رواية بناتي حياتي
الحلقة الاولي
في صباح يوم في دوله الكويت و في فيلا صغيره يسكنها رجل الاعمال المصري فؤاد مع اسرته المكونة من زوجته الدكتورة منى وابنته الكبيرة سيلا 23سنه وابنته الصغيرة لين 18سنه وابن اخيه امير اخو سيلا بالرضاعة و يعيش معهم منذ وفاة والدته وزواج ابيه
منى : يلا يا لين اصحي هتتأخري علي امتحانك
لين: صباح الخير يا مامي هي الساعة كام
منى :صباح النور يا حبيبتي الساعة 6 يلا قومي اتوضي وصلي وتعالي افطري عشان تنزلي
لين :حاضر يا منمن حالا هحصلك
وتقوم لين وتروح للحمام وتأخذ دش وتتوضأ وتلبس هدموها وتصلي وتخرج
اعرفكم بلين هي بنوته رقيقه جدا وجميله اوي بيضه شعرها اسمر طويل اوي يوصل لنص ضهرها وعيونها واسعه لونها عسلي فاتح اوي مش طويله ولا قصيره وجسمها جميل جدا متناسق بس اجمل حاجه في لين كمان روحها الحلوة وحضورها المتميز وضحكتها وحب الكل ليها واي مكان بتروح فيه بتلفت النظر ليها وتكون محط الاعجاب من الكل هي في اخر سنه في ثانوي ومستنيه تخلص امتحانات بسرعه عشان تنزل اجازه لمصر
خرجت لين لقيت بابها ومامتها علي السفرة يفطروا
لين :صباح الخير علي اجمل اب في الدنيا وحشتني يا بابي
( وباسته في خده وهي حضناه من ظهره وهو قاعد علي الكرسي )
فؤاد :صباح النور يا ليني انا رجعت مخصوص من السفر عشان عارف اني وحشتك
لين وهي بتعقد معاهم لتفطر :اممممم يعني مش عشان مثلا الشغل خالص خالص ولا عشان عندك اجتماع ضروري في الشركة الساعة 10 مع انكل حامد
فؤاد وهو يرسم علي وشه علامه الاستغراب وعدم المعرفة :ايه دا اجتماع ايه انا معرفش حاجه
منى :ايه دا يا فؤاد انت نازل الشغل النهارده انت مش قولت ان احنا هنخرج نجيب الهدايا اللي هننزل بيها مصر
وقبل ما يرد فؤاد يدخل امير ابن اخوه ودراعه الايمن في الشركة
امير :صباح الخير عليكم جميعا وعلي القمر بتاعي الصغنن خصوصا ويبوس لين من خدها
امير بيحب بنات عمه اوي وخصوصا لين يعتبرها بنته كمان مش اخته
لين : صباح النور يا ميرو قلبي انا
امير :انا جهزت كل الاورق المطلوبة للصفقة ياعمي وكنت عاوز حضرتك تشوفها قبل الاجتماع عشان لو حابب تزود حاجه عشان نعرضها
فؤاد وهو يبرق لأمير :اجتماع !اجتماع ايه دا يا امير هو فيه اجتماع النهارده
لين وهي تأكل وتكتم الضحكة وتنظر لبابها اللي بيهرب من الخروج لشراء الهدايا
منى :بقي كده يا فؤاد وانا اللي مستنيه كل دا عشان انزل معاك واشتري الهداية اللي هناخدها ومرضيتش انزل لوحدي
فؤاد باستسلام وقد انكشف امره : معلش يا حبيبتي انتي عارفه اني لازم اخلص كل حاجه قبل ما ننزل الإجازة عشان اكون مرتاح منشغلش عنكم وبعدين يا موني ما انتي اللي بتختاري كل حاجه علي زؤقك وبعدين هو في احلي من زؤقك يا حبيبتي (ومسك يدها وبسها فابتسمت منى وحضنت ايده )
منى: خلاص يا حبيبي ربنا يقويك ويوفقك ويخليك لينا ومايحرمنيش منك ابدا
لين وامير سوا بصوت مثل الكمان : تيررررررار راررررر تيرررار
منى تتكثف وتنظر للأكل وفؤاد: هو انتم لسه هنا يا مفرقين الأحبة
ويضحك الجميع وتنظر لين بفرحه علي حب بابها ومامتها وتفهمهم ال مستمر من سنين
فؤاد :فين سيلا هي لسه نايمه لحد دلوقتي
لين : قصدك يا بابي هي لسه نايمه دلوقتي دي عماله ترغي مع احمد طول اليل وسمعاه عمال يقولها يا سيلا عاوزه انام مش هعرف اروح الشغل وهي نزله رغي
يضحك امير علي سيلا وخاطيبها احمد وابن خالتها ويقول : دا يعيني كل يوم تفضل تكلمه و تسهره ويروح الشغل تعبان بيكلمني امبارح بيقولي حطلها منوم عاوز انام
تضحك منى وتقول :احمد ابن اختي بيحبها ومابيحبش يزعلها ويفضل سهران عشناها وبنتك معندهاش لا رحمه ولا دم كل شويه تخليه يغير حاجه في الشقة لما طلعت روحه
فؤاد وهو يفتكر ان في الإجازة دي هيزوج سيلا ويسيبها مع جوزها في مصر فيقول بحزن الاب :ربنا يسعدهم يارب ويتم فرحتها علي خير
لين تحس بزعل بابها ان سيلا هتجوز وتسيبه تقوم تبوسه وتحضنه وتقوله :احسن انها هتتجوز عشان افضل انا الفي حضنك وبس يا فوفو يا حبيبي
فيضحك فؤاد لحب لين ليه : لا يا اميرتي انا عاوزك انتي كمان تتجوزي وتفضل موني بس اللي في حضني
فتبص ليهم لين بنظره طفوليه وترسم علي وشها الحزن والغضب :بقي كده يا بابي طيب انا قعده بقي هنا ومش هسيبكم خالص مالص بس هاااا
يضحك الكل علي دلع لين وحبها ليهم
امير : دا انا زعلان منك يا موني زعل يعني لازم ترضعيني مع البت الرخمة سيلا وتبقي لينو اختي طيب اتجوز مين انا بقي مش لاقي عروسه في طعمتها يا ناس ( بيتكلم وهو بيقرص لين من خدودها ولين مسكت ايده عاضتيه برحه )
فيضحك الكل
لين تنتبه للوقت :امشي انا عشان الامتحان دا انا نسيته
امير :استني يا حبيبتي اوصلك في طريقي
فؤاد :يلا يا بشمهندسة وشدي حيلك بقي الشركة منتظراكي
لين : اقل من مديره في الشركة دي مش هقبل
امير : الله دا انتي ناويه تأخذي مكاني بقى
لين بابتسامة جميلة :ايوه نطلعك معاش مبكر
يضحك الكل عليهم
منى : يلا يا حبيبتي روحي احسن تتأخري و ربنا يوفقك وطمينني اول ما تخلصي اوعي تفضلي تتكلمي مع صحابك وتنسيني
لين :حاضر يا مامي اشوفكم بخير
منى وفؤاد :في رعاية الله
و بعد انتهاء الامتحان لين واقفه مع اصحابها الانتيم شوشو وصافيه والاء وهم كويتيات بس لين بشخصيتها الجميلة والمميزة بقم كلهم يتكلموا مصري زيها
لين بفرحه : انا مش مصدقه ان احنا خلاص خلصنا المدرسة والامتحانات وهنروح الجامعة بقى
شوشو بضيق : بس الامتحان دا كان صعب اوي بجد
ترد الاء : كان مقرف دا انا لو جبت درجه النجاح هحمد ربنا
صافيه :مكنش صعب لدرجه يعني بالعكس كان في المستوي الطالب المتفوق طبعا الهو انا ولين
فتضحك لين وصافيه و تتغاظ شوشو و ألاء وكل واحده تضرب الوقف جمبها فشوشو تمسك لين وتعضها من دراعها بس بشويش هزار و الاء تقرص ودن صافيه
لين : يا عضاضة سبيني وانا مالي هو انا القول تلك متذاكر يش
صافيه : اي اي وداني سيبني حرمت خالص
المهم سيبكم من الامتحان ها قوليلي بقي هنعمل ايه
شوشو :عاوزين ننظم الإجازة دي ونقضيها خروج
الاء :خروج وين يا شوشو دا هي الكويت كلها قد ايه دا هي اوضة وصاله
صافيه :تعالوا نطلع مع اهلينا لبره الكويت
شوشو: والله فكره ايه رائيك يا لين و سكته ليه
لين بفرحه : انا عن نفسي مستنيه الاسبوع دا يخلص بقي وطير علي مصر
صافيه :اوووف صحيح انتي مسافره
الاء:خليكي يا لين معنا هل اجازه ما بنعرف ننبسط من غيرك
لين : لا طبعا دا انا ما صدقت الامتحانات خلصت عشان ارجع مصر واشوف بقى اص( وانتبهت قبل ما تكمل فسكتت و بصة لصحابها اللي كانوا بيبصوا عليها اوي ويبتسموا)
شوشو :ايوه كملي كملي عاوزه تشوفي مين
الاء : اعترفي اعترفي عشان لما نقول بتحبي متقوليش تاني لا طبعا دا احنا جيران ومعارف وبس
صافيه بخوف : لين اوعي تسمعي كلامه وتدخلي الجامعة في القاهرة احنا متفقين هندخل كلنا سوا اوعي تسيبينا يا لين احنا من kg سوا كلنا مفترقناش
تبص لين لها بحب وتطمنهم : هرجع ونكمل في الجامعة سوأ ومش هنفترق ابدا( ويحضنوا بعض كلهم بحب يقطعوا عليهم صوت تلفون لين وهو بيرن
لين : دا مين ال بتقطع علينا اللحظة النكد دي
فتضحك البنات
تطلع لين تلفونها وتبص للمتصل وتلقي مامتها فتضرب راسها بأيدها
لين : اوووف دي مامي انا نسيت اطمنها خالص
لين :الووا
منى :انا قولت برده انك هتفضلي تتكلمي وتنسي تطمنيني
لين :سوري يا مامي انا لسه خارجه من شويه وكنت لسه هكلمك
منى : ايوه ما انتي كل مره بتقولي كده المهم طمنيني عملتي ايه
لين: هو دا برده سؤال يا منمن طبعا قفلتها وكله تمام
منى : الحمد الله يا حبيبتي هتعملي ايه دلوقتي هترجعي ولا هتروحي في مكان
لين: لسه بنتفق يا مامي نقرر وكلمك اقولك على طول انا فين
منى :اوكي يا حبيبتي انا هخرج انا وسيلا نجيب الهداية اللي هنا خدها معنا عاوزه حاجه اجيبه الك
لين : ميرسي يا مامي انا هشتري الهداية بتعتي بنفسي قبل السفر
تدخل سيلا علي مامتها
سيلا : بتكلمي مين يا مامي دي لين
منى: ايوه
سيلا :طيب هاتيها اقولها حاجه
منى: خدي يا لين سيلا عاوزكي
سيلا: ايوه يا صايعه
منى وهي تضرب سيلا علي رجلها: بنت ايه اللي بتقوليه علي اختك دا
سيلا وهي تبعد هروب من يد منى :سوري يا مامي مش قصدي
لين وهي تضحك لما سمعت صوت الضربة وكلام مامتها: احسن تستهلي
سيلا : اخرسي يا جزمه وقوليلي يلا انتي فين ورجعه امتي وارجعي حالا انا مش هنزل مع امك لوحدي
منى تسمع سيلا:امك يا محترمه اسمها امك يا خساره تربيتي
سيلا وهي تعض شفيفها من صوت مامتها :سوري يا مامي قصدي مامتك حلو كده
لين وهي ميتة ضحك علي اختها :انا بقول تقفلي قبل ما تفضلي تغلطي ومامي تسمعك بدل ما نبعتك عروسه لأحمد نبعتك جثه يدفنك
سيلا بغيظ :بعد الشر ان شاء الله البت مرام زميلته الملزقة دي المهم تعالي بقي يا لين ماتسبنيش عاوزه اشتري حاجات ليه وانا يعجبني زؤقك انتي عاوزكي معايا
لين :ياخبر يا سيلا كل اللي عندك دا وتشتري تاني دا انتي اشتريتي الكويت كلها سيبي حاجه لأهل البلد يا بنتي
سيلا :انتي مالك يا برده انتي دافعه حاجه من جيبك هستناكي ولو ماجتيش يا لين شوفي انا هعمل فيكي ايه وانتي عارفه
لين : لا وعلي ايه الطيب احسن خالص انزلي وأبعتيلي السواق بعربيتي وعرفيني انتم فين وانا هجليكم هناك يلا سلام
الاء :ايه دا انتي هتروحي
لين :سوري يا بنات سيلا عاوزه تشتري حاجات لجوازها وانتم عارفين لو مرحتش ممكن تعمل فيه ايه
صافيه :لا يا حبيبتي روحي احسن دي ممكن تعمل فينا كلنا واختك ايدها تقيله اوي
شوشو :خلاص احنا نروح النهارده كلنا عشان انا كمان هموت وانام ونتقابل بكرا من اول اليوم ونقضيه سوأ
البنات سوأ : اوكي اتفقنا
وكل منهم تروح وتركب عربيتها
تروح لين المول ال فيه مامتها واختها و يقضوا اليوم بره ويرجعوا بالليل الساعة 11
لين بتعب : حرام عليكي يا سيلا ايه كل دا انتي ماسبتيش مكان ولا حاجه ماشترتيش
سيلا : لا طبعا لسه كان فيه اماكن عاوزه اروحها
منى : ايه يا بنتي ليه دا كله توديه فين دا انتي عاوزه شقه لوحدك للهدوم بس
سيلا وهي بترسم الزعل : يوه بقي يا مامي مش عروسه
يدخل امير وفؤاد ويسمعوا كلمتها
امير :عروسه مين ايه يا بت الرقة دي ماعرفتكيش
سيلا : انت مالك يا رخم وبعدين طبعا احلي عروسه ورقيقه بكرا نشوف مجيبك
منى :بنت أتكلمي كويس
سيلا بغيظ :سوري يا مامي
امير وهو بيقعد جمب لين ويضحك هو وهي : يعجبني فيكي شاجعتك
سيلا وهي تتوعد له : لما نطلع فوق هشوف شجاعتك
فؤاد : محدش له دعوي ب ياسو دي ارق واجمل عروسه في الكون كله
سيلا وهي بتقعد في بحضنه : حبيبي يا بابتي يامدلعني انت
فؤاد : ها يا ياسو خلصتي كل حاجه عاوزها يا عروسة
سيلا : يعني ناقص شويه حاجات كده
لين بضحك : ايوه يا بابي ناقص تشتري حيطان المولات وتأخذها معها
سيلا بتريقه : هاهاهاها ضحكتينا يا لطيفه وبعدين انتي مالك بابي قالي اشتري كل النفسي فيه صح يا بابتي
فؤاد :.طبعا انا عندي اغلي منك انتي و لينتي ويفتح ذراعه ليضم بناته الاثنين
الصباح
تلفون لين بيرن تصحي وتمسك الفون
لين :الووا
شوشو :انتي لسه نايمه اصحي يا بنتي بقي ورانا خروج
لين :اممممم اوكي هصحي اهو
شوشو : تمام يا حبيبتي اجهزي علي ما اجيلك بسيارة
لين: طيب ليه نتفق نتقابل فين واجي بعربيتي
شوشو : لا خلينا بعربيه واحده مع بعض احسن انا هفوت عليكم
لين : اوكي اتفقنا كلمي البنات بقي كمان
شوشو :حصل يا حبيبتي من بدري انا سيبتك اخر واحده عشان ترتاحي شويه
لين: حبيبتي يا شوشو يلا باي هستنا كي
تصحي لين وتدخل تاخد شور وتلبس وتصلي وتخرج تلقي مامتها و سيلا بره
لين : صباح الخير وتبوس مامتها
منى :صباح النور يا حبيبتي ايه مصحيكي بدري انا مرضيتش أصحيكي قولت اسيبك ترتاحي
سيلا بغيظ : ياسلام اشمعني انا بتصحيني وتزعلي لو نمت وارتحت
لين بضحك :انا لسه مخلصه امتحانات لكن انتي بتصحي متأخر بسبب كتر كلامك في التلفون.. واحمد يا حبيبي اللي بفضل صاحي وهيموت وينام ومش عارف منك
سيلا وهي تحدفها بمخدة :متقوليش علي احمد حبيبك يا بت انت احمد حبيبي انا بس
منى : ولم هو حبيبك ارحميه شويه خالتك بتكلميني بتقولي خسس ومش بينام كويس مرضيتش تقولي بسبب بنتك ارحمي الولد شويه
سيلا بضيق : يووووه بقي هو كان اشتكي لحد فيكم احنا بنحب نسهر سوأ
لين بضحك : ربنا يصبرك يا ابن خالتي والله صعبان عليه من اللي مصيبه ال جبها لنفسه لما خطبك
سيلا وهي تجري وراء لين ولين تجري تهرب منه
سيلا: تعالي هنا والله لموتك
لين وهي تجري علي الباب وتهرب منها : مامي انا خارجه هتصل بيكي اقولك انا فين
منى :مش هاتفطري
بس لين مرديتش وجريت قبل ما سيلا توصلها
البنات وهم قاعدين سوأ في كافيه يفطروا
صافيه بزهق : انا زهقانه وعاوزه اعمل حاجه مجنونه اعملوا حسابكم
الاء : هنعمل ايه هنا احنا لو عملنا اي تصرف هنا يوصل البيت قبل ما احنا نوصل
لين بابتسامه : طيب ايه رائيكم نطلع بره الكويت
البنات سوأ :هنروح فين يعني
لين :نروح دبي
البنات وهم بيبصوا لبعض
الاء :ازي واهلنا مش هيوافقو يسبونا نروح
لين : ومين قال نقول لحد مش بنقول حاجه مجنونه هو في اجن من كده
صافيه بخوف : لا لا دا اكتر من جنان مقدرش
شوشو وهي تقف بابتسامه : انا موفقه يلا بينا
لين تقف معها : يلا حد تاني جي
الاء وهي بتبص لصافيه : ها يا صافي
صافيه : يعني هو من امتي حد فينا بيروح في داهيه لوحده يلا كلنا نروح سوأ
ويقفوا كلهم ويبصوا لبعض ويضحكوا وبعدها يتحركوا للمطار في عربيه شوشو
شوشو وهي بتسوق : طيب هنعمل ايه
لين :هنروح نعرف اول رحله ونحجز فيها و نقضي اليوم و نرجع علي بيوتنا من غير لا حس ولا خبر زي ما نكون نتفسح هنا في الكويت
شوشو : والسيارة
لين : ها نسيبها في المطار طبعا عشان نروح بيها
وفعلا وصلوا للمطار وحجزوا وطلعوا الطيارة وقلوبهم بدق من الخوف
صافيه : لا لا انا هنزل كده جنان غير كل مره
لين وهي تمسكها:. اقعدي بقي خالص احنا ركبنا وحجزنا رجوع الساعة 8 هنكون في الكويت اسكتي بقي
شوشو : والله لو طلال عرف ل يطلقني ( طلال ابن عم شوشو وكاتب كتابه عليها من سنه )
الاء و هي تمثل القوه زي لين : خلاص بقي اسكتي هو يوم وهننبسط فيه
وتطير الطيارة لدبي وكل من البنات جوها خوف
وبعد فتره صغير تصل الطائرة لمطار دبي وينزلوا البنات
الاء : ها هنعمل ايه دلوقتي مش معقول هنفضل في المطار
لين :هناخد تاكسي ل برج خليفه نعمل شوبنج ونتغدا ونرجع للمطار
وفعلا يتحركوا ويخرجوا ويفضلوا يتفسحوا ويضحكوا ويبقي يوم حلو اوي مابطلوش ضحك وجنان واشتروا حاجات كتير ولين اشترت كل الهداية العاوزها عشان اهلها في مصر
صافي بابتسامه : لينو انتي مش هتشتري هديه ل سليم
لين وهي بتهرب بعينها بعيد عنهم : لا وانا اشتري ليه هديه بتاع ايه
شوشو بتريقه : يعني عشان جيران نناه و اخو صحبتك بس ومش معجبه بيه ولا بتحب بيه ابدا خالص
لين وهي لسه بتهرب منهم: لا انا جيبت هديه بس ل شروق اخته لكن اجيب ليه هو ليه بتاع ايه يعني
الاء : اممممم و البرفان العود الرجالي التحفه ال كنتي بتشتريه من شويه لمين بقي
ينقذ لين قبل ما ترد رنين تلفون شوشو
لتصرخ شوشو : اووووف الحقوني طلال طلال اكيد عرف
صافيه وهي هتعيط من الخوف :مترديش مترديش
لين وهي تحاول تظهر شجاعة وهي من جوه مرعبه :. لا طبعا ردي عليه ولو سالك احنا فين قوليله في مركز التجميل بتاع نفين وانا هكلم نفين اقولها لو حد سألها احنا عندها
شوشو ترد وهي بداري خوفها : اهلين طلال
طلال : اهلا بحبيبتي وقلبي وزوجتي ونور عيوني
شوشو وهي تتنهد مطمئنه انه معرفش حاجه : يسلملي الغالي
طلال :وينك شوشو اشتقتلك عيوني
شوشو : انا مع البنات في مركز التجميل حبيبي
طلال :كنت عاوز نتغدا سوأ
شوشو معلش حبيبي خلينا بكرا بتعرف لينو مسافره وهنقضي اليوم سوأ
طلال : اوكي حبيبتي ابقي طمنيني عليك وسلمي علي البنات
وتقفل شوشو معه وهي بتتنهد بارتياح هي والبنات ال كانوا سامعين المكلمة ودمهم هرب منهم بس توصل لها رساله من طلال علي واتساب بكلمه (بحبك
