو اذو يوسف !!
محمد : دى بقا حاجة فى علم الغيب وهنتأكد منها ، انا بنفسى هسافر على فرنسا واتابع الوضع هناك
رأفت : على فكرة عمر صاحبو سافرلو وهو الوحيد اللى هيعرف قاعد فين لان يوسف عنده شقه هناك وكان بيروح هناك لما بيسافر
محمد : ده كويس جدا علشان كدا حضرتك هتدينى رقم عمر علشان لما اسافر اروحلو لانى لازم اقابل يوسف فى اسرع وقت لان اكيد هم وصلولو او هيوصلولو علشان يخلوه يسلم الارض
رأفت : ده لو مأذهوش
محمد : متقلقش يا بشمهندس ، ان شاء الله خير بس حضرتك لية مسألتش نفسك ليه هم مهتمين بالارض جامد كدا
رأفت : اكيد علشان فيها كمية اثار ملاقوهاش فى مقبرة قبل كدا وكمان اطنان الدهب دى
محمد : مش بس كدا ، احنا اكتشفنا انها فيها نفق مردوم من فوق بس يعنى سهل يتفتح ومش هتتخيل النفق ده مودى على فين
رأفت : فين !!
محمد : اسرائيل .....
رأفت بصدمة : ايية !!!!!!!!!
.......
رباب كانت بتعيط جامد : انا مش قادرة استحمل بعاده عنى يا ماما مش قاادرة ، خايفة يكون حصله حاجة
اسماء : يابنتى يوسف مش صغير اكيد بيريح اعصابه من اللى حصل
رباب بدموع : يريح اعصابه اكتر من شهر!!!
اسماء : معلش بس اللى عمله واللى حصل مكنش سهل خالص
دخل رأفت ورباب جريت عليه
رباب : هااا مفيش اخبار عنه !!!
رأفت بحزن : للأسف لا
قعدت رباب تعيط
رأفت : متعيطيش يا رباب عمر سافر ليوسف ومش هيرجع غير بيه وكمان الظابط هيسافرله وبعدين ابنك اكيد قعد كدا لما حس بغلطه وانه قتل ابنه بأيده وخسر سهوة ودمر حياته
رباب : مش فاهمة ، مش يمكن يكون عنده حق ، مش انت بتقول عمل تحاليل وطلع مبيخلفش !!!
مسك رأفت التحاليل واداها لرباب
رأفت : دى التحاليل اللى عملها فى باريس ورجع رجعها وسافر تانى ، افهمك بتقول اية !!!!
بتقول ان ابنك قادر على الخلفة وانه مفيش عنده اى مشكلة
ابنك ظلم سهوة ودمرلها حياتها واعصابها وبقت بنى ادمة تانية غير اللى كنا نعرفها وقتل اللى فى بطنها اللى المفروض ابنه ، اكيد ندم ومش اى ندم كمان ، ده ندم شديد وده اللى خلاه قعد هناك
بس هو غبى بدل ما يرجع ويصلح اللى عمله وهببه لا هرب من الواقع وهرب من المواجهة واستسلم علطول من غير مقاومة حتى
يوسف ده غبى غبى وحكالهم كل اللى قاله الظابط
كانت رباب بتعيط جامد وحضنتها اسماء وتطبطب عليها وفى الاخر قامت اسماء واترددت للحظة بس بقالها فترة مش بتكلم سهوة او بالاخص سهوة مبتكلمش حد خالص ومسكت الموبايل واتصلت بسهوة
سهوة شافت الرقم قلبها فضل يدق جامد وكل اللى حصل عقلها بيسترجعه تانى وهى مش عايزة تفتكر حاجة راحت قافلة الموبايل
اسماء مستسلمتش وقررت تسأل رأفت على عنوانها الجديد واداهولها فعلا وراحتلها المكان وخبطط وفتحت نيرة واتفاجئت
سهوة من جوا : مين يا نيرة
نيرة : طنط اسماء
سهوة قلبها دق جامد بس اتماسكت وخرجت
سهوة : اتفضلى يا طنط
دخلت اسماء الشقة اللى كانت متوسطة مش الشقة اللى جابها يوسف لسهوة يوم ما بيتها وقع ، دى شقة جديدة
اسماء : عاملة اية يا سهوة
سهوة : الحمد لله
اسماء : اية الشقة دى مش قاعدة فى التانية لية
سهوة : التانية هو اللى جابها وانا مش عايزة حاجة من ناحيتو ابدا ، دى مأجراها من قبضى فى الشركة والحمدلله عايشين انا ونيرة كويسين
اسماء : انتى عارفة ان يوسف عمل تحاليل فى باريس وطلع بيخلف
ضحكت سهوة ضحكة سخرية : امال حضرتك كنتى فاكرة انه مبيخلفش بجد !!!
اسماء : مش قصدى يا سهوة انا كنت اول واحدة معاكى ومصدقاكى ، انا بقولك كدا علشان اعرفك ان يوسف عرف واتندم
سهوة : وهو بقا قال لحضرتك تيجى وتقوليلى الكلام ده !!!
اسماء : لا يا سهوة ، يوسف من ساعة ما عرف مرجعش وندمان واكيد حياته متدمرة ، بقالو شهر مرجعش ده غير ان الظابط اكتشف ان الناس اللى عايزين الارض طلعو مافيا كبيرة وبيقول اكيد وصلو ليوسف وهيأذوه
انتبهت سهوة لكلامها بس مبينتش
اسماء : يوسف ايوة هرب من الواقع وندم واستسلم ومجاش ليكى علشان ملوش وش بس دلوقتى هو فى خطر
ده اكتشفو ان فى الارض نفق بيودى على تل ابيب
سهوة بصدمة : ايية !!!
اسماء : ايوة يعنى الناس دى خطر كبير جدا ومطلعوش عاديين ذى ما احنا متخيلين
........
عمر كان وصل ل فرنسا وراح فندق يريح فيه شوية وبعدين يروح ليوسف على شقته
نام عمر وصحى على صوت موبايلو بيرن بس ميعرفش رقم مين
رد عمر بنوم
عمر بنوم : الو
محمد : ايوة يا عمر ، معاك المقدم محمد ادهم
عمر اتعدل : ايوة يا سيادة المقدم
محمد : انا وصلت باريس
عمر : اية
محمد : مش وقته ، فوق كدا والبس وقابلنى فى المكان ده ..... علشان نروح ليوسف
عمر : حاضر حاضر
قام عمر وخد شاور ولبس ونزل وقابل محمد
عمر بأستغراب : بس اية اللى جاب حضرتك هنا !!!
محمد حكالو على كل حاجة
عمر بقلق : ربنا يستر
دخل محمد وعمر الشقة وفضلو ينادو ويدورو على يوسف بس مش لاقينو ، كلها اثار ازايز وسكى فاضية والشقة فاضية تماما
عمر : يمكن برا
محمد : يمكن ، يلا بينا نبقى نيجى وقت تانى
اتحرك عمر بأتجاه الباب لكن محمد لاحظ حاجة فى الارض وراح ناحيتها وكان عبارة عن نقط دم كبيرة وصغيرة بس جافة مش سائلة
عمر لاحظ وراح لمحمد ومحمد فضل متتبع اثار الدم بس اتقطعت عند باب الشقة
عمر بقلق : اية !!!
محمد : يوسف اتخطف والدم ده معناه انهم ضربوه على دماغه جامد وشالوه ومشيو
عمر بصدمة : اية !!!
محمد وهو بيخبط بأيده على الحيطة : كنت حاسس ، كنت حاسس
............
صابر سافر فعلا وكانت ايما قاعدة مبسوطة جامد مع العيلة وبنات خالتها شروق ورحمة اللى مش بتفارقهم وعلكول بيلعبو مع بعض وده كان مفرح سارة جدا وكانت بتطمن صابر على ايما وبتخليها تكلمو.....
..........
عمر : هنعمل اية دلوقتى !!
محمد : مش عارف ، لازم نعرف مكانو لانهم اكيد هيطلبو منه يمضى على الارض
عمر : طيب هنوصلو ازاى
محمد : ده اللى بخططله وبفكر فيه
رن موبايل عمر برقم رأفت
عمر : بشمهندس رأفت بيكلمنى ، ارد ولا اعمل اية
محمد: هات انا هكلمو
خد محمد الموبايل من عمر ورد
رأفت : ابوة يا عمر
محمد : انا مش عمر يا بشمهندس ، انا محمد
رأفت : ايوة يا سيادة المقدم ، عملتو اية ، خير !!
محمد : مش خير ابدا
رأفت بقلق : حصل اية ؟
محمد : زى ما اتوقعت...وصلو ليوسف وخطفوه
رأفت بصدمة : اية !!! وهنعمل اية دلوقتى
محمد : متقلقش انا دلوقتى كلمت ناس معانا هنا وهنمشى ورا كل حاجة وهنوصلهم
رأفت : مش هتعرفو يابنى ، انت مش قولت دى مافيا كبيرة !!
محمد : كبيرة ايوة بس صدقنى انا اتغلبت على اصعب منها ، كل شر لية نهاية واكيد هنوصلهم
رأفت : ربنا يستر
محمد : مش عايز حضرتك تقلق ، انا هعمل كل اللى فى وسعى علشان انقذ يوسف ......
............
فات ايام واسبوع والكل قلقان ومفيش اى اخبار وسهوة اللى كانت بدأت تنسى يوسف بدأت تقلق عليه وخصوصا ان خبر خطف يوسف انتشر ووصلها الخبر عن طريق نيرة لانها صاحبة جودى وبيتقابلو....
سهوة بدأت تقلق جامد
سهوة لنفسها : انتى قلقانة لية !!!! ، نسيتى اللى عمله فيكى !! نسيتى انه كسرك واهانك واتهمك فى شرفك !!
نسيتى انه قتل ابنك وابنه !!!
نسيتى انه دمرك ودمر قلبك وكرهك ودمرلك حياتك وخلاها سودة !!!!
انا فعلا بكرهه وعمرى ما هسامحه ابدا ، ده حتى لما عرف انه غلطان مجاش واعترف بغلطه لانه مش عايز يطلع نفسه غلطان ، هرب ومرضيش يجى علشان يتأسف ممكن كنت اسامحه بس هو مجاش اصلا يعنى استسلم وباع حبى لية بعد ما كسرنى وجرحنى.....
..........
• : حلو الاسبوع اللى من غير اكل ده !!!! حلو حقن الهروين اللى بتاخدها !!!!
يوسف بضعف : ايوة حلو عايزين منى اية تانى
• : من ناحية عايزين فأحنا عايزين ، بس الاول تاخد حقنة الهروين المعتادة وشاور لواحد وجيه وكتف يوسف ويوسف مقاومته ضعيفة لانه جسمه اتدمر خالص
وادالو الحقنة ويوسف سند على الحيطة بتعب جدا والشخص ده واقف متابعه بنظراته وابتسامته اللى بتزيد
دخلت سما
سما : كفاية كدا عليه يا بيبى
• : ما هو كفاية فعلا ، بس كل اللى عملته ده خدت حقى منه لما قتل رجالتى دلوقتى بقا المطلوب
يوسف : امممم
• : تمضى على الورقة دى بتنازلك عن الارض
قاطعته سما : وتمضى على دى بتنازلك عن الشركة
بصلهم يوسف وافتكر ان مفيش اى حاجة يبقى عليها ونزلت دمعة من عينه ومد ايدو علشان يسحب منهم الورقتين وخدهم ومسك القلم وايدو بتترعش ومضى فعلا......
ضحك الشخص ده جامد جدا وطلع مسدس وشد الاجزاء ووجهه ناحية يوسف
• : كدا خدت اللى عايزو ، مش محتاجلك تانى
ابتسم يوسف زى ما يكون ما صدق الموت هيجى وغمض عينه واستشهد وانتظر الرصاصة.......
.......
كانت سهوة فى الشركة معاهم عادى والجو متوتر بس رأفت مجاش وكمان عمر رجع بس قاعد مبيتكلمش فى الشركة والاء بتحاول تخفف عنه بس هو مش عارف يبتسم ولا ينسى وقلقان على صاحبو اللى بيعتبرو اخوه
قررت سهوة تروح وجت فى دماغها فكرة انها تروح ل الفيلا بتاعة رأفت علشان تطمن على اى حاجة وصلو ليها وكمان تقف جمبهم زى ما وقف رأفت جمبها وشغلها فى الشركة بعد ما كانت فاقدة الامل
فعلا راحت على الفيلا ودخلت واسماء جريت حضنتها وحضنت رباب وجودى وسلمت على رأفت وقعدت
سهوة بحزن : لسة مفيش اى اخبار
رافت : لا يا بنتى ، اختفى
لسة سهوة هتتكلم جالها رسالة على الموبايل
فتحت سهوة شنطتها وطلعت الموبايل وفتحت الرسالة وكانت الصدمة اللى خليتها رمت الموبايل على الارض وفضلت تصوت
جرى رأفت يمسك الموبايل ويشوف فيه اية واتصدم ........
الرسالة كانت عبارة عن صورة يوسف ومقتول
مضروب رصاصتين فى صدره وغرقان دم وميت............
رأفت مش عارف يقول اية ولا يعمل اية ورباب واسماء مسكو الموبايل وشافو المنظر وصوتو وسهوة كانت قاعدة منهارة ....
فجأة فى اللحظة دى رن موبايل رأفت برقم محمد
رأفت بحزن : ايوة يابنى
محمد بحزن : انا اسف يا بشمهندس انى هقولك الكلام ده بس للأسف.....احنا لقينا جثة يوسف ابن حضرتك على طريق القاهرة اسكندرية الصحراوى................

الى اللقاء فى الجزء الثانى من " القاسيان " >> [ الحب الضائع "الجزء الثالث" ]

رأيكم !!!
توقعاتكم اية ؟
خلاص يوسف مات ؟
سهوة موقفها هيبقى اية ؟
اية علاقة ابطال الحب الضائع بأبطال القاسيان
هل سما ليها سر
هل اللغز هيكبر اكتر من كدا !!!
ده اللى هنعرفه فى القاسيان "الجزء الثانى" >> (الحب الضائع "الجزء الثالث")

لازم طبعا تقرأو الحب الضائع الجزء الاول والتانى علشان تفهمو احداث الجزء التانى من القاسيان

اشوفكم قريب ان شاء الله على خير
دعواتكم